| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
3. ваммигасуд̇д̇аван̣н̣анаа
3. Vammikasuttavaṇṇanā
249. бияаважананд̇и бияасамуд̣̇аажааро. вин̃н̃уж̇аад̇игаа хи барам̣ биязна самуд̣̇аажаранд̇аа ‘‘бхава’’нд̇и ваа, ‘‘д̣̇зваанам̣ бияо’’д̇и ваа, ‘‘ааяасмаа’’д̇и ваа самуд̣̇аажаранд̇и, д̇асмаа саммукаа самб̣од̇ханавасзна ‘‘аавусо’’д̇и, д̇ирогкам̣ ‘‘ааяасмаа’’д̇и аяамби самуд̣̇аажааро. махаагассабаурувзлагассабаад̣̇аяо ан̃н̃зби гассабанаамагаа ад̇т̇ийд̇и ‘‘гад̇арасса гассабассаа’’д̇и бужчанд̇и. ран̃н̃аад̇и госаларан̃н̃аа. ‘‘сан̃ж̇ааним̣суу’’д̇и сан̇кзбад̇о вуд̇д̇амад̇т̇ам̣ виварид̇ум̣ ‘‘аяам̣ банаа’’д̇иаад̣̇и аарад̣̇д̇хам̣. ассаад̇и гумаарагассабасса, ‘‘сан̃ж̇ааним̣суу’’д̇и вуд̇д̇асан̃ж̇аананасса ваа. бун̃н̃аани гаронд̇од̇и габбасад̇асахассам̣ д̣̇звзсу жа мануссзсу жа ниб̣б̣ад̇д̇ид̇ваа д̣̇аанаад̣̇ийни бун̃н̃аани бхаавзнд̇о. осагганд̇зд̇и барихааяамаанз. батаманд̇и гумааригаагаалз. сад̇т̇аа убаалид̇т̇зрам̣ бадижчаабзси д̇ам̣ ад̇хигаран̣ам̣ винаяагаммзнзвассаа бхигкунияаа баб̣б̣аж̇ж̇ааяа арог̇абхаавам̣.
249.Piyavacananti piyasamudācāro. Viññujātikā hi paraṃ piyena samudācarantā ‘‘bhava’’nti vā, ‘‘devānaṃ piyo’’ti vā, ‘‘āyasmā’’ti vā samudācaranti, tasmā sammukhā sambodhanavasena ‘‘āvuso’’ti, tirokkhaṃ ‘‘āyasmā’’ti ayampi samudācāro. Mahākassapauruvelakassapādayo aññepi kassapanāmakā atthīti ‘‘katarassa kassapassā’’ti pucchanti. Raññāti kosalaraññā. ‘‘Sañjāniṃsū’’ti saṅkhepato vuttamatthaṃ vivarituṃ ‘‘ayaṃ panā’’tiādi āraddhaṃ. Assāti kumārakassapassa, ‘‘sañjāniṃsū’’ti vuttasañjānanassa vā. Puññāni karontoti kappasatasahassaṃ devesu ca manussesu ca nibbattitvā dānādīni puññāni bhāvento. Osakkanteti parihāyamāne. Paṭhamanti kumārikākāle. Satthā upālittheraṃ paṭicchāpesi taṃ adhikaraṇaṃ vinayakammenevassā bhikkhuniyā pabbajjāya arogabhāvaṃ.
бан̃н̃ад̇д̇ивибхааванаад̇и ‘‘анд̇хавана’’нд̇взва бан̃н̃ааяамаанасса вибхааванаа. олийяад̇ийд̇и сан̇гужад̇и сан̣игам̣ вад̇д̇ад̇и. бхаан̣агод̇и сарабхаан̣аго. яам̣ ад̇т̇и, д̇ам̣ г̇ахзд̇ваад̇и ид̣̇аани бариязсид̇аб̣б̣адтаанам̣ над̇т̇и, яат̇ааг̇ад̇ам̣ бана яам̣ ад̇т̇и, д̇ам̣ г̇ахзд̇ваа. б̣алаваг̇ун̣зд̇и ад̇химад̇д̇аг̇ун̣з. гассабабхаг̇авад̇о гаалз нирул̣хасаман̃н̃аавасзна важанасанд̇ад̇ияаа авижчзд̣̇зна жа имасмимби б̣уд̣̇д̇хуббаад̣̇з д̇ам̣ ‘‘анд̇хавана’’нд̇взва бан̃н̃ааяид̇т̇а, убаруубаривад̣дхамаанааяа бат̇авияаа убари ругкаг̇ажчаад̣̇ийсу сан̃ж̇ааяанд̇зсубийд̇и. сзгкабадибад̣̇анд̇и сзгкабхааваавахам̣ висуд̣̇д̇хибадибад̇д̇им̣.
Paññattivibhāvanāti ‘‘andhavana’’ntveva paññāyamānassa vibhāvanā. Olīyatīti saṅkucati saṇikaṃ vattati. Bhāṇakoti sarabhāṇako. Yaṃ atthi, taṃ gahetvāti idāni pariyesitabbaṭṭhānaṃ natthi, yathāgataṃ pana yaṃ atthi, taṃ gahetvā. Balavaguṇeti adhimattaguṇe. Kassapabhagavato kāle niruḷhasamaññāvasena vacanasantatiyā avicchedena ca imasmimpi buddhuppāde taṃ ‘‘andhavana’’ntveva paññāyittha, uparūparivaḍḍhamānāya pathaviyā upari rukkhagacchādīsu sañjāyantesupīti. Sekkhapaṭipadanti sekkhabhāvāvahaṃ visuddhipaṭipattiṃ.
