Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
30. вад̇д̇анид̣̇д̣̇зсаван̣н̣анаа
30. Vattaniddesavaṇṇanā
213. саубаахано…бз… жийварам̣ сийсз гарид̇ваа ваа ааг̇анд̇уго аараамам̣ на бависзд̇и самб̣анд̇хо. сачад̇д̇од̇и сийсз гад̇ачад̇д̇зна сачад̇д̇о. ог̇ун̣тид̇од̇и сасийсам̣ баарубид̇о. ‘‘баригкид̇д̇асса вихаарасса баригкзбо, абаригкид̇д̇асса баригкзбаарахадтаана’’нд̇и вуд̇д̇ам̣ убажаарасиймаасамийбам̣ бад̇ваа убааханааомун̃жанаад̣̇исаб̣б̣ам̣ гад̇ваа аараамо бависид̇аб̣б̣од̇и аяамзд̇т̇а б̣яад̇ирзгалад̣̇д̇хо ад̇т̇о.
213. Saupāhano…pe… cīvaraṃ sīse karitvā vā āgantuko ārāmaṃ na paviseti sambandho. Sachattoti sīse katachattena sachatto. Oguṇṭhitoti sasīsaṃ pārupito. ‘‘Parikkhittassa vihārassa parikkhepo, aparikkhittassa parikkhepārahaṭṭhāna’’nti vuttaṃ upacārasīmāsamīpaṃ patvā upāhanāomuñcanādisabbaṃ katvā ārāmo pavisitabboti ayamettha byatirekaladdho attho.
214. баанийязна баад̣̇з на д̇ховзяяаад̇и самб̣анд̇хо. бадиггаманам̣ бад̇ваа згаманд̇з бад̇д̇ажийварам̣ нигкибид̇ваа бад̇ируубз нисаж̇ж̇а бужчид̇ваа баанийяам̣ баад̇аб̣б̣ам̣, барибхож̇анийязна яат̇аавуд̇д̇ам̣ баад̣̇аа д̇ховид̇аб̣б̣аад̇и ад̇хиббааяо. вуд̣дхад̇арз ааваасигзби жа абхиваад̣̇зяяаад̇и иминаа вассам̣ бужчид̇ваа навагзна ааваасигзна абхиваад̣̇аабзд̇аб̣б̣анд̇и д̣̇ийбзд̇и. бужчзяяа саяанаасананд̇и ‘‘гад̇амам̣ сзнаасанам̣ баабун̣аад̇и, аж̇жхаавуд̇т̇ам̣ анаж̇жхаавуд̇т̇ам̣ ваа’’д̇и сзнаасанам̣ бужчзяяа. ид̣̇ан̃жа бужчааяа лагкан̣аважанам̣. д̇асмаа ааваасигавад̇д̇з вуд̇д̇амаж̇жхаавуд̇т̇аад̣̇иган̃жа бужчид̇аб̣б̣ам̣. сажз ‘‘анаж̇жхаавуд̇т̇а’’нд̇и вад̣̇анд̇и, гаваадам̣ аагодзд̇ваа мухуд̇д̇ам̣ ааг̇амзд̇ваа гхадигам̣ уг̇гхаадзд̇ваа гаваадам̣ бан̣аамзд̇ваа б̣ахи тид̇зна уллогзд̇ваа бависид̇ваа саб̣б̣ам̣ сзнаасанавад̇д̇ам̣ гаад̇аб̣б̣ам̣. ааг̇анд̇угавад̇д̇ам̣.
214. Pānīyena pāde na dhoveyyāti sambandho. Paṭikkamanaṃ patvā ekamante pattacīvaraṃ nikkhipitvā patirūpe nisajja pucchitvā pānīyaṃ pātabbaṃ, paribhojanīyena yathāvuttaṃ pādā dhovitabbāti adhippāyo. Vuḍḍhatare āvāsikepi ca abhivādeyyāti iminā vassaṃ pucchitvā navakena āvāsikena abhivādāpetabbanti dīpeti. Puccheyya sayanāsananti ‘‘katamaṃ senāsanaṃ pāpuṇāti, ajjhāvutthaṃ anajjhāvutthaṃ vā’’ti senāsanaṃ puccheyya. Idañca pucchāya lakkhaṇavacanaṃ. Tasmā āvāsikavatte vuttamajjhāvutthādikañca pucchitabbaṃ. Sace ‘‘anajjhāvuttha’’nti vadanti, kavāṭaṃ ākoṭetvā muhuttaṃ āgametvā ghaṭikaṃ ugghāṭetvā kavāṭaṃ paṇāmetvā bahi ṭhitena ulloketvā pavisitvā sabbaṃ senāsanavattaṃ kātabbaṃ. Āgantukavattaṃ.
