| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
8. варун̣аваг̇г̇о
8. Varuṇavaggo
[71] 1. варун̣аж̇аад̇агаван̣н̣анаа
[71] 1. Varuṇajātakavaṇṇanā
яо буб̣б̣з гаран̣ийяаанийд̇и ид̣̇ам̣ сад̇т̇аа ж̇зд̇аванз вихаранд̇о гудумб̣игабуд̇д̇ад̇иссад̇т̇зрам̣ аараб̣бха гат̇зси. згасмим̣ гира д̣̇ивасз саавад̇т̇иваасино ан̃н̃аман̃н̃асахааяагаа д̇им̣самад̇д̇аа гулабуд̇д̇аа г̇анд̇хабубпавад̇т̇аад̣̇ийни г̇ахзд̇ваа ‘‘сад̇т̇у д̇хаммад̣̇зсанам̣ сун̣иссаамаа’’д̇и махааж̇анабаривуд̇аа ж̇зд̇аванам̣ г̇анд̇ваа нааг̇амаал̣агасааламаал̣агаад̣̇ийсу т̇огам̣ нисийд̣̇ид̇ваа сааяанхасамаяз сад̇т̇ари сурабхиг̇анд̇хаваасид̇ааяа г̇анд̇хагудид̇о нигкамид̇ваа д̇хаммасабхам̣ г̇анд̇ваа алан̇гад̇аб̣уд̣̇д̇хаасанз нисиннз сабариваараа д̇хаммасабхам̣ г̇анд̇ваа сад̇т̇аарам̣ г̇анд̇хабубпзхи бууж̇зд̇ваа жагган̇гид̇ад̇алзсу пуллабад̣̇умасассиригзсу баад̣̇зсу ванд̣̇ид̇ваа згаманд̇ам̣ нисиннаа д̇хаммам̣ сун̣им̣су.
Yopubbe karaṇīyānīti idaṃ satthā jetavane viharanto kuṭumbikaputtatissattheraṃ ārabbha kathesi. Ekasmiṃ kira divase sāvatthivāsino aññamaññasahāyakā tiṃsamattā kulaputtā gandhapupphavatthādīni gahetvā ‘‘satthu dhammadesanaṃ suṇissāmā’’ti mahājanaparivutā jetavanaṃ gantvā nāgamāḷakasālamāḷakādīsu thokaṃ nisīditvā sāyanhasamaye satthari surabhigandhavāsitāya gandhakuṭito nikkhamitvā dhammasabhaṃ gantvā alaṅkatabuddhāsane nisinne saparivārā dhammasabhaṃ gantvā satthāraṃ gandhapupphehi pūjetvā cakkaṅkitatalesu phullapadumasassirikesu pādesu vanditvā ekamantaṃ nisinnā dhammaṃ suṇiṃsu.
ат̇а нзсам̣ зд̇ад̣̇ахоси ‘‘яат̇аа яат̇аа ко маяам̣ бхаг̇авад̇аа д̇хаммам̣ д̣̇зсид̇ам̣ ааж̇аанаама, баб̣б̣аж̇зяяаамаа’’д̇и. д̇з д̇ат̇ааг̇ад̇асса д̇хаммасабхаад̇о нигканд̇агаалз д̇ат̇ааг̇ад̇ам̣ убасан̇гамид̇ваа ванд̣̇ид̇ваа баб̣б̣аж̇ж̇ам̣ яаажим̣су, сад̇т̇аа д̇зсам̣ баб̣б̣аж̇ж̇ам̣ ад̣̇ааси. д̇з аажарияубаж̇жхааяз