| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੭. વਸ੍ਸਕਾਰਸੁਤ੍ਤવਣ੍ਣਨਾ
7. Vassakārasuttavaṇṇanā
੧੮੭. ਸਤ੍ਤਮੇ વਸ੍ਸਕਾਰੋ ਬ੍ਰਾਹ੍ਮਣੋ ਮਗਧਮਹਾਮਤ੍ਤੋਤਿ ਏਤ੍ਥ વਸ੍ਸਕਾਰੋਤਿ ਤਸ੍ਸ ਬ੍ਰਾਹ੍ਮਣਸ੍ਸ ਨਾਮਂ। ਮਹਤਿਯਾ ਇਸ੍ਸਰਿਯਮਤ੍ਤਾਯ ਸਮਨ੍ਨਾਗਤੋ ਮਹਾਮਤ੍ਤੋ। ਇਸ੍ਸਰਿਯਮਤ੍ਤਾਯਾਤਿ ਚ ਇਸ੍ਸਰਿਯਪ੍ਪਮਾਣੇਨਾਤਿ ਅਤ੍ਥੋ, ਇਸ੍ਸਰਿਯੇਨ ਚੇવ વਿਤ੍ਤੂਪਕਰਣੇਨ ਚਾਤਿ ਏવਂ વਾ ਏਤ੍ਥ ਅਤ੍ਥੋ ਦਟ੍ਠਬ੍ਬੋ, ਉਪਭੋਗੂਪਕਰਣਾਨਿਪਿ ਹਿ ਲੋਕੇ ‘‘ਮਤ੍ਤਾ’’ਤਿ વੁਚ੍ਚਨ੍ਤਿ। ਮਗਧਰਞ੍ਞੋ, ਮਗਧਰਟ੍ਠੇ વਾ ਮਹਾਮਤ੍ਤੋਤਿ ਮਗਧਮਹਾਮਤ੍ਤੋ। ਤੁਦਿਸਞ੍ਞਿਤੋ ਗਾਮੋ ਨਿવਾਸੋ ਏਤਸ੍ਸਾਤਿ ਤੋਦੇਯ੍ਯੋ। ਤੇਨੇવਾਹ ‘‘ਤੁਦਿਗਾਮવਾਸਿਕਸ੍ਸਾ’’ਤਿ। ਤੁਦਿਗਾਮવਾਸਿਤਾ ਚਸ੍ਸ ਤਤ੍ਥ ਅਧਿਪਤਿਭਾવੇਨਾਤਿ ਦਟ੍ਠਬ੍ਬਾ। ਸੋ ਹਿ ਤਂ ਗਾਮਂ ਸੋਣਦਣ੍ਡੋ વਿਯ, ਚਮ੍ਪਂ ਕੂਟਦਨ੍ਤੋ વਿਯ, ਖਾਣੁਮਤਂ ਅਧਿਪਤਿਭਾવੇਨ ਅਜ੍ਝਾવਸਤਿ। ਮਹਦ੍ਧਨੋ ਹੋਤਿ ਪਞ੍ਚਚਤ੍ਤਾਲੀਸਕੋਟਿવਿਭવੋ। ਪਰਿਸਤੀਤਿ ਪਰਿਸਾਯਂ, ਜਨਸਮੂਹੇਤਿ ਅਤ੍ਥੋ। ਤੇਨਾਹ ‘‘ਸਨ੍ਨਿਪਤਿਤਾਯ ਪਰਿਸਾਯਾ’’ਤਿ। ਅਭਿਪ੍ਪਸਨ੍ਨੋਤਿ ਏਤ੍ਥ ਅਭਿਕ੍ਕਮਨਤ੍ਥੋ ਅਭਿ-ਸਦ੍ਦੋਤਿ ਆਹ ‘‘ਅਤਿਕ੍ਕਮ੍ਮ ਪਸਨ੍ਨੋ’’ਤਿ, ਪਸਾਦਨੀਯਂ ਠਾਨਂ ਅਤਿਕ੍ਕਮਿਤ੍વਾ ਅਪ੍ਪਸਾਦਨੀਯਟ੍ਠਾਨੇ ਪਸਨ੍ਨੋਤਿ ਅਧਿਪ੍ਪਾਯੋ। ਤਂ ਤਂ ਕਿਚ੍ਚਂ ਅਤ੍ਥਂ ਪਸ੍ਸਤੀਤਿ ਅਤ੍ਥਦਸਾ, ਅਲਂ ਸਮਤ੍ਥਾ ਪਟਿਬਲਾ ਅਤ੍ਥਦਸਾ ਅਲਮਤ੍ਥਦਸਾ, ਅਲਮਤ੍ਥਦਸੇ ਅਤਿਸਯਨ੍ਤੀਤਿ ਅਲਮਤ੍ਥਦਸਤਰਾ। ਤੇਨਾਹ ‘‘ਅਤ੍ਥੇ ਪਸ੍ਸਿਤੁਂ ਸਮਤ੍ਥਾ’’ਤਿਆਦਿ। ਨੇવ ਸਪ੍ਪੁਰਿਸਂ ਨ ਅਸਪ੍ਪੁਰਿਸਂ ਜਾਨਾਤਿ ਸਪ੍ਪੁਰਿਸਧਮ੍ਮਾਨਂ ਅਸਪ੍ਪੁਰਿਸਧਮ੍ਮਾਨਞ੍ਚ ਯਾਥਾવਤੋ ਅਜਾਨਨਤੋ। ਸੇਸਮੇਤ੍ਥ ਉਤ੍ਤਾਨਮੇવ।
