| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
2. взд̣̇анаад̇д̇игаван̣н̣анаа
2. Vedanāttikavaṇṇanā
1. взд̣̇анаад̇д̇игз д̇иссо взд̣̇анаа руубам̣ ниб̣б̣аананд̇и имз д̇хаммаа на лаб̣бханд̇и, д̇асмаа згам̣ канд̇хам̣ бадижжа д̣̇вз канд̇хаад̇иаад̣̇и вуд̇д̇ам̣. бадисанд̇хигкан̣з сукааяа взд̣̇анааяаад̇и сахзд̇угабадисанд̇хивасзна вуд̇д̇ам̣. д̣̇угкавзд̣̇анаа бадисанд̇хияам̣ на лаб̣бхад̇ийд̇и д̣̇уд̇ияаваарз бадисанд̇хиг̇г̇ахан̣ам̣ на гад̇ам̣. д̇ад̇ияаваарз бадисанд̇хигкан̣зд̇и сахзд̇угабадисанд̇хивасзна вуд̇д̇ам̣. сзсамзд̇т̇а ид̇о барзсу жа бажжаязсу яат̇аабаал̣имзва нияяаад̇и. саб̣б̣ад̇т̇а д̇аяо д̇аяо ваараа вуд̇д̇аа. д̇зна вуд̇д̇ам̣ хзд̇уяаа д̇ийн̣и…бз… авиг̇ад̇з д̇ийн̣ийд̇и.
1. Vedanāttike tisso vedanā rūpaṃ nibbānanti ime dhammā na labbhanti, tasmā ekaṃ khandhaṃ paṭicca dve khandhātiādi vuttaṃ. Paṭisandhikkhaṇe sukhāya vedanāyāti sahetukapaṭisandhivasena vuttaṃ. Dukkhavedanā paṭisandhiyaṃ na labbhatīti dutiyavāre paṭisandhiggahaṇaṃ na kataṃ. Tatiyavāre paṭisandhikkhaṇeti sahetukapaṭisandhivasena vuttaṃ. Sesamettha ito paresu ca paccayesu yathāpāḷimeva niyyāti. Sabbattha tayo tayo vārā vuttā. Tena vuttaṃ hetuyā tīṇi…pe… avigate tīṇīti.
6. бажжаяасам̣санд̣̇анз бана сахзд̇угааяа вибаагад̣̇угкавзд̣̇анааяа абхаавад̇о хзд̇умуулаганаяз вибаагз д̣̇взд̇и вуд̇д̇ам̣. ад̇хибад̇иаад̣̇ийхи сад̣̇д̇хим̣ сам̣санд̣̇анзсуби вибаагз д̣̇взязва. гасмаа? вибаагз д̣̇угкавзд̣̇анааяа ад̇хибад̇ижхаанамаг̇г̇аанам̣ абхаавад̇о. язхи жа сад̣̇д̇хим̣ сам̣санд̣̇анз вибаагз д̣̇вз ваараа лаб̣бханд̇и, вибаагзна сад̣̇д̇хим̣ сам̣санд̣̇анз д̇зсуби д̣̇взязва.
6. Paccayasaṃsandane pana sahetukāya vipākadukkhavedanāya abhāvato hetumūlakanaye vipāke dveti vuttaṃ. Adhipatiādīhi saddhiṃ saṃsandanesupi vipāke dveyeva. Kasmā? Vipāke dukkhavedanāya adhipatijhānamaggānaṃ abhāvato. Yehi ca saddhiṃ saṃsandane vipāke dve vārā labbhanti, vipākena saddhiṃ saṃsandane tesupi dveyeva.
10. бажжанийяз набурзж̇аад̇з ааруббз жа бадисанд̇хияан̃жа д̣̇угкавзд̣̇анааяа абхаавад̇о д̣̇вз ваараа ааг̇ад̇аа. навиббаяуд̇д̇зби ааруббз д̣̇угкаабхаавад̇о д̣̇взязва. саб̣б̣ааруубад̇хаммабариг̇г̇аахагаа бана сахаж̇аад̇аад̣̇аяо бажжаяаа имасмим̣ бажжанийяаваарз барихааяанд̇и. гасмаа? взд̣̇анаасамбаяуд̇д̇асса д̇хаммасса взд̣̇анаасамбаяуд̇д̇ам̣ бадижжа сахаж̇аад̇аад̣̇ийхи винаа ануббад̇д̇ид̇о бажчааж̇аад̇абажжаяан̃жа винаава уббад̇д̇ид̇о.