аараад̇хзд̇ваа убасамбад̣̇ам̣ лабхид̇ваа бан̃жа вассаани аажарияубаж̇жхааяаанам̣ санд̇игз васид̇ваа д̣̇вз маад̇игаа баг̇ун̣ам̣ гад̇ваа габбияаагаббияам̣ н̃ад̇ваа д̇иссо анумод̣̇анаа уг̇г̇ан̣хид̇ваа жийвараани сиб̣б̣зд̇ваа раж̇ид̇ваа ‘‘саман̣ад̇хаммам̣ гариссаамаа’’д̇и аажарияубаж̇жхааяз аабужчид̇ваа сад̇т̇аарам̣ убасан̇гамид̇ваа ванд̣̇ид̇ваа згаманд̇ам̣ нисийд̣̇ид̇ваа ‘‘маяам̣, бханд̇з, бхавзсу угган̣тид̇аа ж̇аад̇иж̇арааб̣яаад̇химаран̣абхаяабхийд̇аа, д̇зсам̣ но сам̣саарабариможанад̇т̇ааяа гаммадтаанам̣ гат̇зт̇аа’’д̇и яаажим̣су. сад̇т̇аа д̇зсам̣ адтад̇им̣сааяа гаммадтаанзсу саббааяам̣ вижинид̇ваа гаммадтаанам̣ гат̇зси. д̇з сад̇т̇у санд̇игз гаммадтаанам̣ г̇ахзд̇ваа сад̇т̇аарам̣ ванд̣̇ид̇ваа бад̣̇агкин̣ам̣ гад̇ваа баривзн̣ам̣ г̇анд̇ваа аажарияубаж̇жхааяз ологзд̇ваа бад̇д̇ажийварамаад̣̇ааяа ‘‘саман̣ад̇хаммам̣ гариссаамаа’’д̇и нигкамим̣су.
Atha nesaṃ etadahosi ‘‘yathā yathā kho mayaṃ bhagavatā dhammaṃ desitaṃ ājānāma, pabbajeyyāmā’’ti. Te tathāgatassa dhammasabhāto nikkhantakāle tathāgataṃ upasaṅkamitvā vanditvā pabbajjaṃ yāciṃsu, satthā tesaṃ pabbajjaṃ adāsi. Te ācariyupajjhāye ārādhetvā upasampadaṃ labhitvā pañca vassāni ācariyupajjhāyānaṃ santike vasitvā dve mātikā paguṇaṃ katvā kappiyākappiyaṃ ñatvā tisso anumodanā uggaṇhitvā cīvarāni sibbetvā rajitvā ‘‘samaṇadhammaṃ karissāmā’’ti ācariyupajjhāye āpucchitvā satthāraṃ upasaṅkamitvā vanditvā ekamantaṃ nisīditvā ‘‘mayaṃ, bhante, bhavesu ukkaṇṭhitā jātijarābyādhimaraṇabhayabhītā, tesaṃ no saṃsāraparimocanatthāya kammaṭṭhānaṃ kathethā’’ti yāciṃsu. Satthā tesaṃ aṭṭhatiṃsāya kammaṭṭhānesu sappāyaṃ vicinitvā kammaṭṭhānaṃ kathesi. Te satthu santike kammaṭṭhānaṃ gahetvā satthāraṃ vanditvā padakkhiṇaṃ katvā pariveṇaṃ gantvā ācariyupajjhāye oloketvā pattacīvaramādāya ‘‘samaṇadhammaṃ karissāmā’’ti nikkhamiṃsu.
