| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[35] 5. ваддагаж̇аад̇агаван̣н̣анаа
[35] 5. Vaṭṭakajātakavaṇṇanā
санд̇и багкаа абад̇анаад̇и ид̣̇ам̣ сад̇т̇аа маг̇ад̇хзсу жааригам̣ жарамаано д̣̇ааваг̇г̇иниб̣б̣аанам̣ аараб̣бха гат̇зси. згасмин̃хи самаяз сад̇т̇аа маг̇ад̇хзсу жааригам̣ жарамаано ан̃н̃ад̇арасмим̣ маг̇ад̇хаг̇аамагз бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о бхигкуг̇ан̣абаривуд̇о маг̇г̇ам̣ бадибаж̇ж̇и. д̇асмим̣ самаяз махаад̣аахо удтахи, бурад̇о жа бажчад̇о жа б̣ахуу бхигкуу д̣̇иссанд̇и, соби ко аг̇г̇и згад̇хуумо згаж̇аало худ̇ваа авад̇т̇арамаано ааг̇ажчад̇зва. д̇ад̇т̇згз бут̇уж̇ж̇анабхигкуу маран̣абхаяабхийд̇аа ‘‘бадаг̇г̇им̣ д̣̇ассаама, д̇зна д̣̇ад̣дхадтаанам̣ ид̇аро аг̇г̇и на од̇т̇ариссад̇ий’’д̇и аран̣исахид̇ам̣ нийхарид̇ваа аг̇г̇им̣ гаронд̇и. абарз аахам̣су ‘‘аавусо, д̇умхз гим̣ наама гарот̇а, г̇аг̇анамаж̇жхз тид̇ам̣ жанд̣̇аман̣д̣алам̣, баажийналогад̇хаад̇уд̇о уг̇г̇ажчанд̇ам̣ сахассарам̣сибадиман̣д̣ид̇ам̣ суурияаман̣д̣алам̣, взлааяа д̇ийрз тид̇аа самуд̣̇д̣̇ам̣, синзрум̣ ниссааяа тид̇аа синзрум̣ абассанд̇аа вияа сад̣̇звагз логз аг̇г̇абуг̇г̇алам̣ ад̇д̇анаа сад̣̇д̇хим̣ г̇ажчанд̇амзва саммаасамб̣уд̣̇д̇хам̣ анологзд̇ваа ‘бадаг̇г̇им̣ д̣̇змаа’д̇и вад̣̇ат̇а, б̣уд̣̇д̇хаб̣алам̣ наама на ж̇аанаат̇а, зт̇а сад̇т̇у санд̇игам̣ г̇амиссаамаа’’д̇и. д̇з бурад̇о жа бажчад̇о жа г̇ажчанд̇аа саб̣б̣зби згад̇о худ̇ваа д̣̇асаб̣аласса санд̇игам̣ аг̇амам̣су. сад̇т̇аа махаабхигкусан̇гхабаривааро ан̃н̃ад̇арасмим̣ бад̣̇зсз адтааси. д̣̇ааваг̇г̇и абхибхаванд̇о вияа вираванд̇о ааг̇ажчад̇и. ааг̇анд̇ваа д̇ат̇ааг̇ад̇асса тид̇адтаанам̣ бад̇ваа д̇асса бад̣̇зсасса саманд̇аа сол̣асагарийсамад̇д̇адтаанам̣ бад̇д̇о уд̣̇агз обилаабид̇ад̇ин̣уггаа вияа ниб̣б̣ааяи, виниб̣б̣зд̇хад̇о д̣̇вад̇д̇им̣сагарийсамад̇д̇адтаанам̣ авад̇т̇арид̇ум̣ наасагки.
