| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
၄. စတုတ္ထပာရာဇိကံ
4. Catutthapārājikaṃ
ဝဂ္ဂုမုဒာတီရိယဘိက္ခုဝတ္ထုဝဏ္ဏနာ
Vaggumudātīriyabhikkhuvatthuvaṇṇanā
၁၉၃. စတုတ္ထေ ဝဂ္ဂု စ သာ မောဒယတိ စ သတ္တေတိ ဝဂ္ဂုမုဒာ။ ‘‘ဝဂ္ဂုမဒာ’’တိပိ ပာဌော, တသ္သ ဝဂ္ဂု စ သာ ပသန္နသုဒ္ဓတရင္ဂသမိဒ္ဓတ္တာ သုခုမာ စာတိ အတ္ထော ဇီဝိတဝဂ္ဂုတ္ထနိတာ ဇီဝိတတ္ထန္တိ နီလုပ္ပလန္တိအာဒီသု ဝိယ။ မဒသ္သာတိ စ ဗဟုခဇ္ဇဘောဇ္ဇပာနာဒိသမိဒ္ဓာ နဒီ ဆဏဒိဝသေသူတိ နိရုတ္တိ ဝေဒိတဗ္ဗာ။ ဝဂ္ဂု ပရိသုဒ္ဓာတိ လောကေန သမ္မတာတိ ကိရ အတ္ထော။ ဘာသိတော ဘဝိသ္သတီတိ ပာဌသေသော။
193. Catutthe vaggu ca sā modayati ca satteti vaggumudā. ‘‘Vaggumadā’’tipi pāṭho, tassa vaggu ca sā pasannasuddhataraṅgasamiddhattā sukhumā cāti attho jīvitavaggutthanitā jīvitatthanti nīluppalantiādīsu viya. Madassāti ca bahukhajjabhojjapānādisamiddhā nadī chaṇadivasesūti nirutti veditabbā. Vaggu parisuddhāti lokena sammatāti kira attho. Bhāsito bhavissatīti pāṭhaseso.
၁၉၄-၅. ဝဏ္ဏဝာ ဝဏ္ဏဝန္တော ဝဏ္ဏဝန္တာနီတိပိ သိဇ္ဈတိ ကိရ ဗဟုဝစနေန။ ယသ္မာ ဣန္ဒ္ရိယာနံ ဦနတ္တံ, ပူရတ္တံ ဝာ နတ္ထိ, တသ္မာ ‘‘အဘိနိဝိဋ္ဌောကာသသ္သ ပရိပုဏ္ဏတ္တာ’’တိ ဝုတ္တံ။ ဆဋ္ဌသ္သ အဘိနိဝိဋ္ဌောကာသော ဟဒယဝတ္ထု။ စတုဣရိယာပထစက္ကေ ပာကတိန္ဒ္ရိယေ။ အတ္တနော ဒဟတီတိ အတ္တနာ ဒဟတိ, အတ္တနာ ပဋိဝိဒ္ဓံ ကတ္ဝာ ပဝေဒေတီတိ အဓိပ္ပာယော။ သန္တန္တိ ဝတ္တမာနံ။ ဂောတ္ရဘုနောတိ ဂောတ္တမတ္တံ အနုဘဝတ္တာ နာမမတ္တကမေဝာတိ အတ္ထော။
194-5. Vaṇṇavā vaṇṇavanto vaṇṇavantānītipi sijjhati kira bahuvacanena. Yasmā indriyānaṃ ūnattaṃ, pūrattaṃ vā natthi, tasmā ‘‘abhiniviṭṭhokāsassa paripuṇṇattā’’ti vuttaṃ. Chaṭṭhassa abhiniviṭṭhokāso hadayavatthu. Catuiriyāpathacakke pākatindriye. Attano dahatīti attanā dahati, attanā paṭividdhaṃ katvā pavedetīti adhippāyo. Santanti vattamānaṃ. Gotrabhunoti gottamattaṃ anubhavattā nāmamattakamevāti attho.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၄. စတုတ္ထပာရာဇိကံ • 4. Catutthapārājikaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၄. စတုတ္ထပာရာဇိကံ • 4. Catutthapārājikaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ဝဂ္ဂုမုဒာတီရိယဘိက္ခုဝတ္ထုဝဏ္ဏနာ • Vaggumudātīriyabhikkhuvatthuvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဝဂ္ဂုမုဒာတီရိယဘိက္ခုဝတ္ထုဝဏ္ဏနာ • Vaggumudātīriyabhikkhuvatthuvaṇṇanā
