| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೫. ವಾಲಸುತ್ತವಣ್ಣನಾ
5. Vālasuttavaṇṇanā
೧೧೧೫. ಉಪಾಸನನ್ತಿ ಆಚರಿಯಉಪಾಸನಂ, ಆಚರಿಯಂ ಅನ್ತೇವಾಸಿನಾ ವಾ ದಿವಸೇ ದಿವಸೇ ಸಿಕ್ಖನವಸೇನ ಉಪಾಸಿತಬ್ಬತೋ ಉಪಾಸನನ್ತಿ ಲದ್ಧನಾಮಂ ಕಣ್ಡಖಿಪನಸಿಪ್ಪಂ। ಕಣ್ಡಂ ಅತಿಕ್ಕಮನ್ತೇತಿ ಸರಂ ಖಿಪನ್ತೇ। ಪೋಙ್ಖಾನುಪೋಙ್ಖನ್ತಿ ಪೋಙ್ಖಸದ್ದತ್ಥಂ ಪಾಕಟಂ ಕತ್ವಾ ದಸ್ಸೇತುಂ ‘‘ಏಕಂ ಕಣ್ಡಂ ಖಿಪಿತ್ವಾ’’ತಿಆದಿ ವುತ್ತಂ। ಅಪರಂ ಅನುಪೋಙ್ಖನ್ತಿ ಏತ್ಥ ಅಪರನ್ತಿ ತತಿಯಕಣ್ಡಂ। ಅನುಪೋಙ್ಖಂ ನಾಮ ಇದನ್ತಿ ದಸ್ಸೇತುಂ ‘‘ಅನುಪೋಙ್ಖಂ ನಾಮ ದುತಿಯಸ್ಸ ಪೋಙ್ಖ’’ನ್ತಿ ವುತ್ತಂ। ತಞ್ಹಿ ತತಿಯೇನ ಸರೇನ ವಿಜ್ಝೀಯತಿ। ಪುನ ಅಪರಂ ತಸ್ಸ ಪೋಙ್ಖನ್ತಿ ಇದಂ ಪನ ಅಪರಾಪರಂ ಅವಿರಜ್ಝನಂ ದಸ್ಸೇತುಂ ವುತ್ತಂ। ದುರಭಿಸಮ್ಭವತರನ್ತಿ ಅಭಿಭವಿತುಂ ಅಸಕ್ಕುಣೇಯ್ಯತರಂ। ವಾಲನ್ತಿ ಕೇಸಂ। ಸತ್ತಧಾ ಭಿನ್ದಿತ್ವಾತಿ ಸತ್ತಕ್ಖತ್ತುಂ ವಿಫಾಲೇತ್ವಾ। ತಸ್ಸ ಏಕಂ ಭೇದನ್ತಿ ತಸ್ಸ ಕೇಸಸ್ಸ ಏಕಂ ಅಂಸುಸಙ್ಖಾತಂ ಭೇದಂ ಗಹೇತ್ವಾ। ವಾತಿಙ್ಗಣಮಜ್ಝೇ ಬನ್ಧಿತ್ವಾತಿ ವಾತಿಙ್ಗಣಫಲಸ್ಸ ಮಜ್ಝಟ್ಠಾನೇ ಬನ್ಧಿತ್ವಾ। ಅಪರಂ ಭೇದನ್ತಿ ಅಪರಂ ಕೇಸಸ್ಸ ಅಂಸುಸಙ್ಖಾತಂ ಭೇದಂ। ಅಗ್ಗಕೋಟಿಯಂ ಬನ್ಧಿತ್ವಾತಿ ಯಥಾ ತಸ್ಸ ವಾಲಭೇದಸ್ಸ ಊಕಾಮತ್ತಂ ಲಿಖಾಮತ್ತಂ ವಾ ಕಣ್ಡಸ್ಸ ಅಗ್ಗಕೋಟಿಂ ಅಧಿಕಂ ಹುತ್ವಾ ತಿಟ್ಠತಿ, ಏವಂ ಬನ್ಧಿತ್ವಾ। ಉಸಭಮತ್ತೇತಿ ವೀಸತಿಯಟ್ಠಿಮತ್ತೇ ಠಾನೇ ಠಿತೋ। ಕಣ್ಡಬದ್ಧಾಯ ಕೋಟಿಯಾತಿ ಕಣ್ಡಬದ್ಧಾಯ ವಾಲಸ್ಸ ಕೋಟಿಯಾ ವಾತಿಙ್ಗಣಬನ್ಧನವಾಲಸ್ಸ ಕೋಟಿಂ ಪಟಿವಿಜ್ಝೇಯ್ಯ।
1115.Upāsananti ācariyaupāsanaṃ, ācariyaṃ antevāsinā vā divase divase sikkhanavasena upāsitabbato upāsananti laddhanāmaṃ kaṇḍakhipanasippaṃ. Kaṇḍaṃ atikkamanteti saraṃ khipante. Poṅkhānupoṅkhanti poṅkhasaddatthaṃ pākaṭaṃ katvā dassetuṃ ‘‘ekaṃ kaṇḍaṃ khipitvā’’tiādi vuttaṃ. Aparaṃ anupoṅkhanti ettha aparanti tatiyakaṇḍaṃ. Anupoṅkhaṃ nāma idanti dassetuṃ ‘‘anupoṅkhaṃ nāma dutiyassa poṅkha’’nti vuttaṃ. Tañhi tatiyena sarena vijjhīyati. Puna aparaṃ tassa poṅkhanti idaṃ pana aparāparaṃ avirajjhanaṃ dassetuṃ vuttaṃ. Durabhisambhavataranti abhibhavituṃ asakkuṇeyyataraṃ. Vālanti kesaṃ. Sattadhā bhinditvāti sattakkhattuṃ viphāletvā. Tassa ekaṃ bhedanti tassa kesassa ekaṃ aṃsusaṅkhātaṃ bhedaṃ gahetvā. Vātiṅgaṇamajjhe bandhitvāti vātiṅgaṇaphalassa majjhaṭṭhāne bandhitvā. Aparaṃ bhedanti aparaṃ kesassa aṃsusaṅkhātaṃ bhedaṃ. Aggakoṭiyaṃ bandhitvāti yathā tassa vālabhedassa ūkāmattaṃ likhāmattaṃ vā kaṇḍassa aggakoṭiṃ adhikaṃ hutvā tiṭṭhati, evaṃ bandhitvā. Usabhamatteti vīsatiyaṭṭhimatte ṭhāne ṭhito. Kaṇḍabaddhāya koṭiyāti kaṇḍabaddhāya vālassa koṭiyā vātiṅgaṇabandhanavālassa koṭiṃ paṭivijjheyya.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೫. ವಾಲಸುತ್ತಂ • 5. Vālasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೫. ವಾಲಸುತ್ತವಣ್ಣನಾ • 5. Vālasuttavaṇṇanā
