| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
3. вассуубанааяигагканд̇хагам̣
3. Vassūpanāyikakkhandhakaṃ
107. вассуубанааяигаануж̇аананагат̇аа
107. Vassūpanāyikānujānanakathā
184. вассуубанааяигагканд̇хагз ‘‘ананун̃н̃аад̇о’’д̇и иминаа абан̃н̃ад̇д̇од̇и зд̇т̇а н̃аад̇хаад̇уяаа ануж̇аананад̇т̇ам̣ д̣̇ассзд̇и, ‘‘асам̣вихид̇о’’д̇и иминаа н̃аад̇хаад̇уяаа табанад̇т̇ам̣. д̇зд̇хаад̇и д̇з ид̇ха. ид̇хасад̣̇д̣̇о саасанан̃жа логан̃жа д̣̇зсан̃жа бад̣̇абууран̣ан̃жа убаад̣̇ааяа вад̇д̇ад̇и, ид̇ха бана бад̣̇абууран̣зд̇и д̣̇ассзнд̇о ааха ‘‘ид̇хасад̣̇д̣̇о нибаад̇амад̇д̇о’’д̇и. сам̣хананам̣ сан̇гхаад̇о, винаасод̇и ад̇т̇о. ид̇и имамад̇т̇ам̣ д̣̇ассзд̇и ‘‘винааса’’нд̇и иминаа. сагунд̇агасад̣̇д̣̇о сагун̣абарияааяод̇и ааха ‘‘сагун̣аа’’д̇и. сагун̣аад̇и жа вихан̇г̇амаа. д̇з хи аагаасз г̇анд̇ум̣ саггонд̇ийд̇и сагун̣аад̇и вужжанд̇и. сам̣гасааяиссанд̇ийд̇и зд̇т̇а ‘‘сам̣ гасз ажчанз’’д̇и д̇хаад̇убаатзсу (сад̣̇д̣̇анийд̇ид̇хаад̇умаалааяам̣ 16 сагааранд̇ад̇хаад̇у) вуд̇д̇ад̇д̇аа сам̣буб̣б̣о гасзд̇хаад̇у ажчанад̇т̇од̇и ааха ‘‘васиссанд̇ий’’д̇и. згааранд̇ояам̣ д̇хаад̇у. ниб̣ад̣̇д̇хаваасанд̇и нижжаваасам̣. вассаананаамагзд̇и вассаанауд̇унаамагз. вассаанасса жад̇умаасад̇д̇аа ‘‘д̇змаасз’’д̇и вуд̇д̇ам̣. вассуубанааяигаад̇и зд̇т̇а нийд̇хаад̇у г̇аманад̇т̇од̇и ааха ‘‘вассуубаг̇аманааний’’д̇и. абараж̇ж̇ууд̇и бун̣н̣амид̇о абарам̣ аханд̇и абараж̇ж̇у, ахад̇т̇з ж̇ж̇убажжаяо, ад̇т̇ад̇о баадибад̣̇ад̣̇ивасо. аяам̣ абараж̇ж̇усад̣̇д̣̇о батаманд̇анибаад̇о. ассаад̇и аасал̣хийбун̣н̣амияаа. асамаанаад̇хигаран̣ависаяо б̣аахирад̇т̇асамаасояам̣, ад̇игганд̇ааяа сад̇ияаад̇и яож̇анаа. абарасмим̣ д̣̇ивасзд̇и баадибад̣̇ад̣̇ивасз. ассаад̇и сааван̣амаасабун̣н̣амияаа. д̇асмаад̇и яасмаа жа абараж̇ж̇уг̇ад̇аа, яасмаа жа маасаг̇ад̇аа, д̇асмаа. ‘‘ананд̇арз баадибад̣̇ад̣̇ивасз’’д̇и иминаа баал̣ияам̣ абараж̇ж̇уг̇ад̇ааяа аасал̣хияаа ананд̇арз баадибад̣̇ад̣̇ивасз буримигаа убаг̇анд̇аб̣б̣аад̇и ад̇т̇ам̣ д̣̇ассзд̇и. аасал̣хияаад̇и аасал̣хийбун̣н̣амияаа. бажчиманаязби маасаг̇ад̇ааяа аасал̣хияаа ананд̇арз баадибад̣̇ад̣̇ивасз бажчимигаа убаг̇анд̇аб̣б̣аад̇и ад̇т̇о д̣̇адтаб̣б̣о. аасал̣хияаад̇и аасал̣хийбун̣н̣амияаа самийбз бавад̇д̇ад̇д̇аа аасал̣хийсан̇каад̇ааяа сааван̣абун̣н̣амияаад̇и ад̇т̇о. баадибад̣̇ад̣̇ивасзязва вассам̣ убаг̇анд̇аб̣б̣анд̇и самб̣анд̇хо. сагим̣ ваад̇иаад̣̇ийсу ваасад̣̇д̣̇о анияамавигаббад̇т̇о. нижчаарзд̇ваад̇и нижжаарзд̇ваа, ужжаарзд̇ваад̇и ад̇т̇о. апудтагкарасан̃н̃ог̇зхи баро гважи пудтад̇д̇амаабаж̇ж̇ад̇и ‘‘нигкамад̇ий’’д̇иаад̣̇ийсу вияа. д̇асмаа барасса жагаарасса чагаарам̣ гад̇ваа ‘‘нижчаарзд̇ваа’’д̇и вуд̇д̇ам̣.
