| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੩. ਤਤਿਯਪਣ੍ਣਾਸਕਂ
3. Tatiyapaṇṇāsakaṃ
(੧੧) ੧. વਲਾਹਕવਗ੍ਗੋ
(11) 1. Valāhakavaggo
੧-੨. વਲਾਹਕਸੁਤ੍ਤਦ੍વਯવਣ੍ਣਨਾ
1-2. Valāhakasuttadvayavaṇṇanā
੧੦੧-੨. ਤਤਿਯਪਣ੍ਣਾਸਕਸ੍ਸ ਪਠਮੇ ਗਜ੍ਜਿਤਾਤਿ ਥਨਿਤਾ। ਤਤ੍ਥ ਗਜ੍ਜਿਤ੍વਾ ਨੋવਸ੍ਸਨਭਾવੋ ਨਾਮ ਪਾਪਕੋ। ਮਨੁਸ੍ਸਾ ਹਿ ਯਦਾ ਦੇવੋ ਗਜ੍ਜਤਿ, ਤਦਾ ‘‘ਸੁવੁਟ੍ਠਿਤਾ ਭવਿਸ੍ਸਤੀ’’ਤਿ ਬੀਜਾਨਿ ਨੀਹਰਿਤ੍વਾ વਪਨ੍ਤਿ। ਅਥ ਦੇવੇ ਅવਸ੍ਸਨ੍ਤੇ ਖੇਤ੍ਤੇ ਬੀਜਾਨਿ ਖੇਤ੍ਤੇਯੇવ ਨਸ੍ਸਨ੍ਤਿ, ਗੇਹੇ ਬੀਜਾਨਿ ਗੇਹੇਯੇવ ਨਸ੍ਸਨ੍ਤੀਤਿ ਦੁਬ੍ਭਿਕ੍ਖਂ ਹੋਤਿ। ਨੋਗਜ੍ਜਿਤ੍વਾ વਸ੍ਸਨਭਾવੋਪਿ ਪਾਪਕੋ। ਮਨੁਸ੍ਸਾ ਹਿ ਇਮਸ੍ਮਿਂ ਕਾਲੇ ‘‘ਦੁਬ੍ਬੁਟ੍ਠਿਕਾ ਭવਿਸ੍ਸਤੀ’’ਤਿ ਨਿਨ੍ਨਟ੍ਠਾਨੇਸੁਯੇવ વਪ੍ਪਂ ਕਰੋਨ੍ਤਿ। ਅਥ ਦੇવੋ વਸ੍ਸਿਤ੍વਾ ਸਬ੍ਬਬੀਜਾਨਿ ਮਹਾਸਮੁਦ੍ਦਂ ਪਾਪੇਤਿ, ਦੁਬ੍ਭਿਕ੍ਖਮੇવ ਹੋਤਿ। ਗਜ੍ਜਿਤ੍વਾ વਸ੍ਸਨਭਾવੋ ਪਨ ਭਦ੍ਦਕੋ। ਤਦਾ ਹਿ ਸੁਭਿਕ੍ਖਂ ਹੋਤਿ। ਨੋਗਜ੍ਜਿਤ੍વਾ ਨੋવਸ੍ਸਨਭਾવੋ ਏਕਨ੍ਤਪਾਪਕੋવ। ਭਾਸਿਤਾ ਹੋਤਿ ਨੋ ਕਤ੍ਤਾਤਿ ‘‘ਇਦਾਨਿ ਗਨ੍ਥਧੁਰਂ ਪੂਰੇਸ੍ਸਾਮਿ, વਾਸਧੁਰਂ ਪੂਰੇਸ੍ਸਾਮੀ’’ਤਿ ਕਥੇਤਿਯੇવ, ਨ ਉਦ੍ਦੇਸਂ ਗਣ੍ਹਾਤਿ, ਨ ਕਮ੍ਮਟ੍ਠਾਨਂ ਭਾવੇਤਿ।
101-2. Tatiyapaṇṇāsakassa paṭhame gajjitāti thanitā. Tattha gajjitvā novassanabhāvo nāma pāpako. Manussā hi yadā devo gajjati, tadā ‘‘suvuṭṭhitā bhavissatī’’ti bījāni nīharitvā vapanti. Atha deve avassante khette bījāni khetteyeva nassanti, gehe bījāni geheyeva nassantīti dubbhikkhaṃ hoti. Nogajjitvā vassanabhāvopi pāpako. Manussā hi imasmiṃ kāle ‘‘dubbuṭṭhikā bhavissatī’’ti ninnaṭṭhānesuyeva vappaṃ karonti. Atha devo vassitvā sabbabījāni mahāsamuddaṃ pāpeti, dubbhikkhameva hoti. Gajjitvā vassanabhāvo pana bhaddako. Tadā hi subhikkhaṃ hoti. Nogajjitvā novassanabhāvo ekantapāpakova. Bhāsitā hoti no kattāti ‘‘idāni ganthadhuraṃ pūressāmi, vāsadhuraṃ pūressāmī’’ti kathetiyeva, na uddesaṃ gaṇhāti, na kammaṭṭhānaṃ bhāveti.
