| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[47] 7. ваарун̣ид̣̇уусагаж̇аад̇агаван̣н̣анаа
[47] 7. Vāruṇidūsakajātakavaṇṇanā
на вз анад̇т̇агусалзнаад̇и ид̣̇ам̣ сад̇т̇аа ж̇зд̇аванз вихаранд̇о ваарун̣ид̣̇уусагам̣ аараб̣бха гат̇зси. анаат̇абин̣д̣игасса гира сахааяо зго ваарун̣иваан̣иж̇о д̇икин̣ам̣ ваарун̣им̣ яож̇зд̇ваа хиран̃н̃асуван̣н̣аад̣̇ийни г̇ахзд̇ваа виггин̣анд̇о махааж̇анз саннибад̇ид̇з ‘‘д̇аад̇а, д̇вам̣ муулам̣ г̇ахзд̇ваа ваарун̣им̣ д̣̇зхий’’д̇и анд̇зваасигам̣ аан̣аабзд̇ваа саяам̣ нхааяид̇ум̣ аг̇амааси. анд̇зваасиго махааж̇анасса ваарун̣им̣ д̣̇знд̇о мануссз анд̇аранд̇араа лон̣асагкараа аахараабзд̇ваа каад̣̇анд̇з д̣̇исваа ‘‘аяам̣ сураа алон̣игаа бхависсад̇и, лон̣амзд̇т̇а багкибиссаамий’’д̇и сураажаадияам̣ наал̣имад̇д̇ам̣ лон̣ам̣ багкибид̇ваа д̇зсам̣ сурам̣ ад̣̇ааси. д̇з мукам̣ буурзд̇ваа буурзд̇ваа чад̣д̣зд̇ваа ‘‘гим̣ д̇з гад̇а’’нд̇и бужчим̣су. ‘‘д̇умхз сурам̣ бивид̇ваа лон̣ам̣ аахараабзнд̇з д̣̇исваа лон̣зна яож̇зси’’нд̇и. ‘‘зваруубам̣ наама манаабам̣ ваарун̣им̣ наасзси б̣аалаа’’д̇и д̇ам̣ г̇арахид̇ваа удтааяудтааяа багганд̇аа. ваарун̣иваан̣иж̇о ааг̇анд̇ваа згамби ад̣̇исваа ‘‘ваарун̣ибааяагаа гахам̣ г̇ад̇аа’’д̇и бужчи, со д̇амад̇т̇ам̣ аарожзси. ат̇а нам̣ аажарияо ‘‘б̣аала, зваруубаа наама д̇з сураа наасид̇аа’’д̇и г̇арахид̇ваа имам̣ гааран̣ам̣ анаат̇абин̣д̣игасса аарожзси. анаат̇абин̣д̣иго ‘‘ад̇т̇ид̣̇аани мз ид̣̇ам̣ гат̇аабаабхад̇а’’нд̇и ж̇зд̇аванам̣ г̇анд̇ваа сад̇т̇аарам̣ ванд̣̇ид̇ваа зд̇амад̇т̇ам̣ аарожзси. сад̇т̇аа ‘‘на зса, г̇ахабад̇и, ид̣̇аанзва ваарун̣ид̣̇уусаго, буб̣б̣зби ваарун̣ид̣̇уусагоязваа’’д̇и вад̇ваа д̇зна яаажид̇о ад̇ийд̇ам̣ аахари.
Na ve anatthakusalenāti idaṃ satthā jetavane viharanto vāruṇidūsakaṃ ārabbha kathesi. Anāthapiṇḍikassa kira sahāyo eko vāruṇivāṇijo tikhiṇaṃ vāruṇiṃ yojetvā hiraññasuvaṇṇādīni gahetvā vikkiṇanto mahājane sannipatite ‘‘tāta, tvaṃ mūlaṃ gahetvā vāruṇiṃ dehī’’ti antevāsikaṃ āṇāpetvā sayaṃ nhāyituṃ agamāsi. Antevāsiko mahājanassa vāruṇiṃ dento manusse antarantarā loṇasakkharā āharāpetvā khādante disvā ‘‘ayaṃ surā aloṇikā bhavissati, loṇamettha pakkhipissāmī’’ti surācāṭiyaṃ nāḷimattaṃ loṇaṃ pakkhipitvā tesaṃ suraṃ adāsi. Te mukhaṃ pūretvā pūretvā chaḍḍetvā ‘‘kiṃ te kata’’nti pucchiṃsu. ‘‘Tumhe suraṃ pivitvā loṇaṃ āharāpente disvā loṇena yojesi’’nti. ‘‘Evarūpaṃ nāma manāpaṃ vāruṇiṃ nāsesi bālā’’ti taṃ garahitvā uṭṭhāyuṭṭhāya pakkantā. Vāruṇivāṇijo āgantvā ekampi adisvā ‘‘vāruṇipāyakā kahaṃ gatā’’ti pucchi, so tamatthaṃ ārocesi. Atha naṃ ācariyo ‘‘bāla, evarūpā nāma te surā nāsitā’’ti garahitvā imaṃ kāraṇaṃ anāthapiṇḍikassa ārocesi. Anāthapiṇḍiko ‘‘atthidāni me idaṃ kathāpābhata’’nti jetavanaṃ gantvā satthāraṃ vanditvā etamatthaṃ ārocesi. Satthā ‘‘na esa, gahapati, idāneva vāruṇidūsako, pubbepi vāruṇidūsakoyevā’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣аараан̣асияам̣ сздти ахоси. д̇ам̣ убаниссааяа зго ваарун̣иваан̣иж̇о ж̇ийвад̇и. со д̇икин̣ам̣ сурам̣ яож̇зд̇ваа ‘‘имам̣ виггин̣аахий’’д̇и анд̇зваасигам̣ вад̇ваа нхааяид̇ум̣ г̇ад̇о. анд̇зваасиго д̇асмим̣ г̇ад̇амад̇д̇зязва сурааяа лон̣ам̣ багкибид̇ваа иминаава наязна сурам̣ винаасзси. ат̇асса аажарияо ааг̇анд̇ваа д̇ам̣ гааран̣ам̣ н̃ад̇ваа сздтисса аарожзси. сздти ‘‘анад̇т̇агусалаа наама б̣аалаа ‘ад̇т̇ам̣ гариссаамаа’д̇и анад̇т̇амзва гаронд̇ий’’д̇и вад̇ваа имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto bārāṇasiyaṃ seṭṭhi ahosi. Taṃ upanissāya eko vāruṇivāṇijo jīvati. So tikhiṇaṃ suraṃ yojetvā ‘‘imaṃ vikkiṇāhī’’ti antevāsikaṃ vatvā nhāyituṃ gato. Antevāsiko tasmiṃ gatamatteyeva surāya loṇaṃ pakkhipitvā imināva nayena suraṃ vināsesi. Athassa ācariyo āgantvā taṃ kāraṇaṃ ñatvā seṭṭhissa ārocesi. Seṭṭhi ‘‘anatthakusalā nāma bālā ‘atthaṃ karissāmā’ti anatthameva karontī’’ti vatvā imaṃ gāthamāha –
47.
47.
‘‘на вз анад̇т̇агусалзна, ад̇т̇ажарияаа сукаавахаа;
‘‘Na ve anatthakusalena, atthacariyā sukhāvahā;
хаабзд̇и ад̇т̇ам̣ д̣̇уммзд̇хо, гон̣д̣ан̃н̃о ваарун̣им̣ яат̇аа’’д̇и.
Hāpeti atthaṃ dummedho, koṇḍañño vāruṇiṃ yathā’’ti.
д̇ад̇т̇а гон̣д̣ан̃н̃о ваарун̣им̣ яат̇аад̇и яат̇аа аяам̣ гон̣д̣ан̃н̃анаамаго анд̇зваасиго ‘‘ад̇т̇ам̣ гариссаамий’’д̇и лон̣ам̣ багкибид̇ваа ваарун̣им̣ хаабзси барихаабзси винаасзси, звам̣ саб̣б̣оби анад̇т̇агусало ад̇т̇ам̣ хаабзд̇ийд̇и б̣од̇хисад̇д̇о имааяа г̇аат̇ааяа д̇хаммам̣ д̣̇зсзси.
Tattha koṇḍañño vāruṇiṃ yathāti yathā ayaṃ koṇḍaññanāmako antevāsiko ‘‘atthaṃ karissāmī’’ti loṇaṃ pakkhipitvā vāruṇiṃ hāpesi parihāpesi vināsesi, evaṃ sabbopi anatthakusalo atthaṃ hāpetīti bodhisatto imāya gāthāya dhammaṃ desesi.
сад̇т̇ааби ‘‘на зса г̇ахабад̇и ид̣̇аанзва ваарун̣ид̣̇уусаго, буб̣б̣зби ваарун̣ид̣̇уусагоязваа’’д̇и вад̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа ваарун̣ид̣̇уусаго ид̣̇ааниби ваарун̣ид̣̇уусагова ахоси, б̣аараан̣асисздти бана ахамзва ахоси’’нд̇и.
Satthāpi ‘‘na esa gahapati idāneva vāruṇidūsako, pubbepi vāruṇidūsakoyevā’’ti vatvā anusandhiṃ ghaṭetvā jātakaṃ samodhānesi – ‘‘tadā vāruṇidūsako idānipi vāruṇidūsakova ahosi, bārāṇasiseṭṭhi pana ahameva ahosi’’nti.
ваарун̣ид̣̇уусагаж̇аад̇агаван̣н̣анаа сад̇д̇амаа.
Vāruṇidūsakajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 47. ваарун̣ид̣̇уусагаж̇аад̇агам̣ • 47. Vāruṇidūsakajātakaṃ