ат̇а нзсам̣ аб̣бханд̇арз зго бхигку наамзна гудумб̣игабуд̇д̇ад̇иссад̇т̇зро наама гусийд̇о хийнавийрияо расаг̇ид̣̇д̇хо. со звам̣ жинд̇зси ‘‘ахам̣ нзва аран̃н̃з васид̇ум̣, на бад̇хаанам̣ бад̣̇ахид̇ум̣, на бхигкаажарияааяа яаабзд̇ум̣ сагкиссаами, го мз г̇аманзна ад̇т̇о, нивад̇д̇иссаамий’’д̇и со вийрияам̣ оссаж̇ид̇ваа д̇з бхигкуу ануг̇анд̇ваа нивад̇д̇и. д̇зби ко бхигкуу госалзсу жааригам̣ жарамаанаа ан̃н̃ад̇арам̣ бажжанд̇аг̇аамам̣ г̇анд̇ваа д̇ам̣ убаниссааяа згасмим̣ аран̃н̃ааяад̇анз вассам̣ убаг̇анд̇ваа анд̇од̇змаасам̣ аббамад̇д̇аа гхадзнд̇аа вааяаманд̇аа вибассанааг̇аб̣бхам̣ г̇аахаабзд̇ваа бат̇авим̣ уннаад̣̇аяамаанаа арахад̇д̇ам̣ бад̇ваа вуд̇т̇авассаа баваарзд̇ваа ‘‘бадилад̣̇д̇хаг̇ун̣ам̣ сад̇т̇у аарожзссаамаа’’д̇и д̇ад̇о нигкамид̇ваа анубуб̣б̣зна ж̇зд̇аванам̣ бад̇ваа бад̇д̇ажийварам̣ бадисаамзд̇ваа аажарияубаж̇жхааяз д̣̇исваа д̇ат̇ааг̇ад̇ам̣ д̣̇адтугаамаа сад̇т̇у санд̇игам̣ г̇анд̇ваа ванд̣̇ид̇ваа нисийд̣̇им̣су. сад̇т̇аа д̇зхи сад̣̇д̇хим̣ мад̇хурабадисант̇аарам̣ агааси. д̇з гад̇абадисант̇аараа ад̇д̇анаа бадилад̣̇д̇хаг̇ун̣ам̣ д̇ат̇ааг̇ад̇асса аарожзсум̣, сад̇т̇аа д̇з бхигкуу басам̣си. гудумб̣игабуд̇д̇ад̇иссад̇т̇зро сад̇т̇аарам̣ д̇зсам̣ г̇ун̣агат̇ам̣ гат̇знд̇ам̣ д̣̇исваа саяамби саман̣ад̇хаммам̣ гаад̇угаамо ж̇аад̇о. д̇зби ко бхигкуу ‘‘маяам̣, бханд̇з, д̇амзва аран̃н̃аваасам̣ г̇анд̇ваа васиссаамаа’’д̇и сад̇т̇аарам̣ аабужчим̣су. сад̇т̇аа ‘‘саад̇хуу’’д̇и ануж̇аани. д̇з сад̇т̇аарам̣ ванд̣̇ид̇ваа баривзн̣ам̣ аг̇амам̣су.
Atha nesaṃ abbhantare eko bhikkhu nāmena kuṭumbikaputtatissatthero nāma kusīto hīnavīriyo rasagiddho. So evaṃ cintesi ‘‘ahaṃ neva araññe vasituṃ, na padhānaṃ padahituṃ, na bhikkhācariyāya yāpetuṃ sakkhissāmi, ko me gamanena attho, nivattissāmī’’ti so vīriyaṃ ossajitvā te bhikkhū anugantvā nivatti. Tepi kho bhikkhū kosalesu cārikaṃ caramānā aññataraṃ paccantagāmaṃ gantvā taṃ upanissāya ekasmiṃ araññāyatane vassaṃ upagantvā antotemāsaṃ appamattā ghaṭentā vāyamantā vipassanāgabbhaṃ gāhāpetvā pathaviṃ unnādayamānā arahattaṃ patvā vutthavassā pavāretvā ‘‘paṭiladdhaguṇaṃ satthu ārocessāmā’’ti tato nikkhamitvā anupubbena jetavanaṃ patvā pattacīvaraṃ paṭisāmetvā ācariyupajjhāye disvā tathāgataṃ daṭṭhukāmā satthu santikaṃ gantvā vanditvā nisīdiṃsu. Satthā tehi saddhiṃ madhurapaṭisanthāraṃ akāsi. Te katapaṭisanthārā attanā paṭiladdhaguṇaṃ tathāgatassa ārocesuṃ, satthā te bhikkhū pasaṃsi. Kuṭumbikaputtatissatthero satthāraṃ tesaṃ guṇakathaṃ kathentaṃ disvā sayampi samaṇadhammaṃ kātukāmo jāto. Tepi kho bhikkhū ‘‘mayaṃ, bhante, tameva araññavāsaṃ gantvā vasissāmā’’ti satthāraṃ āpucchiṃsu. Satthā ‘‘sādhū’’ti anujāni. Te satthāraṃ vanditvā pariveṇaṃ agamaṃsu.