ਕਤ੍ਤਾ ਹੋਤਿ ਨੋ ਭਾਸਿਤਾਤਿ ‘‘ਗਨ੍ਥਧੁਰਂ ਪੂਰੇਸ੍ਸਾਮਿ, વਾਸਧੁਰਂ વਾ’’ਤਿ ਨ ਭਾਸਤਿ, ਸਮ੍ਪਤ੍ਤੇ ਪਨ ਕਾਲੇ ਸਮਤ੍ਤਂ ਸਮ੍ਪਾਦੇਤਿ। ਇਮਿਨਾ ਨਯੇਨ ਇਤਰੇਪਿ વੇਦਿਤਬ੍ਬਾ। ਅਥ વਾ ਸਬ੍ਬਂ ਪਨੇਤਂ ਪਚ੍ਚਯਦਾਯਕੇਹੇવ ਕਥਿਤਂ। ਏਕੋ ਹਿ ‘‘ਅਸੁਕਦਿવਸੇ ਨਾਮ ਦਾਨਂ ਦਸ੍ਸਾਮੀ’’ਤਿ ਸਙ੍ਘਂ ਨਿਮਨ੍ਤੇਤਿ, ਸਮ੍ਪਤ੍ਤੇ ਕਾਲੇ ਨੋ ਕਰੋਤਿ। ਅਯਂ ਪੁਗ੍ਗਲੋ ਪੁਞ੍ਞੇਨ ਪਰਿਹਾਯਤਿ, ਭਿਕ੍ਖੁਸਙ੍ਘੋ ਪਨ ਲਾਭੇਨ ਪਰਿਹਾਯਤਿ। ਅਪਰੋ ਸਙ੍ਘਂ ਅਨਿਮਨ੍ਤੇਤ੍વਾ ਸਕ੍ਕਾਰਂ ਕਤ੍વਾ ‘‘ਭਿਕ੍ਖੂ ਆਨੇਸ੍ਸਾਮੀ’’ਤਿ ਨ ਲਭਿ, ਸਬ੍ਬੇ ਅਞ੍ਞਤ੍ਥ ਨਿਮਨ੍ਤਿਤਾ ਹੋਨ੍ਤਿ। ਅਯਮ੍ਪਿ ਪੁਞ੍ਞੇਨ ਪਰਿਹਾਯਤਿ, ਸਙ੍ਘੋਪਿ ਲਾਭੇਨ ਪਰਿਹਾਯਤਿ। ਅਪਰੋ ਪਠਮਂ ਸਙ੍ਘਂ ਨਿਮਨ੍ਤੇਤ੍વਾ ਪਚ੍ਛਾ ਸਕ੍ਕਾਰਂ ਕਤ੍વਾ ਦਾਨਂ ਦੇਤਿ, ਅਯਂ ਕਿਚ੍ਚਕਾਰੀ ਹੋਤਿ। ਅਪਰੋ ਨੇવ ਸਙ੍ਘਂ ਨਿਮਨ੍ਤੇਤਿ, ਨ ਦਾਨਂ ਦੇਤਿ, ਅਯਂ ਪਾਪਪੁਗ੍ਗਲੋਤਿ વੇਦਿਤਬ੍ਬੋ। ਦੁਤਿਯਂ ਉਤ੍ਤਾਨਮੇવ।
Kattā hoti no bhāsitāti ‘‘ganthadhuraṃ pūressāmi, vāsadhuraṃ vā’’ti na bhāsati, sampatte pana kāle samattaṃ sampādeti. Iminā nayena itarepi veditabbā. Atha vā sabbaṃ panetaṃ paccayadāyakeheva kathitaṃ. Eko hi ‘‘asukadivase nāma dānaṃ dassāmī’’ti saṅghaṃ nimanteti, sampatte kāle no karoti. Ayaṃ puggalo puññena parihāyati, bhikkhusaṅgho pana lābhena parihāyati. Aparo saṅghaṃ animantetvā sakkāraṃ katvā ‘‘bhikkhū ānessāmī’’ti na labhi, sabbe aññattha nimantitā honti. Ayampi puññena parihāyati, saṅghopi lābhena parihāyati. Aparo paṭhamaṃ saṅghaṃ nimantetvā pacchā sakkāraṃ katvā dānaṃ deti, ayaṃ kiccakārī hoti. Aparo neva saṅghaṃ nimanteti, na dānaṃ deti, ayaṃ pāpapuggaloti veditabbo. Dutiyaṃ uttānameva.
વਲਾਹਕਸੁਤ੍ਤਦ੍વਯવਣ੍ਣਨਾ ਨਿਟ੍ਠਿਤਾ।
Valāhakasuttadvayavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੧. ਪਠਮવਲਾਹਕਸੁਤ੍ਤਂ • 1. Paṭhamavalāhakasuttaṃ
੨. ਦੁਤਿਯવਲਾਹਕਸੁਤ੍ਤਂ • 2. Dutiyavalāhakasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧-੨. વਲਾਹਕਸੁਤ੍ਤਦ੍વਯવਣ੍ਣਨਾ • 1-2. Valāhakasuttadvayavaṇṇanā
