| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. д̣̇идтисам̣яуд̇д̇ам̣
3. Diṭṭhisaṃyuttaṃ
1. сод̇аабад̇д̇иваг̇г̇о
1. Sotāpattivaggo
1. ваад̇асуд̇д̇ам̣
1. Vātasuttaṃ
206. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз. бхаг̇аваа зд̇ад̣̇авожа – ‘‘гисмим̣ ну ко, бхигкавз, сад̇и, гим̣ убаад̣̇ааяа, гим̣ абхинивисса звам̣ д̣̇идти уббаж̇ж̇ад̇и – ‘на ваад̇аа вааяанд̇и, на наж̇ж̇о санд̣̇анд̇и, на г̇аб̣бхинияо виж̇ааяанд̇и, на жанд̣̇имасуурияаа уд̣̇знд̇и ваа абзнд̇и ваа зсигадтааяидтид̇аа’’’д̇и?
206. Ekaṃ samayaṃ bhagavā sāvatthiyaṃ viharati jetavane. Bhagavā etadavoca – ‘‘kismiṃ nu kho, bhikkhave, sati, kiṃ upādāya, kiṃ abhinivissa evaṃ diṭṭhi uppajjati – ‘na vātā vāyanti, na najjo sandanti, na gabbhiniyo vijāyanti, na candimasūriyā udenti vā apenti vā esikaṭṭhāyiṭṭhitā’’’ti?
‘‘бхаг̇авам̣муулагаа но, бханд̇з, д̇хаммаа бхаг̇авам̣нзд̇д̇игаа бхаг̇авам̣бадисаран̣аа. саад̇ху вад̇а, бханд̇з, бхаг̇аванд̇ан̃н̃зва бадибхаад̇у зд̇асса бхаасид̇асса ад̇т̇о. бхаг̇авад̇о суд̇ваа бхигкуу д̇хаарзссанд̇ий’’д̇и. ‘‘д̇зна хи, бхигкавз, сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
‘‘Bhagavaṃmūlakā no, bhante, dhammā bhagavaṃnettikā bhagavaṃpaṭisaraṇā. Sādhu vata, bhante, bhagavantaññeva paṭibhātu etassa bhāsitassa attho. Bhagavato sutvā bhikkhū dhāressantī’’ti. ‘‘Tena hi, bhikkhave, suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘руубз ко, бхигкавз, сад̇и, руубам̣ убаад̣̇ааяа, руубам̣ абхинивисса звам̣ д̣̇идти уббаж̇ж̇ад̇и – ‘на ваад̇аа вааяанд̇и, на наж̇ж̇о санд̣̇анд̇и, на г̇аб̣бхинияо виж̇ааяанд̇и, на жанд̣̇имасуурияаа уд̣̇знд̇и ваа абзнд̇и ваа зсигадтааяидтид̇аа’д̇и. взд̣̇анааяа сад̇и…бз… сан̃н̃ааяа сад̇и… сан̇каарзсу сад̇и… вин̃н̃аан̣з сад̇и, вин̃н̃аан̣ам̣ убаад̣̇ааяа, вин̃н̃аан̣ам̣ абхинивисса звам̣ д̣̇идти уббаж̇ж̇ад̇и – ‘на ваад̇аа вааяанд̇и, на наж̇ж̇о санд̣̇анд̇и, на г̇аб̣бхинияо виж̇ааяанд̇и, на жанд̣̇имасуурияаа уд̣̇знд̇и ваа абзнд̇и ваа зсигадтааяидтид̇аа’д̇и. д̇ам̣ гим̣ ман̃н̃ат̇а, бхигкавз, руубам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘яам̣ банаанижжам̣, д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’ . ‘‘яам̣ банаанижжам̣, д̣̇угкам̣ вибарин̣аамад̇хаммам̣, аби ну д̇ам̣ анубаад̣̇ааяа звам̣ д̣̇идти уббаж̇ж̇зяяа – ‘на ваад̇аа вааяанд̇и, на наж̇ж̇о санд̣̇анд̇и, на г̇аб̣бхинияо виж̇ааяанд̇и, на жанд̣̇имасуурияаа уд̣̇знд̇и ваа абзнд̇и ваа зсигадтааяидтид̇аа’’’д̇и? ‘‘но хзд̇ам̣, бханд̇з’’.
