| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[342] 2. ваанараж̇аад̇агаван̣н̣анаа
[342] 2. Vānarajātakavaṇṇanā
асагким̣ вад̇а ад̇д̇аананд̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇асса вад̇хааяа барисагганам̣ аараб̣бха гат̇зси. вад̇т̇у (ж̇аа. адта. 2.2.сусумаараж̇аад̇агаван̣н̣анаа) хздтаа вид̇т̇аарид̇амзва.
Asakkhiṃvata attānanti idaṃ satthā veḷuvane viharanto devadattassa vadhāya parisakkanaṃ ārabbha kathesi. Vatthu (jā. aṭṭha. 2.2.susumārajātakavaṇṇanā) heṭṭhā vitthāritameva.
ад̇ийд̇з бана б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о химаванд̇абад̣̇зсз габияонияам̣ ниб̣б̣ад̇д̇ид̇ваа ваяаббад̇д̇о г̇ан̇г̇аад̇ийрз васи. ат̇згаа анд̇ог̇ан̇г̇ааяам̣ сам̣сумаарий б̣од̇хисад̇д̇асса хад̣̇аяамам̣сз д̣̇охал̣ам̣ уббаад̣̇зд̇ваа сам̣сумаарасса гат̇зси. со ‘‘д̇ам̣ габим̣ уд̣̇агз нимуж̇ж̇аабзд̇ваа маарзд̇ваа хад̣̇аяамам̣сам̣ г̇ахзд̇ваа сам̣сумаарияаа д̣̇ассаамий’’д̇и жинд̇зд̇ваа махаасад̇д̇ам̣ ааха – ‘‘зхи, самма, анд̇арад̣̇ийбагз палаапалз каад̣̇ид̇ум̣ г̇ажчаамаа’’д̇и. ‘‘гат̇ам̣, самма, ахам̣ г̇амиссаамий’’д̇и. ‘‘ахам̣ д̇ам̣ мама бидтияам̣ нисийд̣̇аабзд̇ваа нзссаамий’’д̇и. со д̇асса жид̇д̇ам̣ аж̇аананд̇о лан̇гхид̇ваа бидтияам̣ нисийд̣̇и. сам̣сумааро т̇огам̣ г̇анд̇ваа нимуж̇ж̇ид̇ум̣ аарабхи. ат̇а нам̣ ваанаро ‘‘гим̣гааран̣аа, бхо, мам̣ уд̣̇агз нимуж̇ж̇аабзсий’’д̇и ааха. ‘‘ахам̣ д̇ам̣ маарзд̇ваа д̇ава хад̣̇аяамам̣сам̣ мама бхарияааяа д̣̇ассаамий’’д̇и. ‘‘д̣̇анд̇ха д̇вам̣ мама хад̣̇аяамам̣сам̣ урз ад̇т̇ийд̇и ман̃н̃асий’’д̇и? ‘‘ат̇а гахам̣ д̇з табид̇а’’нд̇и? ‘‘зд̇ам̣ уд̣̇умб̣арз оламб̣анд̇ам̣ на бассасий’’д̇и? ‘‘бассаами, д̣̇ассаси бана мз’’д̇и. ‘‘аама, д̣̇ассаамий’’д̇и. сам̣сумааро д̣̇анд̇хад̇ааяа д̇ам̣ г̇ахзд̇ваа над̣̇ийд̇ийрз уд̣̇умб̣арамуулам̣ г̇ад̇о. б̣од̇хисад̇д̇о д̇асса бидтид̇о лан̇гхид̇ваа уд̣̇умб̣араругкз нисинно имаа г̇аат̇аа абхааси –
Atīte pana bārāṇasiyaṃ brahmadatte rajjaṃ kārente bodhisatto himavantapadese kapiyoniyaṃ nibbattitvā vayappatto gaṅgātīre vasi. Athekā antogaṅgāyaṃ saṃsumārī bodhisattassa hadayamaṃse dohaḷaṃ uppādetvā saṃsumārassa kathesi. So ‘‘taṃ kapiṃ udake nimujjāpetvā māretvā hadayamaṃsaṃ gahetvā saṃsumāriyā dassāmī’’ti cintetvā mahāsattaṃ āha – ‘‘ehi, samma, antaradīpake phalāphale khādituṃ gacchāmā’’ti. ‘‘Kathaṃ, samma, ahaṃ gamissāmī’’ti. ‘‘Ahaṃ taṃ mama piṭṭhiyaṃ nisīdāpetvā nessāmī’’ti. So tassa cittaṃ ajānanto laṅghitvā piṭṭhiyaṃ nisīdi. Saṃsumāro thokaṃ gantvā nimujjituṃ ārabhi. Atha naṃ vānaro ‘‘kiṃkāraṇā, bho, maṃ udake nimujjāpesī’’ti āha. ‘‘Ahaṃ taṃ māretvā tava hadayamaṃsaṃ mama bhariyāya dassāmī’’ti. ‘‘Dandha tvaṃ mama hadayamaṃsaṃ ure atthīti maññasī’’ti? ‘‘Atha kahaṃ te ṭhapita’’nti? ‘‘Etaṃ udumbare olambantaṃ na passasī’’ti? ‘‘Passāmi, dassasi pana me’’ti. ‘‘Āma, dassāmī’’ti. Saṃsumāro dandhatāya taṃ gahetvā nadītīre udumbaramūlaṃ gato. Bodhisatto tassa piṭṭhito laṅghitvā udumbararukkhe nisinno imā gāthā abhāsi –
161.
