| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
9. ванаважчад̇т̇зраабад̣̇аанам̣
9. Vanavacchattheraapadānaṃ
251.
251.
‘‘имамхи бхад̣̇д̣̇агз габбз, б̣рахмаб̣анд̇ху махааяасо;
‘‘Imamhi bhaddake kappe, brahmabandhu mahāyaso;
гассабо наама г̇од̇д̇зна, уббаж̇ж̇и вад̣̇ад̇ам̣ варо.
Kassapo nāma gottena, uppajji vadataṃ varo.
252.
252.
‘‘д̇ад̣̇аахам̣ баб̣б̣аж̇ид̇ваана, д̇асса б̣уд̣̇д̇хасса саасанз;
‘‘Tadāhaṃ pabbajitvāna, tassa buddhassa sāsane;
яааваж̇ийвам̣ жарид̇ваана, б̣рахмажаарам̣ д̇ад̇о жуд̇о.
Yāvajīvaṃ caritvāna, brahmacāraṃ tato cuto.
253.
253.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
254.
254.
‘‘д̇ад̇о жуд̇о аран̃н̃амхи, габод̇о аасахам̣ д̇ахим̣;
‘‘Tato cuto araññamhi, kapoto āsahaṃ tahiṃ;
васад̇з г̇ун̣асамбанно, бхигку жхаанарад̇о сад̣̇аа.
Vasate guṇasampanno, bhikkhu jhānarato sadā.
255.
255.
‘‘мзд̇д̇ажид̇д̇о гаарун̣иго, сад̣̇аа бамуд̣̇ид̇аанано;
‘‘Mettacitto kāruṇiko, sadā pamuditānano;
убзгкаго махаавийро, аббаман̃н̃аасу говид̣̇о.
Upekkhako mahāvīro, appamaññāsu kovido.
256.
256.
‘‘винийваран̣асан̇габбз, саб̣б̣асад̇д̇ахид̇аасаяз;
‘‘Vinīvaraṇasaṅkappe, sabbasattahitāsaye;
висадто нажирзнаасим̣, д̇асмим̣ суг̇ад̇асаавагз.
Visaṭṭho nacirenāsiṃ, tasmiṃ sugatasāvake.
257.
257.
‘‘убзжжа баад̣̇амууламхи, нисиннасса д̇ад̣̇аассамз;
‘‘Upecca pādamūlamhi, nisinnassa tadāssame;
гад̣̇аажи саамисам̣ д̣̇зд̇и, д̇хаммам̣ д̣̇зсзси жзгад̣̇аа.
Kadāci sāmisaṃ deti, dhammaṃ desesi cekadā.
258.
258.
‘‘д̇ад̣̇аа вибулабзмзна, убаасид̇ваа ж̇инад̇раж̇ам̣;
‘‘Tadā vipulapemena, upāsitvā jinatrajaṃ;
д̇ад̇о жуд̇о г̇ад̇о саг̇г̇ам̣, баваасо сагхарам̣ яат̇аа.
Tato cuto gato saggaṃ, pavāso sagharaṃ yathā.
259.
259.
‘‘саг̇г̇аа жуд̇о мануссзсу, ниб̣б̣ад̇д̇о бун̃н̃агаммунаа;
‘‘Saggā cuto manussesu, nibbatto puññakammunā;
аг̇аарам̣ чад̣д̣аяид̇ваана, баб̣б̣аж̇им̣ б̣ахусо ахам̣.
Agāraṃ chaḍḍayitvāna, pabbajiṃ bahuso ahaṃ.
260.
260.
‘‘саман̣о д̇аабасо виббо, бариб̣б̣аж̇о д̇ат̇звахам̣;
‘‘Samaṇo tāpaso vippo, paribbajo tathevahaṃ;
худ̇ваа васим̣ аран̃н̃амхи, анзгасад̇асо ахам̣.
Hutvā vasiṃ araññamhi, anekasataso ahaṃ.
261.
261.