Santi pakkhā apatanāti idaṃ satthā magadhesu cārikaṃ caramāno dāvagginibbānaṃ ārabbha kathesi. Ekasmiñhi samaye satthā magadhesu cārikaṃ caramāno aññatarasmiṃ magadhagāmake piṇḍāya caritvā pacchābhattaṃ piṇḍapātapaṭikkanto bhikkhugaṇaparivuto maggaṃ paṭipajji. Tasmiṃ samaye mahāḍāho uṭṭhahi, purato ca pacchato ca bahū bhikkhū dissanti, sopi kho aggi ekadhūmo ekajālo hutvā avattharamāno āgacchateva. Tattheke puthujjanabhikkhū maraṇabhayabhītā ‘‘paṭaggiṃ dassāma, tena daḍḍhaṭṭhānaṃ itaro aggi na ottharissatī’’ti araṇisahitaṃ nīharitvā aggiṃ karonti. Apare āhaṃsu ‘‘āvuso, tumhe kiṃ nāma karotha, gaganamajjhe ṭhitaṃ candamaṇḍalaṃ, pācīnalokadhātuto uggacchantaṃ sahassaraṃsipaṭimaṇḍitaṃ sūriyamaṇḍalaṃ, velāya tīre ṭhitā samuddaṃ, sineruṃ nissāya ṭhitā sineruṃ apassantā viya sadevake loke aggapuggalaṃ attanā saddhiṃ gacchantameva sammāsambuddhaṃ anoloketvā ‘paṭaggiṃ demā’ti vadatha, buddhabalaṃ nāma na jānātha, etha satthu santikaṃ gamissāmā’’ti. Te purato ca pacchato ca gacchantā sabbepi ekato hutvā dasabalassa santikaṃ agamaṃsu. Satthā mahābhikkhusaṅghaparivāro aññatarasmiṃ padese aṭṭhāsi. Dāvaggi abhibhavanto viya viravanto āgacchati. Āgantvā tathāgatassa ṭhitaṭṭhānaṃ patvā tassa padesassa samantā soḷasakarīsamattaṭṭhānaṃ patto udake opilāpitatiṇukkā viya nibbāyi, vinibbedhato dvattiṃsakarīsamattaṭṭhānaṃ avattharituṃ nāsakkhi.
бхигкуу сад̇т̇у г̇ун̣агат̇ам̣ аарабхим̣су – ‘‘ахо б̣уд̣̇д̇хаанам̣ г̇ун̣аа наама, аяан̃хи наама ажзд̇ано аг̇г̇и б̣уд̣̇д̇хаанам̣ тид̇адтаанам̣ авад̇т̇арид̇ум̣ на саггод̇и, уд̣̇агз д̇ин̣уггаа вияа ниб̣б̣ааяад̇и, ахо б̣уд̣̇д̇хаанам̣ аанубхааво наамаа’’д̇и. сад̇т̇аа д̇зсам̣ гат̇ам̣ суд̇ваа ‘‘на, бхигкавз, зд̇ам̣ зд̇арахи маяхам̣ б̣алам̣, яам̣ имам̣ бхуумиббад̣̇зсам̣ бад̇ваа зса аг̇г̇и ниб̣б̣ааяад̇и. ид̣̇ам̣ бана маяхам̣ бораан̣агасажжаб̣алам̣. имасмин̃хи бад̣̇зсз сагаламби имам̣ габбам̣ аг̇г̇и на ж̇алиссад̇и, габбадтияабаадихаарияам̣ наамзд̇а’’нд̇и ааха. ат̇ааяасмаа аананд̣̇о сад̇т̇у нисийд̣̇анад̇т̇ааяа жад̇уг̇г̇ун̣ам̣ сан̇гхаадим̣ бан̃н̃абзси, нисийд̣̇и сад̇т̇аа баллан̇гам̣ аабхуж̇ид̇ваа. бхигкусан̇гхоби д̇ат̇ааг̇ад̇ам̣ ванд̣̇ид̇ваа бариваарзд̇ваа нисийд̣̇и. ат̇а сад̇т̇аа ‘‘ид̣̇ам̣ д̇аава, бханд̇з, амхаагам̣ баагадам̣, ад̇ийд̇ам̣ бадижчаннам̣, д̇ам̣ но баагадам̣ гарот̇аа’’д̇и бхигкуухи ааяаажид̇о ад̇ийд̇ам̣ аахари.