184. Vassūpanāyikakkhandhake ‘‘ananuññāto’’ti iminā apaññattoti ettha ñādhātuyā anujānanatthaṃ dasseti, ‘‘asaṃvihito’’ti iminā ñādhātuyā ṭhapanatthaṃ. Tedhāti te idha. Idhasaddo sāsanañca lokañca desañca padapūraṇañca upādāya vattati, idha pana padapūraṇeti dassento āha ‘‘idhasaddo nipātamatto’’ti. Saṃhananaṃ saṅghāto, vināsoti attho. Iti imamatthaṃ dasseti ‘‘vināsa’’nti iminā. Sakuntakasaddo sakuṇapariyāyoti āha ‘‘sakuṇā’’ti. Sakuṇāti ca vihaṅgamā. Te hi ākāse gantuṃ sakkontīti sakuṇāti vuccanti. Saṃkasāyissantīti ettha ‘‘saṃ kase acchane’’ti dhātupāṭhesu (saddanītidhātumālāyaṃ 16 sakārantadhātu) vuttattā saṃpubbo kasedhātu acchanatthoti āha ‘‘vasissantī’’ti. Ekārantoyaṃ dhātu. Nibaddhavāsanti niccavāsaṃ. Vassānanāmaketi vassānautunāmake. Vassānassa catumāsattā ‘‘temāse’’ti vuttaṃ. Vassūpanāyikāti ettha nīdhātu gamanatthoti āha ‘‘vassūpagamanānī’’ti. Aparajjūti puṇṇamito aparaṃ ahanti aparajju, ahatthe jjupaccayo, atthato pāṭipadadivaso. Ayaṃ aparajjusaddo paṭhamantanipāto. Assāti āsaḷhīpuṇṇamiyā. Asamānādhikaraṇavisayo bāhiratthasamāsoyaṃ, atikkantāya satiyāti yojanā. Aparasmiṃ divaseti pāṭipadadivase. Assāti sāvaṇamāsapuṇṇamiyā. Tasmāti yasmā ca aparajjugatā, yasmā ca māsagatā, tasmā. ‘‘Anantare pāṭipadadivase’’ti iminā pāḷiyaṃ aparajjugatāya āsaḷhiyā anantare pāṭipadadivase purimikā upagantabbāti atthaṃ dasseti. Āsaḷhiyāti āsaḷhīpuṇṇamiyā. Pacchimanayepi māsagatāya āsaḷhiyā anantare pāṭipadadivase pacchimikā upagantabbāti attho daṭṭhabbo. Āsaḷhiyāti āsaḷhīpuṇṇamiyā samīpe pavattattā āsaḷhīsaṅkhātāya sāvaṇapuṇṇamiyāti attho. Pāṭipadadivaseyeva vassaṃ upagantabbanti sambandho. Sakiṃ vātiādīsu vāsaddo aniyamavikappattho. Nicchāretvāti niccāretvā, uccāretvāti attho. Aphuṭṭhakkharasaññogehi paro kvaci phuṭṭhattamāpajjati ‘‘nikkhamatī’’tiādīsu viya. Tasmā parassa cakārassa chakāraṃ katvā ‘‘nicchāretvā’’ti vuttaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 107. вассуубанааяигаануж̇аананаа • 107. Vassūpanāyikānujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / вассуубанааяигаануж̇аананагат̇аа • Vassūpanāyikānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / вассуубанааяигаануж̇аананагат̇ааван̣н̣анаа • Vassūpanāyikānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вассуубанааяигаануж̇аананагат̇ааван̣н̣анаа • Vassūpanāyikānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вассуубанааяигаануж̇аананагат̇аад̣̇иван̣н̣анаа • Vassūpanāyikaanujānanakathādivaṇṇanā