‘‘Rūpe kho, bhikkhave, sati, rūpaṃ upādāya, rūpaṃ abhinivissa evaṃ diṭṭhi uppajjati – ‘na vātā vāyanti, na najjo sandanti, na gabbhiniyo vijāyanti, na candimasūriyā udenti vā apenti vā esikaṭṭhāyiṭṭhitā’ti. Vedanāya sati…pe… saññāya sati… saṅkhāresu sati… viññāṇe sati, viññāṇaṃ upādāya, viññāṇaṃ abhinivissa evaṃ diṭṭhi uppajjati – ‘na vātā vāyanti, na najjo sandanti, na gabbhiniyo vijāyanti, na candimasūriyā udenti vā apenti vā esikaṭṭhāyiṭṭhitā’ti. Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ, dukkhaṃ vā taṃ sukhaṃ vā’’ti? ‘‘Dukkhaṃ, bhante’’ . ‘‘Yaṃ panāniccaṃ, dukkhaṃ vipariṇāmadhammaṃ, api nu taṃ anupādāya evaṃ diṭṭhi uppajjeyya – ‘na vātā vāyanti, na najjo sandanti, na gabbhiniyo vijāyanti, na candimasūriyā udenti vā apenti vā esikaṭṭhāyiṭṭhitā’’’ti? ‘‘No hetaṃ, bhante’’.
‘‘взд̣̇анаа нижжаа ваа анижжаа ваа’’д̇и… ‘‘сан̃н̃аа… сан̇каараа… вин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, аби ну д̇ам̣ анубаад̣̇ааяа звам̣ д̣̇идти уббаж̇ж̇зяяа – ‘на ваад̇аа вааяанд̇и, на наж̇ж̇о санд̣̇анд̇и, на г̇аб̣бхинияо виж̇ааяанд̇и, на жанд̣̇имасуурияаа уд̣̇знд̇и ваа абзнд̇и ваа зсигадтааяидтид̇аа’’’д̇и? ‘‘но хзд̇ам̣, бханд̇з’’. ‘‘яамбид̣̇ам̣ 1 д̣̇идтам̣ суд̇ам̣ муд̇ам̣ вин̃н̃аад̇ам̣ бад̇д̇ам̣ бариязсид̇ам̣ анувижарид̇ам̣ манасаа д̇амби нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, аби ну д̇ам̣ анубаад̣̇ааяа звам̣ д̣̇идти уббаж̇ж̇зяяа – ‘на ваад̇аа вааяанд̇и, на наж̇ж̇о санд̣̇анд̇и, на г̇аб̣бхинияо виж̇ааяанд̇и, на жанд̣̇имасуурияаа уд̣̇знд̇и ваа абзнд̇и ваа зсигадтааяидтид̇аа’’’д̇и? ‘‘но хзд̇ам̣, бханд̇з’’.
‘‘Vedanā niccā vā aniccā vā’’ti… ‘‘saññā… saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, api nu taṃ anupādāya evaṃ diṭṭhi uppajjeyya – ‘na vātā vāyanti, na najjo sandanti, na gabbhiniyo vijāyanti, na candimasūriyā udenti vā apenti vā esikaṭṭhāyiṭṭhitā’’’ti? ‘‘No hetaṃ, bhante’’. ‘‘Yampidaṃ 2 diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā tampi niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, api nu taṃ anupādāya evaṃ diṭṭhi uppajjeyya – ‘na vātā vāyanti, na najjo sandanti, na gabbhiniyo vijāyanti, na candimasūriyā udenti vā apenti vā esikaṭṭhāyiṭṭhitā’’’ti? ‘‘No hetaṃ, bhante’’.
‘‘яад̇о ко, бхигкавз, арияасаавагасса имзсу жа 3 таанзсу ган̇каа бахийнаа ход̇и, д̣̇угкзбисса ган̇каа бахийнаа ход̇и, д̣̇угкасамуд̣̇аязбисса ган̇каа бахийнаа ход̇и, д̣̇угканирод̇хзбисса ган̇каа бахийнаа ход̇и, д̣̇угканирод̇хаг̇ааминияаа бадибад̣̇ааяабисса ган̇каа бахийнаа ход̇и – аяам̣ вужжад̇и, бхигкавз, арияасааваго сод̇аабанно авинибаад̇ад̇хаммо нияад̇о самб̣од̇хибарааяано’’д̇и. батамам̣.
‘‘Yato kho, bhikkhave, ariyasāvakassa imesu ca 4 ṭhānesu kaṅkhā pahīnā hoti, dukkhepissa kaṅkhā pahīnā hoti, dukkhasamudayepissa kaṅkhā pahīnā hoti, dukkhanirodhepissa kaṅkhā pahīnā hoti, dukkhanirodhagāminiyā paṭipadāyapissa kaṅkhā pahīnā hoti – ayaṃ vuccati, bhikkhave, ariyasāvako sotāpanno avinipātadhammo niyato sambodhiparāyano’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. ваад̇асуд̇д̇аван̣н̣анаа • 1. Vātasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. ваад̇асуд̇д̇аван̣н̣анаа • 1. Vātasuttavaṇṇanā
