| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
вад̇т̇утабанаад̣̇игат̇аа
Vatthuṭhapanādikathā
239. ид̣̇ам̣ вад̇т̇у бан̃н̃ааяад̇и на буг̇г̇алод̇и зд̇т̇а жораа гира аран̃н̃авихаарз богкаран̣ид̇о мажчз г̇ахзд̇ваа бажид̇ваа каад̣̇ид̇ваа аг̇амам̣су. со д̇ам̣ виббагаарам̣ д̣̇исваа аараамз ваа гин̃жи д̇худ̇д̇зна гад̇ам̣ виббагаарам̣ д̣̇исваа ‘‘бхигкусса иминаа гаммзна бхавид̇аб̣б̣а’’нд̇и саллагкзд̇ваа звамааха. вад̇т̇ум̣ табзд̇ваа сан̇гхо баваарзяяаад̇и ‘‘яад̣̇аа д̇ам̣ буг̇г̇алам̣ ж̇ааниссаама, д̇ад̣̇аа нам̣ жод̣̇зссаама. ид̣̇аани бана сан̇гхо баваарзд̇уу’’д̇и аяамзд̇т̇а ад̇т̇о. ид̣̇аанзва нам̣ вад̣̇зхийд̇и сажз иминаа вад̇т̇унаа ган̃жи буг̇г̇алам̣ барисан̇гаси, ид̣̇аанзва нам̣ абад̣̇исаахийд̇и ад̇т̇о. сажз абад̣̇исад̇и, д̇ам̣ буг̇г̇алам̣ анувиж̇ж̇ид̇ваа баваарзд̇аб̣б̣ам̣; но жз абад̣̇исад̇и, убабаригкид̇ваа ж̇ааниссаамаад̇и баваарзд̇аб̣б̣ам̣.
239.Idaṃ vatthu paññāyati na puggaloti ettha corā kira araññavihāre pokkharaṇito macche gahetvā pacitvā khāditvā agamaṃsu. So taṃ vippakāraṃ disvā ārāme vā kiñci dhuttena kataṃ vippakāraṃ disvā ‘‘bhikkhussa iminā kammena bhavitabba’’nti sallakkhetvā evamāha. Vatthuṃ ṭhapetvā saṅgho pavāreyyāti ‘‘yadā taṃ puggalaṃ jānissāma, tadā naṃ codessāma. Idāni pana saṅgho pavāretū’’ti ayamettha attho. Idāneva naṃ vadehīti sace iminā vatthunā kañci puggalaṃ parisaṅkasi, idāneva naṃ apadisāhīti attho. Sace apadisati, taṃ puggalaṃ anuvijjitvā pavāretabbaṃ; no ce apadisati, upaparikkhitvā jānissāmāti pavāretabbaṃ.
аяам̣ буг̇г̇ало бан̃н̃ааяад̇и на вад̇т̇ууд̇и зд̇т̇а зго бхигку маалааг̇анд̇хавилзбанзхи жзд̇ияам̣ ваа бууж̇зси, аридтам̣ ваа биви, д̇асса д̇ад̣̇ануруубо сарийраг̇анд̇хо ахоси; со д̇ам̣ г̇анд̇хам̣ санд̇хааяа ‘‘имасса бхигкуно зваруубо сарийраг̇анд̇хо’’д̇и вад̇т̇ум̣ багаасзнд̇о звамааха. буг̇г̇алам̣ табзд̇ваа сан̇гхо баваарзяяаад̇и зд̇ам̣ буг̇г̇алам̣ табзд̇ваа сан̇гхо баваарзд̇у. ид̣̇аанзва нам̣ вад̣̇зхийд̇и яам̣ д̇вам̣ буг̇г̇алам̣ табзси, д̇асса буг̇г̇аласса ид̣̇аанзва д̣̇осам̣ вад̣̇а. сажз аяамасса д̣̇осод̇и вад̣̇ад̇и, д̇ам̣ буг̇г̇алам̣ сод̇хзд̇ваа баваарзд̇аб̣б̣ам̣. ат̇а наахам̣ ж̇аанаамийд̇и вад̣̇ад̇и, убабаригкид̇ваа ж̇ааниссаамаад̇и баваарзд̇аб̣б̣ам̣.
