| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੯. વਟਂਸਕਿਯਤ੍ਥੇਰਅਪਦਾਨવਣ੍ਣਨਾ
9. Vaṭaṃsakiyattheraapadānavaṇṇanā
ਸੁਮੇਧੋ ਨਾਮ ਨਾਮੇਨਾਤਿਆਦਿਕਂ ਆਯਸ੍ਮਤੋ વਟਂਸਕਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਮੁਨਿਨ੍ਦੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸੁਮੇਧਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਘਰਾવਾਸਂ ਸਣ੍ਠਪੇਤ੍વਾ ਤਤ੍ਥ ਆਦੀਨવਂ ਦਿਸ੍વਾ ਗੇਹਂ ਪਹਾਯ ਤਾਪਸਪਬ੍ਬਜ੍ਜਂ ਪਬ੍ਬਜਿਤ੍વਾ ਮਹਾવਨੇ વਿਹਾਸਿ। ਤਸ੍ਮਿਂ ਸਮਯੇ ਸੁਮੇਧੋ ਭਗવਾ વਿવੇਕਕਾਮਤਾਯ ਤਂ વਨਂ ਸਮ੍ਪਾਪੁਣਿ। ਅਥ ਸੋ ਤਾਪਸੋ ਭਗવਨ੍ਤਂ ਦਿਸ੍વਾ ਪਸਨ੍ਨਮਾਨਸੋ વਿਕਸਿਤਂ ਸਲ਼ਲਪੁਪ੍ਫਂ ਗਹੇਤ੍વਾ વਟਂਸਕਾਕਾਰੇਨ ਗਨ੍ਥੇਤ੍વਾ ਭਗવਤੋ ਪਾਦਮੂਲੇ ਠਪੇਤ੍વਾ ਪੂਜੇਸਿ। ਭਗવਾ ਤਸ੍ਸ ਚਿਤ੍ਤਪ੍ਪਸਾਦਤ੍ਥਾਯ ਅਨੁਮੋਦਨਮਕਾਸਿ। ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਉਭਯਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ વਿਭવਸਮ੍ਪਨ੍ਨੇ ਕੁਲੇ ਜਾਤੋ વੁਦ੍ਧਿਮਨ੍વਾਯ ਸਦ੍ਧੋ ਪਸਨ੍ਨੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Sumedho nāma nāmenātiādikaṃ āyasmato vaṭaṃsakiyattherassa apadānaṃ. Ayampi purimamunindesu katādhikāro tattha tattha bhave vivaṭṭūpanissayāni puññāni upacinanto sumedhassa bhagavato kāle kulagehe nibbatto viññutaṃ patto gharāvāsaṃ saṇṭhapetvā tattha ādīnavaṃ disvā gehaṃ pahāya tāpasapabbajjaṃ pabbajitvā mahāvane vihāsi. Tasmiṃ samaye sumedho bhagavā vivekakāmatāya taṃ vanaṃ sampāpuṇi. Atha so tāpaso bhagavantaṃ disvā pasannamānaso vikasitaṃ saḷalapupphaṃ gahetvā vaṭaṃsakākārena ganthetvā bhagavato pādamūle ṭhapetvā pūjesi. Bhagavā tassa cittappasādatthāya anumodanamakāsi. So tena puññena devamanussesu saṃsaranto ubhayasampattiyo anubhavitvā imasmiṃ buddhuppāde vibhavasampanne kule jāto vuddhimanvāya saddho pasanno pabbajitvā nacirasseva arahā ahosi.
੪੩. ਸੋ ਅਪਰਭਾਗੇ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਸੁਮੇਧੋ ਨਾਮ ਨਾਮੇਨਾਤਿਆਦਿ વੁਤ੍ਤਂ। વਿવੇਕਮਨੁਬ੍ਰੂਹਨ੍ਤੋਤਿ ਜਨਾਕਿਣ੍ਣਤਂ ਪਹਾਯ ਜਨવਿવੇਕਂ ਚਿਤ੍ਤવਿવੇਕਞ੍ਚ ਅਨੁਬ੍ਰੂਹਨ੍ਤੋ વਡ੍ਢੇਨ੍ਤੋ ਬਹੁਲੀਕਰੋਨ੍ਤੋ ਮਹਾવਨਂ ਅਜ੍ਝੋਗਾਹਿ ਪਾવਿਸੀਤਿ ਅਤ੍ਥੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
43. So aparabhāge pubbakammaṃ saritvā somanassajāto pubbacaritāpadānaṃ pakāsento sumedho nāma nāmenātiādi vuttaṃ. Vivekamanubrūhantoti janākiṇṇataṃ pahāya janavivekaṃ cittavivekañca anubrūhanto vaḍḍhento bahulīkaronto mahāvanaṃ ajjhogāhi pāvisīti attho. Sesaṃ uttānatthamevāti.
વਟਂਸਕਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Vaṭaṃsakiyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੯. વਟਂਸਕਿਯਤ੍ਥੇਰਅਪਦਾਨਂ • 9. Vaṭaṃsakiyattheraapadānaṃ