ан̃н̃ад̇ара-сад̣̇д̣̇о абаагадз вияа баагадзби вад̇д̇ад̇и зга-сад̣̇д̣̇зна самаанад̇т̇ад̇д̇аад̇и д̣̇ассзд̇ум̣ ‘‘абхиж̇аанаад̇ий’’д̇иаад̣̇и вуд̇д̇ам̣. бхаяабхзравад̣̇ассид̇амби абхигганд̇а-сад̣̇д̣̇асса ад̇т̇уд̣̇д̇хаарам̣ ид̇ха д̣̇ассзнд̇о звам̣ хздтаа д̇ад̇т̇а д̇ад̇т̇а гад̇аа ад̇т̇асам̣ван̣н̣анаа барад̇о д̇асмим̣ д̇асмим̣ суд̇д̇абад̣̇зсз яат̇аарахам̣ вад̇д̇аб̣б̣аад̇и наяад̣̇ассанам̣ гарод̇и. ган̃жанасаннибхад̇д̇ажад̇аа суван̣н̣аван̣н̣аг̇г̇ахан̣зна г̇ахид̇аад̇и ад̇хиббааязнааха ‘‘чавияа’’нд̇и. чавиг̇ад̇аа бана ван̣н̣ад̇хаад̇у зва ‘‘суван̣н̣аван̣н̣о’’д̇и зд̇т̇а ван̣н̣аг̇г̇ахан̣зна г̇ахид̇аад̇и абарз. ван̣н̣ийяад̇и гид̇д̇ийяад̇и уг̇гхосананд̇и ван̣н̣о, т̇уд̇и. ван̣н̣ийяад̇и асан̇гарад̇о вавад̇т̇абийяад̇ийд̇и ван̣н̣о, гулаваг̇г̇о. ван̣н̣ийяад̇и палам̣ зд̇зна яат̇аасабхаавад̇о вибхаавийяад̇ийд̇и ван̣н̣о, гааран̣ам̣. ван̣н̣анам̣ д̣̇ийгхарассаад̣̇ивасзна сан̣тахананд̇и ван̣н̣о, сан̣таанам̣. ван̣н̣ийяад̇и ан̣умаханд̇аад̣̇ивасзна бамийяад̇ийд̇и ван̣н̣о, бамаан̣ам̣. ван̣н̣зд̇и вигаарамаабаж̇ж̇амаанам̣ хад̣̇аяан̇г̇ад̇абхаавам̣ багаасзд̇ийд̇и ван̣н̣о, руубааяад̇анам̣. звам̣ д̇зна д̇зна бавад̇д̇инимид̇д̇зна ван̣н̣а-сад̣̇д̣̇асса д̇асмим̣ д̇асмим̣ ад̇т̇з бавад̇д̇и взд̣̇ид̇аб̣б̣аа.
Aññatara-saddo apākaṭe viya pākaṭepi vattati eka-saddena samānatthattāti dassetuṃ ‘‘abhijānātī’’tiādi vuttaṃ. Bhayabheravadassitampi abhikkanta-saddassa atthuddhāraṃ idha dassento evaṃ heṭṭhā tattha tattha katā atthasaṃvaṇṇanā parato tasmiṃ tasmiṃ suttapadese yathārahaṃ vattabbāti nayadassanaṃ karoti. Kañcanasannibhattacatā suvaṇṇavaṇṇaggahaṇena gahitāti adhippāyenāha ‘‘chaviya’’nti. Chavigatā pana vaṇṇadhātu eva ‘‘suvaṇṇavaṇṇo’’ti ettha vaṇṇaggahaṇena gahitāti apare. Vaṇṇīyati kittīyati ugghosananti vaṇṇo, thuti. Vaṇṇīyati asaṅkarato vavatthapīyatīti vaṇṇo, kulavaggo. Vaṇṇīyati phalaṃ etena yathāsabhāvato vibhāvīyatīti vaṇṇo, kāraṇaṃ. Vaṇṇanaṃ dīgharassādivasena saṇṭhahananti vaṇṇo, saṇṭhānaṃ. Vaṇṇīyati aṇumahantādivasena pamīyatīti vaṇṇo, pamāṇaṃ. Vaṇṇeti vikāramāpajjamānaṃ hadayaṅgatabhāvaṃ pakāsetīti vaṇṇo, rūpāyatanaṃ. Evaṃ tena tena pavattinimittena vaṇṇa-saddassa tasmiṃ tasmiṃ atthe pavatti veditabbā.
анавасзсад̇д̇ам̣ сагалад̇аа гзвалад̇аа. гзвалагаббаад̇и зд̇т̇а гзжи ийсам̣ асамад̇д̇аа гзвалаа гзвалагаббаад̇и вад̣̇анд̇и, звам̣ сад̇и анавасзсад̇т̇о зва гзвала-сад̣̇д̣̇о сияаа. анад̇т̇анд̇арзна бана габба-сад̣̇д̣̇зна бад̣̇авад̣дханам̣ гад̇ваа гзвалаа зва гзвалагаббаа. д̇ат̇аа ваа габбанийяад̇д̇аа бан̃н̃абзд̇аб̣б̣ад̇д̇аа гзвалагаббаа. язбхуяяад̇аа б̣ахулабхааво. аб̣яаамиссад̇аа виж̇аад̇иязна асан̇гаро суд̣̇д̇хад̇аа. анад̇ирзгад̇аа д̇ам̣мад̇д̇ад̇аа висзсаабхааво. гзвалагаббанд̇и гзвалам̣ д̣̇ал̣хам̣ гад̇ваад̇и ад̇т̇о. гзвалам̣ вужжад̇и ниб̣б̣аанам̣ саб̣б̣асан̇кад̇авивид̇д̇ад̇д̇аа. д̇знааха ‘‘висам̣яог̇аад̣̇ианзгад̇т̇о’’д̇и. гзвалам̣ зд̇асса ад̇хиг̇ад̇ам̣ ад̇т̇ийд̇и гзвалий, сажчигад̇анирод̇хо кийн̣аасаво.
Anavasesattaṃ sakalatā kevalatā. Kevalakappāti ettha keci īsaṃ asamattā kevalā kevalakappāti vadanti, evaṃ sati anavasesattho eva kevala-saddo siyā. Anatthantarena pana kappa-saddena padavaḍḍhanaṃ katvā kevalā eva kevalakappā. Tathā vā kappanīyattā paññapetabbattā kevalakappā. Yebhuyyatā bahulabhāvo. Abyāmissatā vijātiyena asaṅkaro suddhatā. Anatirekatā taṃmattatā visesābhāvo. Kevalakappanti kevalaṃ daḷhaṃ katvāti attho. Kevalaṃ vuccati nibbānaṃ sabbasaṅkhatavivittattā. Tenāha ‘‘visaṃyogādianekattho’’ti. Kevalaṃ etassa adhigataṃ atthīti kevalī, sacchikatanirodho khīṇāsavo.
габба-сад̣̇д̣̇о банааяам̣ саубасаг̇г̇о анубасаг̇г̇о жаад̇и ад̇хиббааязна огаббанийяабад̣̇з лаб̣бхамаанам̣ огаббасад̣̇д̣̇амад̇д̇ам̣ нид̣̇ассзд̇и, ан̃н̃ат̇аа габба-сад̣̇д̣̇асса ад̇т̇уд̣̇д̇хаарз огаббанийяабад̣̇ам̣ анид̣̇ассанамзва сияаа. саман̣агаббзхийд̇и винаяасид̣̇д̇хзхи саман̣авохаарзхи. нижжагаббанд̇и нижжагаалам̣. бан̃н̃ад̇д̇ийд̇и наамам̣. нааман̃хзд̇ам̣ д̇асса ааяасмад̇о, яад̣̇ид̣̇ам̣ габбод̇и. габбид̇агзсамассууд̇и гад̇д̇аригааяа чзд̣̇ид̇агзсамассу. д̣̇ван̇г̇улагаббод̇и маж̇жханхигавзлааяа вийд̇игганд̇ааяа д̣̇ван̇г̇улад̇аавигаббо. лзсод̇и абад̣̇зсо. анавасзсам̣ парид̇ум̣ самад̇т̇ассаби обхаасасса гзнажи гааран̣зна згад̣̇зсапаран̣амби сияаа, аяам̣ бана саб̣б̣асова парийд̇и д̣̇ассзд̇ум̣ саманд̇ад̇т̇о габба-сад̣̇д̣̇о г̇ахид̇од̇и ааха ‘‘анавасзсам̣ саманд̇ад̇о’’д̇и.
