| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੫. વਪ੍ਪਸੁਤ੍ਤવਣ੍ਣਨਾ
5. Vappasuttavaṇṇanā
੧੯੫. ਪਞ੍ਚਮੇ ਪਿਹਿਤਤ੍ਤਾਤਿ ਅਕੁਸਲਸ੍ਸ ਪવੇਸਨਦ੍વਾਰਂ ਪਿਦਹਿਤ੍વਾ ਠਿਤਤ੍ਤਾ। ਕਾਯੇਨ ਸਂવਰਿਤਬ੍ਬਞ੍ਹਿ ਅਪਿਹਿਤੇਨ ਦ੍વਾਰੇਨ ਪવਤ੍ਤਨਕਂ ਪਾਪਧਮ੍ਮਂ ਸਂવਰਿਤ੍વਾ ਠਿਤੋ ਕਾਯੇਨ ਸਂવੁਤੋ ਨਾਮ। ਖਯવਿਰਾਗੇਨਾਤਿ ਅਚ੍ਚਨ੍ਤਖਯਸਙ੍ਖਾਤੇਨ વਿਰਜ੍ਜਨੇਨ, ਅਨੁਪ੍ਪਾਦਨਿਰੋਧੇਨਾਤਿ ਅਤ੍ਥੋ। ਕਿਂ વਿਜ੍ਜਾ ਪੁਬ੍ਬੇ ਉਪ੍ਪਨ੍ਨਾਤਿ? ਉਭਯਮੇਤਂ ਨ વਤ੍ਤਬ੍ਬਂ। ਪਹਾਨਾਭਿਸਮਯਭਾવਨਾਭਿਸਮਯਾਨਂ ਅਭਿਨ੍ਨਕਾਲਤ੍ਤਾ ਪਦੀਪੁਜ੍ਜਲਨੇਨ ਅਨ੍ਧਕਾਰਂ વਿਯ વਿਜ੍ਜੁਪ੍ਪਾਦੇਨ ਅવਿਜ੍ਜਾ ਨਿਰੁਦ੍ਧਾવ ਹੋਤਿ, વਤ੍ਤਬ੍ਬਂ વਾ ਹੇਤੁਫਲਤ੍ਤਮੁਪਚਾਰવਸੇਨ। ਯਥਾ ਹਿ ਪਦੀਪੁਜ੍ਜਲਨਹੇਤੁਕੋ ਅਨ੍ਧਕਾਰવਿਗਮੋ, ਏવਂ વਿਜ੍ਜੁਪ੍ਪਾਦਹੇਤੁਕੋ ਅવਿਜ੍ਜਾਨਿਰੋਧੋ। ਹੇਤੁਫਲਧਮ੍ਮਾ ਚ ਸਮਾਨਕਾਲਾਪਿ ਪੁਬ੍ਬਾਪਰਕਾਲਾ વਿਯ વੋਹਰੀਯਨ੍ਤਿ ਯਥਾ ‘‘ਚਕ੍ਖੁਞ੍ਚ ਪਟਿਚ੍ਚ ਰੂਪੇ ਚ ਉਪ੍ਪਜ੍ਜਤਿ ਚਕ੍ਖੁવਿਞ੍ਞਾਣ’’ਨ੍ਤਿ (ਮ॰ ਨਿ॰ ੧.੪੦੦; ੩.੪੨੧, ੪੨੫, ੪੨੬; ਸਂ॰ ਨਿ॰ ੨.੪੩-੪੪; ੨.੪.੬੦; ਕਥਾ॰ ੪੬੫, ੪੬੭) ਪਚ੍ਚਯਾਦਾਨੁਪ੍ਪਜ੍ਜਨਕਿਰਿਯਾ। ਚਿਤ੍ਤਸ੍ਸ ਕਾਯਸ੍ਸ ਚ વਿਹਨਨਤੋ વਿਘਾਤੋ, ਦੁਕ੍ਖਂ। ਪਰਿਦਹਨਤੋ ਪਰਿਲ਼ਾਹੋ।
195. Pañcame pihitattāti akusalassa pavesanadvāraṃ pidahitvā ṭhitattā. Kāyena saṃvaritabbañhi apihitena dvārena pavattanakaṃ pāpadhammaṃ saṃvaritvā ṭhito kāyena saṃvuto nāma. Khayavirāgenāti accantakhayasaṅkhātena virajjanena, anuppādanirodhenāti attho. Kiṃ vijjā pubbe uppannāti? Ubhayametaṃ na