| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
8. ваасздтасуд̇д̇аван̣н̣анаа
8. Vāseṭṭhasuttavaṇṇanā
454. звам̣ мз суд̇анд̇и ваасздтасуд̇д̇ам̣. д̇ад̇т̇а ижчаанан̇г̇алаванасан̣д̣зд̇и ижчаанан̇г̇алаг̇аамасса авид̣̇уурз ванасан̣д̣з. жан̇гийд̇и аад̣̇аяо бан̃жаби ж̇анаа ран̃н̃о басзнад̣̇исса госаласса бурохид̇аа зва. ан̃н̃з жа абхин̃н̃аад̇аад̇и ан̃н̃з жа б̣ахуу абхин̃н̃аад̇аа б̣раахман̣аа. д̇з гира чадтз чадтз маасз д̣̇вийсу таанзсу саннибад̇анд̇и. яад̣̇аа ж̇аад̇им̣ сод̇хзд̇угаамаа хонд̇и, д̇ад̣̇аа богкарасаад̇исса санд̇игз ж̇аад̇исод̇ханад̇т̇ам̣ уггадтааяа саннибад̇анд̇и. яад̣̇аа манд̇з сод̇хзд̇угаамаа хонд̇и, д̇ад̣̇аа ижчаанан̇г̇алз саннибад̇анд̇и. имасмим̣ гаалз манд̇асод̇ханад̇т̇ам̣ саннибад̇им̣су. аяаманд̇араа гат̇аад̇и яам̣ ад̇д̇ано сахааяагабхааваануруубам̣ гат̇ам̣ гат̇знд̇аа анувижарим̣су, д̇ассаа гат̇ааяа анд̇араа аяаман̃н̃аа гат̇аа уд̣̇абаад̣̇и. сийлаваад̇и г̇ун̣аваа. вад̇д̇асамбаннод̇и аажаарасамбанно.
454.Evaṃme sutanti vāseṭṭhasuttaṃ. Tattha icchānaṅgalavanasaṇḍeti icchānaṅgalagāmassa avidūre vanasaṇḍe. Caṅkīti ādayo pañcapi janā rañño pasenadissa kosalassa purohitā eva. Aññe ca abhiññātāti aññe ca bahū abhiññātā brāhmaṇā. Te kira chaṭṭhe chaṭṭhe māse dvīsu ṭhānesu sannipatanti. Yadā jātiṃ sodhetukāmā honti, tadā pokkharasātissa santike jātisodhanatthaṃ ukkaṭṭhāya sannipatanti. Yadā mante sodhetukāmā honti, tadā icchānaṅgale sannipatanti. Imasmiṃ kāle mantasodhanatthaṃ sannipatiṃsu. Ayamantarā kathāti yaṃ attano sahāyakabhāvānurūpaṃ kathaṃ kathentā anuvicariṃsu, tassā kathāya antarā ayamaññā kathā udapādi. Sīlavāti guṇavā. Vattasampannoti ācārasampanno.
455. анун̃н̃аад̇абадин̃н̃аад̇аад̇и сигкид̇аа д̇умхзд̇и звам̣ аажариязхи анун̃н̃аад̇аа, аама аажарияа сигкид̇амхаад̇и звам̣ саяан̃жа бадин̃н̃аад̇аа. асмаад̇и бхаваама. ахам̣ богкарасаад̇исса, д̇ааругкассааяам̣ маан̣авод̇и ахам̣ богкарасаад̇исса ж̇здтанд̇зваасий аг̇г̇асиссо, аяам̣ д̇ааругкассаад̇и д̣̇ийбзд̇и.
455.Anuññātapaṭiññātāti sikkhitā tumheti evaṃ ācariyehi anuññātā, āma ācariya sikkhitamhāti evaṃ sayañca paṭiññātā. Asmāti bhavāma. Ahaṃ pokkharasātissa, tārukkhassāyaṃ māṇavoti ahaṃ pokkharasātissa jeṭṭhantevāsī aggasisso, ayaṃ tārukkhassāti dīpeti.
д̇звиж̇ж̇аананд̇и д̇ивзд̣̇аанам̣ б̣раахман̣аанам̣. яад̣̇агкаад̇анд̇и яам̣ ад̇т̇ад̇о жа б̣яан̃ж̇анад̇о жа згам̣ бад̣̇амби агкаад̇ам̣. д̇ад̇ра гзвалиносмасзд̇и д̇ам̣ сагалам̣ ж̇аананад̇о д̇ад̇т̇а нидтааг̇ад̇амхаад̇и ад̇т̇о. ид̣̇аани д̇ам̣ гзвалибхаавам̣ аавигаронд̇о бад̣̇агасмаад̇иаад̣̇имааха. д̇ад̇т̇а ж̇аббз аажарияасаад̣̇исаад̇и гат̇анадтаанз маяам̣ аажарияасад̣̇исааязва.
Tevijjānanti tivedānaṃ brāhmaṇānaṃ. Yadakkhātanti yaṃ atthato ca byañjanato ca ekaṃ padampi akkhātaṃ. Tatra kevalinosmaseti taṃ sakalaṃ jānanato tattha niṭṭhāgatamhāti attho. Idāni taṃ kevalibhāvaṃ āvikaronto padakasmātiādimāha. Tattha jappe ācariyasādisāti kathanaṭṭhāne mayaṃ ācariyasadisāyeva.
гаммунаад̇и д̣̇асагусалагаммабат̇агаммунаа. аяан̃хи буб̣б̣з сад̇д̇авид̇хам̣ гааяаважийгаммам̣ санд̇хааяа ‘‘яад̇о ко, бхо, сийлаваа ход̇ий’’д̇и ааха, д̇ивид̇хам̣ маногаммам̣ санд̇хааяа ‘‘вад̇д̇асамбанно’’д̇и. д̇зна саманнааг̇ад̇о хи аажаарасамбанно ход̇и. жагкумаад̇и бан̃жахи жагкуухи жагкуманд̇абхаавзна бхаг̇аванд̇ам̣ аалабад̇и.
Kammunāti dasakusalakammapathakammunā. Ayañhi pubbe sattavidhaṃ kāyavacīkammaṃ sandhāya ‘‘yato kho, bho, sīlavā hotī’’ti āha, tividhaṃ manokammaṃ sandhāya ‘‘vattasampanno’’ti. Tena samannāgato hi ācārasampanno hoti. Cakkhumāti pañcahi cakkhūhi cakkhumantabhāvena bhagavantaṃ ālapati.
каяаад̇ийд̇анд̇и уунабхаавам̣ ад̇ийд̇ам̣, барибун̣н̣анд̇и ад̇т̇о. бзжжаад̇и убаг̇анд̇ваа. намассанд̇ийд̇и намо гаронд̇и.
Khayātītanti ūnabhāvaṃ atītaṃ, paripuṇṇanti attho. Peccāti upagantvā. Namassantīti namo karonti.
жагкум̣ логз самуббаннанд̇и авиж̇ж̇анд̇хагаарз логз д̇ам̣ анд̇хагаарам̣ вид̇хамид̇ваа логасса д̣̇идтад̇хаммигаад̣̇иад̇т̇ад̣̇ассанзна жагку худ̇ваа самуббаннам̣.
Cakkhuṃ loke samuppannanti avijjandhakāre loke taṃ andhakāraṃ vidhamitvā lokassa diṭṭhadhammikādiatthadassanena cakkhu hutvā samuppannaṃ.
