| Library / Tipiṭaka / तिपिटक • Tipiṭaka / अपदानपाळि • Apadānapāḷi |
६. वल्लिफलदायकत्थेरअपदानं
6. Valliphaladāyakattheraapadānaṃ
३१.
31.
‘‘सब्बे जना समागम्म, अगमिंसु वनं तदा।
‘‘Sabbe janā samāgamma, agamiṃsu vanaṃ tadā;
फलमन्वेसमाना ते, अलभिंसु फलं तदा॥
Phalamanvesamānā te, alabhiṃsu phalaṃ tadā.
३२.
32.
‘‘तत्थद्दसासिं सम्बुद्धं, सयम्भुं अपराजितं।
‘‘Tatthaddasāsiṃ sambuddhaṃ, sayambhuṃ aparājitaṃ;
पसन्नचित्तो सुमनो, वल्लिफलमदासहं॥
Pasannacitto sumano, valliphalamadāsahaṃ.
३३.
33.
‘‘एकत्तिंसे इतो कप्पे, यं फलमददिं तदा।
‘‘Ekattiṃse ito kappe, yaṃ phalamadadiṃ tadā;
दुग्गतिं नाभिजानामि, फलदानस्सिदं फलं॥
Duggatiṃ nābhijānāmi, phaladānassidaṃ phalaṃ.
३४.
34.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
३५.
35.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
३६.
36.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा वल्लिफलदायको थेरो इमा गाथायो अभासित्थाति।
Itthaṃ sudaṃ āyasmā valliphaladāyako thero imā gāthāyo abhāsitthāti.
वल्लिफलदायकत्थेरस्सापदानं छट्ठं।
Valliphaladāyakattherassāpadānaṃ chaṭṭhaṃ.