Kappa-saddo panāyaṃ saupasaggo anupasaggo cāti adhippāyena okappanīyapade labbhamānaṃ okappasaddamattaṃ nidasseti, aññathā kappa-saddassa atthuddhāre okappanīyapadaṃ anidassanameva siyā. Samaṇakappehīti vinayasiddhehi samaṇavohārehi. Niccakappanti niccakālaṃ. Paññattīti nāmaṃ. Nāmañhetaṃ tassa āyasmato, yadidaṃ kappoti. Kappitakesamassūti kattarikāya cheditakesamassu. Dvaṅgulakappoti majjhanhikavelāya vītikkantāya dvaṅgulatāvikappo. Lesoti apadeso. Anavasesaṃ pharituṃ samatthassapi obhāsassa kenaci kāraṇena ekadesapharaṇampi siyā, ayaṃ pana sabbasova pharīti dassetuṃ samantattho kappa-saddo gahitoti āha ‘‘anavasesaṃ samantato’’ti.
саман̣асан̃н̃аасамуд̣̇аажаарзнаад̇и ‘‘ахам̣ саман̣о’’д̇и звам̣ уббаннасан̃н̃аасамудтид̇зна самуд̣̇аажаарзна, д̇аннимид̇д̇зна ваа д̇аб̣б̣охаарзна. буб̣б̣аяог̇зд̇и буб̣б̣аяог̇агат̇ааяам̣. бабан̃жо зсаад̇и зсо д̇умхзсу ааг̇ад̇зсу яат̇аабавад̇д̇о бадисант̇ааро гат̇аасамуд̣̇аажааро жа амхаагам̣ бабан̃жо. зд̇д̇агамби агад̇ваа саман̣ад̇хаммамзва гаромаад̇и ад̇хиббааяо.
Samaṇasaññāsamudācārenāti ‘‘ahaṃ samaṇo’’ti evaṃ uppannasaññāsamuṭṭhitena samudācārena, tannimittena vā tabbohārena. Pubbayogeti pubbayogakathāyaṃ. Papañco esāti eso tumhesu āgatesu yathāpavatto paṭisanthāro kathāsamudācāro ca amhākaṃ papañco. Ettakampi akatvā samaṇadhammameva karomāti adhippāyo.
арияабхуумим̣ бад̇д̇од̇и анааг̇аамипалам̣ ад̇хиг̇ад̇о. баггусаад̇игулабуд̇д̇ам̣ санд̇хааяа вад̣̇ад̇и. вибхаж̇ид̇ваад̇и вибхааг̇ам̣ гад̇ваа. д̇урид̇аалабанавасзнаад̇и д̇урид̇ам̣ аалабанавасзна. д̇зна д̣̇уллабхо аяам̣ саман̣о, д̇асмаа сийгхамасса бан̃хо гат̇зд̇аб̣б̣о, иминаа жа сийгхам̣ г̇анд̇ваа сад̇т̇аа бужчид̇аб̣б̣од̇и д̇урид̇ам̣ аалабийд̇и д̣̇ассзд̇и. ‘‘яат̇аа ваа’’д̇иаад̣̇инаа бана важанаалан̇гааравасзна д̣̇вигкад̇д̇ум̣ аалабад̇и. звамаахаад̇и ‘‘бхигку бхигкуу’’д̇и звам̣ д̣̇вигкад̇д̇ум̣ авожа.
Ariyabhūmiṃ pattoti anāgāmiphalaṃ adhigato. Pakkusātikulaputtaṃ sandhāya vadati. Vibhajitvāti vibhāgaṃ katvā. Turitālapanavasenāti turitaṃ ālapanavasena. Tena dullabho ayaṃ samaṇo, tasmā sīghamassa pañho kathetabbo, iminā ca sīghaṃ gantvā satthā pucchitabboti turitaṃ ālapīti dasseti. ‘‘Yathā vā’’tiādinā pana vacanālaṅkāravasena dvikkhattuṃ ālapati. Evamāhāti ‘‘bhikkhu bhikkhū’’ti evaṃ dvikkhattuṃ avoca.
ваммигабарияааязна гараж̇агааяам̣ бажжагкам̣ гад̇ваа д̣̇ассзнд̇ий д̣̇звад̇аа ‘‘аяам̣ ваммиго’’д̇и ааха. д̇ааяа бана бхаавад̇т̇асса абхаасид̇ад̇д̇аа сад̣̇д̣̇ад̇т̇амзва д̣̇ассзнд̇о ‘‘бурад̇о тид̇ам̣…бз… аяанд̇и аахаа’’д̇и авожа. сзсзсуби зсзва наяо. ман̣д̣ууганд̇и т̇аламан̣д̣уугам̣. со хи уд̣̇д̇хумааяигаад̇и вужжад̇и, на уд̣̇агаман̣д̣ууго. д̇асса ниваасад̇о ваад̇о маа ко б̣аад̇хаяид̇т̇аад̇и ‘‘убариваад̇ад̇о абаг̇аммаа’’д̇и вуд̇д̇ам̣. гат̇ам̣ банааяам̣ д̣̇звад̇аа иминаа нийхаарзна имз бан̃хз т̇зрасса аажигкийд̇и? гзжи д̇аава ааху – яат̇аасуд̇амад̇т̇ам̣ убамаабхаавзна г̇ахзд̇ваа ад̇д̇ано бадибхаанзна убамзяяад̇т̇ам̣ манасаа жинд̇зд̇ваа д̇ам̣ бхаг̇аваава имасса аажигкиссад̇и. саа жа д̣̇зсанаа ад̇т̇ааяа хид̇ааяа сукааяа ход̇ийд̇и ‘‘аяам̣ ваммиго’’д̇иаад̣̇инаа убамаавасзнзва баннараса бан̃хз т̇зрасса аажигки. гассабасаммаасамб̣уд̣̇д̇хагаалз гира б̣аараан̣асияам̣ зго сздти ад̣дхо махад̣̇д̇хано маханд̇ам̣ нид̇хаанам̣ нид̣̇ахид̇ваа балигхаад̣̇иаагаараани гаанижиби лан̇г̇аани д̇ад̇т̇а табзси. со маран̣агаалз ад̇д̇ано сахааяасса б̣раахман̣асса аарожзси – ‘‘имасмим̣ таанз маяаа нид̇хаанам̣ нид̣̇ахид̇ам̣, д̇ам̣ мама буд̇д̇асса вин̃н̃уд̇ам̣ бад̇д̇асса д̣̇ассзд̇ий’’д̇и вад̇ваа гааламагааси. б̣раахман̣о сахааяагабуд̇д̇асса вин̃н̃уд̇ам̣ бад̇д̇агаалз д̇ам̣ таанам̣ д̣̇ассзси. со никанид̇ваа саб̣б̣абажчаа нааг̇ам̣ басси, нааг̇о ад̇д̇ано буд̇д̇ам̣ д̣̇исваа ‘‘сукзнзва д̇ханам̣ г̇ан̣хад̇уу’’д̇и абаг̇ажчи. свааяамад̇т̇о д̇ад̣̇аа логз баагадо ж̇аад̇о. аяам̣ бана д̣̇звад̇аа д̇ад̣̇аа б̣аараан̣асияам̣ г̇ахабад̇игулз ниб̣б̣ад̇д̇ид̇ваа вин̃н̃уд̇ам̣ бад̇д̇о сад̇т̇ари бариниб̣б̣уд̇з урам̣ д̣̇ад̇ваа саасанз баб̣б̣аж̇ид̇о бан̃жахи сахааяагабхигкуухи сад̣̇д̇хим̣ саман̣ад̇хаммамагааси. яз санд̇хааяа вуд̇д̇ам̣ ‘‘бан̃жа бхигкуу ниссзн̣им̣ б̣анд̇хид̇ваа’’д̇иаад̣̇и. д̇зна вуд̇д̇ам̣ ‘‘яат̇аасуд̇амад̇т̇ам̣ убамаабхаавзна г̇ахзд̇ваа’’д̇иаад̣̇и. абарз бана ‘‘д̣̇звад̇аа ад̇д̇ано бадибхаанзна имз бан̃хз звам̣ абхисан̇карид̇ваа т̇зрасса аажигкий’’д̇и вад̣̇анд̇и. д̣̇звабуд̇д̇з ниссаггам̣ д̣̇звабуд̇д̇абан̃хад̇д̇аа д̇асса ад̇т̇асса.
