| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੧੦. વਸ੍ਸੂਪਨਾਯਿਕਸੁਤ੍ਤવਣ੍ਣਨਾ
10. Vassūpanāyikasuttavaṇṇanā
੧੦. ਦਸਮੇ ਅਪਞ੍ਞਤ੍ਤਾਤਿ ਅਨਨੁਞ੍ਞਾਤਾ, ਅવਿਹਿਤਾ વਾ। વਸ੍ਸੇਤਿ વਸ੍ਸਾਰਤ੍ਤਂ ਸਨ੍ਧਾਯ વਦਤਿ, ਉਤੁવਸ੍ਸੇਤਿ ਹੇਮਨ੍ਤਂ ਸਨ੍ਧਾਯ। ਏਕਿਨ੍ਦ੍ਰਿਯਂ ਜੀવਂ વਿਹੇਠੇਨ੍ਤਾਤਿ ਰੁਕ੍ਖਲਤਾਦੀਸੁ ਜੀવਸਞ੍ਞਿਤਾਯ ਏવਮਾਹਂਸੁ। ਏਕਿਨ੍ਦ੍ਰਿਯਨ੍ਤਿ ਚ ਕਾਯਿਨ੍ਦ੍ਰਿਯਂ ਅਤ੍ਥੀਤਿ ਮਞ੍ਞਮਾਨਾ વਦਨ੍ਤਿ। ਸਙ੍ਘਾਤਂ ਆਪਾਦੇਨ੍ਤਾਤਿ વਿਨਾਸਂ ਆਪਾਦੇਨ੍ਤਾ। ਸਂਕਸਾਯਿਸ੍ਸਨ੍ਤੀਤਿ ਅਪ੍ਪੋਸ੍ਸੁਕ੍ਕਾ ਨਿਬਦ੍ਧવਾਸਂ વਸਿਸ੍ਸਨ੍ਤਿ। ਅਪਰਜ੍ਜੁਗਤਾਯ ਆਸਾਲ਼੍ਹਿਯਾ ਉਪਗਨ੍ਤਬ੍ਬਾਤਿ ਏਤ੍ਥ ਅਪਰਜ੍ਜੁ ਗਤਾਯ ਅਸ੍ਸਾਤਿ ਅਪਰਜ੍ਜੁਗਤਾ, ਤਸ੍ਸਾ ਅਪਰਜ੍ਜੁਗਤਾਯ ਅਤਿਕ੍ਕਨ੍ਤਾਯ, ਅਪਰਸ੍ਮਿਂ ਦਿવਸੇਤਿ ਅਤ੍ਥੋ, ਤਸ੍ਮਾ ਆਸਾਲ਼੍ਹਿਪੁਣ੍ਣਮਾਯ ਅਨਨ੍ਤਰੇ ਪਾਟਿਪਦਦਿવਸੇ ਉਪਗਨ੍ਤਬ੍ਬਾਤਿ ਏવਮੇਤ੍ਥ ਅਤ੍ਥੋ ਦਟ੍ਠਬ੍ਬੋ। ਮਾਸਗਤਾਯ ਆਸਾਲ਼੍ਹਿਯਾ ਉਪਗਨ੍ਤਬ੍ਬਾਤਿ ਮਾਸੋ ਗਤਾਯ ਅਸ੍ਸਾਤਿ ਮਾਸਗਤਾ, ਤਸ੍ਸਾ ਮਾਸਗਤਾਯ ਅਤਿਕ੍ਕਨ੍ਤਾਯ, ਮਾਸੇ ਪਰਿਪੁਣ੍ਣੇਤਿ ਅਤ੍ਥੋ। ਤਸ੍ਮਾ ਆਸਾਲ਼੍ਹਿਪੁਣ੍ਣਮਤੋ ਪਰਾਯ ਪੁਣ੍ਣਮਾਯ ਅਨਨ੍ਤਰੇ ਪਾਟਿਪਦਦਿવਸੇ ਉਪਗਨ੍ਤਬ੍ਬਾਤਿ ਅਤ੍ਥੋ ਦਟ੍ਠਬ੍ਬੋ।
10. Dasame apaññattāti ananuññātā, avihitā vā. Vasseti vassārattaṃ sandhāya vadati, utuvasseti hemantaṃ sandhāya. Ekindriyaṃ jīvaṃ viheṭhentāti rukkhalatādīsu jīvasaññitāya evamāhaṃsu. Ekindriyanti ca kāyindriyaṃ atthīti maññamānā vadanti. Saṅghātaṃ āpādentāti vināsaṃ āpādentā. Saṃkasāyissantīti appossukkā nibaddhavāsaṃ vasissanti. Aparajjugatāya āsāḷhiyā upagantabbāti ettha aparajju gatāya assāti aparajjugatā, tassā aparajjugatāya atikkantāya, aparasmiṃ divaseti attho, tasmā āsāḷhipuṇṇamāya anantare pāṭipadadivase upagantabbāti evamettha attho daṭṭhabbo. Māsagatāya āsāḷhiyā upagantabbāti māso gatāya assāti māsagatā, tassā māsagatāya atikkantāya, māse paripuṇṇeti attho. Tasmā āsāḷhipuṇṇamato parāya puṇṇamāya anantare pāṭipadadivase upagantabbāti attho daṭṭhabbo.
વਸ੍ਸੂਪਨਾਯਿਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Vassūpanāyikasuttavaṇṇanā niṭṭhitā.
ਕਮ੍ਮਕਾਰਣવਗ੍ਗવਣ੍ਣਨਾਯ ਲੀਨਤ੍ਥਪ੍ਪਕਾਸਨਾ ਨਿਟ੍ਠਿਤਾ।
Kammakāraṇavaggavaṇṇanāya līnatthappakāsanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. વਸ੍ਸੂਪਨਾਯਿਕਸੁਤ੍ਤਂ • 10. Vassūpanāyikasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. વਸ੍ਸੂਪਨਾਯਿਕਸੁਤ੍ਤવਣ੍ਣਨਾ • 10. Vassūpanāyikasuttavaṇṇanā