ат̇а со гудумб̣игабуд̇д̇ад̇иссад̇т̇зро рад̇д̇ибхааг̇асамананд̇арз ажжаарад̣̇д̇хавийрияо худ̇ваа ад̇ивзг̇зна саман̣ад̇хаммам̣ гаронд̇о маж̇жхимаяаамасамананд̇арз ааламб̣анапалагам̣ ниссааяа тид̇агова нид̣̇д̣̇ааяанд̇о баривад̇д̇ид̇ваа бад̇и, уурудтигам̣ бхиж̇ж̇и, взд̣̇анаа маханд̇аа ж̇аад̇аа. д̇зсам̣ бхигкуунам̣ д̇ам̣ бадиж̇аг̇г̇анд̇аанам̣ г̇аманам̣ на самбаж̇ж̇и. ат̇а нз убадтаанавзлааяам̣ ааг̇ад̇з сад̇т̇аа бужчи ‘‘нану д̇умхз, бхигкавз, ‘свз г̇амиссаамаа’д̇и хияяо аабужчид̇т̇аа’’д̇и? ‘‘аама, бханд̇з, абижа ко бана амхаагам̣ сахааяаго гудумб̣игабуд̇д̇ад̇иссад̇т̇зро агаалз ад̇ивзг̇зна саман̣ад̇хаммам̣ гаронд̇о нид̣̇д̣̇аабхибхууд̇о баривад̇д̇ид̇ваа бад̇ид̇о, уурудтисса бхиннам̣, д̇ам̣ ниссааяа амхаагам̣ г̇аманам̣ на самбаж̇ж̇ий’’д̇и. сад̇т̇аа ‘‘на, бхигкавз, ид̣̇аанзвзса ад̇д̇ано хийнавийрияабхаавзна агаалз ад̇ивзг̇зна вийрияам̣ гаронд̇о д̇умхаагам̣ г̇амананд̇арааяам̣ гарод̇и, буб̣б̣збзса д̇умхаагам̣ г̇амананд̇арааяам̣ агаасиязваа’’д̇и вад̇ваа д̇зхи яаажид̇о ад̇ийд̇ам̣ аахари.
Atha so kuṭumbikaputtatissatthero rattibhāgasamanantare accāraddhavīriyo hutvā ativegena samaṇadhammaṃ karonto majjhimayāmasamanantare ālambanaphalakaṃ nissāya ṭhitakova niddāyanto parivattitvā pati, ūruṭṭhikaṃ bhijji, vedanā mahantā jātā. Tesaṃ bhikkhūnaṃ taṃ paṭijaggantānaṃ gamanaṃ na sampajji. Atha ne upaṭṭhānavelāyaṃ āgate satthā pucchi ‘‘nanu tumhe, bhikkhave, ‘sve gamissāmā’ti hiyyo āpucchitthā’’ti? ‘‘Āma, bhante, apica kho pana amhākaṃ sahāyako kuṭumbikaputtatissatthero akāle ativegena samaṇadhammaṃ karonto niddābhibhūto parivattitvā patito, ūruṭṭhissa bhinnaṃ, taṃ nissāya amhākaṃ gamanaṃ na sampajjī’’ti. Satthā ‘‘na, bhikkhave, idānevesa attano hīnavīriyabhāvena akāle ativegena vīriyaṃ karonto tumhākaṃ gamanantarāyaṃ karoti, pubbepesa tumhākaṃ gamanantarāyaṃ akāsiyevā’’ti vatvā tehi yācito atītaṃ āhari.
