| Library / Tipiṭaka / തിപിടക • Tipiṭaka / വജിരബുദ്ധി-ടീകാ • Vajirabuddhi-ṭīkā |
൪. ചതുത്ഥപാരാജികം
4. Catutthapārājikaṃ
വഗ്ഗുമുദാതീരിയഭിക്ഖുവത്ഥുവണ്ണനാ
Vaggumudātīriyabhikkhuvatthuvaṇṇanā
൧൯൩. ചതുത്ഥേ വഗ്ഗു ച സാ മോദയതി ച സത്തേതി വഗ്ഗുമുദാ. ‘‘വഗ്ഗുമദാ’’തിപി പാഠോ, തസ്സ വഗ്ഗു ച സാ പസന്നസുദ്ധതരങ്ഗസമിദ്ധത്താ സുഖുമാ ചാതി അത്ഥോ ജീവിതവഗ്ഗുത്ഥനിതാ ജീവിതത്ഥന്തി നീലുപ്പലന്തിആദീസു വിയ. മദസ്സാതി ച ബഹുഖജ്ജഭോജ്ജപാനാദിസമിദ്ധാ നദീ ഛണദിവസേസൂതി നിരുത്തി വേദിതബ്ബാ. വഗ്ഗു പരിസുദ്ധാതി ലോകേന സമ്മതാതി കിര അത്ഥോ. ഭാസിതോ ഭവിസ്സതീതി പാഠസേസോ.
193. Catutthe vaggu ca sā modayati ca satteti vaggumudā. ‘‘Vaggumadā’’tipi pāṭho, tassa vaggu ca sā pasannasuddhataraṅgasamiddhattā sukhumā cāti attho jīvitavaggutthanitā jīvitatthanti nīluppalantiādīsu viya. Madassāti ca bahukhajjabhojjapānādisamiddhā nadī chaṇadivasesūti nirutti veditabbā. Vaggu parisuddhāti lokena sammatāti kira attho. Bhāsito bhavissatīti pāṭhaseso.
൧൯൪-൫. വണ്ണവാ വണ്ണവന്തോ വണ്ണവന്താനീതിപി സിജ്ഝതി കിര ബഹുവചനേന. യസ്മാ ഇന്ദ്രിയാനം ഊനത്തം, പൂരത്തം വാ നത്ഥി, തസ്മാ ‘‘അഭിനിവിട്ഠോകാസസ്സ പരിപുണ്ണത്താ’’തി വുത്തം. ഛട്ഠസ്സ അഭിനിവിട്ഠോകാസോ ഹദയവത്ഥു. ചതുഇരിയാപഥചക്കേ പാകതിന്ദ്രിയേ. അത്തനോ ദഹതീതി അത്തനാ ദഹതി, അത്തനാ പടിവിദ്ധം കത്വാ പവേദേതീതി അധിപ്പായോ. സന്തന്തി വത്തമാനം. ഗോത്രഭുനോതി ഗോത്തമത്തം അനുഭവത്താ നാമമത്തകമേവാതി അത്ഥോ.
194-5. Vaṇṇavā vaṇṇavanto vaṇṇavantānītipi sijjhati kira bahuvacanena. Yasmā indriyānaṃ ūnattaṃ, pūrattaṃ vā natthi, tasmā ‘‘abhiniviṭṭhokāsassa paripuṇṇattā’’ti vuttaṃ. Chaṭṭhassa abhiniviṭṭhokāso hadayavatthu. Catuiriyāpathacakke pākatindriye. Attano dahatīti attanā dahati, attanā paṭividdhaṃ katvā pavedetīti adhippāyo. Santanti vattamānaṃ. Gotrabhunoti gottamattaṃ anubhavattā nāmamattakamevāti attho.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവിഭങ്ഗ • Mahāvibhaṅga / ൪. ചതുത്ഥപാരാജികം • 4. Catutthapārājikaṃ
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവിഭങ്ഗ-അട്ഠകഥാ • Mahāvibhaṅga-aṭṭhakathā / ൪. ചതുത്ഥപാരാജികം • 4. Catutthapārājikaṃ
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / വഗ്ഗുമുദാതീരിയഭിക്ഖുവത്ഥുവണ്ണനാ • Vaggumudātīriyabhikkhuvatthuvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / വഗ്ഗുമുദാതീരിയഭിക്ഖുവത്ഥുവണ്ണനാ • Vaggumudātīriyabhikkhuvatthuvaṇṇanā
