| Library / Tipiṭaka / તિપિટક • Tipiṭaka / મહાવગ્ગ-અટ્ઠકથા • Mahāvagga-aṭṭhakathā |
વસ્સાનેચારિકાપટિક્ખેપાદિકથા
Vassānecārikāpaṭikkhepādikathā
૧૮૫-૬. યો પક્કમેય્યાતિ એત્થ અનપેક્ખગમનેન વા અઞ્ઞત્થ અરુણં ઉટ્ઠાપનેન વા આપત્તિ વેદિતબ્બા. યો અતિક્કમેય્યાતિ એત્થ વિહારગણનાય આપત્તિયો વેદિતબ્બા. સચે હિ તં દિવસં વિહારસતસ્સ ઉપચારં ઓક્કમિત્વા અતિક્કમતિ, સતં આપત્તિયો. સચે પન વિહારૂપચારં અતિક્કમિત્વા અઞ્ઞસ્સ વિહારસ્સ ઉપચારં અનોક્કમિત્વાવ નિવત્તતિ, એકા એવ આપત્તિ. કેનચિ અન્તરાયેન પુરિમિકં અનુપગતેન પચ્છિમિકા ઉપગન્તબ્બા.
185-6.Yo pakkameyyāti ettha anapekkhagamanena vā aññattha aruṇaṃ uṭṭhāpanena vā āpatti veditabbā. Yo atikkameyyāti ettha vihāragaṇanāya āpattiyo veditabbā. Sace hi taṃ divasaṃ vihārasatassa upacāraṃ okkamitvā atikkamati, sataṃ āpattiyo. Sace pana vihārūpacāraṃ atikkamitvā aññassa vihārassa upacāraṃ anokkamitvāva nivattati, ekā eva āpatti. Kenaci antarāyena purimikaṃ anupagatena pacchimikā upagantabbā.
વસ્સં ઉક્કડ્ઢિતુકામોતિ વસ્સનામકં પઠમમાસં ઉક્કડ્ઢિતુકામો, સાવણમાસં અકત્વા પુન આસાળ્હીમાસમેવ કત્તુકામોતિ અત્થો. આગમે જુણ્હેતિ આગમે માસેતિ અત્થો. અનુજાનામિ ભિક્ખવે રાજૂનં અનુવત્તિતુન્તિ એત્થ વસ્સુક્કડ્ઢને ભિક્ખૂનં કાચિ પરિહાનિ નામ નત્થીતિ અનુવત્તિતું અનુઞ્ઞાતં, તસ્મા અઞ્ઞસ્મિમ્પિ ધમ્મિકે કમ્મે અનુવત્તિતબ્બં. અધમ્મિકે પન ન કસ્સચિ અનુવત્તિતબ્બં.
Vassaṃukkaḍḍhitukāmoti vassanāmakaṃ paṭhamamāsaṃ ukkaḍḍhitukāmo, sāvaṇamāsaṃ akatvā puna āsāḷhīmāsameva kattukāmoti attho. Āgame juṇheti āgame māseti attho. Anujānāmi bhikkhave rājūnaṃ anuvattitunti ettha vassukkaḍḍhane bhikkhūnaṃ kāci parihāni nāma natthīti anuvattituṃ anuññātaṃ, tasmā aññasmimpi dhammike kamme anuvattitabbaṃ. Adhammike pana na kassaci anuvattitabbaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૧૦૮. વસ્સાને ચારિકાપટિક્ખેપાદિ • 108. Vassāne cārikāpaṭikkhepādi
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / વસ્સાને ચારિકાપટિક્ખેપાદિકથાવણ્ણના • Vassāne cārikāpaṭikkhepādikathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / વસ્સાનેચારિકાપટિક્ખેપાદિકથાવણ્ણના • Vassānecārikāpaṭikkhepādikathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / વસ્સૂપનાયિકઅનુજાનનકથાદિવણ્ણના • Vassūpanāyikaanujānanakathādivaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૧૦૮. વસ્સાનેચારિકાપટિક્ખેપાદિકથા • 108. Vassānecārikāpaṭikkhepādikathā