vattabbaṃ. Pahānābhisamayabhāvanābhisamayānaṃ abhinnakālattā padīpujjalanena andhakāraṃ viya vijjuppādena avijjā niruddhāva hoti, vattabbaṃ vā hetuphalattamupacāravasena. Yathā hi padīpujjalanahetuko andhakāravigamo, evaṃ vijjuppādahetuko avijjānirodho. Hetuphaladhammā ca samānakālāpi pubbāparakālā viya voharīyanti yathā ‘‘cakkhuñca paṭicca rūpe ca uppajjati cakkhuviññāṇa’’nti (ma. ni. 1.400; 3.421, 425, 426; saṃ. ni. 2.43-44; 2.4.60; kathā. 465, 467) paccayādānuppajjanakiriyā. Cittassa kāyassa ca vihananato vighāto, dukkhaṃ. Paridahanato pariḷāho.
ਨਿਚ੍ਚવਿਹਾਰਾਤਿ ਸਬ੍ਬਦਾ ਪવਤ੍ਤਨਕવਿਹਾਰਾ। ਠਪੇਤ੍વਾ ਹਿ ਸਮਾਪਤ੍ਤਿવੇਲਂ ਭવਙ੍ਗવੇਲਞ੍ਚ ਖੀਣਾਸવਾ ਇਮਿਨਾ ਛਲ਼ਙ੍ਗੁਪੇਕ੍ਖਾવਿਹਾਰੇਨ ਸਬ੍ਬਕਾਲਂ વਿਹਰਨ੍ਤਿ। ਚਕ੍ਖੁਨਾ ਰੂਪਂ ਦਿਸ੍વਾਤਿ ਚਕ੍ਖੁવਿਞ੍ਞਾਣੇਨ ਰੂਪਂ ਦਿਸ੍વਾ। ਚਕ੍ਖੁਨਾ ਰੂਪਂ ਦਿਸ੍વਾਤਿ ਹਿ ਨਿਸ੍ਸਯવੋਹਾਰੇਨ વੁਤ੍ਤਂ। ਸਸਮ੍ਭਾਰਕਥਾ ਹੇਸਾ ਯਥਾ ‘‘ਧਨੁਨਾ વਿਜ੍ਝਤੀ’’ਤਿ, ਤਸ੍ਮਾ ਨਿਸ੍ਸਯਸੀਸੇਨ ਨਿਸ੍ਸਿਤਸ੍ਸ ਗਹਣਂ ਦਟ੍ਠਬ੍ਬਂ। ਰਾਗવਸੇਨ ਨ ਸੋਮਨਸ੍ਸਜਾਤੋ ਹੋਤੀਤਿ ਗੇਹਸਿਤਪੇਮવਸੇਨਪਿ ਜવਨਕ੍ਖਣੇ ਸੋਮਨਸ੍ਸਜਾਤੋ ਨ ਹੋਤਿ ਮਗ੍ਗੇਨ ਸਮੁਚ੍ਛਿਨ੍ਨਤ੍ਤਾ, ਨ ਦੋਮਨਸ੍ਸਜਾਤੋ ਪਸਾਦਞ੍ਞਥਤ੍ਤવਸੇਨਪਿ। ਉਪੇਕ੍ਖਕੋ ਮਜ੍ਝਤ੍ਤੋ ਹੁਤ੍વਾ વਿਹਰਤੀਤਿ ਅਸਮਪੇਕ੍ਖਨੇਨ ਮੋਹਂ ਅਨੁਪ੍ਪਾਦੇਨ੍ਤੋ ਞਾਣੁਪੇਕ੍ਖਾવਸੇਨੇવ ਉਪੇਕ੍ਖਕੋ વਿਹਰਤਿ ਮਜ੍ਝਤ੍ਤੋ। ਖੀਣਾਸવੋ ਹਿ ਇਟ੍ਠੇਪਿ ਅਨਿਟ੍ਠੇਪਿ ਮਜ੍ਝਤ੍ਤੇਪਿ ਆਰਮ੍ਮਣੇ ਯੋ ਅਸਮਪੇਕ੍ਖਨੇਨ ਸਮਸਮਾ ਅਯੋਨਿਸੋਗਹਣੇ ਅਖੀਣਾਸવਾਨਂ ਮੋਹੋ ਉਪ੍ਪਜ੍ਜਤਿ, ਤਂ ਅਨੁਪ੍ਪਾਦੇਨ੍ਤੋ ਮਗ੍ਗੇਨੇવ ਤਸ੍ਸ ਸਮੁਗ੍ਘਾਤਿਤਤ੍ਤਾ ਞਾਣੁਪੇਕ੍ਖਾવਸੇਨੇવ ਉਪੇਕ੍ਖਕੋ વਿਹਰਤਿ, ਅਯਞ੍ਚਸ੍ਸ ਪਟਿਪਤ੍ਤਿ ਸਤਿવੇਪੁਲ੍ਲਪਤ੍ਤਿਯਾ ਪਞ੍ਞਾવੇਪੁਲ੍ਲਪਤ੍ਤਿਯਾ ਚਾਤਿ વੁਤ੍ਤਂ ‘‘ਸਤਿਸਮ੍ਪਜਞ੍ਞਪਰਿਗ੍ਗਹਿਤਾਯਾ’’ਤਿ।
Niccavihārāti sabbadā pavattanakavihārā. Ṭhapetvā hi samāpattivelaṃ bhavaṅgavelañca khīṇāsavā iminā chaḷaṅgupekkhāvihārena sabbakālaṃ viharanti. Cakkhunā rūpaṃ disvāti cakkhuviññāṇena rūpaṃ disvā. Cakkhunā rūpaṃ disvāti hi nissayavohārena vuttaṃ. Sasambhārakathā hesā yathā ‘‘dhanunā vijjhatī’’ti, tasmā nissayasīsena nissitassa gahaṇaṃ daṭṭhabbaṃ. Rāgavasena na somanassajāto hotīti gehasitapemavasenapi javanakkhaṇe somanassajāto na hoti maggena samucchinnattā, na domanassajāto pasādaññathattavasenapi. Upekkhako majjhatto hutvā viharatīti asamapekkhanena mohaṃ anuppādento ñāṇupekkhāvaseneva upekkhako viharati majjhatto. Khīṇāsavo hi iṭṭhepi aniṭṭhepi majjhattepi ārammaṇe yo asamapekkhanena samasamā ayonisogahaṇe akhīṇāsavānaṃ moho uppajjati, taṃ anuppādento maggeneva tassa samugghātitattā ñāṇupekkhāvaseneva upekkhako viharati, ayañcassa paṭipatti sativepullapattiyā paññāvepullapattiyā cāti vuttaṃ ‘‘satisampajaññapariggahitāyā’’ti.
