| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
4. வஜ்ஜியமாஹிதஸுத்தவண்ணனா
4. Vajjiyamāhitasuttavaṇṇanā
94. சதுத்தே² வஜ்ஜியமாஹிதோதி ஏவங்னாமகோ. ஸப்³ப³ங் தபந்தி ஸப்³ப³மேவ து³க்கரகாரிகங். ஸப்³ப³ங் தபஸ்ஸிந்தி ஸப்³ப³ங் தபனிஸ்ஸிதகங். லூகா²ஜீவிந்தி து³க்கரகாரிகஜீவிகானுயோக³ங் அனுயுத்தங். கா³ரய்ஹந்தி க³ரஹிதப்³ப³யுத்தகங். பஸங்ஸியந்தி பஸங்ஸிதப்³ப³யுத்தகங். வேனயிகோதி ஸயங் அவினீதோ அஞ்ஞேஹி வினேதப்³போ³. அபஞ்ஞத்திகோதி ந கிஞ்சி பஞ்ஞாபேதுங் ஸக்கோதி. அத² வா வேனயிகோதி ஸத்தவினாஸகோ. அபஞ்ஞத்திகோதி அபச்சக்க²ங் நிப்³பா³னங் பஞ்ஞாபேதி, ஸயங்கதாதீ³ஸு கிஞ்சி பஞ்ஞாபேதுங் ந ஸக்கோதி. ந ஸோ ப⁴க³வா வேனயிகோதி ஸோ ப⁴க³வா ஏவங் யாதா²வதோ ஞத்வா குஸலாகுஸலங் பஞ்ஞாபெந்தோ ந அஞ்ஞேன வினேதப்³போ³ ந அஞ்ஞஸிக்கி²தோ. யே ச த⁴ம்மே உபாதா³ய ஸத்தோ பஞ்ஞாபியதி, தேஸங் பஞ்ஞாபனதோ ந ஸத்தவினாஸகோ, ஸுவினீதோ ஸுஸிக்கி²தோ ஸத்தவினாயகோதி அத்தோ². தஸ்ஸ ச பஞ்ஞத்தியோ ஸபஞ்ஞத்தியோயேவாதி த³ஸ்ஸேதி. விமுத்திங் விமுச்சதோ அகுஸலா த⁴ம்மாதி மிச்சா²தி³ட்டி²ஸங்கா²தங் சித்தஸ்ஸ அதி⁴முத்திங் அதி⁴முச்சதோ அகுஸலா த⁴ம்மா வட்³ட⁴ந்தி நாம, தங் ஸந்தா⁴யேதங் வுத்தங். ஸாஸனே பன சித்தஸ்ஸ விமுத்திஸங்கா²தோ விமுத்தி குஸலானங்யேவ பச்சயோ ஹோதி.
94. Catutthe vajjiyamāhitoti evaṃnāmako. Sabbaṃ tapanti sabbameva dukkarakārikaṃ. Sabbaṃ tapassinti sabbaṃ tapanissitakaṃ. Lūkhājīvinti dukkarakārikajīvikānuyogaṃ anuyuttaṃ. Gārayhanti garahitabbayuttakaṃ. Pasaṃsiyanti pasaṃsitabbayuttakaṃ. Venayikoti sayaṃ avinīto aññehi vinetabbo. Apaññattikoti na kiñci paññāpetuṃ sakkoti. Atha vā venayikoti sattavināsako. Apaññattikoti apaccakkhaṃ nibbānaṃ paññāpeti, sayaṃkatādīsu kiñci paññāpetuṃ na sakkoti. Na so bhagavā venayikoti so bhagavā evaṃ yāthāvato ñatvā kusalākusalaṃ paññāpento na aññena vinetabbo na aññasikkhito. Ye ca dhamme upādāya satto paññāpiyati, tesaṃ paññāpanato na sattavināsako, suvinīto susikkhito sattavināyakoti attho. Tassa ca paññattiyo sapaññattiyoyevāti dasseti. Vimuttiṃ vimuccato akusalā dhammāti micchādiṭṭhisaṅkhātaṃ cittassa adhimuttiṃ adhimuccato akusalā dhammā vaḍḍhanti nāma, taṃ sandhāyetaṃ vuttaṃ. Sāsane pana cittassa vimuttisaṅkhāto vimutti kusalānaṃyeva paccayo hoti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. வஜ்ஜியமாஹிதஸுத்தங் • 4. Vajjiyamāhitasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-4. காமபோ⁴கீ³ஸுத்தாதி³வண்ணனா • 1-4. Kāmabhogīsuttādivaṇṇanā