Bhikkhū satthu guṇakathaṃ ārabhiṃsu – ‘‘aho buddhānaṃ guṇā nāma, ayañhi nāma acetano aggi buddhānaṃ ṭhitaṭṭhānaṃ avattharituṃ na sakkoti, udake tiṇukkā viya nibbāyati, aho buddhānaṃ ānubhāvo nāmā’’ti. Satthā tesaṃ kathaṃ sutvā ‘‘na, bhikkhave, etaṃ etarahi mayhaṃ balaṃ, yaṃ imaṃ bhūmippadesaṃ patvā esa aggi nibbāyati. Idaṃ pana mayhaṃ porāṇakasaccabalaṃ. Imasmiñhi padese sakalampi imaṃ kappaṃ aggi na jalissati, kappaṭṭhiyapāṭihāriyaṃ nāmeta’’nti āha. Athāyasmā ānando satthu nisīdanatthāya catugguṇaṃ saṅghāṭiṃ paññapesi, nisīdi satthā pallaṅkaṃ ābhujitvā. Bhikkhusaṅghopi tathāgataṃ vanditvā parivāretvā nisīdi. Atha satthā ‘‘idaṃ tāva, bhante, amhākaṃ pākaṭaṃ, atītaṃ paṭicchannaṃ, taṃ no pākaṭaṃ karothā’’ti bhikkhūhi āyācito atītaṃ āhari.
ад̇ийд̇з маг̇ад̇харадтз д̇асмим̣язва бад̣̇зсз б̣од̇хисад̇д̇о ваддагаяонияам̣ бадисанд̇хим̣ г̇ахзд̇ваа маад̇угужчид̇о ж̇аад̇о ан̣д̣агосам̣ бад̣̇аалзд̇ваа нигканд̇агаалз махааг̇зн̣д̣угаббамаан̣о ваддагабод̇аго ахоси. ат̇а нам̣ маад̇аабид̇аро гулаавагз нибаж̇ж̇аабзд̇ваа мукад̇ун̣д̣агзна г̇ожарам̣ аахарид̇ваа босзнд̇и. д̇асса багкз басаарзд̇ваа аагаасз г̇аманаб̣алам̣ ваа баад̣̇з угкибид̇ваа т̇алз г̇аманаб̣алам̣ ваа над̇т̇и. д̇ан̃жа бад̣̇зсам̣ сам̣важчарз сам̣важчарз д̣̇ааваг̇г̇и г̇ан̣хаад̇и, со д̇асмимби самаяз махааравам̣ раванд̇о д̇ам̣ бад̣̇зсам̣ г̇ан̣хи, сагун̣асан̇гхаа ад̇д̇ано ад̇д̇ано гулаавагзхи нигкамид̇ваа маран̣абхаяабхийд̇аа вираванд̇аа балааяанд̇и, б̣од̇хисад̇д̇ассаби маад̇аабид̇аро маран̣абхаяабхийд̇аа б̣од̇хисад̇д̇ам̣ чад̣д̣зд̇ваа балааяим̣су. б̣од̇хисад̇д̇о гулаавагз нибаннагова г̇ийвам̣ угкибид̇ваа авад̇т̇арид̇ваа ааг̇ажчанд̇ам̣ аг̇г̇им̣ д̣̇исваа жинд̇зси ‘‘сажз маяхам̣ багкз басаарзд̇ваа аагаасзна г̇аманаб̣алам̣ бхавзяяа, уббад̇ид̇ваа ан̃н̃ад̇т̇а г̇ажчзяяам̣. сажз баад̣̇з угкибид̇ваа г̇аманаб̣алам̣ бхавзяяа, бад̣̇аваарзна ан̃н̃ад̇т̇а г̇ажчзяяам̣. маад̇аабид̇ароби ко мз маран̣абхаяабхийд̇аа мам̣ згагам̣ бахааяа ад̇д̇аанам̣ барид̇д̇ааяанд̇аа балаад̇аа. ид̣̇аани мз ан̃н̃ам̣ бадисаран̣ам̣ над̇т̇и, ад̇аан̣омхи асаран̣о, гим̣ ну ко аж̇ж̇а маяаа гаад̇ум̣ ваддад̇ий’’д̇и.
