| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
ਅਙ੍ਗੁਤ੍ਤਰਨਿਕਾਯੇ
Aṅguttaranikāye
ਦੁਕਨਿਪਾਤ-ਟੀਕਾ
Dukanipāta-ṭīkā
੧. ਪਠਮਪਣ੍ਣਾਸਕਂ
1. Paṭhamapaṇṇāsakaṃ
੧. ਕਮ੍ਮਕਾਰਣવਗ੍ਗੋ
1. Kammakāraṇavaggo
੧. વਜ੍ਜਸੁਤ੍ਤવਣ੍ਣਨਾ
1. Vajjasuttavaṇṇanā
੧. ਦੁਕਨਿਪਾਤਸ੍ਸ ਪਠਮੇ ਪਹਾਰਸਾਧਨਤ੍ਥਨ੍ਤਿ ਦਣ੍ਡਪ੍ਪਹਾਰਸ੍ਸ ਸੁਖਸਿਦ੍ਧਿ-ਅਤ੍ਥਂ। ਕਞ੍ਜਿਤੋ ਨਿਬ੍ਬਤ੍ਤਂ ਕਞ੍ਜਿਯਂ, ਆਰਨਾਲਂ, ਯਂ ਬਿਲਙ੍ਗਨ੍ਤਿਪਿ વੁਚ੍ਚਤਿ, ਤਂ ਯਤ੍ਥ ਸਿਞ੍ਚਤਿ, ਸਾ ਕਞ੍ਜਿਯਉਕ੍ਖਲਿਕਾ ਬਿਲਙ੍ਗਥਾਲਿਕਾ, ਤਂਸਦਿਸਂ ਕਾਰਣਂ ਬਿਲਙ੍ਗਥਾਲਿਕਂ। ਸੀਸਕਟਾਹਂ ਉਪ੍ਪਾਟੇਤ੍વਾਤਿ ਅਯੋਗੁਲ਼ਪ੍ਪવੇਸਪ੍ਪਮਾਣਂ ਛਿਦ੍ਦਂ ਕਤ੍વਾ। ਸਙ੍ਖਮੁਣ੍ਡਕਮ੍ਮਕਾਰਣਨ੍ਤਿ ਸਙ੍ਖਂ વਿਯ ਮੁਣ੍ਡਕਰਣਂ ਕਮ੍ਮਕਾਰਣਂ। ਰਾਹੁਮੁਖਕਮ੍ਮਕਾਰਣਨ੍ਤਿ ਰਾਹੁਮੁਖਗਤਸੂਰਿਯਸਦਿਸਕਮ੍ਮਕਾਰਣਂ।
1. Dukanipātassa paṭhame pahārasādhanatthanti daṇḍappahārassa sukhasiddhi-atthaṃ. Kañjito nibbattaṃ kañjiyaṃ, āranālaṃ, yaṃ bilaṅgantipi vuccati, taṃ yattha siñcati, sā kañjiyaukkhalikā bilaṅgathālikā, taṃsadisaṃ kāraṇaṃ bilaṅgathālikaṃ. Sīsakaṭāhaṃ uppāṭetvāti ayoguḷappavesappamāṇaṃ chiddaṃ katvā. Saṅkhamuṇḍakammakāraṇanti saṅkhaṃ viya muṇḍakaraṇaṃ kammakāraṇaṃ. Rāhumukhakammakāraṇanti rāhumukhagatasūriyasadisakammakāraṇaṃ.
