| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౯. వణిజ్జసుత్తవణ్ణనా
9. Vaṇijjasuttavaṇṇanā
౭౯. నవమే తాదిసా వాతి తంసదిసావ తంసరిక్ఖకావ. ఛేదగామినీ హోతీతి ఛేదం గచ్ఛతి. యం పత్థితం, తం సబ్బం నస్సతీతి అత్థో. న యథాధిప్పాయా హోతీతి యథాజ్ఝాసయా న హోతి. పరాధిప్పాయా హోతీతి పరజ్ఝాసయా అజ్ఝాసయతో అధికతరఫలా హోతి. సమణం వా బ్రాహ్మణం వాతి ఏత్థ సమితపాపబాహితపాపతాహి సమణబ్రాహ్మణతా వేదితబ్బా. వదతు, భన్తే, పచ్చయేనాతి, భన్తే, చతుబ్బిధేన చీవరాదినా పచ్చయేన వదేయ్యాసీతి ఏవం పవారేతి నిమన్తేతి. యేన పవారేతీతి పరిచ్ఛిన్దిత్వా యత్తకేన పవారేతి. తం న దేతీతి తం సబ్బసోవ న దేతి. న యథాధిప్పాయం దేతీతి యథా తస్స అజ్ఝాసయో, ఏవం దాతుం న సక్కోతి, హాపేత్వా అప్పకం దేతి. యథాధిప్పాయం దేతీతి యత్తకం సో ఇచ్ఛతి, తత్తకమేవ దేతి. పరాధిప్పాయం దేతీతి అప్పకం పవారేత్వా అవత్థరిత్వా బహుం దేతి.
79. Navame tādisā vāti taṃsadisāva taṃsarikkhakāva. Chedagāminī hotīti chedaṃ gacchati. Yaṃ patthitaṃ, taṃ sabbaṃ nassatīti attho. Na yathādhippāyā hotīti yathājjhāsayā na hoti. Parādhippāyā hotīti parajjhāsayā ajjhāsayato adhikataraphalā hoti. Samaṇaṃ vā brāhmaṇaṃ vāti ettha samitapāpabāhitapāpatāhi samaṇabrāhmaṇatā veditabbā. Vadatu, bhante, paccayenāti, bhante, catubbidhena cīvarādinā paccayena vadeyyāsīti evaṃ pavāreti nimanteti. Yena pavāretīti paricchinditvā yattakena pavāreti. Taṃ na detīti taṃ sabbasova na deti. Na yathādhippāyaṃ detīti yathā tassa ajjhāsayo, evaṃ dātuṃ na sakkoti, hāpetvā appakaṃ deti. Yathādhippāyaṃ detīti yattakaṃ so icchati, tattakameva deti. Parādhippāyaṃ detīti appakaṃ pavāretvā avattharitvā bahuṃ deti.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౯. వణిజ్జసుత్తం • 9. Vaṇijjasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౯-౧౦. వణిజ్జసుత్తాదివణ్ణనా • 9-10. Vaṇijjasuttādivaṇṇanā