10. Paccanīye napurejāte āruppe ca paṭisandhiyañca dukkhavedanāya abhāvato dve vārā āgatā. Navippayuttepi āruppe dukkhābhāvato dveyeva. Sabbaarūpadhammapariggāhakā pana sahajātādayo paccayā imasmiṃ paccanīyavāre parihāyanti. Kasmā? Vedanāsampayuttassa dhammassa vedanāsampayuttaṃ paṭicca sahajātādīhi vinā anuppattito pacchājātapaccayañca vināva uppattito.
17. бажжаяасам̣санд̣̇анз бана набурзж̇аад̇з зганд̇и ааруббз бадисанд̇хияан̃жа ахзд̇угаад̣̇угкамасукавзд̣̇анаасамбаяуд̇д̇ам̣ санд̇хааяа вуд̇д̇ам̣. нагаммз д̣̇взд̇и ахзд̇угагирияасамбаяуд̇д̇ажзд̇анаавасзна вуд̇д̇ам̣. сукааяа хи ад̣̇угкамасукааяа жа взд̣̇анааяа самбаяуд̇д̇з д̇хаммз бадижжа д̇аахи взд̣̇анаахи самбаяуд̇д̇аа ахзд̇угагирияажзд̇анаа уббаж̇ж̇анд̇и. нахзд̇убажжаяаа навибаагзби зсзва наяо. навиббаяуд̇д̇з зганд̇и ааруббз ааваж̇ж̇анавасзна вуд̇д̇ам̣. иминаа убааязна саб̣б̣асам̣санд̣̇анзсу г̇ан̣анаа взд̣̇ид̇аб̣б̣аа.
17. Paccayasaṃsandane pana napurejāte ekanti āruppe paṭisandhiyañca ahetukādukkhamasukhavedanāsampayuttaṃ sandhāya vuttaṃ. Nakamme dveti ahetukakiriyasampayuttacetanāvasena vuttaṃ. Sukhāya hi adukkhamasukhāya ca vedanāya sampayutte dhamme paṭicca tāhi vedanāhi sampayuttā ahetukakiriyacetanā uppajjanti. Nahetupaccayā navipākepi eseva nayo. Navippayutte ekanti āruppe āvajjanavasena vuttaṃ. Iminā upāyena sabbasaṃsandanesu gaṇanā veditabbā.
25-37. ануломабажжанийяз бажжанийяз лад̣̇д̇хабажжаяаа зва бажжанийяад̇о д̇идтанд̇и. бажжанийяаануломз саб̣б̣аа руубад̇хаммабариг̇г̇аахагаа сахаж̇аад̇аад̣̇аяо ануломад̇ова д̇идтанд̇и, на бажжанийяад̇о. ахзд̇угасса бана жид̇д̇уббаад̣̇асса ад̇хибад̇и над̇т̇ийд̇и ад̇хибад̇ибажжаяо ануломад̇о на д̇идтад̇и. бадижжаваараад̣̇ийсу бана бажчааж̇аад̇о ануломад̇о на лаб̣бхад̇иязваад̇и барихийно. яз жзд̇т̇а ануломад̇о лаб̣бханд̇и, д̇з бажжанийяад̇о лаб̣бхамаанзхи сад̣̇д̇хим̣ баривад̇д̇зд̇вааби яож̇ид̇ааязва. д̇зсу д̇ийн̣и д̣̇вз зганд̇и д̇аяова ваарабарижчзд̣̇аа, д̇з саб̣б̣ад̇т̇а яат̇аануруубам̣ саллагкзд̇аб̣б̣аа. яо жааяам̣ бадижжаваарз вуд̇д̇о, сахаж̇аад̇аваараад̣̇ийсуби аяамзва ван̣н̣анаанаяо.