215-6. г̇амиго баггамзяяаад̇и самб̣анд̇хо. ‘‘бадисаамзд̇ваа’’д̇иаад̣̇ийнимасса буб̣б̣агирияаабад̣̇аани. д̣̇аарумад̇д̇игабхан̣д̣аганд̇и зд̇т̇а ман̃жабийтаад̣̇ид̣̇аарубхан̣д̣ам̣ раж̇анабхааж̇анаад̣̇имад̇д̇игаабхан̣д̣ам̣. бадисаамзд̇ваад̇и ад̇т̇и жз ановассагз сан̣табзд̇ваа. т̇агзд̇ваанаад̇и д̣̇ваараваад̇абаанзхи бид̇хааяа . саад̇хугам̣ сан̇г̇обзд̇ваанаад̇и жад̇уусу баасаан̣зсу ман̃жам̣ бан̃н̃абзд̇ваа ман̃жз ман̃жасса, бийтз бийтасса ааробанзна сзнаасанасса убаруубари бун̃ж̇агаран̣зна саад̇хугам̣ сан̇г̇обанам̣ гад̇ваа. на жаад̇и нзва. г̇амигавад̇д̇ам̣.
215-6. Gamiko pakkameyyāti sambandho. ‘‘Paṭisāmetvā’’tiādīnimassa pubbakiriyāpadāni. Dārumattikabhaṇḍakanti ettha mañcapīṭhādidārubhaṇḍaṃ rajanabhājanādimattikābhaṇḍaṃ. Paṭisāmetvāti atthi ce anovassake saṇṭhapetvā. Thaketvānāti dvāravātapānehi pidhāya . Sādhukaṃ saṅgopetvānāti catūsu pāsāṇesu mañcaṃ paññapetvā mañce mañcassa, pīṭhe pīṭhassa āropanena senāsanassa uparūpari puñjakaraṇena sādhukaṃ saṅgopanaṃ katvā. Na cāti neva. Gamikavattaṃ.
217-8. ааваасигод̇и ид̣̇ам̣ ‘‘бан̃н̃абзяяаа’’д̇иаад̣̇ийнам̣ гад̇д̇убад̣̇ам̣. навагаммагаран̣аад̣̇ибхааранид̇т̇аран̣ад̇ааяа ааваасо вихааро асса ад̇т̇ийд̇и ааваасиго. яасса бана гзвалам̣ вихаарз ниваасанамад̇д̇ам̣ ад̇т̇и, со нзваасиго. убхоби д̇з ид̇ха ааваасига-сад̣̇д̣̇зна сан̇г̇ахид̇аа. баад̣̇од̣̇аббабхуд̇инд̇и зд̇т̇а бабхуд̇и-сад̣̇д̣̇зна баад̣̇абийтабаад̣̇агат̇алигаанам̣ г̇ахан̣ам̣. бажжуг̇г̇анд̇ваана бад̇д̇ажийварам̣ г̇ан̣хзяяаад̇и яож̇анаа. бан̃н̃абз саяанаасананд̇и ‘‘зд̇ам̣ д̇умхаагам̣ сзнаасанам̣ баабун̣аад̇ий’’д̇и звам̣ саяанаасанам̣ бан̃н̃абзяяа, багаасзяяаад̇и вуд̇д̇ам̣ ход̇и.
217-8.Āvāsikoti idaṃ ‘‘paññapeyyā’’tiādīnaṃ kattupadaṃ. Navakammakaraṇādibhāranittharaṇatāya āvāso vihāro assa atthīti āvāsiko. Yassa pana kevalaṃ vihāre nivāsanamattaṃ atthi, so nevāsiko. Ubhopi te idha āvāsika-saddena saṅgahitā. Pādodappabhutinti ettha pabhuti-saddena pādapīṭhapādakathalikānaṃ gahaṇaṃ. Paccuggantvāna pattacīvaraṃ gaṇheyyāti yojanā. Paññape sayanāsananti ‘‘etaṃ tumhākaṃ senāsanaṃ pāpuṇātī’’ti evaṃ sayanāsanaṃ paññapeyya, pakāseyyāti vuttaṃ hoti.