456. звам̣ ваасздтзна т̇омзд̇ваа яаажид̇о бхаг̇аваа д̣̇взби ж̇анз сан̇г̇ан̣ханд̇о д̇зсам̣ во ахам̣ б̣яагкиссанд̇иаад̣̇имааха. д̇ад̇т̇а б̣яагкиссанд̇и б̣яаагариссаами. анубуб̣б̣анд̇и д̇идтад̇у д̇аава б̣раахман̣ажинд̇аа, д̇ин̣аругкагийдабадан̇г̇ад̇о бадтааяа анубадибаадияаа аажигкиссаамийд̇и ад̇т̇о. ж̇аад̇ивибхан̇г̇анд̇и ж̇аад̇ивид̇т̇аарам̣. ан̃н̃аман̃н̃аа хи ж̇аад̇ияод̇и д̇зсам̣ д̇зсан̃хи баан̣аанам̣ ж̇аад̇ияо ан̃н̃аман̃н̃аа наанаббагаараад̇и ад̇т̇о.
456. Evaṃ vāseṭṭhena thometvā yācito bhagavā dvepi jane saṅgaṇhanto tesaṃ vo ahaṃ byakkhissantiādimāha. Tattha byakkhissanti byākarissāmi. Anupubbanti tiṭṭhatu tāva brāhmaṇacintā, tiṇarukkhakīṭapaṭaṅgato paṭṭhāya anupaṭipāṭiyā ācikkhissāmīti attho. Jātivibhaṅganti jātivitthāraṃ. Aññamaññā hi jātiyoti tesaṃ tesañhi pāṇānaṃ jātiyo aññamaññā nānappakārāti attho.
д̇ин̣аругкзд̇и анубаад̣̇иннагаж̇аад̇им̣ гад̇ваа бажчаа убаад̣̇иннагаж̇аад̇им̣ гат̇зссаами, звам̣ д̇асса ж̇аад̇ибхзд̣̇о баагадо бхависсад̇ийд̇и имам̣ д̣̇зсанам̣ аарабхи. махаасийвад̇т̇зро бана ‘‘гим̣, бханд̇з, анубаад̣̇иннагам̣ б̣ийж̇анаанад̇ааяа наанам̣, убаад̣̇иннам̣ гамманаанад̇ааяаад̇и? звам̣ вад̇д̇ум̣ на ваддад̇ий’’д̇и бужчид̇о аама на ваддад̇и. гамман̃хи яонияам̣ кибад̇и. яонисид̣̇д̇хаа имз сад̇д̇аа наанааван̣н̣аа хонд̇ийд̇и. д̇ин̣аругкзд̇и зд̇т̇а анд̇опзг̇г̇уу б̣ахисаараа анд̇амасо д̇ааланаал̣игзраад̣̇аяоби д̇ин̣аанзва, анд̇осаараа бана б̣ахипзг̇г̇уу саб̣б̣з ругкаа наама. на жааби бадиж̇аанарзд̇и маяам̣ д̇ин̣аа маяам̣ ругкаад̇и ваа, ахам̣ д̇ин̣ам̣, ахам̣ ругкод̇и ваа звам̣ на ж̇аананд̇и. лин̇г̇ам̣ ж̇аад̇имаяанд̇и аж̇аананд̇аанамби жа д̇зсам̣ ж̇аад̇имаяамзва сан̣таанам̣ ад̇д̇ано муулабхууд̇ад̇ин̣аад̣̇исад̣̇исамзва ход̇и. гим̣ гааран̣аа? ан̃н̃аман̃н̃аа хи ж̇аад̇ияо. яасмаа ан̃н̃аа д̇ин̣аж̇аад̇и, ан̃н̃аа ругкаж̇аад̇и. д̇ин̣зсуби ан̃н̃аа д̇аалаж̇аад̇и, ан̃н̃аа наал̣игзраж̇аад̇и, звам̣ вид̇т̇аарзд̇аб̣б̣ам̣. иминаа ид̣̇ам̣ д̣̇ассзд̇и – яам̣ ж̇аад̇ивасзна наанаа ход̇и, д̇ам̣ ад̇д̇ано бадин̃н̃ам̣ барзсам̣ ваа убад̣̇зсам̣ винааби ан̃н̃аж̇аад̇ид̇о висзсзна г̇аяхад̇и. яад̣̇и жа ж̇аад̇ияаа б̣раахман̣о бхавзяяа, соби ад̇д̇ано бадин̃н̃ам̣ барзсам̣ ваа убад̣̇зсам̣ винаа кад̇д̇ияад̇о взссад̇о суд̣̇д̣̇ад̇о ваа висзсзна г̇аяхзяяа, на жа г̇аяхад̇и. д̇асмаа на ж̇аад̇ияаа б̣раахман̣од̇и. барад̇о бана ‘‘яат̇аа зд̇аасу ж̇аад̇ийсуу’’д̇и г̇аат̇ааяа зд̇амад̇т̇ам̣ важийбхзд̣̇знзва аавигариссад̇и.
Tiṇarukkheti anupādinnakajātiṃ katvā pacchā upādinnakajātiṃ kathessāmi, evaṃ tassa jātibhedo pākaṭo bhavissatīti imaṃ desanaṃ ārabhi. Mahāsīvatthero pana ‘‘kiṃ, bhante, anupādinnakaṃ bījanānatāya nānaṃ, upādinnaṃ kammanānatāyāti? Evaṃ vattuṃ na vaṭṭatī’’ti pucchito āma na vaṭṭati. Kammañhi yoniyaṃ khipati. Yonisiddhā ime sattā nānāvaṇṇā hontīti. Tiṇarukkheti ettha antopheggū bahisārā antamaso tālanāḷikerādayopi tiṇāneva, antosārā pana bahipheggū sabbe rukkhā nāma. Na cāpi paṭijānareti mayaṃ tiṇā mayaṃ rukkhāti vā, ahaṃ tiṇaṃ, ahaṃ rukkhoti vā evaṃ na jānanti. Liṅgaṃ jātimayanti ajānantānampi ca tesaṃ jātimayameva saṇṭhānaṃ attano mūlabhūtatiṇādisadisameva hoti. Kiṃ kāraṇā? Aññamaññā hi jātiyo. Yasmā aññā tiṇajāti, aññā rukkhajāti. Tiṇesupi aññā tālajāti, aññā nāḷikerajāti, evaṃ vitthāretabbaṃ. Iminā idaṃ dasseti – yaṃ jātivasena nānā hoti, taṃ attano paṭiññaṃ paresaṃ vā upadesaṃ vināpi aññajātito visesena gayhati. Yadi ca jātiyā brāhmaṇo bhaveyya, sopi attano paṭiññaṃ paresaṃ vā upadesaṃ vinā khattiyato vessato suddato vā visesena gayheyya, na ca gayhati. Tasmā na jātiyā brāhmaṇoti. Parato pana ‘‘yathā etāsu jātīsū’’ti gāthāya etamatthaṃ vacībhedeneva āvikarissati.