161.
‘‘асагким̣ вад̇а ад̇д̇аанам̣, уд̣̇д̇хаад̇ум̣ уд̣̇агаа т̇алам̣;
‘‘Asakkhiṃ vata attānaṃ, uddhātuṃ udakā thalaṃ;
на д̣̇аанаахам̣ буна д̇уяхам̣, васам̣ г̇ажчаами ваариж̇а.
Na dānāhaṃ puna tuyhaṃ, vasaṃ gacchāmi vārija.
162.
162.
‘‘аламзд̇зхи амб̣зхи, ж̇амб̣уухи банасзхи жа;
‘‘Alametehi ambehi, jambūhi panasehi ca;
яаани баарам̣ самуд̣̇д̣̇асса, варам̣ маяхам̣ уд̣̇умб̣аро.
Yāni pāraṃ samuddassa, varaṃ mayhaṃ udumbaro.
163.
163.
‘‘яо жа уббад̇ид̇ам̣ ад̇т̇ам̣, на киббамануб̣уж̇жхад̇и;
‘‘Yo ca uppatitaṃ atthaṃ, na khippamanubujjhati;
амид̇д̇авасаманвзд̇и, бажчаа жа ануд̇аббад̇и.
Amittavasamanveti, pacchā ca anutappati.
164.
164.
‘‘яо жа уббад̇ид̇ам̣ ад̇т̇ам̣, киббамзва ниб̣од̇хад̇и;
‘‘Yo ca uppatitaṃ atthaṃ, khippameva nibodhati;
мужжад̇з сад̇д̇усамб̣аад̇хаа, на жа бажчаануд̇аббад̇ий’’д̇и.
Muccate sattusambādhā, na ca pacchānutappatī’’ti.
д̇ад̇т̇а асагким̣ вад̇аад̇и самад̇т̇о вад̇а ахосим̣. уд̣̇д̇хаад̇унд̇и уд̣̇д̇харид̇ум̣. ваариж̇аад̇и сам̣сумаарам̣ аалабад̇и. яаани баарам̣ самуд̣̇д̣̇ассаад̇и г̇ан̇г̇ам̣ самуд̣̇д̣̇анаамзнаалабанд̇о ‘‘яаани самуд̣̇д̣̇асса баарам̣ г̇анд̇ваа каад̣̇ид̇аб̣б̣аани, алам̣ д̇зхий’’д̇и вад̣̇ад̇и. бажчаа жа ануд̇аббад̇ийд̇и уббаннам̣ ад̇т̇ам̣ киббам̣ аж̇аананд̇о амид̇д̇авасам̣ г̇ажчад̇и, бажчаа жа ануд̇аббад̇и.
Tattha asakkhiṃ vatāti samattho vata ahosiṃ. Uddhātunti uddharituṃ. Vārijāti saṃsumāraṃ ālapati. Yāni pāraṃ samuddassāti gaṅgaṃ samuddanāmenālapanto ‘‘yāni samuddassa pāraṃ gantvā khāditabbāni, alaṃ tehī’’ti vadati. Pacchā ca anutappatīti uppannaṃ atthaṃ khippaṃ ajānanto amittavasaṃ gacchati, pacchā ca anutappati.
ид̇и со жад̇уухи г̇аат̇аахи логияагижжаанам̣ нибпад̇д̇игааран̣ам̣ гат̇зд̇ваа ванасан̣д̣амзва баависи.
Iti so catūhi gāthāhi lokiyakiccānaṃ nipphattikāraṇaṃ kathetvā vanasaṇḍameva pāvisi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа сам̣сумааро д̣̇звад̣̇ад̇д̇о ахоси, ваанаро бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā saṃsumāro devadatto ahosi, vānaro pana ahameva ahosi’’nti.
ваанараж̇аад̇агаван̣н̣анаа д̣̇уд̇ияаа.
Vānarajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 342. ваанараж̇аад̇агам̣ • 342. Vānarajātakaṃ