219. аж̇жхаавуд̇т̇анд̇и буб̣б̣з бхигкуухи нивуд̇т̇ам̣. г̇ожарааг̇ожарам̣ вад̣̇зд̇и ‘‘бхигкаажаараг̇аамо д̣̇ууро, аасанно’’д̇и ваа, ‘‘гаалассзва бин̣д̣ааяа жарид̇аб̣б̣ам̣, д̣̇иваа ваа’’д̇и звам̣ г̇ожаран̃жа, ‘‘мижчаад̣̇идтигаанам̣ ваа г̇аамо, барижчиннабхигко ваа’’д̇иаад̣̇инаа аг̇ожаран̃жа вад̣̇зяяаад̇и ад̇т̇о. важжабассаавадтаанаанийд̇иаад̣̇ийниби ‘‘вад̣̇з’’д̇и имассзва гаммаважанаани. сзкасаммуд̇инд̇и яасса сад̣̇д̇хасса гуласса сан̇гхо сзкасаммуд̇им̣ д̣̇зд̇и, д̇ам̣ гулан̃жа.
219.Ajjhāvutthanti pubbe bhikkhūhi nivutthaṃ. Gocarāgocaraṃ vadeti ‘‘bhikkhācāragāmo dūro, āsanno’’ti vā, ‘‘kālasseva piṇḍāya caritabbaṃ, divā vā’’ti evaṃ gocarañca, ‘‘micchādiṭṭhikānaṃ vā gāmo, paricchinnabhikkho vā’’tiādinā agocarañca vadeyyāti attho. Vaccapassāvaṭṭhānānītiādīnipi ‘‘vade’’ti imasseva kammavacanāni. Sekhasammutinti yassa saddhassa kulassa saṅgho sekhasammutiṃ deti, taṃ kulañca.
220. бавзсанигкамз гааланд̇и ‘‘гзсужи таанзсу ваал̣амиг̇аа ваа амануссаа ваа хонд̇и, имам̣ гаалам̣ бависид̇аб̣б̣ам̣ нигкамид̇аб̣б̣ан̃жаа’’д̇и звам̣ бавзсанигкамз жа гаалам̣. зд̇ам̣ бана аасанабан̃н̃абанаад̣̇игам̣ саб̣б̣ам̣ вад̇д̇ам̣ вуд̣дхад̇арз ааг̇ад̇з жийварагаммаад̣̇им̣ ваа наад̇иг̇илаанасса бхзсаж̇ж̇ам̣ ваа табзд̇вааби гаад̇аб̣б̣ам̣. махааг̇илаанасса бана бхзсаж̇ж̇амзва гаад̇аб̣б̣ам̣. жзд̇ияан̇г̇ан̣авад̇д̇ам̣ гаронд̇знааби д̇асса вад̇д̇ам̣ гаад̇ум̣ аарабхид̇аб̣б̣ам̣. бан̣д̣ид̇о хи ааг̇анд̇уго ‘‘гарохи д̇аава бхзсаж̇ж̇ам̣, жзд̇ияан̇г̇ан̣ам̣ саммаж̇ж̇аахий’’д̇и жа вад̣̇зяяа. абижа б̣ийж̇анзна б̣ийж̇ид̇аб̣б̣о, баад̣̇аабисса д̇ховид̇аб̣б̣аа, д̇злзна магкид̇аб̣б̣аа. бидти жз ааг̇илааяад̇и, самб̣аад̇хзд̇аб̣б̣аа. навагасса бана ааг̇анд̇угасса ‘‘ид̣̇амаасанам̣, зд̇т̇а нисийд̣̇аа’’д̇иаад̣̇инаа аажигкид̇аб̣б̣анд̇и д̣̇ассзнд̇о ‘‘нисинноязваа’’д̇иаад̣̇имааха. нисинноязваад̇и иминаа ‘‘тид̇оязваа’’д̇иаад̣̇им̣ убалагкзд̇и. самуд̣̇д̣̇исзд̇и аад̣̇арзна вад̣̇зяяа. ааваасигавад̇д̇ам̣.