звам̣ анубаад̣̇иннагзсу ж̇аад̇им̣ д̣̇ассзд̇ваа убаад̣̇иннагзсу д̣̇ассзнд̇о д̇ад̇о гийдзд̇иаад̣̇имааха. яаава гунт̇агибиллигзд̇и гунт̇агибиллигам̣ барияанд̇ам̣ гад̇ваад̇и ад̇т̇о. зд̇т̇а жа яз уббад̇ид̇ваа г̇ажчанд̇и, д̇з бадан̇г̇аа наама. ан̃н̃аман̃н̃аа хи ж̇аад̇ияод̇и д̇зсамби нийларад̇д̇аад̣̇иван̣н̣авасзна ж̇аад̇ияо наанаббагаараава хонд̇и.
Evaṃ anupādinnakesu jātiṃ dassetvā upādinnakesu dassento tato kīṭetiādimāha. Yāva kunthakipilliketi kunthakipillikaṃ pariyantaṃ katvāti attho. Ettha ca ye uppatitvā gacchanti, te paṭaṅgā nāma. Aññamaññā hi jātiyoti tesampi nīlarattādivaṇṇavasena jātiyo nānappakārāva honti.
куд̣̇д̣̇агзд̇и гаал̣агаад̣̇аяо. махаллагзд̇и сасаб̣ил̣аараад̣̇аяо.
Khuddaketi kāḷakādayo. Mahallaketi sasabiḷārādayo.
баад̣̇ууд̣̇арзд̇и уд̣̇арабаад̣̇з, уд̣̇арам̣язва нзсам̣ баад̣̇аад̇и вуд̇д̇ам̣ ход̇и. д̣̇ийгхабидтигзд̇и саббаанан̃хи сийсад̇о яаава нан̇г̇удтаа бидтиязва ход̇и, д̇зна д̇з ‘‘д̣̇ийгхабидтигаа’’д̇и вужжанд̇и.
Pādūdareti udarapāde, udaraṃyeva nesaṃ pādāti vuttaṃ hoti. Dīghapiṭṭhiketi sappānañhi sīsato yāva naṅguṭṭhā piṭṭhiyeva hoti, tena te ‘‘dīghapiṭṭhikā’’ti vuccanti.
уд̣̇агзд̇и од̣̇агз, уд̣̇агамхи ж̇аад̇з.
Udaketi odake, udakamhi jāte.
багкийд̇и сагун̣з. д̇з хи бад̇д̇зхи яанд̇ийд̇и бад̇д̇аяаанаа, взхаасам̣ г̇ажчанд̇ийд̇и вихан̇г̇амаа.
Pakkhīti sakuṇe. Te hi pattehi yantīti pattayānā, vehāsaṃ gacchantīti vihaṅgamā.
звам̣ т̇алаж̇алаагаасаг̇ожараанам̣ баан̣аанам̣ ж̇аад̇ибхзд̣̇ам̣ д̣̇ассзд̇ваа ид̣̇аани язнаад̇хиббааязна д̇ам̣ д̣̇ассзд̇и, д̇ам̣ аавигаронд̇о яат̇аа зд̇аасууд̇и г̇аат̇амааха. д̇ассад̇т̇о сан̇кзбзна вуд̇д̇ова. вид̇т̇аарад̇о банзд̇т̇а яам̣ вад̇д̇аб̣б̣ам̣, д̇ам̣ саяамзва д̣̇ассзнд̇о на гзсзхийд̇иаад̣̇имааха. д̇ад̇рааяам̣ яож̇анаа – яам̣ вуд̇д̇ам̣ ‘‘над̇т̇и мануссзсу лин̇г̇аж̇аад̇имаяам̣ бут̇уу’’д̇и, д̇ам̣ звам̣ над̇т̇ийд̇и взд̣̇ид̇аб̣б̣ам̣. сзяяат̇ид̣̇ам̣? на гзсзхийд̇и. на хи – ‘‘б̣раахман̣аанам̣ зд̣̇исаа гзсаа хонд̇и, кад̇д̇ияаанам̣ зд̣̇исаа’’д̇и нияамо ад̇т̇и яат̇аа хад̇т̇иассамиг̇аад̣̇ийнанд̇и иминаа наязна саб̣б̣ам̣ яож̇зд̇аб̣б̣ам̣.
Evaṃ thalajalākāsagocarānaṃ pāṇānaṃ jātibhedaṃ dassetvā idāni yenādhippāyena taṃ dasseti, taṃ āvikaronto yathā etāsūti gāthamāha. Tassattho saṅkhepena vuttova. Vitthārato panettha yaṃ vattabbaṃ, taṃ sayameva dassento na kesehītiādimāha. Tatrāyaṃ yojanā – yaṃ vuttaṃ ‘‘natthi manussesu liṅgajātimayaṃ puthū’’ti, taṃ evaṃ natthīti veditabbaṃ. Seyyathidaṃ? Na kesehīti. Na hi – ‘‘brāhmaṇānaṃ edisā kesā honti, khattiyānaṃ edisā’’ti niyamo atthi yathā hatthiassamigādīnanti iminā nayena sabbaṃ yojetabbaṃ.
лин̇г̇ам̣ ж̇аад̇имаяам̣ нзва, яат̇аа ан̃н̃аасу ж̇аад̇исууд̇и ид̣̇ам̣ бана вуд̇д̇ассзвад̇т̇асса ниг̇амананд̇и взд̣̇ид̇аб̣б̣ам̣. д̇ассааяам̣ яож̇анаа – звам̣ яасмаа имзхи гзсаад̣̇ийхи над̇т̇и мануссзсу лин̇г̇ам̣ ж̇аад̇имаяам̣ бут̇у, д̇асмаа взд̣̇ид̇аб̣б̣амзд̇ам̣ ‘‘б̣раахман̣аад̣̇ибхзд̣̇зсу мануссзсу лин̇г̇ам̣ ж̇аад̇имаяам̣ нзва, яат̇аа ан̃н̃аасу ж̇аад̇исуу’’д̇и.
Liṅgaṃ jātimayaṃ neva, yathā aññāsu jātisūti idaṃ pana vuttassevatthassa nigamananti veditabbaṃ. Tassāyaṃ yojanā – evaṃ yasmā imehi kesādīhi natthi manussesu liṅgaṃ jātimayaṃ puthu, tasmā veditabbametaṃ ‘‘brāhmaṇādibhedesu manussesu liṅgaṃ jātimayaṃ neva, yathā aññāsu jātisū’’ti.
457. ид̣̇аани звам̣ ж̇аад̇ибхзд̣̇з асад̇иби ‘‘б̣раахман̣о кад̇д̇ияо’’д̇и ид̣̇ам̣ наанад̇д̇ам̣ яат̇аа ж̇аад̇ам̣ , д̇ам̣ д̣̇ассзд̇ум̣ бажжад̇д̇анд̇и г̇аат̇амааха. д̇ад̇т̇а вогааранд̇и наанад̇д̇ам̣. аяам̣ банзд̇т̇а сан̇кзбад̇т̇о – яат̇аа хи д̇иражчаанаанам̣ яонисид̣̇д̇хамзва гзсаад̣̇исан̣таанзна наанад̇д̇ам̣, д̇ат̇аа б̣раахман̣аад̣̇ийнам̣ ад̇д̇ано ад̇д̇ано сарийрз д̇ам̣ над̇т̇и. звам̣ санд̇зби яад̣̇зд̇ам̣ ‘‘б̣раахман̣о кад̇д̇ияо’’д̇и вогаарам̣, д̇ам̣ вогааран̃жа мануссзсу саман̃н̃ааяа бавужжад̇и, вохаарамад̇д̇знзва бавужжад̇ийд̇и.