25-37. Anulomapaccanīye paccanīye laddhapaccayā eva paccanīyato tiṭṭhanti. Paccanīyānulome sabbā rūpadhammapariggāhakā sahajātādayo anulomatova tiṭṭhanti, na paccanīyato. Ahetukassa pana cittuppādassa adhipati natthīti adhipatipaccayo anulomato na tiṭṭhati. Paṭiccavārādīsu pana pacchājāto anulomato na labbhatiyevāti parihīno. Ye cettha anulomato labbhanti, te paccanīyato labbhamānehi saddhiṃ parivattetvāpi yojitāyeva. Tesu tīṇi dve ekanti tayova vāraparicchedā, te sabbattha yathānurūpaṃ sallakkhetabbā. Yo cāyaṃ paṭiccavāre vutto, sahajātavārādīsupi ayameva vaṇṇanānayo.
38. бан̃хааваарз бана самбаяуд̇д̇агаанам̣ канд̇хаананд̇и д̇зна сад̣̇д̇хим̣ самбаяуд̇д̇агаанам̣ канд̇хаанам̣ д̇зхиязва ваа хзд̇уухи сукавзд̣̇анаад̣̇ийхи ваа.
38. Pañhāvāre pana sampayuttakānaṃ khandhānanti tena saddhiṃ sampayuttakānaṃ khandhānaṃ tehiyeva vā hetūhi sukhavedanādīhi vā.
39. виббадисаариссаад̇и д̣̇аанаад̣̇ийсу д̇аава ‘‘гасмаа маяаа ид̣̇ам̣ гад̇ам̣, д̣̇удту мз гад̇ам̣, агад̇ам̣ сзяяо сияаа’’д̇и звам̣ виббадисаарисса. жхаанабарихаанияам̣ бана ‘‘барихийнам̣ мз жхаанам̣, махааж̇аанияо вад̇амхий’’д̇и звам̣ виббадисаарисса. мохо уббаж̇ж̇ад̇ийд̇и д̣̇осасамбаяуд̇д̇амохо. д̇ат̇аа мохам̣ араб̣бхаад̇и д̣̇осасамбаяуд̇д̇амохамзва.
39. Vippaṭisārissāti dānādīsu tāva ‘‘kasmā mayā idaṃ kataṃ, duṭṭhu me kataṃ, akataṃ seyyo siyā’’ti evaṃ vippaṭisārissa. Jhānaparihāniyaṃ pana ‘‘parihīnaṃ me jhānaṃ, mahājāniyo vatamhī’’ti evaṃ vippaṭisārissa. Moho uppajjatīti dosasampayuttamoho. Tathā mohaṃ arabbhāti dosasampayuttamohameva.
45. сукааяа взд̣̇анааяа самбаяуд̇д̇ам̣ бхаван̇г̇ам̣ ад̣̇угкамасукааяа взд̣̇анааяа самбаяуд̇д̇асса бхаван̇г̇ассаад̇и д̇ад̣̇аарамман̣асан̇каад̇ам̣ бидтибхаван̇г̇ам̣ муулабхаван̇г̇асса. вудтаанассаад̇и д̇ад̣̇аарамман̣асса бхаван̇г̇асса ваа. убхаяамби хзд̇ам̣ гусалаагусалаж̇аванад̇о вудтид̇ад̇д̇аа вудтаананд̇и вужжад̇и. гирияам̣ вудтаанассаад̇и зд̇т̇ааби зсзва наяо. палам̣ вудтаанассаад̇и палажид̇д̇ам̣ бхаван̇г̇асса. бхаван̇г̇зна хи палад̇о вудтид̇о наама ход̇и. барад̇о ‘‘вудтаана’’нд̇и ааг̇ад̇адтаанзсуби зсзва наяо.
45. Sukhāya vedanāya sampayuttaṃ bhavaṅgaṃ adukkhamasukhāya vedanāya sampayuttassa bhavaṅgassāti tadārammaṇasaṅkhātaṃ piṭṭhibhavaṅgaṃ mūlabhavaṅgassa. Vuṭṭhānassāti tadārammaṇassa bhavaṅgassa vā. Ubhayampi hetaṃ kusalākusalajavanato vuṭṭhitattā vuṭṭhānanti vuccati. Kiriyaṃ vuṭṭhānassāti etthāpi eseva nayo. Phalaṃ vuṭṭhānassāti phalacittaṃ bhavaṅgassa. Bhavaṅgena hi phalato vuṭṭhito nāma hoti. Parato ‘‘vuṭṭhāna’’nti āgataṭṭhānesupi eseva nayo.