ਏਤ੍ਥ ਚ ‘‘ਛਸੁ ਦ੍વਾਰੇਸੁ ਉਪੇਕ੍ਖਕੋ વਿਹਰਤੀ’’ਤਿ ਇਮਿਨਾ ਛਲ਼ਙ੍ਗੁਪੇਕ੍ਖਾ ਕਥਿਤਾ। ‘‘ਸਮ੍ਪਜਾਨੋ’’ਤਿ વਚਨਤੋ ਪਨ ਚਤ੍ਤਾਰਿ ਞਾਣਸਮ੍ਪਯੁਤ੍ਤਚਿਤ੍ਤਾਨਿ ਲਬ੍ਭਨ੍ਤਿ ਤੇਹਿ વਿਨਾ ਸਮ੍ਪਜਾਨਤਾਯ ਅਸਮ੍ਭવਤੋ। ‘‘ਸਤਤવਿਹਾਰਾ’’ਤਿ વਚਨਤੋ ਅਟ੍ਠਪਿ ਮਹਾਕਿਰਿਯਚਿਤ੍ਤਾਨਿ ਲਬ੍ਭਨ੍ਤਿ ਞਾਣੁਪ੍ਪਤ੍ਤਿਪਚ੍ਚਯਰਹਿਤਕਾਲੇਪਿ ਪવਤ੍ਤਿਜੋਤਨਤੋ। ‘‘ਅਰਜ੍ਜਨ੍ਤੋ ਅਦੁਸ੍ਸਨ੍ਤੋ’’ਤਿ વਚਨਤੋ ਹਸਿਤੁਪ੍ਪਾਦવੋਟ੍ਠਬ੍ਬਨੇਹਿ ਸਦ੍ਧਿਂ ਦਸ ਚਿਤ੍ਤਾਨਿ ਲਬ੍ਭਨ੍ਤਿ। ਅਰਜ੍ਜਨਾਦੁਸ੍ਸਨવਸੇਨ ਪવਤ੍ਤਿ ਹਿ ਤੇਸਮ੍ਪਿ ਸਾਧਾਰਣਾਤਿ। ਨਨੁ ਚੇਤ੍ਥ ‘‘ਉਪੇਕ੍ਖਕੋ વਿਹਰਤੀ’’ਤਿ ਛਲ਼ਙ੍ਗੁਪੇਕ੍ਖਾવਸੇਨ ਇਮੇਸਂ ਸਤਤવਿਹਾਰਾਨਂ ਆਗਤਤ੍ਤਾ ਸੋਮਨਸ੍ਸਂ ਕਥਂ ਲਬ੍ਭਤੀਤਿ? ਆਸੇવਨਤੋਤਿ। ਕਿਞ੍ਚਾਪਿ ਹਿ ਖੀਣਾਸવੋ ਇਟ੍ਠਾਨਿਟ੍ਠੇਪਿ ਆਰਮ੍ਮਣੇ ਮਜ੍ਝਤ੍ਤੇ વਿਯ ਬਹੁਲਂ ਉਪੇਕ੍ਖਕੋ વਿਹਰਤਿ ਅਤ੍ਤਨੋ ਪਰਿਸੁਦ੍ਧਪ੍ਪਕਤਿਭਾવਾવਿਜਹਨਤੋ, ਕਦਾਚਿ ਪਨ ਤਥਾ ਚੇਤੋਭਿਸਙ੍ਖਾਰਭਾવੇ ਯਂ ਤਂ ਸਭਾવਤੋ ਇਟ੍ਠਂ ਆਰਮ੍ਮਣਂ , ਤਸ੍ਸ ਯਾਥਾવਤੋ ਸਭਾવਗ੍ਗਹਣવਸੇਨਪਿ ਅਰਹਤੋ ਚਿਤ੍ਤਂ ਸੋਮਨਸ੍ਸਸਹਗਤਂ ਹੁਤ੍વਾ ਪવਤ੍ਤਤੇવ, ਤਞ੍ਚ ਖੋ ਪੁਬ੍ਬਾਸੇવਨવਸੇਨ।
Ettha ca ‘‘chasu dvāresu upekkhako viharatī’’ti iminā chaḷaṅgupekkhā kathitā. ‘‘Sampajāno’’ti vacanato pana cattāri ñāṇasampayuttacittāni labbhanti tehi vinā sampajānatāya asambhavato. ‘‘Satatavihārā’’ti vacanato aṭṭhapi mahākiriyacittāni labbhanti ñāṇuppattipaccayarahitakālepi pavattijotanato. ‘‘Arajjanto adussanto’’ti vacanato hasituppādavoṭṭhabbanehi saddhiṃ dasa cittāni labbhanti. Arajjanādussanavasena pavatti hi tesampi sādhāraṇāti. Nanu cettha ‘‘upekkhako viharatī’’ti chaḷaṅgupekkhāvasena imesaṃ satatavihārānaṃ āgatattā somanassaṃ kathaṃ labbhatīti? Āsevanatoti. Kiñcāpi hi khīṇāsavo iṭṭhāniṭṭhepi ārammaṇe majjhatte viya bahulaṃ upekkhako viharati attano parisuddhappakatibhāvāvijahanato, kadāci pana tathā cetobhisaṅkhārabhāve yaṃ taṃ sabhāvato iṭṭhaṃ ārammaṇaṃ , tassa yāthāvato sabhāvaggahaṇavasenapi arahato cittaṃ somanassasahagataṃ hutvā pavattateva, tañca kho pubbāsevanavasena.