ад̇ийд̇з г̇анд̇хаарарадтз д̇аггасилааяам̣ б̣од̇хисад̇д̇о д̣̇исаабаамогко аажарияо худ̇ваа бан̃жа маан̣авагасад̇аани сиббам̣ уг̇г̇ан̣хаабзси. ат̇асса д̇з маан̣аваа згад̣̇ивасам̣ д̣̇аарум̣ аахаран̣ад̇т̇ааяа аран̃н̃ам̣ г̇анд̇ваа д̣̇аарууни уд̣̇д̇харим̣су. д̇зсам̣ анд̇арз зго гусийд̇амаан̣аво маханд̇ам̣ варун̣аругкам̣ д̣̇исваа ‘‘сугкаругко зсо’’д̇и сан̃н̃ааяа ‘‘мухуд̇д̇ам̣ д̇аава нибаж̇ж̇ид̇ваа бажчаа ругкам̣ абхирухид̇ваа д̣̇аарууни баад̇зд̇ваа аад̣̇ааяа г̇амиссаамий’’д̇и уд̇д̇арисаадагам̣ бад̇т̇арид̇ваа нибаж̇ж̇ид̇ваа гаагажчамаано нид̣̇д̣̇ам̣ оггами. ид̇арз маан̣авагаа д̣̇ааругалаабз б̣анд̇хид̇ваа аад̣̇ааяа г̇ажчанд̇аа д̇ам̣ баад̣̇зна бидтияам̣ бахарид̇ваа баб̣од̇хзд̇ваа аг̇амам̣су. гусийд̇амаан̣аво удтааяа агкийни бун̃чид̇ваа бун̃чид̇ваа авиг̇ад̇анид̣̇д̣̇ова варун̣аругкам̣ абхирухид̇ваа саакам̣ г̇ахзд̇ваа ад̇д̇ано абхимукам̣ аагад̣дхид̇ваа бхан̃ж̇анд̇о бхиж̇ж̇ид̇ваа удтид̇агодияаа ад̇д̇ано агким̣ бхинд̣̇аабзд̇ваа згзна хад̇т̇зна д̇ам̣ бид̇хааяа згзна хад̇т̇зна аллад̣̇аарууни бхан̃ж̇ид̇ваа ругкад̇о оруяха д̣̇ааругалаабам̣ б̣анд̇хид̇ваа угкибид̇ваа взг̇зна г̇анд̇ваа д̇зхи баад̇ид̇аанам̣ д̣̇ааруунам̣ убари баад̇зси.
Atīte gandhāraraṭṭhe takkasilāyaṃ bodhisatto disāpāmokkho ācariyo hutvā pañca māṇavakasatāni sippaṃ uggaṇhāpesi. Athassa te māṇavā ekadivasaṃ dāruṃ āharaṇatthāya araññaṃ gantvā dārūni uddhariṃsu. Tesaṃ antare eko kusītamāṇavo mahantaṃ varuṇarukkhaṃ disvā ‘‘sukkharukkho eso’’ti saññāya ‘‘muhuttaṃ tāva nipajjitvā pacchā rukkhaṃ abhiruhitvā dārūni pātetvā ādāya gamissāmī’’ti uttarisāṭakaṃ pattharitvā nipajjitvā kākacchamāno niddaṃ okkami. Itare māṇavakā dārukalāpe bandhitvā ādāya gacchantā taṃ pādena piṭṭhiyaṃ paharitvā pabodhetvā agamaṃsu. Kusītamāṇavo uṭṭhāya akkhīni puñchitvā puñchitvā avigataniddova varuṇarukkhaṃ abhiruhitvā sākhaṃ gahetvā attano abhimukhaṃ ākaḍḍhitvā bhañjanto bhijjitvā uṭṭhitakoṭiyā attano akkhiṃ bhindāpetvā ekena hatthena taṃ pidhāya ekena hatthena alladārūni bhañjitvā rukkhato oruyha dārukalāpaṃ bandhitvā ukkhipitvā vegena gantvā tehi pātitānaṃ dārūnaṃ upari pātesi.