187. Sattame vassakāro brāhmaṇo magadhamahāmattoti ettha vassakāroti tassa brāhmaṇassa nāmaṃ. Mahatiyā issariyamattāya samannāgato mahāmatto. Issariyamattāyāti ca issariyappamāṇenāti attho, issariyena ceva vittūpakaraṇena cāti evaṃ vā ettha attho daṭṭhabbo, upabhogūpakaraṇānipi hi loke ‘‘mattā’’ti vuccanti. Magadharañño, magadharaṭṭhe vā mahāmattoti magadhamahāmatto. Tudisaññito gāmo nivāso etassāti todeyyo. Tenevāha ‘‘tudigāmavāsikassā’’ti. Tudigāmavāsitā cassa tattha adhipatibhāvenāti daṭṭhabbā. So hi taṃ gāmaṃ soṇadaṇḍo viya, campaṃ kūṭadanto viya, khāṇumataṃ adhipatibhāvena ajjhāvasati. Mahaddhano hoti pañcacattālīsakoṭivibhavo. Parisatīti parisāyaṃ, janasamūheti attho. Tenāha ‘‘sannipatitāya parisāyā’’ti. Abhippasannoti ettha abhikkamanattho abhi-saddoti āha ‘‘atikkamma pasanno’’ti, pasādanīyaṃ ṭhānaṃ atikkamitvā appasādanīyaṭṭhāne pasannoti adhippāyo. Taṃ taṃ kiccaṃ atthaṃ passatīti atthadasā, alaṃ samatthā paṭibalā atthadasā alamatthadasā, alamatthadase atisayantīti alamatthadasatarā. Tenāha ‘‘atthe passituṃ samatthā’’tiādi. Neva sappurisaṃ na asappurisaṃ jānāti sappurisadhammānaṃ asappurisadhammānañca yāthāvato ajānanato. Sesamettha uttānameva.
વਸ੍ਸਕਾਰਸੁਤ੍ਤવਣ੍ਣਨਾ ਨਿਟ੍ਠਿਤਾ।
Vassakārasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. વਸ੍ਸਕਾਰਸੁਤ੍ਤਂ • 7. Vassakārasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੭. વਸ੍ਸਕਾਰਸੁਤ੍ਤવਣ੍ਣਨਾ • 7. Vassakārasuttavaṇṇanā