46. д̣̇угкааяа взд̣̇анааяа самбаяуд̇д̇аа канд̇хаад̇и д̣̇оманассасамбаяуд̇д̇аа агусалаа канд̇хаа. ад̣̇угкамасукааяа взд̣̇анааяа самбаяуд̇д̇асса вудтаанассаад̇и д̇ад̣̇аарамман̣асан̇каад̇асса ааг̇анд̇угабхаван̇г̇асса ваа убзгкаасамбаяуд̇д̇амуулабхаван̇г̇асса ваа. сажз бана соманассасахаг̇ад̇ам̣ муулабхаван̇г̇ам̣ ход̇и, д̇ад̣̇аарамман̣асса жа уббад̇д̇игааран̣ам̣ на ход̇и, ж̇аванасса аарамман̣ад̇о ан̃н̃асмимби аарамман̣з ад̣̇угкамасукавзд̣̇анам̣ агусалавибаагам̣ уббаж̇ж̇ад̇зва. д̇амби хи ж̇аванад̇о вудтид̇ад̇д̇аа вудтаананд̇и вужжад̇и. сахаж̇аад̇абажжаяаад̣̇инид̣̇д̣̇зсаа уд̇д̇аанад̇т̇ааязва. нахзд̇т̇а гин̃жи ад̇т̇и, яам̣ на саггаа сияаа хздтаа вуд̇д̇анаязна взд̣̇зд̇ум̣, д̇асмаа саад̇хугам̣ убалагкзд̇аб̣б̣ам̣.
46. Dukkhāya vedanāya sampayuttā khandhāti domanassasampayuttā akusalā khandhā. Adukkhamasukhāya vedanāya sampayuttassa vuṭṭhānassāti tadārammaṇasaṅkhātassa āgantukabhavaṅgassa vā upekkhāsampayuttamūlabhavaṅgassa vā. Sace pana somanassasahagataṃ mūlabhavaṅgaṃ hoti, tadārammaṇassa ca uppattikāraṇaṃ na hoti, javanassa ārammaṇato aññasmimpi ārammaṇe adukkhamasukhavedanaṃ akusalavipākaṃ uppajjateva. Tampi hi javanato vuṭṭhitattā vuṭṭhānanti vuccati. Sahajātapaccayādiniddesā uttānatthāyeva. Nahettha kiñci atthi, yaṃ na sakkā siyā heṭṭhā vuttanayena vedetuṃ, tasmā sādhukaṃ upalakkhetabbaṃ.
62. ид̣̇аани яасмим̣ яасмим̣ бажжаяз яз яз ваараа лад̣̇д̇хаа, саб̣б̣з д̇з сан̇кибид̇ваа г̇ан̣анааяа д̣̇ассзд̇ум̣ хзд̇уяаа д̇ийн̣ийд̇иаад̣̇и вуд̇д̇ам̣. д̇ад̇т̇а саб̣б̣аани д̇ийн̣и суд̣̇д̇хаанам̣ д̇ин̣н̣ам̣ бад̣̇аанам̣ васзна взд̣̇ид̇аб̣б̣аани. аарамман̣з нава згамуулагзгаавасаанаани. ад̇хибад̇ияаа бан̃жа сахаж̇аад̇аад̇хибад̇ивасзна амиссаани д̇ийн̣и, аарамман̣аад̇хибад̇ивасзна жа ‘‘сукааяа самбаяуд̇д̇о сукааяа самбаяуд̇д̇асса, ад̣̇угкамасукааяа самбаяуд̇д̇о ад̣̇угкамасукааяа самбаяуд̇д̇ассаа’’д̇и д̣̇вз, д̇аани на г̇ан̣зд̇аб̣б̣аани. сукааяа бана самбаяуд̇д̇о ад̣̇угкамасукааяа, ад̣̇угкамасукааяа самбаяуд̇д̇о сукааяаад̇и имаани д̣̇вз г̇ан̣зд̇аб̣б̣аанийд̇и звам̣ бан̃жа. ананд̇арасамананд̇арзсу сад̇д̇аад̇и сукаа д̣̇виннам̣, д̇ат̇аа д̣̇угкаа, ад̣̇угкамасукаа д̇ин̣н̣амбийд̇и звам̣ сад̇д̇а. убаниссаяз наваад̇и