| Library / Tipiṭaka / તિપિટક • Tipiṭaka / પાચિત્યાદિયોજનાપાળિ • Pācityādiyojanāpāḷi |
૧૪૩. વત્થુટ્ઠપનાદિકથા
143. Vatthuṭṭhapanādikathā
૨૩૯. ચોરા અગમંસુ કિરાતિ સમ્બન્ધો. પોક્ખરણિતો નીહરિત્વાતિ સમ્બન્ધો. સોતિ ભિક્ખુ, એવમાહાતિ સમ્બન્ધો. વુત્થેનાતિ વસન્તેન, યેન કેનચિ કતન્તિ સમ્બન્ધો. તં પુગ્ગલન્તિ વત્થુકતં તં પુગ્ગલં. એત્થાતિ ‘‘વત્થું ઠપેત્વા સઙ્ઘો પવારેય્યા’’તિ પાઠે . ઇમિના વત્થુના અપદિસાહીતિ સમ્બન્ધો. નન્તિ પુગ્ગલં. અનુવિજ્જિત્વાતિ અનુયુઞ્જિત્વા, પુચ્છિત્વાતિ અત્થો.
239. Corā agamaṃsu kirāti sambandho. Pokkharaṇito nīharitvāti sambandho. Soti bhikkhu, evamāhāti sambandho. Vutthenāti vasantena, yena kenaci katanti sambandho. Taṃ puggalanti vatthukataṃ taṃ puggalaṃ. Etthāti ‘‘vatthuṃ ṭhapetvā saṅgho pavāreyyā’’ti pāṭhe . Iminā vatthunā apadisāhīti sambandho. Nanti puggalaṃ. Anuvijjitvāti anuyuñjitvā, pucchitvāti attho.
એકો ભિક્ખુ પૂજેસિ, પિવીતિ સમ્બન્ધો. તસ્સાતિ ભિક્ખુસ્સ. તદનુરૂપોતિ તેસં પૂજનપિવનાનં અનુરૂપો. સોતિ ચોદકો ભિક્ખુ. તં ગન્ધન્તિ તં સરીરગન્ધં. યં પુગ્ગલન્તિ યોજના. ઠપેસીતિ પવારણાય ઠપેસિ. અયમસ્સાતિ અયં દોસો અસ્સ પુગ્ગલસ્સ.
Eko bhikkhu pūjesi, pivīti sambandho. Tassāti bhikkhussa. Tadanurūpoti tesaṃ pūjanapivanānaṃ anurūpo. Soti codako bhikkhu. Taṃ gandhanti taṃ sarīragandhaṃ. Yaṃ puggalanti yojanā. Ṭhapesīti pavāraṇāya ṭhapesi. Ayamassāti ayaṃ doso assa puggalassa.
ઇદાનેવ નન્તિ એત્થ ‘‘ન’’ન્તિ પદં ‘‘પુગ્ગલ’’ન્તિ પદેન યોજેતબ્બં. નં પુગ્ગલન્તિ હિ અત્થો. ઉભયન્તિ વત્થુઞ્ચ પુગ્ગલઞ્ચાતિ ઉભયં. કલ્લં વચનાયાતિ યુત્તં કથેતું. કસ્મા કલ્લં વચનાયાતિ યોજના. પવારણતો પુબ્બે, પચ્છા ચાતિ સમ્બન્ધો. ઇતિ તસ્મા કલ્લં વચનાયાતિ યોજના. ઇદઞ્હિ ઉભયન્તિ વત્થુપુગ્ગલસઙ્ખાતં ઇદમેવ ઉભયં. પવારણાય પુબ્બેતિ યોજના. ઉક્કોટેન્તસ્સાતિ ચાલેન્તસ્સ.
Idāneva nanti ettha ‘‘na’’nti padaṃ ‘‘puggala’’nti padena yojetabbaṃ. Naṃ puggalanti hi attho. Ubhayanti vatthuñca puggalañcāti ubhayaṃ. Kallaṃ vacanāyāti yuttaṃ kathetuṃ. Kasmā kallaṃ vacanāyāti yojanā. Pavāraṇato pubbe, pacchā cāti sambandho. Iti tasmā kallaṃ vacanāyāti yojanā. Idañhi ubhayanti vatthupuggalasaṅkhātaṃ idameva ubhayaṃ. Pavāraṇāya pubbeti yojanā. Ukkoṭentassāti cālentassa.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૧૪૩. વત્થુઠપનાદિ • 143. Vatthuṭhapanādi
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / વત્થુઠપનાદિકથા • Vatthuṭhapanādikathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / અનાપત્તિપન્નરસકાદિકથાવણ્ણના • Anāpattipannarasakādikathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / અફાસુવિહારકથાદિવણ્ણના • Aphāsuvihārakathādivaṇṇanā