ਕਾਯੋਤਿ (ਸਂ॰ ਨਿ॰ ਟੀ॰ ੨.੨.੫੧) ਪਞ੍ਚਦ੍વਾਰਕਾਯੋ, ਸੋ ਅਨ੍ਤੋ ਅવਸਾਨਂ ਏਤਿਸ੍ਸਾਤਿ ਕਾਯਨ੍ਤਿਕਾ, ਤਂ ਕਾਯਨ੍ਤਿਕਂ। ਤੇਨਾਹ – ‘‘ਯਾવ ਪਞ੍ਚਦ੍વਾਰਕਾਯੋ ਪવਤ੍ਤਤਿ, ਤਾવ ਪવਤ੍ਤ’’ਨ੍ਤਿ। ਜੀવਿਤਨ੍ਤਿਕਨ੍ਤਿ ਏਤ੍ਥਾਪਿ ਏਸੇવ ਨਯੋ। ਪਚ੍ਛਾ ਉਪ੍ਪਜ੍ਜਿਤ੍વਾਤਿ ਏਤਸ੍ਮਿਂ ਅਤ੍ਤਭਾવੇ ਮਨੋਦ੍વਾਰਿਕવੇਦਨਾਤੋ ਪਚ੍ਛਾ ਉਪ੍ਪਜ੍ਜਿਤ੍વਾ ਤਤੋ ਪਠਮਂ ਨਿਰੁਜ੍ਝਤਿ, ਤਤੋ ਏવ ਅਤ੍ਥਸਿਦ੍ਧਮਤ੍ਥਂ ਸਰੂਪੇਨੇવ ਦਸ੍ਸੇਤੁਂ ‘‘ਮਨੋਦ੍વਾਰਿਕવੇਦਨਾ ਪਠਮਂ ਉਪ੍ਪਜ੍ਜਿਤ੍વਾ ਪਚ੍ਛਾ ਨਿਰੁਜ੍ਝਤੀ’’ਤਿ વੁਤ੍ਤਂ। ਇਦਾਨਿ ਤਮੇવ ਸਙ੍ਖੇਪੇਨ વੁਤ੍ਤਂ વਿવਰਿਤੁਂ ‘‘ਸਾ ਹੀ’’ਤਿਆਦਿਮਾਹ। ਯਾવ ਤੇਤ੍ਤਿਂਸવਸ੍ਸਾਨਿ ਪਠਮવਯੋ। ਪਞ੍ਞਾਸવਸ੍ਸਕਾਲੇਤਿ ਪਠਮવਯਤੋ ਯਾવ ਪਞ੍ਞਾਸવਸ੍ਸਕਾਲਾ, ਤਾવ। ਠਿਤਾ ਹੋਤੀਤਿ વਡ੍ਢਿਹਾਨਿਯੋ ਅਨੁਪਗਨ੍ਤ੍વਾ ਸਮਰੂਪੇਨੇવ ਠਿਤਾ ਹੋਤਿ। ਮਨ੍ਦਾਤਿ ਮੁਦੁਕਾ ਅਤਿਖਿਣਾ। ਤਦਾਤਿ ਅਸੀਤਿਨવੁਤਿવਸ੍ਸਕਾਲੇ વਦਨ੍ਤੇਪਿ ਤਥਾਚਿਰਪਰਿਚਿਤੇਪੀਤਿ ਅਧਿਪ੍ਪਾਯੋ। ਭਗ੍ਗਾਤਿ ਤੇਜੋਭਗ੍ਗੇਨ ਭਗ੍ਗਾ ਦੁਬ੍ਬਣ੍ਣਾ। ਹਦਯਕੋਟਿਂਯੇવਾਤਿ ਚਕ੍ਖਾਦਿવਤ੍ਥੂਸੁ ਅਪ੍ਪવਤ੍ਤਿਤ੍વਾ ਤੇਸਂ ਆਦਿਅਨ੍ਤਕੋਟਿਭੂਤਂ ਹਦਯવਤ੍ਥੁਂਯੇવ। ਤਾવਾਤਿ ਯਾવ વੇਦਨਾ વਤ੍ਤਤਿ, ਤਾવ।
Kāyoti (saṃ. ni. ṭī. 2.2.51) pañcadvārakāyo, so anto avasānaṃ etissāti kāyantikā, taṃ kāyantikaṃ. Tenāha – ‘‘yāva pañcadvārakāyo pavattati, tāva pavatta’’nti. Jīvitantikanti etthāpi eseva nayo. Pacchā uppajjitvāti etasmiṃ attabhāve manodvārikavedanāto pacchā uppajjitvā tato paṭhamaṃ nirujjhati, tato