Ayaṃ puggalo paññāyati na vatthūti ettha eko bhikkhu mālāgandhavilepanehi cetiyaṃ vā pūjesi, ariṭṭhaṃ vā pivi, tassa tadanurūpo sarīragandho ahosi; so taṃ gandhaṃ sandhāya ‘‘imassa bhikkhuno evarūpo sarīragandho’’ti vatthuṃ pakāsento evamāha. Puggalaṃ ṭhapetvā saṅgho pavāreyyāti etaṃ puggalaṃ ṭhapetvā saṅgho pavāretu. Idāneva naṃ vadehīti yaṃ tvaṃ puggalaṃ ṭhapesi, tassa puggalassa idāneva dosaṃ vada. Sace ayamassa dosoti vadati, taṃ puggalaṃ sodhetvā pavāretabbaṃ. Atha nāhaṃ jānāmīti vadati, upaparikkhitvā jānissāmāti pavāretabbaṃ.
ид̣̇ам̣ вад̇т̇у жа буг̇г̇ало жа бан̃н̃ааяад̇ийд̇и буриманаязнзва жорзхи мажчз г̇ахзд̇ваа бажид̇ваа барибхуд̇д̇адтаанан̃жа г̇анд̇хаад̣̇ийхи нахаанадтаанан̃жа д̣̇исваа ‘‘баб̣б̣аж̇ид̇асса гамма’’нд̇и ман̃н̃амаано со звамааха. ид̣̇аанзва нам̣ вад̣̇зхийд̇и ид̣̇аанзва д̇зна вад̇т̇унаа барисан̇гид̇ам̣ буг̇г̇алам̣ вад̣̇зхи; ид̣̇ам̣ бана убхаяамби д̣̇исваа д̣̇идтагаалад̇о бадтааяа винижчинид̇ваава баваарзд̇аб̣б̣ам̣. галлам̣ важанааяаад̇и галлам̣ жод̣̇анааяа; жод̣̇зд̇ум̣ ваддад̇ийд̇и ад̇т̇о. гасмаа? бавааран̣ад̇о буб̣б̣з авинижчид̇ад̇д̇аа бажчаа жа д̣̇исваа жод̣̇ид̇ад̇д̇аад̇и. уггоданагам̣ баажид̇д̇ияанд̇и ид̣̇ан̃хи убхаяам̣ буб̣б̣з бавааран̣ааяа д̣̇исваа винижчинид̇ваава бхигкуу баваарзнд̇и, д̇асмаа буна д̇ам̣ уггодзнд̇асса аабад̇д̇и.
Idaṃ vatthu ca puggalo ca paññāyatīti purimanayeneva corehi macche gahetvā pacitvā paribhuttaṭṭhānañca gandhādīhi nahānaṭṭhānañca disvā ‘‘pabbajitassa kamma’’nti maññamāno so evamāha. Idāneva naṃ vadehīti idāneva tena vatthunā parisaṅkitaṃ puggalaṃ vadehi; idaṃ pana ubhayampi disvā diṭṭhakālato paṭṭhāya vinicchinitvāva pavāretabbaṃ. Kallaṃ vacanāyāti kallaṃ codanāya; codetuṃ vaṭṭatīti attho. Kasmā? Pavāraṇato pubbe avinicchitattā pacchā ca disvā coditattāti. Ukkoṭanakaṃ pācittiyanti idañhi ubhayaṃ pubbe pavāraṇāya disvā vinicchinitvāva bhikkhū pavārenti, tasmā puna taṃ ukkoṭentassa āpatti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 143. вад̇т̇утабанаад̣̇и • 143. Vatthuṭhapanādi
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / анаабад̇д̇ибаннарасагаад̣̇игат̇ааван̣н̣анаа • Anāpattipannarasakādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / апаасувихаарагат̇аад̣̇иван̣н̣анаа • Aphāsuvihārakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 143. вад̇т̇удтабанаад̣̇игат̇аа • 143. Vatthuṭṭhapanādikathā