Atīte magadharaṭṭhe tasmiṃyeva padese bodhisatto vaṭṭakayoniyaṃ paṭisandhiṃ gahetvā mātukucchito jāto aṇḍakosaṃ padāletvā nikkhantakāle mahāgeṇḍukappamāṇo vaṭṭakapotako ahosi. Atha naṃ mātāpitaro kulāvake nipajjāpetvā mukhatuṇḍakena gocaraṃ āharitvā posenti. Tassa pakkhe pasāretvā ākāse gamanabalaṃ vā pāde ukkhipitvā thale gamanabalaṃ vā natthi. Tañca padesaṃ saṃvacchare saṃvacchare dāvaggi gaṇhāti, so tasmimpi samaye mahāravaṃ ravanto taṃ padesaṃ gaṇhi, sakuṇasaṅghā attano attano kulāvakehi nikkhamitvā maraṇabhayabhītā viravantā palāyanti, bodhisattassapi mātāpitaro maraṇabhayabhītā bodhisattaṃ chaḍḍetvā palāyiṃsu. Bodhisatto kulāvake nipannakova gīvaṃ ukkhipitvā avattharitvā āgacchantaṃ aggiṃ disvā cintesi ‘‘sace mayhaṃ pakkhe pasāretvā ākāsena gamanabalaṃ bhaveyya, uppatitvā aññattha gaccheyyaṃ. Sace pāde ukkhipitvā gamanabalaṃ bhaveyya, padavārena aññattha gaccheyyaṃ. Mātāpitaropi kho me maraṇabhayabhītā maṃ ekakaṃ pahāya attānaṃ parittāyantā palātā. Idāni me aññaṃ paṭisaraṇaṃ natthi, atāṇomhi asaraṇo, kiṃ nu kho ajja mayā kātuṃ vaṭṭatī’’ti.
ат̇асса зд̇ад̣̇ахоси ‘‘имасмим̣ логз сийлаг̇ун̣о наама ад̇т̇и, сажжаг̇ун̣о наама ад̇т̇и, ад̇ийд̇з баарамияо буурзд̇ваа б̣од̇химуулз нисийд̣̇ид̇ваа абхисамб̣уд̣̇д̇хаа сийласамаад̇хибан̃н̃аавимуд̇д̇ивимуд̇д̇ин̃аан̣ад̣̇ассанасамбаннаа сажжаануд̣̇д̣̇аяагаарун̃н̃аканд̇исаманнааг̇ад̇аа саб̣б̣асад̇д̇зсу самаббавад̇д̇амзд̇д̇аабхааванаа саб̣б̣ан̃н̃уб̣уд̣̇д̇хаа наама ад̇т̇и, д̇зхи жа бадивид̣̇д̇хаа д̇хаммаг̇ун̣аа наама ад̇т̇и, маяи жааби згам̣ сажжам̣ ад̇т̇и, сам̣виж̇ж̇амаано зго сабхаавад̇хаммо бан̃н̃ааяад̇и, д̇асмаа ад̇ийд̇з б̣уд̣̇д̇хз жзва д̇зхи бадивид̣̇д̇хаг̇ун̣з жа ааваж̇ж̇зд̇ваа маяи виж̇ж̇амаанам̣ сажжасабхаавад̇хаммам̣ г̇ахзд̇ваа сажжагирияам̣ гад̇ваа аг̇г̇им̣ бадиггамаабзд̇ваа аж̇ж̇а маяаа ад̇д̇ано жзва сзсасагун̣аанан̃жа сод̇т̇ибхаавам̣ гаад̇ум̣ ваддад̇ий’’д̇и. д̇зна вуд̇д̇ам̣ –
Athassa etadahosi ‘‘imasmiṃ loke sīlaguṇo nāma atthi, saccaguṇo nāma atthi, atīte pāramiyo pūretvā bodhimūle nisīditvā abhisambuddhā sīlasamādhipaññāvimuttivimuttiñāṇadassanasampannā saccānuddayakāruññakhantisamannāgatā sabbasattesu samappavattamettābhāvanā sabbaññubuddhā nāma atthi, tehi ca paṭividdhā dhammaguṇā nāma atthi, mayi cāpi ekaṃ saccaṃ atthi, saṃvijjamāno eko sabhāvadhammo paññāyati, tasmā atīte buddhe ceva tehi paṭividdhaguṇe ca āvajjetvā mayi vijjamānaṃ saccasabhāvadhammaṃ gahetvā saccakiriyaṃ katvā aggiṃ paṭikkamāpetvā ajja mayā attano ceva sesasakuṇānañca sotthibhāvaṃ kātuṃ vaṭṭatī’’ti. Tena vuttaṃ –
‘‘ад̇т̇и логз сийлаг̇ун̣о, сажжам̣ сожзяяануд̣̇д̣̇аяаа;
‘‘Atthi loke sīlaguṇo, saccaṃ soceyyanuddayā;
д̇зна сажжзна гаахаами, сажжагирияамануд̇д̇арам̣.