eva atthasiddhamatthaṃ sarūpeneva dassetuṃ ‘‘manodvārikavedanā paṭhamaṃ uppajjitvā pacchā nirujjhatī’’ti vuttaṃ. Idāni tameva saṅkhepena vuttaṃ vivarituṃ ‘‘sā hī’’tiādimāha. Yāva tettiṃsavassāni paṭhamavayo. Paññāsavassakāleti paṭhamavayato yāva paññāsavassakālā, tāva. Ṭhitā hotīti vaḍḍhihāniyo anupagantvā samarūpeneva ṭhitā hoti. Mandāti mudukā atikhiṇā. Tadāti asītinavutivassakāle vadantepi tathāciraparicitepīti adhippāyo. Bhaggāti tejobhaggena bhaggā dubbaṇṇā. Hadayakoṭiṃyevāti cakkhādivatthūsu appavattitvā tesaṃ ādiantakoṭibhūtaṃ hadayavatthuṃyeva. Tāvāti yāva vedanā vattati, tāva.
વਾਪਿਯਾਤਿ ਮਹਾਤਲ਼ਾਕੇਨ। ਪਞ੍ਚਉਦਕਮਗ੍ਗਸਮ੍ਪਨ੍ਨਨ੍ਤਿ ਪਞ੍ਚਹਿ ਉਦਕਸ੍ਸ ਪવਿਸਨਨਿਕ੍ਖਮਨਮਗ੍ਗੇਹਿ ਯੁਤ੍ਤਂ। ਤਤੋ ਤਤੋ વਿਸ੍ਸਨ੍ਦਮਾਨਂ ਸਬ੍ਬਸੋ ਪੁਣ੍ਣਤ੍ਤਾ। ਪਠਮਂ ਦੇવੇ વਸ੍ਸਨ੍ਤੇਤਿਆਦਿ ਉਪਮਾਸਂਸਨ੍ਦਨਂ। ਇਮਂ વੇਦਨਂ ਸਨ੍ਧਾਯਾਤਿ ਇਮਂ ਯਥਾવੁਤ੍ਤਂ ਪਰਿਯੋਸਾਨਪ੍ਪਤ੍ਤਂ ਮਨੋਦ੍વਾਰਿਕવੇਦਨਂ ਸਨ੍ਧਾਯ।
Vāpiyāti mahātaḷākena. Pañcaudakamaggasampannanti pañcahi udakassa pavisananikkhamanamaggehi yuttaṃ. Tato tato vissandamānaṃ sabbaso puṇṇattā. Paṭhamaṃ deve vassantetiādi upamāsaṃsandanaṃ. Imaṃ vedanaṃ sandhāyāti imaṃ yathāvuttaṃ pariyosānappattaṃ manodvārikavedanaṃ sandhāya.