457. Idāni evaṃ jātibhede asatipi ‘‘brāhmaṇo khattiyo’’ti idaṃ nānattaṃ yathā jātaṃ , taṃ dassetuṃ paccattanti gāthamāha. Tattha vokāranti nānattaṃ. Ayaṃ panettha saṅkhepattho – yathā hi tiracchānānaṃ yonisiddhameva kesādisaṇṭhānena nānattaṃ, tathā brāhmaṇādīnaṃ attano attano sarīre taṃ natthi. Evaṃ santepi yadetaṃ ‘‘brāhmaṇo khattiyo’’ti vokāraṃ, taṃ vokārañca manussesu samaññāya pavuccati, vohāramatteneva pavuccatīti.
зд̇д̇аавад̇аа бхаг̇аваа бхаарад̣̇вааж̇асса ваад̣̇ам̣ ниг̇г̇ан̣хид̇ваа ид̣̇аани яад̣̇и ж̇аад̇ияаа б̣раахман̣о бхавзяяа, ааж̇ийвасийлаажааравибанноби б̣раахман̣о бхавзяяа. яасмаа бана бораан̣аа б̣раахман̣аа д̇асса б̣раахман̣абхаавам̣ на ижчанд̇и, логз жа ан̃н̃зби бан̣д̣ид̇амануссаа, д̇асмаа ваасздтасса ваад̣̇ам̣ баг̇г̇ан̣ханд̇о яо хи гожи мануссзсууд̇и адта г̇аат̇аа ааха. д̇ад̇т̇а г̇орагканд̇и кзд̇д̇арагкам̣, гасигамманд̇и вуд̇д̇ам̣ ход̇и. г̇од̇и хи бат̇авияаа наамам̣, д̇асмаа звамааха. бут̇усиббзнаад̇и д̇анд̇авааяагаммаад̣̇инаанаасиббзна. вохааранд̇и ван̣иж̇ж̇ам̣. барабзссзнаад̇и барзсам̣ взяяааважжагаммзна. иссад̇т̇анд̇и аавуд̇хаж̇ийвигам̣, усун̃жа сад̇д̇им̣ жаад̇и вуд̇д̇ам̣ ход̇и. борохижжзнаад̇и бурохид̇агаммзна.
Ettāvatā bhagavā bhāradvājassa vādaṃ niggaṇhitvā idāni yadi jātiyā brāhmaṇo bhaveyya, ājīvasīlācāravipannopi brāhmaṇo bhaveyya. Yasmā pana porāṇā brāhmaṇā tassa brāhmaṇabhāvaṃ na icchanti, loke ca aññepi paṇḍitamanussā, tasmā vāseṭṭhassa vādaṃ paggaṇhanto yo hi koci manussesūti aṭṭha gāthā āha. Tattha gorakkhanti khettarakkhaṃ, kasikammanti vuttaṃ hoti. Goti hi pathaviyā nāmaṃ, tasmā evamāha. Puthusippenāti tantavāyakammādinānāsippena. Vohāranti vaṇijjaṃ. Parapessenāti paresaṃ veyyāvaccakammena. Issatthanti āvudhajīvikaṃ, usuñca sattiṃ cāti vuttaṃ hoti. Porohiccenāti purohitakammena.
звам̣ б̣раахман̣асамаязна жа логавохаарзна жа ааж̇ийвасийлаажааравибаннасса аб̣раахман̣абхаавам̣ саад̇хзд̇ваа звам̣ санд̇з на ж̇аад̇ияаа б̣раахман̣о, г̇ун̣зхи бана б̣раахман̣о ход̇и. д̇асмаа яад̇т̇а гад̇т̇ажи гулз ж̇аад̇о яо г̇ун̣аваа, со б̣раахман̣о, аяамзд̇т̇а н̃ааяод̇и звамзд̇ам̣ н̃ааяам̣ ад̇т̇ад̇о аабаад̣̇зд̇ваа ид̣̇аани нам̣ важийбхзд̣̇зна багаасзнд̇о на жаахам̣ б̣раахман̣анд̇иаад̣̇имааха. д̇ассад̇т̇о – ахан̃хи явааяам̣ жад̇уннам̣ яонийнам̣ яад̇т̇а гад̇т̇ажи ж̇аад̇о, д̇ад̇рааби висзсзна яо б̣раахман̣асса сам̣ван̣н̣ид̇ааяа маад̇ари самбхууд̇о, д̇ам̣ яониж̇ам̣ мад̇д̇исамбхавам̣, яаа жааяам̣ убхад̇о суж̇аад̇од̇иаад̣̇инаа наязна б̣раахман̣зхи б̣раахман̣асса барисуд̣̇д̇хауббад̇д̇имаг̇г̇асан̇каад̇аа яони вуд̇д̇аа, сам̣суд̣̇д̇хаг̇ахан̣игод̇и иминаа жа маад̇исамбад̇д̇и, д̇ад̇оби ж̇аад̇асамбхууд̇ад̇д̇аа яониж̇о мад̇д̇исамбхавод̇и вужжад̇и, д̇ам̣ яониж̇ам̣ мад̇д̇исамбхавам̣ иминаа жа яониж̇амад̇д̇исамбхавамад̇д̇зна на б̣раахман̣ам̣ б̣рууми. гасмаа? яасмаа, бхо бход̇и, важанамад̇д̇зна ан̃н̃зхи сагин̃жанзхи висидтад̇д̇аа бховаад̣̇и наама со ход̇и, сажз ход̇и сагин̃жано сабалиб̣од̇хо. яо банааяам̣ яад̇т̇а гад̇т̇ажи ж̇аад̇оби рааг̇аад̣̇игин̃жанаабхаавзна агин̃жано, саб̣б̣аг̇ахан̣абадиниссаг̇г̇зна анаад̣̇аано, агин̃жанам̣ анаад̣̇аанам̣, д̇амахам̣ б̣рууми б̣раахман̣ам̣. гасмаа? яасмаа б̣аахид̇абаабод̇и.
Evaṃ brāhmaṇasamayena ca lokavohārena ca ājīvasīlācāravipannassa abrāhmaṇabhāvaṃ sādhetvā evaṃ sante na jātiyā brāhmaṇo, guṇehi pana brāhmaṇo hoti. Tasmā yattha katthaci kule jāto yo guṇavā, so brāhmaṇo, ayamettha ñāyoti evametaṃ ñāyaṃ atthato āpādetvā idāni naṃ vacībhedena pakāsento na cāhaṃ brāhmaṇantiādimāha. Tassattho – ahañhi yvāyaṃ catunnaṃ yonīnaṃ yattha katthaci jāto, tatrāpi visesena yo brāhmaṇassa saṃvaṇṇitāya mātari sambhūto, taṃ yonijaṃ mattisambhavaṃ, yā cāyaṃ ubhato sujātotiādinā nayena brāhmaṇehi brāhmaṇassa parisuddhauppattimaggasaṅkhātā yoni vuttā, saṃsuddhagahaṇikoti iminā ca mātisampatti, tatopi jātasambhūtattā yonijo mattisambhavoti vuccati, taṃ yonijaṃ mattisambhavaṃ iminā ca yonijamattisambhavamattena na brāhmaṇaṃ brūmi. Kasmā? Yasmā, bho bhoti, vacanamattena aññehi sakiñcanehi visiṭṭhattā bhovādi nāma so hoti, sace hoti sakiñcano sapalibodho. Yo panāyaṃ yattha katthaci jātopi rāgādikiñcanābhāvena akiñcano, sabbagahaṇapaṭinissaggena anādāno, akiñcanaṃ anādānaṃ, tamahaṃ brūmibrāhmaṇaṃ. Kasmā? Yasmā bāhitapāpoti.