ਜੋਤਿਮਾਲਿਕਨ੍ਤਿ ਜੋਤਿਮਾਲવਨ੍ਤਂ ਕਮ੍ਮਕਾਰਣਂ। ਹਤ੍ਥਪਜ੍ਜੋਤਿਕਨ੍ਤਿ ਹਤ੍ਥਸ੍ਸ ਪਜ੍ਜੋਤਨਕਮ੍ਮਕਾਰਣਂ। ਏਰਕવਤ੍ਤਕਮ੍ਮਕਾਰਣਨ੍ਤਿ ਏਰਕવਤ੍ਤਸਦਿਸੇ ਸਰੀਰਤੋ ਚਮ੍ਮવਤ੍ਤੇ ਉਪ੍ਪਾਟਨਕਮ੍ਮਕਾਰਣਂ। ਚੀਰਕવਾਸਿਕਕਮ੍ਮਕਾਰਣਨ੍ਤਿ ਸਰੀਰਤੋ ਉਪ੍ਪਾਟਿਤવਤ੍ਤਚੀਰਕੇਹਿ ਨਿવਾਸਾਪਨਕਮ੍ਮਕਾਰਣਂ। ਤਂ ਕਰੋਨ੍ਤਾ ਯਥਾ ਗੀવਤੋ ਪਟ੍ਠਾਯ વਦ੍ਧੇ ਕਨ੍ਤਿਤ੍વਾ ਕਟਿਯਂ ਠਪੇਨ੍ਤਿ, ਏવਂ ਗੋਪ੍ਫਕਤੋ ਪਟ੍ਠਾਯ ਕਨ੍ਤਿਤ੍વਾਪਿ ਕਟਿਯਮੇવ ਠਪੇਨ੍ਤਿ। ਅਟ੍ਠਕਥਾਯਂ ਪਨ ‘‘ਕਟਿਤੋ ਪਟ੍ਠਾਯ ਕਨ੍ਤਿਤ੍વਾ ਗੋਪ੍ਫਕੇਸੁ ਠਪੇਨ੍ਤੀ’’ਤਿ વੁਤ੍ਤਂ। ਏਣੇਯ੍ਯਕਕਮ੍ਮਕਾਰਣਨ੍ਤਿ ਏਣਿਮਿਗਸਦਿਸਕਮ੍ਮਕਾਰਣਂ। ਅਯવਲਯਾਨਿ ਦਤ੍વਾਤਿ ਅਯવਲਯਾਨਿ ਪਟਿਮੁਞ੍ਚਿਤ੍વਾ। ਅਯਸੂਲਾਨਿ ਕੋਟ੍ਟੇਨ੍ਤੀਤਿ ਕਪ੍ਪਰਜਣ੍ਣੁਕਕੋਟੀਸੁ ਅਯਸੂਲਾਨਿ ਪવੇਸੇਨ੍ਤਿ। ਤਨ੍ਤਿ ਤਂ ਤਥਾਕਤਕਮ੍ਮਕਾਰਣਂ ਸਤ੍ਤਂ।
Jotimālikanti jotimālavantaṃ kammakāraṇaṃ. Hatthapajjotikanti hatthassa pajjotanakammakāraṇaṃ. Erakavattakammakāraṇanti erakavattasadise sarīrato cammavatte uppāṭanakammakāraṇaṃ. Cīrakavāsikakammakāraṇanti sarīrato uppāṭitavattacīrakehi nivāsāpanakammakāraṇaṃ. Taṃ karontā yathā gīvato paṭṭhāya vaddhe kantitvā kaṭiyaṃ ṭhapenti, evaṃ gopphakato paṭṭhāya kantitvāpi kaṭiyameva ṭhapenti. Aṭṭhakathāyaṃ pana ‘‘kaṭito paṭṭhāya kantitvā gopphakesu ṭhapentī’’ti vuttaṃ. Eṇeyyakakammakāraṇanti eṇimigasadisakammakāraṇaṃ. Ayavalayāni datvāti ayavalayāni paṭimuñcitvā. Ayasūlāni koṭṭentīti kapparajaṇṇukakoṭīsu ayasūlāni pavesenti. Tanti taṃ tathākatakammakāraṇaṃ sattaṃ.