‘‘бажчимз жа бхавз д̣̇аани, раммз габилавад̇т̇авз;
‘‘Pacchime ca bhave dāni, ramme kapilavatthave;
важчаг̇од̇д̇о д̣̇иж̇о д̇асса, ж̇ааяааяа ахамоггамим̣.
Vacchagotto dijo tassa, jāyāya ahamokkamiṃ.
262.
262.
‘‘маад̇у мз д̣̇охал̣о ааси, д̇ирогужчиг̇ад̇асса мз;
‘‘Mātu me dohaḷo āsi, tirokucchigatassa me;
ж̇ааяамаанасамийбамхи, ванаваасааяа нижчаяо.
Jāyamānasamīpamhi, vanavāsāya nicchayo.
263.
263.
‘‘д̇ад̇о мз аж̇аний маад̇аа, раман̣ийяз вананд̇арз;
‘‘Tato me ajanī mātā, ramaṇīye vanantare;
г̇аб̣бхад̇о нигкаманд̇ам̣ мам̣, гаасааязна бадиг̇г̇ахум̣.
Gabbhato nikkhamantaṃ maṃ, kāsāyena paṭiggahuṃ.
264.
264.
‘‘д̇ад̇о гумааро сид̣̇д̇хад̇т̇о, ж̇аад̇о сагяагулад̣̇д̇хаж̇о;
‘‘Tato kumāro siddhattho, jāto sakyakuladdhajo;
д̇асса мид̇д̇о бияо аасим̣, сам̣висадто сумаанияо.
Tassa mitto piyo āsiṃ, saṃvisaṭṭho sumāniyo.
265.
265.
‘‘сад̇д̇асаарзбхинигканд̇з, охааяа вибулам̣ яасам̣;
‘‘Sattasārebhinikkhante, ohāya vipulaṃ yasaṃ;
ахамби баб̣б̣аж̇ид̇ваана, химаванд̇амубааг̇амим̣.
Ahampi pabbajitvāna, himavantamupāgamiṃ.
266.
266.
‘‘ванаалаяам̣ бхааванийяам̣, гассабам̣ д̇худ̇аваад̣̇игам̣;
‘‘Vanālayaṃ bhāvanīyaṃ, kassapaṃ dhutavādikaṃ;
д̣̇исваа суд̇ваа ж̇инуббаад̣̇ам̣, убзсим̣ нарасаарат̇им̣.
Disvā sutvā jinuppādaṃ, upesiṃ narasārathiṃ.
267.
267.
‘‘со мз д̇хаммамад̣̇зсзси, саб̣б̣ад̇т̇ам̣ самбагаасаяам̣;
‘‘So me dhammamadesesi, sabbatthaṃ sampakāsayaṃ;
268.
268.
‘‘д̇ад̇т̇ааббамад̇д̇о вихарам̣, чал̣абхин̃н̃аа апассаяим̣ 3;
‘‘Tatthāppamatto viharaṃ, chaḷabhiññā aphassayiṃ 4;
ахо сулад̣̇д̇халаабхомхи, сумид̇д̇знаанугамбид̇о.
Aho suladdhalābhomhi, sumittenānukampito.
269.
269.
‘‘гилзсаа жхаабид̇аа маяхам̣…бз… вихараами анаасаво.
‘‘Kilesā jhāpitā mayhaṃ…pe… viharāmi anāsavo.
270.
270.
‘‘свааг̇ад̇ам̣ вад̇а мз ааси…бз… гад̇ам̣ б̣уд̣̇д̇хасса саасанам̣.
‘‘Svāgataṃ vata me āsi…pe… kataṃ buddhassa sāsanaṃ.
271.
271.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа ванаважчо т̇зро имаа г̇аат̇ааяо
Itthaṃ sudaṃ āyasmā vanavaccho thero imā gāthāyo
абхаасид̇т̇аад̇и.
Abhāsitthāti.
ванаважчад̇т̇зрассаабад̣̇аанам̣ навамам̣.
Vanavacchattherassāpadānaṃ navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 9. ванаважчад̇т̇зраабад̣̇аанаван̣н̣анаа • 9. Vanavacchattheraapadānavaṇṇanā