458. гин̃жабхияяо саб̣б̣асам̣яож̇анам̣ чзд̇ваад̇иаад̣̇и сад̇д̇авийсад̇и г̇аат̇аа. д̇ад̇т̇а саб̣б̣асам̣яож̇ананд̇и д̣̇асавид̇хасам̣яож̇анам̣. на барид̇ассад̇ийд̇и д̇ан̣хаабарид̇ассанааяа на барид̇ассад̇и. сан̇г̇аад̇иг̇анд̇и рааг̇асан̇г̇аад̣̇аяо ад̇игганд̇ам̣. висам̣яуд̇д̇анд̇и жад̇уухи яонийхи саб̣б̣агилзсзхи ваа висам̣яуд̇д̇ам̣.
458. Kiñcabhiyyo sabbasaṃyojanaṃ chetvātiādi sattavīsati gāthā. Tattha sabbasaṃyojananti dasavidhasaṃyojanaṃ. Na paritassatīti taṇhāparitassanāya na paritassati. Saṅgātiganti rāgasaṅgādayo atikkantaṃ. Visaṃyuttanti catūhi yonīhi sabbakilesehi vā visaṃyuttaṃ.
над̣̇д̇хинд̇и убанаахам̣. варад̇д̇анд̇и д̇ан̣хам̣. санд̣̇аананд̇и яуд̇д̇абаасам̣, д̣̇идтибарияудтаанассзд̇ам̣ ад̇хиважанам̣. сахануггаманд̇и ануггамо вужжад̇и баасз бавзсанаг̇ан̣ти, д̣̇идтаанусаяассзд̇ам̣ наамам̣. угкид̇д̇абалигханд̇и зд̇т̇а балигход̇и авиж̇ж̇аа. б̣уд̣̇д̇ханд̇и жад̇усажжаб̣уд̣̇д̇хам̣. д̇ид̇игкад̇ийд̇и камад̇и.
Naddhinti upanāhaṃ. Varattanti taṇhaṃ. Sandānanti yuttapāsaṃ, diṭṭhipariyuṭṭhānassetaṃ adhivacanaṃ. Sahanukkamanti anukkamo vuccati pāse pavesanagaṇṭhi, diṭṭhānusayassetaṃ nāmaṃ. Ukkhittapalighanti ettha palighoti avijjā. Buddhanti catusaccabuddhaṃ. Titikkhatīti khamati.
канд̇иб̣аланд̇и ад̇хиваасанаканд̇иб̣алам̣. саа бана сагим̣ уббаннаа б̣алаанийгам̣ наама на ход̇и, бунаббунам̣ уббаннаа бана ход̇и. д̇ассаа ад̇т̇ид̇ааяа б̣алаанийгам̣.
Khantibalanti adhivāsanakhantibalaṃ. Sā pana sakiṃ uppannā balānīkaṃ nāma na hoti, punappunaṃ uppannā pana hoti. Tassā atthitāya balānīkaṃ.
вад̇аванд̇анд̇и д̇худ̇ан̇г̇аванд̇ам̣. сийлаванд̇анд̇и г̇ун̣аванд̇ам̣. ануссад̣̇анд̇и рааг̇аад̣̇иуссад̣̇авирахид̇ам̣. ‘‘ануссуд̇а’’нд̇иби баато, анавассуд̇анд̇и ад̇т̇о. д̣̇анд̇анд̇и ниб̣б̣исзванам̣.
Vatavantanti dhutaṅgavantaṃ. Sīlavantanti guṇavantaṃ. Anussadanti rāgādiussadavirahitaṃ. ‘‘Anussuta’’ntipi pāṭho, anavassutanti attho. Dantanti nibbisevanaṃ.
на лимбад̇ийд̇и на аллийяад̇и. гаамзсууд̇и гилзсагаамавад̇т̇угаамзсу.
Na limpatīti na allīyati. Kāmesūti kilesakāmavatthukāmesu.
д̣̇угкасса баж̇аанаад̇и, ид̇хзва каяанд̇и зд̇т̇а арахад̇д̇апалам̣ д̣̇угкагкаяод̇и ад̇хиббзд̇ам̣. баж̇аанаад̇ийд̇и ад̇хиг̇амавасзна ж̇аанаад̇и. баннабхааранд̇и охид̇абхаарам̣, канд̇хагилзсаабхисан̇каарагаамаг̇ун̣абхаарз од̇аарзд̇ваа тид̇ам̣. висам̣яуд̇д̇абад̣̇ам̣ вуд̇д̇ад̇т̇амзва.
Dukkhassapajānāti, idheva khayanti ettha arahattaphalaṃ dukkhakkhayoti adhippetaṃ. Pajānātīti adhigamavasena jānāti. Pannabhāranti ohitabhāraṃ, khandhakilesaabhisaṅkhārakāmaguṇabhāre otāretvā ṭhitaṃ. Visaṃyuttapadaṃ vuttatthameva.
г̇амбхийрабан̃н̃анд̇и г̇амбхийрзсу аарамман̣зсу бавад̇д̇абан̃н̃ам̣. мзд̇хаавинд̇и багад̇ибан̃н̃ааяа бан̃н̃аванд̇ам̣.
Gambhīrapaññanti gambhīresu ārammaṇesu pavattapaññaṃ. Medhāvinti pakatipaññāya paññavantaṃ.
анааг̇аарзхи жуубхаяанд̇и анааг̇аарзхи жа висам̣садтам̣ убхаяан̃жа, д̣̇вийхиби жзд̇зхи висам̣садтамзваад̇и ад̇т̇о. аногасааринд̇и огам̣ вужжад̇и бан̃жагаамаг̇ун̣аалаяо, д̇ам̣ аналлийяамаананд̇и ад̇т̇о. аббижчанд̇и анижчам̣.
Anāgārehicūbhayanti anāgārehi ca visaṃsaṭṭhaṃ ubhayañca, dvīhipi cetehi visaṃsaṭṭhamevāti attho. Anokasārinti okaṃ vuccati pañcakāmaguṇālayo, taṃ anallīyamānanti attho. Appicchanti anicchaṃ.
д̇асзсууд̇и сад̇ан̣хзсу. т̇ааварзсууд̇и нид̇д̇ан̣хзсу.
Tasesūti sataṇhesu. Thāvaresūti nittaṇhesu.
ад̇д̇ад̣̇ан̣д̣зсууд̇и г̇ахид̇ад̣̇ан̣д̣зсу. ниб̣б̣уд̇анд̇и гилзсаниб̣б̣аанзна ниб̣б̣уд̇ам̣. саад̣̇аанзсууд̇и саубаад̣̇аанзсу.
Attadaṇḍesūti gahitadaṇḍesu. Nibbutanti kilesanibbānena nibbutaṃ. Sādānesūti saupādānesu.