д̇ам̣ д̣̇ивасан̃жа ж̇анабад̣̇аг̇аамагз згам̣ гулам̣ ‘‘свз б̣раахман̣аваажанагам̣ гариссаамаа’’д̇и аажарияам̣ ниманд̇зси. аажарияо маан̣авагз ааха ‘‘д̇аад̇аа, свз згам̣ г̇аамагам̣ г̇анд̇аб̣б̣ам̣, д̇умхз бана нираахаараа на сагкиссат̇а г̇анд̇ум̣, баад̇ова яааг̇ум̣ бажаабзд̇ваа д̇ад̇т̇а г̇анд̇ваа ад̇д̇анаа лад̣̇д̇хагодтаасан̃жа амхаагам̣ бад̇д̇агодтаасан̃жа саб̣б̣амаад̣̇ааяа ааг̇ажчат̇аа’’д̇и. д̇з баад̇ова яааг̇убажанад̇т̇ааяа д̣̇аасим̣ удтаабзд̇ваа ‘‘киббам̣ но яааг̇ум̣ бажаахий’’д̇и аахам̣су. саа д̣̇аарууни г̇ан̣ханд̇ий убари тид̇аани аллаварун̣ад̣̇аарууни г̇ахзд̇ваа бунаббунам̣ мукаваад̇ам̣ д̣̇ад̣̇амаанааби аг̇г̇им̣ уж̇ж̇аалзд̇ум̣ асаггонд̇ий суурияам̣ удтаабзси. маан̣авагаа ‘‘ад̇ид̣̇иваа ж̇аад̇о, ид̣̇аани на саггаа г̇анд̇у’’нд̇и аажарияасса санд̇игам̣ аг̇амим̣су. аажарияо ‘‘гим̣, д̇аад̇аа, на г̇ад̇ад̇т̇аа’’д̇и? ‘‘аама, аажарияа на г̇ад̇амхаа’’д̇и. ‘‘гим̣гааран̣аа’’д̇и? ‘‘асуго наама гусийд̇амаан̣аво амхзхи сад̣̇д̇хим̣ д̣̇ааруунамад̇т̇ааяа аран̃н̃ам̣ г̇анд̇ваа варун̣аругкамуулз нид̣̇д̣̇ааяид̇ваа бажчаа взг̇зна ругкам̣ ааруяха агким̣ бхинд̣̇аабзд̇ваа аллаварун̣ад̣̇аарууни аахарид̇ваа амхзхи аанийд̇ад̣̇ааруунам̣ убари багкиби. яааг̇убаажигаа д̇аани сугкад̣̇аарусан̃н̃ааяа г̇ахзд̇ваа яаава суурияуг̇г̇аманаа уж̇ж̇аалзд̇ум̣ наасагки. иминаа но гааран̣зна г̇амананд̇арааяо ж̇аад̇о’’д̇и. аажарияо маан̣авзна гад̇агаммам̣ суд̇ваа ‘‘анд̇хаб̣аалаанам̣ гаммам̣ ниссааяа зваруубаа барихаани ход̇ий’’д̇и вад̇ваа имам̣ г̇аат̇ам̣ самудтаабзси –
Taṃ divasañca janapadagāmake ekaṃ kulaṃ ‘‘sve brāhmaṇavācanakaṃ karissāmā’’ti ācariyaṃ nimantesi. Ācariyo māṇavake āha ‘‘tātā, sve ekaṃ gāmakaṃ gantabbaṃ, tumhe pana nirāhārā na sakkhissatha gantuṃ, pātova yāguṃ pacāpetvā tattha gantvā attanā laddhakoṭṭhāsañca amhākaṃ pattakoṭṭhāsañca sabbamādāya āgacchathā’’ti. Te pātova yāgupacanatthāya dāsiṃ uṭṭhāpetvā ‘‘khippaṃ no yāguṃ pacāhī’’ti āhaṃsu. Sā dārūni gaṇhantī upari ṭhitāni allavaruṇadārūni gahetvā punappunaṃ mukhavātaṃ dadamānāpi aggiṃ ujjāletuṃ asakkontī sūriyaṃ uṭṭhāpesi. Māṇavakā ‘‘atidivā jāto, idāni na sakkā gantu’’nti ācariyassa santikaṃ agamiṃsu. Ācariyo ‘‘kiṃ, tātā, na gatatthā’’ti? ‘‘Āma, ācariya na gatamhā’’ti. ‘‘Kiṃkāraṇā’’ti? ‘‘Asuko nāma kusītamāṇavo amhehi saddhiṃ dārūnamatthāya araññaṃ gantvā varuṇarukkhamūle niddāyitvā pacchā vegena rukkhaṃ āruyha akkhiṃ bhindāpetvā allavaruṇadārūni āharitvā amhehi ānītadārūnaṃ upari pakkhipi. Yāgupācikā tāni sukkhadārusaññāya gahetvā yāva sūriyuggamanā ujjāletuṃ nāsakkhi. Iminā no kāraṇena gamanantarāyo jāto’’ti. Ācariyo māṇavena katakammaṃ sutvā ‘‘andhabālānaṃ kammaṃ nissāya evarūpā parihāni hotī’’ti vatvā imaṃ gāthaṃ samuṭṭhāpesi –
71.
