| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. ваасздтасуд̇д̇ам̣
4. Vāseṭṭhasuttaṃ
44. згам̣ самаяам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. ат̇а ко ваасздто убаасаго язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ваасздтам̣ убаасагам̣ бхаг̇аваа зд̇ад̣̇авожа – ‘‘адтан̇г̇асаманнааг̇ад̇о, ваасздта, убосат̇о убавуд̇т̇о махабпало ход̇и…бз… анинд̣̇ид̇аа саг̇г̇амубзнд̇и таана’’нд̇и.
44. Ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Atha kho vāseṭṭho upāsako yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho vāseṭṭhaṃ upāsakaṃ bhagavā etadavoca – ‘‘aṭṭhaṅgasamannāgato, vāseṭṭha, uposatho upavuttho mahapphalo hoti…pe… aninditā saggamupenti ṭhāna’’nti.
звам̣ вуд̇д̇з ваасздто убаасаго бхаг̇аванд̇ам̣ зд̇ад̣̇авожа – ‘‘бияаа мз, бханд̇з, н̃аад̇исаалохид̇аа адтан̇г̇асаманнааг̇ад̇ам̣ убосат̇ам̣ убавасзяяум̣, бияаанамби мз асса н̃аад̇исаалохид̇аанам̣ д̣̇ийгхарад̇д̇ам̣ хид̇ааяа сукааяа. саб̣б̣з жзби, бханд̇з, кад̇д̇ияаа адтан̇г̇асаманнааг̇ад̇ам̣ убосат̇ам̣ убавасзяяум̣, саб̣б̣зсамбисса кад̇д̇ияаанам̣ д̣̇ийгхарад̇д̇ам̣ хид̇ааяа сукааяа. саб̣б̣з жзби, бханд̇з, б̣раахман̣аа…бз… взссаа … суд̣̇д̣̇аа адтан̇г̇асаманнааг̇ад̇ам̣ убосат̇ам̣ убавасзяяум̣, саб̣б̣зсамбисса суд̣̇д̣̇аанам̣ д̣̇ийгхарад̇д̇ам̣ хид̇ааяа сукааяаа’’д̇и.
Evaṃ vutte vāseṭṭho upāsako bhagavantaṃ etadavoca – ‘‘piyā me, bhante, ñātisālohitā aṭṭhaṅgasamannāgataṃ uposathaṃ upavaseyyuṃ, piyānampi me assa ñātisālohitānaṃ dīgharattaṃ hitāya sukhāya. Sabbe cepi, bhante, khattiyā aṭṭhaṅgasamannāgataṃ uposathaṃ upavaseyyuṃ, sabbesampissa khattiyānaṃ dīgharattaṃ hitāya sukhāya. Sabbe cepi, bhante, brāhmaṇā…pe… vessā … suddā aṭṭhaṅgasamannāgataṃ uposathaṃ upavaseyyuṃ, sabbesampissa suddānaṃ dīgharattaṃ hitāya sukhāyā’’ti.
‘‘звамзд̇ам̣, ваасздта, звамзд̇ам̣, ваасздта! саб̣б̣з жзби, ваасздта, кад̇д̇ияаа адтан̇г̇асаманнааг̇ад̇ам̣ убосат̇ам̣ убавасзяяум̣, саб̣б̣зсамбисса кад̇д̇ияаанам̣ д̣̇ийгхарад̇д̇ам̣ хид̇ааяа сукааяа. саб̣б̣з жзби, ваасздта, б̣раахман̣аа…бз… взссаа… суд̣̇д̣̇аа адтан̇г̇асаманнааг̇ад̇ам̣ убосат̇ам̣ убавасзяяум̣, саб̣б̣зсамбисса суд̣̇д̣̇аанам̣ д̣̇ийгхарад̇д̇ам̣ хид̇ааяа сукааяа. сад̣̇зваго жзби, ваасздта, лого самаараго саб̣рахмаго сассаман̣аб̣раахман̣ий баж̇аа сад̣̇звамануссаа адтан̇г̇асаманнааг̇ад̇ам̣ убосат̇ам̣ убавасзяяум̣ 1, сад̣̇звагассабисса 2 логасса самаарагасса саб̣рахмагасса сассаман̣аб̣раахман̣ияаа баж̇ааяа сад̣̇звамануссааяа д̣̇ийгхарад̇д̇ам̣ хид̇ааяа сукааяа. имз жзби, ваасздта, махаасаалаа адтан̇г̇асаманнааг̇ад̇ам̣ убосат̇ам̣ убавасзяяум̣, имзсамбисса махаасаалаанам̣ д̣̇ийгхарад̇д̇ам̣ хид̇ааяа сукааяа ( ) 3. го бана ваад̣̇о мануссабхууд̇ассаа’’д̇и! жад̇уд̇т̇ам̣.
‘‘Evametaṃ, vāseṭṭha, evametaṃ, vāseṭṭha! Sabbe cepi, vāseṭṭha, khattiyā aṭṭhaṅgasamannāgataṃ uposathaṃ upavaseyyuṃ, sabbesampissa khattiyānaṃ dīgharattaṃ hitāya sukhāya. Sabbe cepi, vāseṭṭha, brāhmaṇā…pe… vessā… suddā aṭṭhaṅgasamannāgataṃ uposathaṃ upavaseyyuṃ, sabbesampissa suddānaṃ dīgharattaṃ hitāya sukhāya. Sadevako cepi, vāseṭṭha, loko samārako sabrahmako sassamaṇabrāhmaṇī pajā sadevamanussā aṭṭhaṅgasamannāgataṃ uposathaṃ upavaseyyuṃ 4, sadevakassapissa 5 lokassa samārakassa sabrahmakassa sassamaṇabrāhmaṇiyā pajāya sadevamanussāya dīgharattaṃ hitāya sukhāya. Ime cepi, vāseṭṭha, mahāsālā aṭṭhaṅgasamannāgataṃ uposathaṃ upavaseyyuṃ, imesampissa mahāsālānaṃ dīgharattaṃ hitāya sukhāya ( ) 6. Ko pana vādo manussabhūtassā’’ti! Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. ваасздтасуд̇д̇аван̣н̣анаа • 4. Vāseṭṭhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-8. сам̣кид̇д̇уубосат̇асуд̇д̇аад̣̇иван̣н̣анаа • 1-8. Saṃkhittūposathasuttādivaṇṇanā