охид̇од̇и бад̇ид̇о.
Ohitoti patito.
459. агаггасанд̇и нид̣̇д̣̇осам̣. сад̣̇осо хи ругкоби сагаггасод̇и вужжад̇и. вин̃н̃аабанинд̇и ад̇т̇авин̃н̃аабанигам̣. сажжанд̇и ависам̣ваад̣̇игам̣. уд̣̇ийраязд̇и бхан̣ад̇и. яааяа наабхисаж̇ж̇зд̇и яааяа г̇ирааяа барасса саж̇ж̇анам̣ ваа лаг̇г̇анам̣ ваа на гарод̇и, д̇аад̣̇исам̣ апарусам̣ г̇ирам̣ бхаасад̇ийд̇и ад̇т̇о.
459.Akakkasanti niddosaṃ. Sadoso hi rukkhopi sakakkasoti vuccati. Viññāpaninti atthaviññāpanikaṃ. Saccanti avisaṃvādikaṃ. Udīrayeti bhaṇati. Yāyanābhisajjeti yāya girāya parassa sajjanaṃ vā lagganaṃ vā na karoti, tādisaṃ apharusaṃ giraṃ bhāsatīti attho.
д̣̇ийгханд̇и суд̇д̇аарул̣хабхан̣д̣ам̣. рассанд̇и виббагин̣н̣абхан̣д̣ам̣. ан̣унд̇и куд̣̇д̣̇агам̣. т̇ууланд̇и маханд̇ам̣. субхаасубханд̇и сунд̣̇араасунд̣̇арам̣. д̣̇ийгхабхан̣д̣ан̃хи аббаг̇гхамби ход̇и махаг̇гхамби. рассаад̣̇ийсуби зсзва наяо. ид̇и зд̇д̇аавад̇аа на саб̣б̣ам̣ барияаад̣̇ин̣н̣ам̣, ‘‘субхаасубха’’нд̇и иминаа бана барияаад̣̇ин̣н̣ам̣ ход̇и.
Dīghanti suttāruḷhabhaṇḍaṃ. Rassanti vippakiṇṇabhaṇḍaṃ. Aṇunti khuddakaṃ. Thūlanti mahantaṃ. Subhāsubhanti sundarāsundaraṃ. Dīghabhaṇḍañhi appagghampi hoti mahagghampi. Rassādīsupi eseva nayo. Iti ettāvatā na sabbaṃ pariyādiṇṇaṃ, ‘‘subhāsubha’’nti iminā pana pariyādiṇṇaṃ hoti.
нираасаяанд̇и нид̇д̇ан̣хам̣.
Nirāsayanti nittaṇhaṃ.
аалаяаад̇и д̇ан̣хаалаяаа. ан̃н̃ааяаад̇и ж̇аанид̇ваа. амад̇ог̇ад̇ханд̇и амад̇аб̣бханд̇арам̣. ануббад̇д̇анд̇и анубавидтам̣.
Ālayāti taṇhālayā. Aññāyāti jānitvā. Amatogadhanti amatabbhantaraṃ. Anuppattanti anupaviṭṭhaṃ.
убхо сан̇г̇анд̇и убхаяамбзд̇ам̣ сан̇г̇ам̣. бун̃н̃ан̃хи саг̇г̇з лаг̇г̇аабзд̇и, абун̃н̃ам̣ абааяз, д̇асмаа убхаяамбзд̇ам̣ сан̇г̇анд̇и ааха. убажжаг̇аад̇и ад̇ийд̇о.
Ubho saṅganti ubhayampetaṃ saṅgaṃ. Puññañhi sagge laggāpeti, apuññaṃ apāye, tasmā ubhayampetaṃ saṅganti āha. Upaccagāti atīto.
анаавиланд̇и аавилагаран̣агилзсавирахид̇ам̣. нанд̣̇ийбхавабаригкийн̣анд̇и баригкийн̣ананд̣̇им̣ баригкийн̣абхавам̣.
Anāvilanti āvilakaraṇakilesavirahitaṃ. Nandībhavaparikkhīṇanti parikkhīṇanandiṃ parikkhīṇabhavaṃ.
‘‘яо има’’нд̇и г̇аат̇ааяа авиж̇ж̇ааязва висам̣ваад̣̇агадтзна балибат̇о, махаавид̣̇уг̇г̇ад̇ааяа д̣̇уг̇г̇ам̣, сам̣саран̣адтзна сам̣сааро, моханадтзна моход̇и вуд̇д̇о. д̇ин̣н̣од̇и жад̇урогхад̇ин̣н̣о. бааран̇г̇ад̇од̇и ниб̣б̣аанам̣ г̇ад̇о. жхааяийд̇и аарамман̣алагкан̣уубаниж̇жхаанавасзна жхааяий. анзж̇од̇и нид̇д̇ан̣хо. анубаад̣̇ааяа ниб̣б̣уд̇од̇и гин̃жи г̇ахан̣ам̣ аг̇г̇ахзд̇ваа саб̣б̣агилзсаниб̣б̣аанзна ниб̣б̣уд̇о.
‘‘Yo ima’’nti gāthāya avijjāyeva visaṃvādakaṭṭhena palipatho, mahāviduggatāya duggaṃ, saṃsaraṇaṭṭhena saṃsāro, mohanaṭṭhena mohoti vutto. Tiṇṇoti caturoghatiṇṇo. Pāraṅgatoti nibbānaṃ gato. Jhāyīti ārammaṇalakkhaṇūpanijjhānavasena jhāyī. Anejoti nittaṇho. Anupādāyanibbutoti kiñci gahaṇaṃ aggahetvā sabbakilesanibbānena nibbuto.
гаамзд̇и д̣̇увид̇хзби гаамз. анааг̇аарод̇и анааг̇ааро худ̇ваа. бариб̣б̣аж̇зд̇и бариб̣б̣аж̇ад̇и. гаамабхавабаригкийн̣анд̇и кийн̣агаамам̣ кийн̣абхавам̣.
Kāmeti duvidhepi kāme. Anāgāroti anāgāro hutvā. Paribbajeti paribbajati. Kāmabhavaparikkhīṇanti khīṇakāmaṃ khīṇabhavaṃ.
маанусагам̣ яог̇анд̇и маанусагам̣ бан̃жагаамаг̇ун̣аяог̇ам̣. д̣̇иб̣б̣ам̣ яог̇анд̇и д̣̇иб̣б̣ам̣ бан̃жагаамаг̇ун̣аяог̇ам̣. саб̣б̣аяог̇ависам̣яуд̇д̇анд̇и саб̣б̣агилзсаяог̇ависам̣яуд̇д̇ам̣.
Mānusakaṃ yoganti mānusakaṃ pañcakāmaguṇayogaṃ. Dibbaṃ yoganti dibbaṃ pañcakāmaguṇayogaṃ. Sabbayogavisaṃyuttanti sabbakilesayogavisaṃyuttaṃ.
рад̇инд̇и бан̃жагаамаг̇ун̣арад̇им̣. арад̇инд̇и гусалабхааванааяа угган̣тид̇ам̣. вийранд̇и вийрияаванд̇ам̣.
Ratinti pañcakāmaguṇaratiṃ. Aratinti kusalabhāvanāya ukkaṇṭhitaṃ. Vīranti vīriyavantaṃ.