Vammikapariyāyena karajakāyaṃ paccakkhaṃ katvā dassentī devatā ‘‘ayaṃ vammiko’’ti āha. Tāya pana bhāvatthassa abhāsitattā saddatthameva dassento ‘‘purato ṭhitaṃ…pe… ayanti āhā’’ti avoca. Sesesupi eseva nayo. Maṇḍūkanti thalamaṇḍūkaṃ. So hi uddhumāyikāti vuccati, na udakamaṇḍūko. Tassa nivāsato vāto mā kho bādhayitthāti ‘‘uparivātato apagammā’’ti vuttaṃ. Kathaṃ panāyaṃ devatā iminā nīhārena ime pañhe therassa ācikkhīti? Keci tāva āhu – yathāsutamatthaṃ upamābhāvena gahetvā attano paṭibhānena upameyyatthaṃ manasā cintetvā taṃ bhagavāva imassa ācikkhissati. Sā ca desanā atthāya hitāya sukhāya hotīti ‘‘ayaṃ vammiko’’tiādinā upamāvaseneva pannarasa pañhe therassa ācikkhi. Kassapasammāsambuddhakāle kira bārāṇasiyaṃ eko seṭṭhi aḍḍho mahaddhano mahantaṃ nidhānaṃ nidahitvā palighādiākārāni kānicipi laṅgāni tattha ṭhapesi. So maraṇakāle attano sahāyassa brāhmaṇassa ārocesi – ‘‘imasmiṃ ṭhāne mayā nidhānaṃ nidahitaṃ, taṃ mama puttassa viññutaṃ pattassa dassetī’’ti vatvā kālamakāsi. Brāhmaṇo sahāyakaputtassa viññutaṃ pattakāle taṃ ṭhānaṃ dassesi. So nikhanitvā sabbapacchā nāgaṃ passi, nāgo attano puttaṃ disvā ‘‘sukheneva dhanaṃ gaṇhatū’’ti apagacchi. Svāyamattho tadā loke pākaṭo jāto. Ayaṃ pana devatā tadā bārāṇasiyaṃ gahapatikule nibbattitvā viññutaṃ patto satthari parinibbute uraṃ datvā sāsane pabbajito pañcahi sahāyakabhikkhūhi saddhiṃ samaṇadhammamakāsi. Ye sandhāya vuttaṃ ‘‘pañca bhikkhū nisseṇiṃ bandhitvā’’tiādi. Tena vuttaṃ ‘‘yathāsutamatthaṃ upamābhāvena gahetvā’’tiādi. Apare pana ‘‘devatā attano paṭibhānena ime pañhe evaṃ abhisaṅkharitvā therassa ācikkhī’’ti vadanti. Devaputte nissakkaṃ devaputtapañhattā tassa atthassa.
251. жад̇уухи махаабхууд̇зхи ниб̣б̣ад̇д̇од̇и жаад̇умахаабхууд̇иго. д̇знааха ‘‘жад̇умахаабхууд̇амаяассаа’’д̇и. вамад̇и уг̇г̇иранд̇о вияа ход̇ийд̇и ад̇т̇о. ванд̇агод̇и ужчад̣д̣аго. ванд̇уссаяод̇и убажигаахи ванд̇асса мад̇д̇игаабин̣д̣асса уссаяабхууд̇о. ванд̇асинзхасамб̣ад̣̇д̇ход̇и ванд̇зна кзл̣асинзхзна самбин̣д̣ид̇о. асужигалималам̣ вамад̇ийд̇и зд̇т̇а мукаад̣̇ийхи баан̣агаанам̣ ниг̇г̇аманад̇о баан̣агз вамад̇ийд̇и аяамби ад̇т̇о лаб̣бхад̇зва. ариязхи ванд̇агод̇и гааяабхаавасааман̃н̃зна вуд̇д̇ам̣. д̣̇угкасажжабарин̃н̃ааяа ваа саб̣б̣ассаби д̇збхуумагад̇хаммаж̇аад̇асса барин̃н̃аад̇ад̇д̇аа саб̣б̣оби гааяо ариязхи чанд̣̇арааг̇аббахаанзна ванд̇о зва. д̇ам̣ саб̣б̣анд̇и язхи д̇ийхи адтисад̇зхи уссид̇о, язхи нхааруухи самб̣ад̣̇д̇хо, язхи мам̣сзхи авалид̇д̇о, язна аллажаммзна барияонад̣̇д̇хо, яааяа чавияаа ран̃ж̇ид̇о, д̇ам̣ адтиаад̣̇исаб̣б̣ам̣ ажжанд̇амзва ж̇иг̇ужчид̇ваа вирад̇д̇ад̇ааяаванд̇амзва. ‘‘яат̇аа жаа’’д̇иаад̣̇инаа вад̇д̇аб̣б̣обамад̇оби ваммиго вияа ваммигод̇и имамад̇т̇ам̣ д̣̇ассзд̇и.