ਕਾਯਸ੍ਸ ਭੇਦਾਤਿ ਅਤ੍ਤਭਾવਸ੍ਸ વਿਨਾਸਨਤੋ। ਪਰਤੋ ਅਗਨ੍ਤ੍વਾਤਿ ਪਰਲੋਕવਸੇਨ ਅਗਨ੍ਤ੍વਾ। વੇਦਨਾਨਂ ਸੀਤਿਭਾવੋ ਨਾਮ ਸਙ੍ਖਾਰਦਰਥਪਰਿਲ਼ਾਹਾਭਾવੋ। ਸੋ ਪਨਾਯਂ ਸਬ੍ਬਸੋ ਅਪ੍ਪવਤ੍ਤਿવਸੇਨੇવਾਤਿ ਆਹ ‘‘ਅਪ੍ਪવਤ੍ਤਨਧਮ੍ਮਾਨਿ ਭવਿਸ੍ਸਨ੍ਤੀ’’ਤਿ।
Kāyassa bhedāti attabhāvassa vināsanato. Parato agantvāti paralokavasena agantvā. Vedanānaṃ sītibhāvo nāma saṅkhāradarathapariḷāhābhāvo. So panāyaṃ sabbaso appavattivasenevāti āha ‘‘appavattanadhammāni bhavissantī’’ti.
ਅਤ੍ਤਭਾવਂ ਨਾਸੇਤੁਕਾਮਸ੍ਸ ਦਲ਼੍ਹਂ ਉਪ੍ਪਨ੍ਨਂ ਸਂવੇਗਞਾਣਂ ਸਨ੍ਧਾਯਾਹ ‘‘ਕੁਦਾਲੋ વਿਯ ਪਞ੍ਞਾ’’ਤਿ। ਤਤੋ ਨਿਬ੍ਬਤ੍ਤਿਤਜ੍ਝਾਨਸਮਾਧਿਂ ਸਨ੍ਧਾਯ ‘‘ਪਿਟਕਂ વਿਯ ਸਮਾਧੀ’’ਤਿ। ਤਨ੍ਨਿਸ੍ਸਾਯ ਪવਤ੍ਤੇਤਬ੍ਬવਿਪਸ੍ਸਨਾਰਮ੍ਭਞਾਣਂ ਸਨ੍ਧਾਯ ‘‘ਖਨਿਤ੍ਤਿ વਿਯ વਿਪਸ੍ਸਨਾ’’ਤਿ ਚ વੁਤ੍ਤਂ। ਸੇਸਮੇਤ੍ਥ ਉਤ੍ਤਾਨਮੇવ।
Attabhāvaṃ nāsetukāmassa daḷhaṃ uppannaṃ saṃvegañāṇaṃ sandhāyāha ‘‘kudālo viya paññā’’ti. Tato nibbattitajjhānasamādhiṃ sandhāya ‘‘piṭakaṃ viya samādhī’’ti. Tannissāya pavattetabbavipassanārambhañāṇaṃ sandhāya ‘‘khanitti viya vipassanā’’ti ca vuttaṃ. Sesamettha uttānameva.
વਪ੍ਪਸੁਤ੍ਤવਣ੍ਣਨਾ ਨਿਟ੍ਠਿਤਾ।
Vappasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. વਪ੍ਪਸੁਤ੍ਤਂ • 5. Vappasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੫. વਪ੍ਪਸੁਤ੍ਤવਣ੍ਣਨਾ • 5. Vappasuttavaṇṇanā