220.Pavesanikkhame kālanti ‘‘kesuci ṭhānesu vāḷamigā vā amanussā vā honti, imaṃ kālaṃ pavisitabbaṃ nikkhamitabbañcā’’ti evaṃ pavesanikkhame ca kālaṃ. Etaṃ pana āsanapaññapanādikaṃ sabbaṃ vattaṃ vuḍḍhatare āgate cīvarakammādiṃ vā nātigilānassa bhesajjaṃ vā ṭhapetvāpi kātabbaṃ. Mahāgilānassa pana bhesajjameva kātabbaṃ. Cetiyaṅgaṇavattaṃ karontenāpi tassa vattaṃ kātuṃ ārabhitabbaṃ. Paṇḍito hi āgantuko ‘‘karohi tāva bhesajjaṃ, cetiyaṅgaṇaṃ sammajjāhī’’ti ca vadeyya. Apica bījanena bījitabbo, pādāpissa dhovitabbā, telena makkhitabbā. Piṭṭhi ce āgilāyati, sambādhetabbā. Navakassa pana āgantukassa ‘‘idamāsanaṃ, ettha nisīdā’’tiādinā ācikkhitabbanti dassento ‘‘nisinnoyevā’’tiādimāha. Nisinnoyevāti iminā ‘‘ṭhitoyevā’’tiādiṃ upalakkheti. Samuddiseti ādarena vadeyya. Āvāsikavattaṃ.
‘‘вад̇д̇а’’нд̇и бана сааман̃н̃зна нид̣̇д̣̇идтад̇д̇аа на т̇зрз бхигкуу ад̇иаллийяид̇ваа нисийд̣̇ид̇аб̣б̣ам̣, махаат̇зрасса нисиннаасанад̇о згам̣ д̣̇вз аасанаани табзд̇ваа ‘‘нисийд̣̇аа’’д̇и вуд̇д̇з нисийд̣̇ид̇аб̣б̣ам̣, на навааби бхигкуу аасанзна бадиб̣аахид̇аб̣б̣аа, на сан̇гхаадим̣ од̇т̇арид̇ваа нисийд̣̇ид̇аб̣б̣ам̣, сад̣̇д̣̇ам̣ агад̇ваа уд̣̇агагижжам̣ гаад̇аб̣б̣ам̣, яат̇аа суубасса огаасо ход̇и, звамад̇д̇ааяа од̣̇ано г̇ан̣хид̇аб̣б̣о, т̇зрзна бхигкунаа ‘‘табзд̇ваа аббагам̣ од̣̇анаад̣̇игам̣ саб̣б̣ам̣ саб̣б̣зсам̣ самагам̣ самбаад̣̇зхий’’д̇и вад̇д̇аб̣б̣ам̣, на д̇аава т̇зрзна бхун̃ж̇ид̇аб̣б̣ам̣, бхуд̇д̇аавинаа на д̇аава уд̣̇агам̣ бадиг̇г̇ахзд̇аб̣б̣ам̣, бхад̇д̇аг̇г̇ад̇о нивад̇д̇анд̇зхи яат̇аануруубам̣ нигкамид̇ваа вирал̣ааяа баал̣ияаа г̇анд̇аб̣б̣анд̇и звамаад̣̇иган̃жа д̇ад̣̇ануруубам̣ сзкияавад̇д̇ан̃жа самбаад̣̇зд̇аб̣б̣анд̇и ид̣̇ам̣ бхад̇д̇аг̇г̇авад̇д̇ан̃жа саад̇хугам̣ ад̇арамаанзна г̇аамо бависид̇аб̣б̣о, ‘‘иминаа бависиссаами, иминаа нигкамиссаамий’’д̇и нивзсанам̣ бависанд̇зна саллагкзд̇аб̣б̣ам̣, наад̇исахасаа бависид̇аб̣б̣ам̣, наад̇исахасаа нигкамид̇аб̣б̣ам̣, наад̇ид̣̇уурз нажжаасаннз таад̇аб̣б̣ам̣, наад̇ижирам̣ таад̇аб̣б̣ам̣, наад̇илахугам̣ нивад̇д̇ид̇аб̣б̣ам̣, д̣̇аад̇угаамад̇аагаарам̣ н̃ад̇ваа таад̇аб̣б̣ам̣, яо батамам̣ г̇аамад̇о бадиггамад̇и, д̇зна аасанабан̃н̃абанаад̣̇и саб̣б̣ам̣ гаад̇аб̣б̣ам̣, яо бажчаа, д̇зна аасануд̣̇д̇харан̣аад̣̇и саб̣б̣ам̣ гаад̇аб̣б̣анд̇и звамаад̣̇иган̃жа д̇ад̣̇ануруубам̣ сзкияавад̇д̇ан̃жа самбаад̣̇зд̇аб̣б̣анд̇и ид̣̇ам̣ бин̣д̣ажааригавад̇д̇ан̃жа гаад̇аб̣б̣ам̣.