251. Catūhi mahābhūtehi nibbattoti cātumahābhūtiko. Tenāha ‘‘catumahābhūtamayassā’’ti. Vamati uggiranto viya hotīti attho. Vantakoti ucchaḍḍako. Vantussayoti upacikāhi vantassa mattikāpiṇḍassa ussayabhūto. Vantasinehasambaddhoti vantena kheḷasinehena sampiṇḍito. Asucikalimalaṃ vamatīti ettha mukhādīhi pāṇakānaṃ niggamanato pāṇake vamatīti ayampi attho labbhateva. Ariyehi vantakoti kāyabhāvasāmaññena vuttaṃ. Dukkhasaccapariññāya vā sabbassapi tebhūmakadhammajātassa pariññātattā sabbopi kāyo ariyehi chandarāgappahānena vanto eva. Taṃ sabbanti yehi tīhi aṭṭhisatehi ussito, yehi nhārūhi sambaddho, yehi maṃsehi avalitto, yena allacammena pariyonaddho, yāya chaviyā rañjito, taṃ aṭṭhiādisabbaṃ accantameva jigucchitvā virattatāyavantameva. ‘‘Yathā cā’’tiādinā vattabbopamatopi vammiko viya vammikoti imamatthaṃ dasseti.
самбхавад̇и зд̇асмаад̇и самбхаво, маад̇аабзд̇д̇иго самбхаво зд̇ассаад̇и маад̇аабзд̇д̇игасамбхаво. д̇асса. убажияад̇и зд̇знаад̇и убажаяо’ од̣̇анагуммаасам̣ убажаяо зд̇ассаад̇и од̣̇анагуммаасуубажаяо. д̇асса. ад̇хувасабхаавад̇ааяа анижжад̇хаммасса, сзд̣̇аг̇уут̇а-бид̇д̇а-сзмхаад̣̇и-д̇хаад̇угкобха-г̇арубхаавад̣̇уг̇г̇анд̇хаанам̣ винод̣̇анааяа ужчаад̣̇зд̇аб̣б̣ад̇хаммасса, барид̇о самб̣ааханзна баримад̣̇д̣̇ид̇аб̣б̣ад̇хаммасса, кан̣з кан̣з бхиж̇ж̇анасабхаавад̇ааяа бхзд̣̇анад̇хаммасса, д̇ад̇о зва вигиран̣асабхаавад̇ааяа вид̣̇д̇хам̣санад̇хаммассаад̇и д̇хамма-сад̣̇д̣̇о бажжзгам̣ яож̇зд̇аб̣б̣о. д̇анувилзбанзнаад̇и гааяаавалзбанзна ужчаад̣̇анавилзбанзна. ан̇г̇абажжан̇г̇ааб̣аад̇хавинод̣̇анад̇т̇ааяаад̇и д̇аад̣̇исасамудтаана-сарийравигааравиг̇амааяа. яасмаа суггасон̣ид̇ам̣ аахааро, ужчаад̣̇анам̣ баримад̣̇д̣̇анан̃жа яат̇аарахам̣ уббаад̣̇асса, вуд̣дхияаа жа бажжаяо, д̇асмаа ааха ‘‘маад̇аабзд̇д̇ига…бз… гат̇ид̇о’’д̇и. ужжааважабхаавод̇и яат̇аарахам̣ яож̇зд̇аб̣б̣о – од̣̇анагуммаасуубажаяа-ужчаад̣̇анабаримад̣̇д̣̇анаг̇г̇ахан̣зхи ужжабхааво, вад̣дхий. маад̇аабзд̇д̇игасамбхаваг̇г̇ахан̣зна самуд̣̇аяо. ид̇арзхи аважабхааво, барихаани, ад̇т̇ан̇г̇амо багаасид̇о. ан̇г̇абажжан̇г̇аанам̣ сан̣табанамби хи ваддабажжаяад̇д̇аа вадданд̇и.
Sambhavati etasmāti sambhavo, mātāpettiko sambhavo etassāti mātāpettikasambhavo. Tassa. Upaciyati etenāti upacayo’ odanakummāsaṃ upacayo etassāti odanakummāsūpacayo. Tassa. Adhuvasabhāvatāya aniccadhammassa, sedagūtha-pitta-semhādi-dhātukkhobha-garubhāvaduggandhānaṃ vinodanāya ucchādetabbadhammassa, parito sambāhanena parimadditabbadhammassa, khaṇe khaṇe bhijjanasabhāvatāya bhedanadhammassa, tato eva vikiraṇasabhāvatāya viddhaṃsanadhammassāti dhamma-saddo paccekaṃ yojetabbo. Tanuvilepanenāti kāyāvalepanena ucchādanavilepanena. Aṅgapaccaṅgābādhavinodanatthāyāti tādisasamuṭṭhāna-sarīravikāravigamāya. Yasmā sukkasoṇitaṃ āhāro, ucchādanaṃ parimaddanañca yathārahaṃ uppādassa, vuḍḍhiyā ca paccayo, tasmā āha ‘‘mātāpettika…pe… kathito’’ti. Uccāvacabhāvoti yathārahaṃ yojetabbo – odanakummāsūpacaya-ucchādanaparimaddanaggahaṇehi uccabhāvo, vaḍḍhī. Mātāpettikasambhavaggahaṇena samudayo. Itarehi avacabhāvo, parihāni, atthaṅgamo pakāsito. Aṅgapaccaṅgānaṃ saṇṭhapanampi hi vaṭṭapaccayattā vaṭṭanti.
год̇хо д̇хуумод̇и зд̇т̇а д̇хуумабарияааязна год̇хасса вуд̇д̇ад̇д̇аа д̇хуума-сад̣̇д̣̇о год̇хз вад̇д̇ад̇ийд̇и вуд̇д̇ам̣ ‘‘д̇хуумо вияа д̇хуумо’’д̇и. бхасманийд̇и бхасмам̣. мосаваж̇ж̇анд̇и мусааваад̣̇о. д̇хуумо зва д̇хуумааяид̇ам̣. ижчаа д̇хуумааяид̇ам̣ зд̇иссаад̇и ижчаад̇хуумааяид̇аа, баж̇аа. ижчаад̇хуумааяид̇асад̣̇д̣̇асса д̇ан̣хааяа вуд̇д̇и вуд̇д̇анаяо зва. д̇хуумааяанд̇од̇и вид̇аггасанд̇аабзна сам̣д̇аббзнд̇о, вид̇аггзнд̇од̇и ад̇т̇о. балибод̇и д̣̇уггарамахаагад̣̇д̣̇амам̣. д̇имууланд̇и д̇ийхи муулзхи бад̇идтид̇ам̣ вияа ажалам̣ бавад̇д̇анд̇и вуд̇д̇ам̣. раж̇о жа д̇хуумо жа маяаа багаасид̇аад̇и раж̇асабхаавагаран̣адтзна ‘‘раж̇о’’д̇и жа д̇хуумасабхаавагаран̣адтзна ‘‘д̇хуумо’’д̇и жа маяаа багаасид̇аа. багад̇ид̇хуумо вияа аг̇г̇исса гилзсаг̇г̇иж̇ааласса бан̃н̃аан̣абхаавад̇о. д̇хаммад̣̇зсанаад̇хуумо н̃аан̣аг̇г̇исанд̇хийбанасса буб̣б̣ан̇г̇амабхаавад̇о. аяам̣ рад̇д̇им̣ д̇хуумааяанаад̇и яаа д̣̇иваа гад̇д̇аб̣б̣агамманд̇з уд̣̇д̣̇исса рад̇д̇ияам̣ анувид̇агганаа, аяам̣ рад̇д̇им̣ д̇хуумааяанаа.
