| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
7. ванабад̇т̇абарияааяасуд̇д̇аван̣н̣анаа
7. Vanapatthapariyāyasuttavaṇṇanā
190. звам̣ мз суд̇анд̇и ванабад̇т̇абарияааяам̣. д̇ад̇т̇а ванабад̇т̇абарияааяанд̇и ванабад̇т̇агааран̣ам̣, ванабад̇т̇ад̣̇зсанам̣ ваа.
190.Evaṃme sutanti vanapatthapariyāyaṃ. Tattha vanapatthapariyāyanti vanapatthakāraṇaṃ, vanapatthadesanaṃ vā.
191. ванабад̇т̇ам̣ убаниссааяа вихарад̇ийд̇и мануссуубажаараад̇игганд̇ам̣ ванасан̣д̣асзнаасанам̣ ниссааяа саман̣ад̇хаммам̣ гаронд̇о вихарад̇и. анубадтид̇аад̇иаад̣̇ийсу буб̣б̣з анубадтид̇аа сад̇и д̇ам̣ убаниссааяа вихарад̇оби на убадтаад̇и, буб̣б̣з асамаахид̇ам̣ жид̇д̇ам̣ на самаад̇хияад̇и, буб̣б̣з абаригкийн̣аа аасаваа на баригкаяам̣ г̇ажчанд̇и, буб̣б̣з анануббад̇д̇ам̣ ануд̇д̇арам̣ яог̇агкзмасан̇каад̇ам̣ арахад̇д̇ан̃жа на баабун̣аад̇ийд̇и ад̇т̇о. ж̇ийвид̇абаригкаараад̇и ж̇ийвид̇асамбхаараа. самуд̣̇аанзд̇аб̣б̣аад̇и самаахарид̇аб̣б̣аа. гасирзна самуд̣̇ааг̇ажчанд̇ийд̇и д̣̇угкзна уббаж̇ж̇анд̇и. рад̇д̇ибхааг̇ам̣ ваа д̣̇ивасабхааг̇ам̣ ваад̇и рад̇д̇игодтаасз ваа д̣̇ивасагодтаасз ваа. зд̇т̇а жа рад̇д̇ибхааг̇з бадисан̃жигкамаанзна н̃ад̇ваа рад̇д̇им̣язва баггамид̇аб̣б̣ам̣, рад̇д̇им̣ жан̣д̣аваал̣аад̣̇ийнам̣ бариб̣анд̇хз сад̇и арун̣уг̇г̇аманам̣ ааг̇амзд̇аб̣б̣ам̣. д̣̇ивасабхааг̇з н̃ад̇ваа д̣̇иваава баггамид̇аб̣б̣ам̣, д̣̇иваа бариб̣анд̇хз сад̇и суурияад̇т̇ан̇г̇аманам̣ ааг̇амзд̇аб̣б̣ам̣.
191.Vanapatthaṃ upanissāya viharatīti manussūpacārātikkantaṃ vanasaṇḍasenāsanaṃ nissāya samaṇadhammaṃ karonto viharati. Anupaṭṭhitātiādīsu pubbe anupaṭṭhitā sati taṃ upanissāya viharatopi na upaṭṭhāti, pubbe asamāhitaṃ cittaṃ na samādhiyati, pubbe aparikkhīṇā āsavā na parikkhayaṃ gacchanti, pubbe ananuppattaṃ anuttaraṃ yogakkhemasaṅkhātaṃ arahattañca na pāpuṇātīti attho. Jīvitaparikkhārāti jīvitasambhārā. Samudānetabbāti samāharitabbā. Kasirena samudāgacchantīti dukkhena uppajjanti. Rattibhāgaṃ vā divasabhāgaṃ vāti rattikoṭṭhāse vā divasakoṭṭhāse vā. Ettha ca rattibhāge paṭisañcikkhamānena ñatvā rattiṃyeva pakkamitabbaṃ, rattiṃ caṇḍavāḷādīnaṃ paribandhe sati aruṇuggamanaṃ āgametabbaṃ. Divasabhāge ñatvā divāva pakkamitabbaṃ, divā paribandhe sati sūriyatthaṅgamanaṃ āgametabbaṃ.
192. сан̇каабийд̇и звам̣ саман̣ад̇хаммасса анибпаж̇ж̇анабхаавам̣ ж̇аанид̇ваа. ананд̇араваарз бана сан̇каабийд̇и звам̣ саман̣ад̇хаммасса нибпаж̇ж̇анабхаавам̣ ж̇аанид̇ваа.
192.Saṅkhāpīti evaṃ samaṇadhammassa anipphajjanabhāvaṃ jānitvā. Anantaravāre pana saṅkhāpīti evaṃ samaṇadhammassa nipphajjanabhāvaṃ jānitvā.
194. яааваж̇ийванд̇и яаава ж̇ийвид̇ам̣ бавад̇д̇ад̇и, д̇аава вад̇т̇аб̣б̣амзва.
194.Yāvajīvanti yāva jīvitaṃ pavattati, tāva vatthabbameva.
195. со буг̇г̇алод̇и бад̣̇асса наануб̣анд̇хид̇аб̣б̣од̇и иминаа самб̣анд̇хо. анаабужчаад̇и ид̇ха бана д̇ам̣ буг̇г̇алам̣ анаабужчаа баггамид̇аб̣б̣анд̇и ад̇т̇о.
195.So puggaloti padassa nānubandhitabboti iminā sambandho. Anāpucchāti idha pana taṃ puggalaṃ anāpucchā pakkamitabbanti attho.
197. сан̇каабийд̇и звам̣ саман̣ад̇хаммасса анибпаж̇ж̇анабхаавам̣ н̃ад̇ваа со буг̇г̇ало наануб̣анд̇хид̇аб̣б̣о, д̇ам̣ аабужчаа баггамид̇аб̣б̣ам̣.
197.Saṅkhāpīti evaṃ samaṇadhammassa anipphajjanabhāvaṃ ñatvā so puggalo nānubandhitabbo, taṃ āpucchā pakkamitabbaṃ.
198. аби бануж̇ж̇амаанзнаабийд̇и аби ниггад̣дхийяамаанзнааби. зваруубо хи буг̇г̇ало сажзби д̣̇ааругалаабасад̇ам̣ ваа уд̣̇агагхадасад̇ам̣ ваа ваалигамб̣ан̣асад̇ам̣ ваа д̣̇ан̣д̣ам̣ аахараабзд̇и, маа ид̇ха васийд̇и ниггад̣дхаабзд̇и ваа, д̇ам̣ д̇ам̣ камаабзд̇ваа яааваж̇ийвам̣ вад̇т̇аб̣б̣амзваад̇и.
198.Apipanujjamānenāpīti api nikkaḍḍhīyamānenāpi. Evarūpo hi puggalo sacepi dārukalāpasataṃ vā udakaghaṭasataṃ vā vālikambaṇasataṃ vā daṇḍaṃ āharāpeti, mā idha vasīti nikkaḍḍhāpeti vā, taṃ taṃ khamāpetvā yāvajīvaṃ vatthabbamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
ванабад̇т̇абарияааяасуд̇д̇аван̣н̣анаа нидтид̇аа.
Vanapatthapariyāyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. ванабад̇т̇асуд̇д̇ам̣ • 7. Vanapatthasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. ванабад̇т̇абарияааяасуд̇д̇аван̣н̣анаа • 7. Vanapatthapariyāyasuttavaṇṇanā