Tena saccena kāhāmi, saccakiriyamanuttaraṃ.
‘‘ааваж̇ж̇зд̇ваа д̇хаммаб̣алам̣, сарид̇ваа буб̣б̣агз ж̇инз;
‘‘Āvajjetvā dhammabalaṃ, saritvā pubbake jine;
сажжаб̣аламавассааяа, сажжагирияамагаасаха’’нд̇и. (жарияаа. 3.79-80);
Saccabalamavassāya, saccakiriyamakāsaha’’nti. (cariyā. 3.79-80);
ат̇а б̣од̇хисад̇д̇о ад̇ийд̇з бариниб̣б̣уд̇аанам̣ б̣уд̣̇д̇хаанам̣ г̇ун̣з ааваж̇ж̇зд̇ваа ад̇д̇ани виж̇ж̇амаанам̣ сажжасабхаавам̣ аараб̣бха сажжагирияам̣ гаронд̇о имам̣ г̇аат̇амааха –
Atha bodhisatto atīte parinibbutānaṃ buddhānaṃ guṇe āvajjetvā attani vijjamānaṃ saccasabhāvaṃ ārabbha saccakiriyaṃ karonto imaṃ gāthamāha –
35.
35.
‘‘санд̇и багкаа абад̇анаа, санд̇и баад̣̇аа аван̃жанаа;
‘‘Santi pakkhā apatanā, santi pādā avañcanā;
маад̇аабид̇аа жа нигканд̇аа, ж̇аад̇авзд̣̇а бадиггамаа’’д̇и.
Mātāpitā ca nikkhantā, jātaveda paṭikkamā’’ti.
д̇ад̇т̇а санд̇и багкаа абад̇анаад̇и маяхам̣ багкаа наама ад̇т̇и убалаб̣бханд̇и, но жа ко саггаа зд̇зхи уббад̇ид̇ум̣ аагаасзна г̇анд̇унд̇и абад̇анаа. санд̇и баад̣̇аа аван̃жанаад̇и баад̣̇ааби мз ад̇т̇и, д̇зхи бана ван̃жид̇ум̣ бад̣̇аваараг̇аманзна г̇анд̇ум̣ на саггаад̇и аван̃жанаа. маад̇аабид̇аа жа нигканд̇аад̇и яз жа мам̣ ан̃н̃ад̇т̇а нзяяум̣, д̇зби маран̣абхаязна маад̇аабид̇аро нигканд̇аа. ж̇аад̇авзд̣̇аад̇и аг̇г̇им̣ аалабад̇и. со хи ж̇аад̇ова взд̣̇аяад̇и бан̃н̃ааяад̇и, д̇асмаа ‘‘ж̇аад̇авзд̣̇о’’д̇и вужжад̇и. бадиггамаад̇и бадиг̇ажча нивад̇д̇аад̇и ж̇аад̇авзд̣̇ам̣ аан̣аабзд̇и.
Tattha santi pakkhā apatanāti mayhaṃ pakkhā nāma atthi upalabbhanti, no ca kho sakkā etehi uppatituṃ ākāsena gantunti apatanā. Santi pādā avañcanāti pādāpi me atthi, tehi pana vañcituṃ padavāragamanena gantuṃ na sakkāti avañcanā. Mātāpitā ca nikkhantāti ye ca maṃ aññattha neyyuṃ, tepi maraṇabhayena mātāpitaro nikkhantā. Jātavedāti aggiṃ ālapati. So hi jātova vedayati paññāyati, tasmā ‘‘jātavedo’’ti vuccati. Paṭikkamāti paṭigaccha nivattāti jātavedaṃ āṇāpeti.