Kodho dhūmoti ettha dhūmapariyāyena kodhassa vuttattā dhūma-saddo kodhe vattatīti vuttaṃ ‘‘dhūmo viya dhūmo’’ti. Bhasmanīti bhasmaṃ. Mosavajjanti musāvādo. Dhūmo eva dhūmāyitaṃ. Icchā dhūmāyitaṃ etissāti icchādhūmāyitā, pajā. Icchādhūmāyitasaddassa taṇhāya vutti vuttanayo eva. Dhūmāyantoti vitakkasantāpena saṃtappento, vitakkentoti attho. Palipoti dukkaramahākaddamaṃ. Timūlanti tīhi mūlehi patiṭṭhitaṃ viya acalaṃ pavattanti vuttaṃ. Rajo ca dhūmo ca mayā pakāsitāti rajasabhāvakaraṇaṭṭhena ‘‘rajo’’ti ca dhūmasabhāvakaraṇaṭṭhena ‘‘dhūmo’’ti ca mayā pakāsitā. Pakatidhūmo viya aggissa kilesaggijālassa paññāṇabhāvato. Dhammadesanādhūmo ñāṇaggisandhīpanassa pubbaṅgamabhāvato. Ayaṃ rattiṃ dhūmāyanāti yā divā kattabbakammante uddissa rattiyaṃ anuvitakkanā, ayaṃ rattiṃ dhūmāyanā.
сад̇д̇аннам̣ д̇хаммаананд̇и ид̣̇ам̣ суд̇д̇з (жуул̣ани. мзд̇д̇аг̇уумаан̣авабужчаанид̣̇д̣̇зса 28) ааг̇ад̇анаязна вуд̇д̇ам̣. суд̇д̇ан̃жа д̇ат̇аа аараад̇ханавзнзяяаж̇жхаасаяавасзна. д̇ад̣̇згадтад̇ааяа ваа д̇ад̣̇ан̃н̃агилзсаанам̣. сунд̣̇арабан̃н̃од̇и н̃аад̇ад̇ийран̣абахаанабарин̃н̃ааяа бан̃н̃ааяа сунд̣̇арабан̃н̃о.
Sattannaṃ dhammānanti idaṃ sutte (cūḷani. mettagūmāṇavapucchāniddesa 28) āgatanayena vuttaṃ. Suttañca tathā ārādhanaveneyyajjhāsayavasena. Tadekaṭṭhatāya vā tadaññakilesānaṃ. Sundarapaññoti ñātatīraṇapahānapariññāya paññāya sundarapañño.
зд̇анд̇и ‘‘сад̇т̇а’’нд̇и зд̇ам̣ ад̇хиважанам̣ сам̣гилзсад̇хаммаанам̣ сасанад̇о самужчинд̣̇анад̇о. нд̇и вийрияам̣. бан̃н̃ааг̇ад̇игамзва бан̃н̃ааяа хид̇ассзва ад̇хиббзд̇ад̇д̇аа. логияааяа бан̃н̃ааяа аарамбхагаалз логияавийрияам̣ г̇ахзд̇аб̣б̣ам̣, логуд̇д̇арааяа бан̃н̃ааяа бавад̇д̇игкан̣з логуд̇д̇аравийрияам̣ г̇ахзд̇аб̣б̣анд̇и яож̇анаа. ад̇т̇ад̣̇ийбанаад̇и убамзяяад̇т̇ад̣̇ийбаний убамаа.
Etanti ‘‘sattha’’nti etaṃ adhivacanaṃ saṃkilesadhammānaṃ sasanato samucchindanato. Nti vīriyaṃ. Paññāgatikameva paññāya hitasseva adhippetattā. Lokiyāya paññāya ārambhakāle lokiyavīriyaṃ gahetabbaṃ, lokuttarāya paññāya pavattikkhaṇe lokuttaravīriyaṃ gahetabbanti yojanā. Atthadīpanāti upameyyatthadīpanī upamā.
г̇аамад̇од̇и ад̇д̇ано васанаг̇аамад̇о. манд̇зд̇и аат̇аб̣б̣анаманд̇з. д̇з хи б̣раахман̣аа аран̃н̃з зва ваажзнд̇и ‘‘маа ан̃н̃з ассосу’’нд̇и. д̇ат̇аа агаасийд̇и жад̇д̇ааро годтаасз агааси. звамзд̇т̇а ваммигабан̃хассзва васзна убамаа ааг̇ад̇аа, сзсаанам̣ васзна хздтаа вуд̇д̇анаязна взд̣̇ид̇аб̣б̣аа.
Gāmatoti attano vasanagāmato. Manteti āthabbanamante. Te hi brāhmaṇā araññe eva vācenti ‘‘mā aññe assosu’’nti. Tathā akāsīti cattāro koṭṭhāse akāsi. Evamettha vammikapañhasseva vasena upamā āgatā, sesānaṃ vasena heṭṭhā vuttanayena veditabbā.
лан̇г̇анадтзна нивааран̣адтзна лан̇г̇ий, балигхо. н̃аан̣амукзд̇и вибассанаан̃аан̣авийт̇ияам̣. бад̇ад̇ийд̇и бавад̇д̇ад̇и. гаммадтаанауг̇г̇ахабарибужчаавасзнаад̇и жад̇усажжагаммадтаанасса уг̇г̇ан̣ханзна д̇асса ад̇т̇абарибужчаавасзна жзва вибассанаасан̇каад̇а-ад̇т̇авинижчаяа-барибужчаавасзна жа. саб̣б̣асо н̃аад̇ум̣ ижчаа хи барибужчаа. вибассанаа жа анижжаад̣̇ид̇о саб̣б̣ад̇збхуумагад̇хаммаанам̣ н̃аад̇ум̣ ижчад̇и. звам̣ вибассанаавасзна авиж̇ж̇аабахаанамааха, убаригад̇д̇аб̣б̣асаб̣бхаавад̇о на д̇аава маг̇г̇авасзна.