ਬਲ਼ਿਸਮਂਸਿਕਨ੍ਤਿ ਬਲਿਸੇਹਿ ਮਂਸੁਪ੍ਪਾਟਨਕਮ੍ਮਕਾਰਣਂ। ਕਹਾਪਣਿਕਨ੍ਤਿ ਕਹਾਪਣਮਤ੍ਤਸੋ ਛਿਨ੍ਦਨਕਮ੍ਮਕਾਰਣਂ। ਕੋਟ੍ਟੇਨ੍ਤੀਤਿ ਛਿਨ੍ਦਨ੍ਤਿ। ਖਾਰਾਪਤਚ੍ਛਿਕਨ੍ਤਿ ਤਚ੍ਛੇਤ੍વਾ ਖਾਰਾਪਸਿਞ੍ਚਨਕਮ੍ਮਕਾਰਣਂ। ਪਲਿਘਪਰਿવਤ੍ਤਿਕਨ੍ਤਿ ਪਲਿਘਸ੍ਸ વਿਯ ਪਰਿવਤ੍ਤਨਕਮ੍ਮਕਾਰਣਂ। ਏਕਾਬਦ੍ਧਂ ਕਰੋਨ੍ਤਿ ਅਯਸੂਲਸ੍ਸ ਕੋਟ੍ਟਨੇਨ। ਪਲਾਲਪੀਠਕਨ੍ਤਿ ਪਲਾਲਪੀਠਸ੍ਸ વਿਯ ਸਰੀਰਸ੍ਸ ਸਂવੇਲ੍ਲਨਕਮ੍ਮਕਾਰਣਂ। ਕਾਰਣਿਕਾਤਿ ਘਾਤਨਕਾਰਕਾ। ਪਲਾਲવਟ੍ਟਿਂ વਿਯ ਕਤ੍વਾਤਿ ਯਥਾ ਪਲਾਲਪੀਠਂ ਕਰੋਨ੍ਤਾ ਪਲਾਲਂ વਟ੍ਟਿਂ ਕਤ੍વਾ ਸਂવੇਲ੍ਲਨવਸੇਨ ਪੁਨ વੇਠੇਨ੍ਤਿ, ਏવਂ ਕਰੋਨ੍ਤੀਤਿ ਅਤ੍ਥੋ। ਛਾਤਕਸੁਨਖੇਹੀਤਿ ਖੁਦ੍ਦਕੇਹਿ ਕੋਲੇਯ੍ਯਕਸੁਨਖੇਹਿ। ਤੇ ਹਿ ਬਲવਨ੍ਤਾ ਜવਯੋਗਾ ਸੂਰਾ ਚ ਹੋਨ੍ਤਿ। ਸਹਸ੍ਸਭਣ੍ਡਿਕਨ੍ਤਿ ਸਹਸ੍ਸਤ੍ਥવਿਕਂ।
Baḷisamaṃsikanti balisehi maṃsuppāṭanakammakāraṇaṃ. Kahāpaṇikanti kahāpaṇamattaso chindanakammakāraṇaṃ. Koṭṭentīti chindanti. Khārāpatacchikanti tacchetvā khārāpasiñcanakammakāraṇaṃ. Palighaparivattikanti palighassa viya parivattanakammakāraṇaṃ. Ekābaddhaṃ karonti ayasūlassa koṭṭanena. Palālapīṭhakanti palālapīṭhassa viya sarīrassa saṃvellanakammakāraṇaṃ. Kāraṇikāti ghātanakārakā. Palālavaṭṭiṃ viya katvāti yathā palālapīṭhaṃ karontā palālaṃ vaṭṭiṃ katvā saṃvellanavasena puna veṭhenti, evaṃ karontīti attho. Chātakasunakhehīti khuddakehi koleyyakasunakhehi. Te hi balavantā javayogā sūrā ca honti. Sahassabhaṇḍikanti sahassatthavikaṃ.
ਯਾਹਨ੍ਤਿ ਯਂ ਅਹਂ। ਯਨ੍ਤਿ ਚ ਕਾਰਣવਚਨਂ। ਤੇਨਾਹ ‘‘ਯੇਨ ਅਹ’’ਨ੍ਤਿ। ਛਿਨ੍ਨਮੂਲਕੇਤਿ ਤਣ੍ਹਾਮੂਲਸ੍ਸ ਉਚ੍ਛਿਨ੍ਨਤ੍ਤਾ ਸਞ੍ਛਿਨ੍ਨਮੂਲਕੇ।
Yāhanti yaṃ ahaṃ. Yanti ca kāraṇavacanaṃ. Tenāha ‘‘yena aha’’nti. Chinnamūlaketi taṇhāmūlassa ucchinnattā sañchinnamūlake.
વਜ੍ਜਸੁਤ੍ਤવਣ੍ਣਨਾ ਨਿਟ੍ਠਿਤਾ।
Vajjasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. વਜ੍ਜਸੁਤ੍ਤਂ • 1. Vajjasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧. વਜ੍ਜਸੁਤ੍ਤવਣ੍ਣਨਾ • 1. Vajjasuttavaṇṇanā