суг̇ад̇анд̇и сунд̣̇арам̣ таанам̣ г̇ад̇ам̣, сунд̣̇арааяа ваа бадибад̇д̇ияаа г̇ад̇ам̣.
Sugatanti sundaraṃ ṭhānaṃ gataṃ, sundarāya vā paṭipattiyā gataṃ.
г̇ад̇инд̇и ниб̣б̣ад̇д̇им̣. бурзд̇и ад̇ийд̇з. бажчаад̇и анааг̇ад̇з. маж̇жхзд̇и бажжуббаннз. гин̃жананд̇и гин̃жанагаараго гилзсо.
Gatinti nibbattiṃ. Pureti atīte. Pacchāti anāgate. Majjheti paccuppanne. Kiñcananti kiñcanakārako kileso.
махзсинд̇и маханд̇з г̇ун̣з бариязсанадтзна махзсим̣. виж̇ид̇аавинанд̇и виж̇ид̇авиж̇аяам̣.
Mahesinti mahante guṇe pariyesanaṭṭhena mahesiṃ. Vijitāvinanti vijitavijayaṃ.
460. звам̣ бхаг̇аваа г̇ун̣ад̇о кийн̣аасавам̣язва б̣раахман̣ам̣ д̣̇ассзд̇ваа яз ж̇аад̇ид̇о б̣раахман̣од̇и абхинивзсам̣ гаронд̇и, д̇з ид̣̇ам̣ аж̇аананд̇аа, саава нзсам̣ д̣̇идти д̣̇уд̣̇д̣̇идтийд̇и д̣̇ассзнд̇о саман̃н̃аа хзсаад̇и г̇аат̇аад̣̇ваяамааха. д̇ассад̇т̇о – яад̣̇ид̣̇ам̣ б̣раахман̣о кад̇д̇ияо бхаарад̣̇вааж̇о ваасздтод̇и наамаг̇од̇д̇ам̣ багаббид̇ам̣ гад̇ам̣ абхисан̇кад̇ам̣, саман̃н̃аа хзсаа логасмим̣, вохаарамад̇д̇анд̇и ад̇т̇о. гасмаа? яасмаа самужжаа самуд̣̇ааг̇ад̇ам̣ саман̃н̃ааяа ааг̇ад̇ам̣. зд̇ан̃хи д̇ад̇т̇а д̇ад̇т̇а ж̇аад̇агаалзязвасса н̃аад̇исаалохид̇зхи багаббид̇ам̣ гад̇ам̣. но жз нам̣ звам̣ багаббзяяум̣, на гожи гин̃жи д̣̇исваа аяам̣ б̣раахман̣од̇и ваа бхаарад̣̇вааж̇од̇и ваа ж̇аанзяяа. звам̣ багаббид̇ам̣ бзд̇ам̣ д̣̇ийгхарад̇д̇аанусаяид̇ам̣, д̣̇идтиг̇ад̇амаж̇аанад̇ам̣, д̇ам̣ багаббид̇ам̣ наамаг̇од̇д̇ам̣ ‘‘наамаг̇од̇д̇амад̇д̇амзд̇ам̣, вохаарад̇т̇ам̣ багаббид̇а’’нд̇и, аж̇аананд̇аанам̣ сад̇д̇аанам̣ хад̣̇аяз д̣̇ийгхарад̇д̇ам̣ д̣̇идтиг̇ад̇аманусаяид̇ам̣. д̇асса анусаяид̇ад̇д̇аа д̇ам̣ наамаг̇од̇д̇ам̣ аж̇аананд̇аа но баб̣рунд̇и, ‘‘ж̇аад̇ияаа ход̇и б̣раахман̣о’’д̇и аж̇аананд̇аава звам̣ вад̣̇анд̇ийд̇и вуд̇д̇ам̣ ход̇и.
460. Evaṃ bhagavā guṇato khīṇāsavaṃyeva brāhmaṇaṃ dassetvā ye jātito brāhmaṇoti abhinivesaṃ karonti, te idaṃ ajānantā, sāva nesaṃ diṭṭhi duddiṭṭhīti dassento samaññā hesāti gāthādvayamāha. Tassattho – yadidaṃ brāhmaṇo khattiyo bhāradvājo vāseṭṭhoti nāmagottaṃ pakappitaṃ kataṃ abhisaṅkhataṃ, samaññā hesā lokasmiṃ, vohāramattanti attho. Kasmā? Yasmā samuccā samudāgataṃ samaññāya āgataṃ. Etañhi tattha tattha jātakāleyevassa ñātisālohitehi pakappitaṃ kataṃ. No ce naṃ evaṃ pakappeyyuṃ, na koci kiñci disvā ayaṃ brāhmaṇoti vā bhāradvājoti vā jāneyya. Evaṃ pakappitaṃ petaṃ dīgharattānusayitaṃ, diṭṭhigatamajānataṃ, taṃ pakappitaṃ nāmagottaṃ ‘‘nāmagottamattametaṃ, vohāratthaṃ pakappita’’nti, ajānantānaṃ sattānaṃ hadaye dīgharattaṃ diṭṭhigatamanusayitaṃ. Tassa anusayitattā taṃ nāmagottaṃ ajānantā no pabrunti, ‘‘jātiyā hoti brāhmaṇo’’ti ajānantāva evaṃ vadantīti vuttaṃ hoti.
звам̣ ‘‘яз ‘ж̇аад̇ид̇о б̣раахман̣о’д̇и абхинивзсам̣ гаронд̇и, д̇з ид̣̇ам̣ вохаарамад̇д̇ам̣ аж̇аананд̇аа, саава нзсам̣ д̣̇идти д̣̇уд̣̇д̣̇идтий’’д̇и д̣̇ассзд̇ваа ид̣̇аани ниббарияааяамзва ж̇аад̇иваад̣̇ам̣ бадигкибанд̇о гаммаваад̣̇ан̃жа бад̇идтабзнд̇о на ж̇ажжаад̇иаад̣̇имааха. д̇ад̇т̇а ‘‘гаммунаа’’д̇и убад̣дхаг̇аат̇ааяа вид̇т̇ааран̣ад̇т̇ам̣ гассаго гаммунаад̇иаад̣̇и вуд̇д̇ам̣. д̇ад̇т̇а гаммунаад̇и бажжуббаннзна гасигаммаад̣̇иниб̣б̣ад̇д̇агажзд̇анаагаммунаа.
Evaṃ ‘‘ye ‘jātito brāhmaṇo’ti abhinivesaṃ karonti, te idaṃ vohāramattaṃ ajānantā, sāva nesaṃ diṭṭhi duddiṭṭhī’’ti dassetvā idāni nippariyāyameva jātivādaṃ paṭikkhipanto kammavādañca patiṭṭhapento na jaccātiādimāha. Tattha ‘‘kammunā’’ti upaḍḍhagāthāya vitthāraṇatthaṃ kassako kammunātiādi vuttaṃ. Tattha kammunāti paccuppannena kasikammādinibbattakacetanākammunā.
бадижжасамуббаад̣̇ад̣̇ассаад̇и иминаа бажжаязна звам̣ ход̇ийд̇и звам̣ бадижжасамуббаад̣̇ад̣̇ассаавино. гаммавибаагаговид̣̇аад̇и саммаанаавамаанаарахагулз гаммавасзна уббад̇д̇и ход̇и, ан̃н̃ааби хийнабан̣ийд̇ад̇аа хийнабан̣ийд̇з гаммз вибажжамаанз ход̇ийд̇и. звам̣ гаммавибаагагусалаа.