71.
‘‘яо буб̣б̣з гаран̣ийяаани, бажчаа со гаад̇умижчад̇и;
‘‘Yo pubbe karaṇīyāni, pacchā so kātumicchati;
варун̣агадтабхан̃ж̇ова, са бажчаа мануд̇аббад̇ий’’д̇и.
Varuṇakaṭṭhabhañjova, sa pacchā manutappatī’’ti.
д̇ад̇т̇а са бажчаа мануд̇аббад̇ийд̇и яо гожи буг̇г̇ало ‘‘ид̣̇ам̣ буб̣б̣з гад̇д̇аб̣б̣ам̣, ид̣̇ам̣ бажчаа’’д̇и авиймам̣сид̇ваа буб̣б̣з гаран̣ийяаани батамамзва гад̇д̇аб̣б̣агаммаани бажчаа гарод̇и, аяам̣ варун̣агадтабхан̃ж̇о амхаагам̣ маан̣аваго вияа со б̣аалабуг̇г̇ало бажчаа ануд̇аббад̇и сожад̇и барид̣̇звад̇ийд̇и ад̇т̇о.
Tattha sa pacchā manutappatīti yo koci puggalo ‘‘idaṃ pubbe kattabbaṃ, idaṃ pacchā’’ti avīmaṃsitvā pubbe karaṇīyāni paṭhamameva kattabbakammāni pacchā karoti, ayaṃ varuṇakaṭṭhabhañjo amhākaṃ māṇavako viya so bālapuggalo pacchā anutappati socati paridevatīti attho.
звам̣ б̣од̇хисад̇д̇о анд̇зваасигаанам̣ имам̣ гааран̣ам̣ гат̇зд̇ваа д̣̇аанаад̣̇ийни бун̃н̃аани гарид̇ваа ж̇ийвид̇абарияосаанз яат̇аагаммам̣ г̇ад̇о.
Evaṃ bodhisatto antevāsikānaṃ imaṃ kāraṇaṃ kathetvā dānādīni puññāni karitvā jīvitapariyosāne yathākammaṃ gato.
сад̇т̇аа ‘‘на, бхигкавз, ид̣̇аанзвзса д̇умхаагам̣ анд̇арааяам̣ гарод̇и, буб̣б̣зби агаасиязваа’’д̇и имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси ‘‘д̇ад̣̇аа агкибхзд̣̇ам̣ бад̇д̇о маан̣аво уурубхзд̣̇ам̣ бад̇д̇абхигку ахоси, сзсамаан̣аваа б̣уд̣̇д̇хабарисаа, аажарияаб̣раахман̣о бана ахамзва ахоси’’нд̇и.
Satthā ‘‘na, bhikkhave, idānevesa tumhākaṃ antarāyaṃ karoti, pubbepi akāsiyevā’’ti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi ‘‘tadā akkhibhedaṃ patto māṇavo ūrubhedaṃ pattabhikkhu ahosi, sesamāṇavā buddhaparisā, ācariyabrāhmaṇo pana ahameva ahosi’’nti.
варун̣аж̇аад̇агаван̣н̣анаа батамаа.
Varuṇajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 71. варун̣аж̇аад̇агам̣ • 71. Varuṇajātakaṃ