Laṅganaṭṭhena nivāraṇaṭṭhena laṅgī, paligho. Ñāṇamukheti vipassanāñāṇavīthiyaṃ. Patatīti pavattati. Kammaṭṭhānauggahaparipucchāvasenāti catusaccakammaṭṭhānassa uggaṇhanena tassa atthaparipucchāvasena ceva vipassanāsaṅkhāta-atthavinicchaya-paripucchāvasena ca. Sabbaso ñātuṃ icchā hi paripucchā. Vipassanā ca aniccādito sabbatebhūmakadhammānaṃ ñātuṃ icchati. Evaṃ vipassanāvasena avijjāpahānamāha, uparikattabbasabbhāvato na tāva maggavasena.
валлианд̇арз ваад̇и ваа-сад̣̇д̣̇о бам̣суанд̇арз ваа мад̇д̇иганд̇арз ваад̇и авуд̇д̇авигаббад̇т̇о. жид̇д̇аавиламад̇д̇аговаад̇и жид̇д̇агкобхамад̇д̇агова. аниг̇г̇ахид̇од̇и бадисан̇каанаб̣алзна аниваарид̇о. мукавигуланам̣ мукасан̇гожо. ханусан̃жобанам̣ баабзд̇и анд̇ож̇аббанаавад̇т̇ааяам̣. д̣̇исаа вилоганам̣ баабзд̇и яад̇т̇а б̣аад̇хзд̇аб̣б̣о тид̇о, д̇ам̣д̣̇ассанад̇т̇ам̣ ниваарагабаривааран̣ад̇т̇ам̣. д̣̇ан̣д̣асад̇т̇аабхинибаад̇анд̇и д̣̇ан̣д̣асад̇т̇аанам̣ барасса убари нибаад̇анаавад̇т̇ам̣. язна год̇хзна аниг̇г̇ахид̇зна маад̇аад̣̇игам̣ агхаад̇зд̇аб̣б̣ам̣ уг̇гхаад̇зд̇ваа ‘‘аяуд̇д̇ам̣ вад̇а маяаа гад̇а’’нд̇и ад̇д̇аанамби ханад̇и, д̇ам̣ санд̇хааязд̇ам̣ вуд̇д̇ам̣ ‘‘барагхаад̇анамби ад̇д̇агхаад̇анамби баабзд̇ий’’д̇и. язна ваа барасса хан̃н̃амаанасса васзна гхаад̇агоби гхаад̇анам̣ баабун̣аад̇и, д̇аад̣̇исасса васзнааяамад̇т̇о взд̣̇ид̇аб̣б̣о. год̇хасааман̃н̃зна хзд̇ам̣ вуд̇д̇ам̣ ‘‘барам̣ гхаад̇зд̇ваа ад̇д̇аанам̣ гхаад̇зд̇ий’’д̇и. барамуссад̣̇аг̇ад̇од̇и барамуггам̣саг̇ад̇о. д̣̇ал̣хам̣ бариссаяамаавахад̇ааяа год̇хова год̇хуубааяаасо. д̇знааха ‘‘б̣алаваббад̇д̇о’’д̇иаад̣̇и.
Valliantare vāti vā-saddo paṃsuantare vā mattikantare vāti avuttavikappattho. Cittāvilamattakovāti cittakkhobhamattakova. Aniggahitoti paṭisaṅkhānabalena anivārito. Mukhavikulanaṃ mukhasaṅkoco. Hanusañcopanaṃ pāpeti antojappanāvatthāyaṃ. Disā vilokanaṃ pāpeti yattha bādhetabbo ṭhito, taṃdassanatthaṃ nivārakaparivāraṇatthaṃ. Daṇḍasatthābhinipātanti daṇḍasatthānaṃ parassa upari nipātanāvatthaṃ. Yena kodhena aniggahitena mātādikaṃ aghātetabbaṃ ugghātetvā ‘‘ayuttaṃ vata mayā kata’’nti attānampi hanati, taṃ sandhāyetaṃ vuttaṃ ‘‘paraghātanampi attaghātanampi pāpetī’’ti. Yena vā parassa haññamānassa vasena ghātakopi ghātanaṃ pāpuṇāti, tādisassa vasenāyamattho veditabbo. Kodhasāmaññena hetaṃ vuttaṃ ‘‘paraṃ ghātetvā attānaṃ ghātetī’’ti. Paramussadagatoti paramukkaṃsagato. Daḷhaṃ parissayamāvahatāya kodhova kodhūpāyāso. Tenāha ‘‘balavappatto’’tiādi.
д̣̇взд̇хаабат̇асамаа ход̇и аббадибад̇д̇ихзд̇убхаавад̇о.
Dvedhāpathasamāhoti appaṭipattihetubhāvato.
гусалад̇хаммо на д̇идтад̇и нийваран̣зхи ниваарид̇абарамад̇д̇аа. самат̇абуб̣б̣ан̇г̇амам̣ вибассанам̣ бхааваяад̇о батамам̣ самат̇зна нийваран̣авигкамбханам̣ ход̇и, вибассанаа бана д̇ад̣̇ан̇г̇авасзнзва д̇аани нийхарад̇ийд̇и вуд̇д̇ам̣ ‘‘вигкамбханад̇ад̣̇ан̇г̇авасзнаа’’д̇и.
Kusaladhammo na tiṭṭhati nīvaraṇehi nivāritaparamattā. Samathapubbaṅgamaṃ vipassanaṃ bhāvayato paṭhamaṃ samathena nīvaraṇavikkhambhanaṃ hoti, vipassanā pana tadaṅgavaseneva tāni nīharatīti vuttaṃ ‘‘vikkhambhanatadaṅgavasenā’’ti.
‘‘гуммова ан̇г̇аани сагз габаалз’’д̇иаад̣̇ийсу (сам̣. ни. 1.17) гуммасса ан̇г̇абхаавзна висзсад̇о баад̣̇асийсаани зва вужжанд̇ийд̇и ааха ‘‘бан̃жзва ан̇г̇аани хонд̇ий’’д̇и. вибассанаажаарасса вужжамаанад̇д̇аа ад̇хигаарад̇о саммасанийяаанамзва д̇хаммаанам̣ ид̇ха г̇ахан̣анд̇и ‘‘саб̣б̣зби сан̇кад̇аа д̇хаммаа’’д̇и висзсам̣ гад̇ваава вуд̇д̇ам̣. д̇знааха бхаг̇аваа ‘‘бан̃жаннзд̇ам̣ убаад̣̇аанагканд̇хаанам̣ ад̇хиважана’’нд̇и.
‘‘Kummova aṅgāni sake kapāle’’tiādīsu (saṃ. ni. 1.17) kummassa aṅgabhāvena visesato pādasīsāni eva vuccantīti āha ‘‘pañceva aṅgāni hontī’’ti. Vipassanācārassa vuccamānattā adhikārato sammasanīyānameva dhammānaṃ idha gahaṇanti ‘‘sabbepi saṅkhatā dhammā’’ti visesaṃ katvāva vuttaṃ. Tenāha bhagavā ‘‘pañcannetaṃ upādānakkhandhānaṃ adhivacana’’nti.