‘‘Vatta’’nti pana sāmaññena niddiṭṭhattā na there bhikkhū atiallīyitvā nisīditabbaṃ, mahātherassa nisinnāsanato ekaṃ dve āsanāni ṭhapetvā ‘‘nisīdā’’ti vutte nisīditabbaṃ, na navāpi bhikkhū āsanena paṭibāhitabbā, na saṅghāṭiṃ ottharitvā nisīditabbaṃ, saddaṃ akatvā udakakiccaṃ kātabbaṃ, yathā sūpassa okāso hoti, evamattāya odano gaṇhitabbo, therena bhikkhunā ‘‘ṭhapetvā appakaṃ odanādikaṃ sabbaṃ sabbesaṃ samakaṃ sampādehī’’ti vattabbaṃ, na tāva therena bhuñjitabbaṃ, bhuttāvinā na tāva udakaṃ paṭiggahetabbaṃ, bhattaggato nivattantehi yathānurūpaṃ nikkhamitvā viraḷāya pāḷiyā gantabbanti evamādikañca tadanurūpaṃ sekhiyavattañca sampādetabbanti idaṃ bhattaggavattañca sādhukaṃ ataramānena gāmo pavisitabbo, ‘‘iminā pavisissāmi, iminā nikkhamissāmī’’ti nivesanaṃ pavisantena sallakkhetabbaṃ, nātisahasā pavisitabbaṃ, nātisahasā nikkhamitabbaṃ, nātidūre naccāsanne ṭhātabbaṃ, nāticiraṃ ṭhātabbaṃ, nātilahukaṃ nivattitabbaṃ, dātukāmatākāraṃ ñatvā ṭhātabbaṃ, yo paṭhamaṃ gāmato paṭikkamati, tena āsanapaññapanādi sabbaṃ kātabbaṃ, yo pacchā, tena āsanuddharaṇādi sabbaṃ kātabbanti evamādikañca tadanurūpaṃ sekhiyavattañca sampādetabbanti idaṃ piṇḍacārikavattañca kātabbaṃ.
сзнаасанадтаанз саб̣б̣ам̣ вад̇д̇ан̃жа самбаад̣̇зд̇ваа д̇ад̇о нигкамид̇ваа саад̇хугам̣ ниваасзд̇ваа баарубид̇ваа жа ад̇арамаанзна г̇аамо бависид̇аб̣б̣од̇иаад̣̇и саб̣б̣ам̣ бин̣д̣ажааригавад̇д̇ам̣ гаад̇аб̣б̣ам̣. баанийяабарибхож̇анийяааг̇г̇иаран̣исахид̇агад̇д̇арад̣̇ан̣д̣аа убадтабзд̇аб̣б̣аа, нагкад̇д̇абад̣̇аани сагалаани ваа згад̣̇зсаани ваа уг̇г̇ахзд̇аб̣б̣аани, д̣̇исаагусалзна бхавид̇аб̣б̣анд̇и ид̣̇ам̣ ааран̃н̃игавад̇д̇ан̃жа уд̣̇д̣̇идтам̣язва ход̇ийд̇и аваг̇анд̇аб̣б̣анд̇и.
Senāsanaṭṭhāne sabbaṃ vattañca sampādetvā tato nikkhamitvā sādhukaṃ nivāsetvā pārupitvā ca ataramānena gāmo pavisitabbotiādi sabbaṃ piṇḍacārikavattaṃ kātabbaṃ. Pānīyaparibhojanīyaaggiaraṇisahitakattaradaṇḍā upaṭṭhapetabbā, nakkhattapadāni sakalāni vā ekadesāni vā uggahetabbāni, disākusalena bhavitabbanti idaṃ āraññikavattañca uddiṭṭhaṃyeva hotīti avagantabbanti.
вад̇д̇анид̣̇д̣̇зсаван̣н̣анаа нидтид̇аа.
Vattaniddesavaṇṇanā niṭṭhitā.