ид̇и махаасад̇д̇о ‘‘сажз маяхам̣ багкаанам̣ ад̇т̇ибхааво, д̇з жа басаарзд̇ваа аагаасз абад̇анабхааво, баад̣̇аанам̣ ад̇т̇ибхааво, д̇з жа угкибид̇ваа аван̃жанабхааво, маад̇аабид̇уунам̣ мам̣ гулаавагзязва чад̣д̣зд̇ваа балаад̇абхааво жа сажжо сабхаавабхууд̇оязва, ж̇аад̇авзд̣̇а, зд̇зна сажжзна д̇вам̣ ид̇о бадиггамаа’’д̇и гулаавагз нибаннагова сажжагирияам̣ агааси. д̇асса саха сажжагирияааяа сол̣асагарийсамад̇д̇з таанз ж̇аад̇авзд̣̇о бадиггами. бадиггаманд̇о жа на жхааяамаанова ан̃н̃ам̣ г̇ад̇о, уд̣̇агз бана обилаабид̇аа уггаа вияа д̇ад̇т̇зва ниб̣б̣ааяи. д̇зна вуд̇д̇ам̣ –
Iti mahāsatto ‘‘sace mayhaṃ pakkhānaṃ atthibhāvo, te ca pasāretvā ākāse apatanabhāvo, pādānaṃ atthibhāvo, te ca ukkhipitvā avañcanabhāvo, mātāpitūnaṃ maṃ kulāvakeyeva chaḍḍetvā palātabhāvo ca sacco sabhāvabhūtoyeva, jātaveda, etena saccena tvaṃ ito paṭikkamā’’ti kulāvake nipannakova saccakiriyaṃ akāsi. Tassa saha saccakiriyāya soḷasakarīsamatte ṭhāne jātavedo paṭikkami. Paṭikkamanto ca na jhāyamānova aññaṃ gato, udake pana opilāpitā ukkā viya tattheva nibbāyi. Tena vuttaṃ –
‘‘саха сажжз гад̇з маяхам̣, махаабаж̇ж̇алид̇о сикий;
‘‘Saha sacce kate mayhaṃ, mahāpajjalito sikhī;
важ̇ж̇зси сол̣аса гарийсаани, уд̣̇агам̣ бад̇ваа яат̇аа сикий’’д̇и. (жарияаа. 3.82);
Vajjesi soḷasa karīsāni, udakaṃ patvā yathā sikhī’’ti. (cariyā. 3.82);
д̇ам̣ бана таанам̣ сагалзби имасмим̣ габбз аг̇г̇инаа анабхибхаванийяад̇д̇аа габбадтияабаадихаарияам̣ наама ж̇аад̇ам̣. звам̣ б̣од̇хисад̇д̇о сажжагирияам̣ гад̇ваа ж̇ийвид̇абарияосаанз яат̇аагаммам̣ г̇ад̇о.
Taṃ pana ṭhānaṃ sakalepi imasmiṃ kappe agginā anabhibhavanīyattā kappaṭṭhiyapāṭihāriyaṃ nāma jātaṃ. Evaṃ bodhisatto saccakiriyaṃ katvā jīvitapariyosāne yathākammaṃ gato.
сад̇т̇аа ‘‘на, бхигкавз, имасса ванасса аг̇г̇инаа анаж̇жход̇т̇аран̣ам̣ зд̇арахи маяхам̣ б̣алам̣, бораан̣ам̣ банзд̇ам̣ ваддабод̇агагаалз маяхамзва сажжаб̣ала’’нд̇и имам̣ д̇хаммад̣̇зсанам̣ аахарид̇ваа сажжаани багаасзси. сажжабарияосаанз гзжи сод̇аабаннаа ахзсум̣, гзжи сагад̣̇ааг̇аамино, гзжи анааг̇аамино, гзжи арахад̇д̇ам̣ бад̇д̇аад̇и. сад̇т̇ааби анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа маад̇аабид̇аро зд̇арахи маад̇аабид̇арова ахзсум̣, ваддагарааж̇аа бана ахамзва ахоси’’нд̇и.
Satthā ‘‘na, bhikkhave, imassa vanassa agginā anajjhottharaṇaṃ etarahi mayhaṃ balaṃ, porāṇaṃ panetaṃ vaṭṭapotakakāle mayhameva saccabala’’nti imaṃ dhammadesanaṃ āharitvā saccāni pakāsesi. Saccapariyosāne keci sotāpannā ahesuṃ, keci sakadāgāmino, keci anāgāmino, keci arahattaṃ pattāti. Satthāpi anusandhiṃ ghaṭetvā jātakaṃ samodhānesi – ‘‘tadā mātāpitaro etarahi mātāpitarova ahesuṃ, vaṭṭakarājā pana ahameva ahosi’’nti.
ваддагаж̇аад̇агаван̣н̣анаа бан̃жамаа.
Vaṭṭakajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 35. ваддагаж̇аад̇агам̣ • 35. Vaṭṭakajātakaṃ