сунанд̇и годданд̇и зд̇т̇аад̇и суунаа, ад̇хигуддананд̇и ааха ‘‘суунааяа убарий’’д̇и. асинаад̇и мам̣саганд̇анзна. гхаад̇ияамаанаад̇и хан̃н̃амаанаа виб̣аад̇хияамаанаа. вад̇т̇угаамаанам̣ убари гад̇ваад̇и вад̇т̇угаамзсу табзд̇ваа д̇з ажжаад̇хаанам̣ гад̇ваа. ганд̇ид̇аад̇и чинд̣̇ид̇аа. годдид̇аад̇и б̣иласо вибхаж̇ид̇аа. чанд̣̇арааг̇аббахаананд̇и чанд̣̇арааг̇асса вигкамбханаббахаанам̣.
Sunanti koṭṭanti etthāti sūnā, adhikuṭṭananti āha ‘‘sūnāya uparī’’ti. Asināti maṃsakantanena. Ghātiyamānāti haññamānā vibādhiyamānā. Vatthukāmānaṃ upari katvāti vatthukāmesu ṭhapetvā te accādhānaṃ katvā. Kantitāti chinditā. Koṭṭitāti bilaso vibhajitā. Chandarāgappahānanti chandarāgassa vikkhambhanappahānaṃ.
саммад̇д̇аад̇и мужчид̇аа саммуул̣хаа. нанд̣̇ийрааг̇ам̣ убаг̇амма ваддам̣ вад̣дхзнд̇ийд̇и саммуул̣хад̇д̇аа звааад̣̇ийнавам̣ абассанд̇аа нанд̣̇ийрааг̇асса аарамман̣ам̣ убаг̇анд̇ваа д̇ам̣ бариб̣руухзнд̇и. нанд̣̇ийрааг̇аб̣ад̣̇д̇хаад̇и нанд̣̇ийрааг̇з лаг̇г̇ад̇д̇аа д̇зна б̣ад̣̇д̇хаа. ваддз лаг̇г̇анд̇ийд̇и д̇збхуумагз ваддз саж̇ж̇анд̇и. д̇ад̇т̇а саж̇ж̇ад̇д̇аа зва д̣̇угкам̣ бад̇вааби на угган̣танд̇и на ниб̣б̣инд̣̇анд̇и. ид̇ха анавасзсаббахаанам̣ ад̇хиббзд̇анд̇и ааха ‘‘жад̇уд̇т̇амаг̇г̇зна нанд̣̇ийрааг̇аббахаанам̣ гат̇ид̇а’’нд̇и.
Sammattāti mucchitā sammūḷhā. Nandīrāgaṃ upagamma vaṭṭaṃ vaḍḍhentīti sammūḷhattā evaādīnavaṃ apassantā nandīrāgassa ārammaṇaṃ upagantvā taṃ paribrūhenti. Nandīrāgabaddhāti nandīrāge laggattā tena baddhā. Vaṭṭe laggantīti tebhūmake vaṭṭe sajjanti. Tattha sajjattā eva dukkhaṃ patvāpi na ukkaṇṭhanti na nibbindanti. Idha anavasesappahānaṃ adhippetanti āha ‘‘catutthamaggena nandīrāgappahānaṃ kathita’’nti.
анан̇г̇ан̣асуд̇д̇з (ма. ни. адта. 1.63) багаасид̇о зва ‘‘чанд̣̇аад̣̇ийхи на г̇ажчанд̇ий’’д̇иаад̣̇инаа. ‘‘б̣уд̣̇д̇хо со бхаг̇аваа’’д̇иаад̣̇и ‘‘намо гарохий’’д̇и (ма. ни. 1.249, 251) вуд̇д̇анамаггаарасса гаран̣аагаарад̣̇ассанам̣. б̣од̇хааяаад̇и жад̇усажжасамб̣од̇хааяа. д̇ат̇аа д̣̇амат̇асамат̇ад̇аран̣абариниб̣б̣аанаани арияамаг̇г̇авасзна взд̣̇ид̇аб̣б̣аани. самат̇абариниб̣б̣аанаани бана анубаад̣̇исзсавасзнаби яож̇зд̇аб̣б̣аани. гаммадтаанам̣ ахосийд̇и вибассанаагаммадтаанам̣ ахоси. зд̇асса бан̃хассаад̇и зд̇асса баннарасамасса бан̃хасса ад̇т̇о. звам̣ ид̇арзсуби вад̇д̇аб̣б̣ам̣ вибассанаагаммадтаанам̣ кийн̣аасаваг̇ун̣зхи мад̇т̇агам̣ баабзнд̇о яат̇аанусанд̇хинаава д̣̇зсанам̣ нидтабзси, на бужчид̇аанусанд̇хинаад̇и ад̇хиббааяо. нану жа бужчаавасзнааяам̣ д̣̇зсанаа аарад̣̇д̇хаад̇и? сажжам̣ аарад̣̇д̇хаа, звам̣ бана ‘‘бужчаавасиго нигкзбо’’д̇и вад̇д̇аб̣б̣ам̣, на ‘‘бужчаанусанд̇хивасзна нидтабид̇аа’’д̇и. анд̇арабужчаавасзна д̣̇зсанааяа абаривад̇д̇ид̇ад̇д̇аа аарамбхаануруубамзва бана д̣̇зсанаа нидтабид̇аа.
Anaṅgaṇasutte (ma. ni. aṭṭha. 1.63) pakāsito eva ‘‘chandādīhi na gacchantī’’tiādinā. ‘‘Buddho so bhagavā’’tiādi ‘‘namo karohī’’ti (ma. ni. 1.249, 251) vuttanamakkārassa karaṇākāradassanaṃ. Bodhāyāti catusaccasambodhāya. Tathā damathasamathataraṇaparinibbānāni ariyamaggavasena veditabbāni. Samathaparinibbānāni pana anupādisesavasenapi yojetabbāni. Kammaṭṭhānaṃ ahosīti vipassanākammaṭṭhānaṃ ahosi. Etassa pañhassāti etassa pannarasamassa pañhassa attho. Evaṃ itaresupi vattabbaṃ vipassanākammaṭṭhānaṃ khīṇāsavaguṇehi matthakaṃ pāpento yathānusandhināva desanaṃ niṭṭhapesi, na pucchitānusandhināti adhippāyo. Nanu ca pucchāvasenāyaṃ desanā āraddhāti? Saccaṃ āraddhā, evaṃ pana ‘‘pucchāvasiko nikkhepo’’ti vattabbaṃ, na ‘‘pucchānusandhivasena niṭṭhapitā’’ti. Antarapucchāvasena desanāya aparivattitattā ārambhānurūpameva pana desanā niṭṭhapitā.
ваммигасуд̇д̇аван̣н̣анааяа лийнад̇т̇аббагаасанаа самад̇д̇аа.
Vammikasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 3. ваммигасуд̇д̇ам̣ • 3. Vammikasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 3. ваммигасуд̇д̇аван̣н̣анаа • 3. Vammikasuttavaṇṇanā
