| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૧૦. વસ્સૂપનાયિકસુત્તવણ્ણના
10. Vassūpanāyikasuttavaṇṇanā
૧૦. દસમે અપઞ્ઞત્તાતિ અનનુઞ્ઞાતા, અવિહિતા વા. વસ્સેતિ વસ્સારત્તં સન્ધાય વદતિ, ઉતુવસ્સેતિ હેમન્તં સન્ધાય. એકિન્દ્રિયં જીવં વિહેઠેન્તાતિ રુક્ખલતાદીસુ જીવસઞ્ઞિતાય એવમાહંસુ. એકિન્દ્રિયન્તિ ચ કાયિન્દ્રિયં અત્થીતિ મઞ્ઞમાના વદન્તિ. સઙ્ઘાતં આપાદેન્તાતિ વિનાસં આપાદેન્તા. સંકસાયિસ્સન્તીતિ અપ્પોસ્સુક્કા નિબદ્ધવાસં વસિસ્સન્તિ. અપરજ્જુગતાય આસાળ્હિયા ઉપગન્તબ્બાતિ એત્થ અપરજ્જુ ગતાય અસ્સાતિ અપરજ્જુગતા, તસ્સા અપરજ્જુગતાય અતિક્કન્તાય, અપરસ્મિં દિવસેતિ અત્થો, તસ્મા આસાળ્હિપુણ્ણમાય અનન્તરે પાટિપદદિવસે ઉપગન્તબ્બાતિ એવમેત્થ અત્થો દટ્ઠબ્બો. માસગતાય આસાળ્હિયા ઉપગન્તબ્બાતિ માસો ગતાય અસ્સાતિ માસગતા, તસ્સા માસગતાય અતિક્કન્તાય, માસે પરિપુણ્ણેતિ અત્થો. તસ્મા આસાળ્હિપુણ્ણમતો પરાય પુણ્ણમાય અનન્તરે પાટિપદદિવસે ઉપગન્તબ્બાતિ અત્થો દટ્ઠબ્બો.
10. Dasame apaññattāti ananuññātā, avihitā vā. Vasseti vassārattaṃ sandhāya vadati, utuvasseti hemantaṃ sandhāya. Ekindriyaṃ jīvaṃ viheṭhentāti rukkhalatādīsu jīvasaññitāya evamāhaṃsu. Ekindriyanti ca kāyindriyaṃ atthīti maññamānā vadanti. Saṅghātaṃ āpādentāti vināsaṃ āpādentā. Saṃkasāyissantīti appossukkā nibaddhavāsaṃ vasissanti. Aparajjugatāya āsāḷhiyā upagantabbāti ettha aparajju gatāya assāti aparajjugatā, tassā aparajjugatāya atikkantāya, aparasmiṃ divaseti attho, tasmā āsāḷhipuṇṇamāya anantare pāṭipadadivase upagantabbāti evamettha attho daṭṭhabbo. Māsagatāya āsāḷhiyā upagantabbāti māso gatāya assāti māsagatā, tassā māsagatāya atikkantāya, māse paripuṇṇeti attho. Tasmā āsāḷhipuṇṇamato parāya puṇṇamāya anantare pāṭipadadivase upagantabbāti attho daṭṭhabbo.
વસ્સૂપનાયિકસુત્તવણ્ણના નિટ્ઠિતા.
Vassūpanāyikasuttavaṇṇanā niṭṭhitā.
કમ્મકારણવગ્ગવણ્ણનાય લીનત્થપ્પકાસના નિટ્ઠિતા.
Kammakāraṇavaggavaṇṇanāya līnatthappakāsanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧૦. વસ્સૂપનાયિકસુત્તં • 10. Vassūpanāyikasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧૦. વસ્સૂપનાયિકસુત્તવણ્ણના • 10. Vassūpanāyikasuttavaṇṇanā