Paṭiccasamuppādadassāti iminā paccayena evaṃ hotīti evaṃ paṭiccasamuppādadassāvino. Kammavipākakovidāti sammānāvamānārahakule kammavasena uppatti hoti, aññāpi hīnapaṇītatā hīnapaṇīte kamme vipaccamāne hotīti. Evaṃ kammavipākakusalā.
гаммунаа вад̇д̇ад̇ийд̇и г̇аат̇ааяа бана логод̇и ваа баж̇аад̇и ваа сад̇д̇од̇и ваа згоязвад̇т̇о, важанамад̇д̇абхзд̣̇о. буримабад̣̇зна жзд̇т̇а ‘‘ад̇т̇и б̣рахмаа махааб̣рахмаа сздто саж̇ид̇аа’’д̇и д̣̇идтияаа бадисзд̇хо взд̣̇ид̇аб̣б̣о. гаммунаа хи д̇аасу д̇аасу г̇ад̇ийсу вад̇д̇ад̇и лого, д̇асса го саж̇ид̇аад̇и. д̣̇уд̇ияабад̣̇зна ‘‘звам̣ гаммунаа ниб̣б̣ад̇д̇оби жа бавад̇д̇зби ад̇ийд̇абажжуббаннабхзд̣̇зна гаммунаа вад̇д̇ад̇и, сукад̣̇угкаани бажжанубхонд̇о хийнабан̣ийд̇аад̣̇ибхзд̣̇ан̃жа аабаж̇ж̇анд̇о бавад̇д̇ад̇ий’’д̇и д̣̇ассзд̇и. д̇ад̇иязна д̇амзвад̇т̇ам̣ ниг̇амзд̇и ‘‘звам̣ саб̣б̣ат̇ааби гамманиб̣анд̇ханаа сад̇д̇аа гаммзнзва б̣ад̣̇д̇хаа худ̇ваа бавад̇д̇анд̇и, на ан̃н̃ат̇аа’’д̇и. жад̇уд̇т̇зна д̇амзд̇т̇ам̣ убамааяа вибхаавзд̇и. яат̇аа хи рат̇асса яааяад̇о аан̣и ниб̣анд̇ханам̣ ход̇и, на д̇ааяа аниб̣ад̣̇д̇хо яаад̇и, звам̣ логасса ниб̣б̣ад̇д̇ад̇о жа бавад̇д̇ад̇о жа гаммам̣ ниб̣анд̇ханам̣, на д̇зна аниб̣ад̣̇д̇хо ниб̣б̣ад̇д̇ад̇и на бавад̇д̇ад̇и.
Kammunā vattatīti gāthāya pana lokoti vā pajāti vā sattoti vā ekoyevattho, vacanamattabhedo. Purimapadena cettha ‘‘atthi brahmā mahābrahmā seṭṭho sajitā’’ti diṭṭhiyā paṭisedho veditabbo. Kammunā hi tāsu tāsu gatīsu vattati loko, tassa ko sajitāti. Dutiyapadena ‘‘evaṃ kammunā nibbattopi ca pavattepi atītapaccuppannabhedena kammunā vattati, sukhadukkhāni paccanubhonto hīnapaṇītādibhedañca āpajjanto pavattatī’’ti dasseti. Tatiyena tamevatthaṃ nigameti ‘‘evaṃ sabbathāpi kammanibandhanā sattā kammeneva baddhā hutvā pavattanti, na aññathā’’ti. Catutthena tametthaṃ upamāya vibhāveti. Yathā hi rathassa yāyato āṇi nibandhanaṃ hoti, na tāya anibaddho yāti, evaṃ lokassa nibbattato ca pavattato ca kammaṃ nibandhanaṃ, na tena anibaddho nibbattati na pavattati.
ид̣̇аани яасмаа звам̣ гамманиб̣анд̇хано лого, д̇асмаа сздтзна гаммунаа сздтабхаавам̣ д̣̇ассзнд̇о д̇абзнаад̇и г̇аат̇аад̣̇ваяамааха. д̇ад̇т̇а д̇абзнаад̇и д̇худ̇ан̇г̇ад̇абзна. б̣рахмажариязнаад̇и мзт̇унавирад̇ияаа. сам̣яамзнаад̇и сийлзна . д̣̇амзнаад̇и инд̣̇рияад̣̇амзна. зд̇знаад̇и зд̇зна сздтзна барисуд̣̇д̇хзна б̣рахмабхууд̇зна гаммунаа б̣раахман̣о ход̇и. гасмаа? яасмаа зд̇ам̣ б̣раахман̣амуд̇д̇амам̣, яасмаа зд̇ам̣ гаммам̣ уд̇д̇амо б̣раахман̣аг̇ун̣од̇и вуд̇д̇ам̣ ход̇и. ‘‘б̣рахмаана’’нд̇иби баато. аяам̣ банзд̇т̇а важанад̇т̇о – б̣рахмам̣ аанзд̇ийд̇и б̣рахмаанам̣, б̣раахман̣абхаавам̣ аавахад̇ийд̇и вуд̇д̇ам̣ ход̇и.
Idāni yasmā evaṃ kammanibandhano loko, tasmā seṭṭhena kammunā seṭṭhabhāvaṃ dassento tapenāti gāthādvayamāha. Tattha tapenāti dhutaṅgatapena. Brahmacariyenāti methunaviratiyā. Saṃyamenāti sīlena . Damenāti indriyadamena. Etenāti etena seṭṭhena parisuddhena brahmabhūtena kammunā brāhmaṇo hoti. Kasmā? Yasmā etaṃ brāhmaṇamuttamaṃ, yasmā etaṃ kammaṃ uttamo brāhmaṇaguṇoti vuttaṃ hoti. ‘‘Brahmāna’’ntipi pāṭho. Ayaṃ panettha vacanattho – brahmaṃ ānetīti brahmānaṃ, brāhmaṇabhāvaṃ āvahatīti vuttaṃ hoti.
д̣̇уд̇ияаг̇аат̇ааяа санд̇од̇и санд̇агилзсо. б̣рахмаа саггод̇и б̣рахмаа жа сагго жа, яо зваруубо, со на гзвалам̣ б̣раахман̣о, ат̇а ко б̣рахмаа жа сагго жа со виж̇аанад̇ам̣ бан̣д̣ид̇аанам̣, звам̣ ваасздта, ж̇аанаахийд̇и вуд̇д̇ам̣ ход̇и. сзсам̣ саб̣б̣ад̇т̇а уд̇д̇аанамзваад̇и.
Dutiyagāthāya santoti santakileso. Brahmā sakkoti brahmā ca sakko ca, yo evarūpo, so na kevalaṃ brāhmaṇo, atha kho brahmā ca sakko ca so vijānataṃ paṇḍitānaṃ, evaṃ vāseṭṭha, jānāhīti vuttaṃ hoti. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
ваасздтасуд̇д̇аван̣н̣анаа нидтид̇аа.
Vāseṭṭhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 8. ваасздтасуд̇д̇ам̣ • 8. Vāseṭṭhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. ваасздтасуд̇д̇аван̣н̣анаа • 8. Vāseṭṭhasuttavaṇṇanā
