| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. вааласуд̇д̇аван̣н̣анаа
5. Vālasuttavaṇṇanā
1115. бан̃жамз сант̇ааг̇аарзд̇и сиббуг̇г̇ан̣ханасаалааяам̣. убаасанам̣ гаронд̇зд̇и ган̣д̣акибанасиббам̣ гаронд̇з. асанам̣ ад̇ибаад̇знд̇зд̇и ган̣д̣ам̣ ад̇иггамзнд̇з. бон̇каанубон̇канд̇и згам̣ ган̣д̣ам̣ кибид̇ваа яат̇аа асса сарасса бон̇кам̣ виж̇жхад̇и, абарам̣ анубон̇кам̣ наама д̣̇уд̇ияасса бон̇кам̣, буна абарам̣ д̇асса бон̇канд̇и звам̣ ад̇ибаад̇знд̇з ад̣̇д̣̇аса. яад̇ра хи наамаад̇и яз наама. д̣̇урабхисамбхавад̇аранд̇и д̣̇уггарад̇арам̣. сад̇д̇ад̇хаа бхиннасса вааласса годияаа годим̣ бадивиж̇жхзяяаад̇и згам̣ ваалам̣ сад̇д̇ад̇хаа бхинд̣̇ид̇ваа, д̇асса згам̣ бхзд̣̇ам̣ г̇ахзд̇ваа, ваад̇ин̇г̇ан̣амаж̇жхз б̣анд̇хид̇ваа, абарам̣ бхзд̣̇ам̣ ган̣д̣асса аг̇г̇агодияам̣ б̣анд̇хид̇ваа, усабхамад̇д̇з тид̇о ган̣д̣аб̣ад̣̇д̇хааяа годияаа д̇ам̣ ваад̇ин̇г̇ан̣аб̣ад̣̇д̇хагодим̣ бадивиж̇жхзяяаад̇и ад̇т̇о. д̇асмаад̇и яасмаа звам̣ д̣̇уббадивиж̇жхаани жад̇д̇аари сажжаани, д̇асмаа.
1115. Pañcame santhāgāreti sippuggaṇhanasālāyaṃ. Upāsanaṃ karonteti kaṇḍakhipanasippaṃ karonte. Asanaṃ atipātenteti kaṇḍaṃ atikkamente. Poṅkhānupoṅkhanti ekaṃ kaṇḍaṃ khipitvā yathā assa sarassa poṅkhaṃ vijjhati, aparaṃ anupoṅkhaṃ nāma dutiyassa poṅkhaṃ, puna aparaṃ tassa poṅkhanti evaṃ atipātente addasa. Yatra hi nāmāti ye nāma. Durabhisambhavataranti dukkarataraṃ. Sattadhā bhinnassa vālassa koṭiyā koṭiṃ paṭivijjheyyāti ekaṃ vālaṃ sattadhā bhinditvā, tassa ekaṃ bhedaṃ gahetvā, vātiṅgaṇamajjhe bandhitvā, aparaṃ bhedaṃ kaṇḍassa aggakoṭiyaṃ bandhitvā, usabhamatte ṭhito kaṇḍabaddhāya koṭiyā taṃ vātiṅgaṇabaddhakoṭiṃ paṭivijjheyyāti attho. Tasmāti yasmā evaṃ duppaṭivijjhāni cattāri saccāni, tasmā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. вааласуд̇д̇ам̣ • 5. Vālasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. вааласуд̇д̇аван̣н̣анаа • 5. Vālasuttavaṇṇanā