сукасамбаяуд̇д̇о сукасамбаяуд̇д̇асса д̇ийхиби убаниссаязхи, д̣̇угкасамбаяуд̇д̇асса багад̇уубаниссаязнзва, убзгкаасамбаяуд̇д̇асса д̇ийхиби, д̣̇угкасамбаяуд̇д̇о д̣̇угкасамбаяуд̇д̇асса ананд̇арабагад̇уубаниссаязхи, сукасамбаяуд̇д̇асса багад̇уубаниссаязна, ад̣̇угкамасукасамбаяуд̇д̇асса д̣̇вид̇хаа, ад̣̇угкамасукасамбаяуд̇д̇о ад̣̇угкамасукасамбаяуд̇д̇асса д̇ид̇хааби, д̇ат̇аа сукасамбаяуд̇д̇асса, д̣̇угкасамбаяуд̇д̇асса ананд̇арабагад̇уубаниссаязхийд̇и звам̣ нава. бажжаяабхзд̣̇ад̇о банзд̇т̇а багад̇уубаниссаяаа нава, ананд̇аруубаниссаяаа сад̇д̇а, аарамман̣уубаниссаяаа жад̇д̇аарод̇и вийсад̇и убаниссаяаа. бурзж̇аад̇абажчааж̇аад̇аа банзд̇т̇а чиж̇ж̇анд̇и. на хи бурзж̇аад̇аа бажчааж̇аад̇аа ваа аруубад̇хаммаа аруубад̇хаммаанам̣ бажжаяаа хонд̇и.
62. Idāni yasmiṃ yasmiṃ paccaye ye ye vārā laddhā, sabbe te saṅkhipitvā gaṇanāya dassetuṃ hetuyā tīṇītiādi vuttaṃ. Tattha sabbāni tīṇi suddhānaṃ tiṇṇaṃ padānaṃ vasena veditabbāni. Ārammaṇe nava ekamūlakekāvasānāni. Adhipatiyā pañca sahajātādhipativasena amissāni tīṇi, ārammaṇādhipativasena ca ‘‘sukhāya sampayutto sukhāya sampayuttassa, adukkhamasukhāya sampayutto adukkhamasukhāya sampayuttassā’’ti dve, tāni na gaṇetabbāni. Sukhāya pana sampayutto adukkhamasukhāya, adukkhamasukhāya sampayutto sukhāyāti imāni dve gaṇetabbānīti evaṃ pañca. Anantarasamanantaresu sattāti sukhā dvinnaṃ, tathā dukkhā, adukkhamasukhā tiṇṇampīti evaṃ satta. Upanissaye navāti sukhasampayutto sukhasampayuttassa tīhipi upanissayehi, dukkhasampayuttassa pakatūpanissayeneva, upekkhāsampayuttassa tīhipi, dukkhasampayutto dukkhasampayuttassa anantarapakatūpanissayehi, sukhasampayuttassa pakatūpanissayena, adukkhamasukhasampayuttassa dvidhā, adukkhamasukhasampayutto adukkhamasukhasampayuttassa tidhāpi, tathā sukhasampayuttassa, dukkhasampayuttassa anantarapakatūpanissayehīti evaṃ nava. Paccayabhedato panettha pakatūpanissayā nava, anantarūpanissayā satta, ārammaṇūpanissayā cattāroti vīsati upanissayā. Purejātapacchājātā panettha chijjanti. Na hi purejātā pacchājātā vā arūpadhammā arūpadhammānaṃ paccayā honti.
гаммз адтаад̇и сукасамбаяуд̇д̇о сукасамбаяуд̇д̇асса д̣̇вид̇хааби, д̣̇угкасамбаяуд̇д̇асса наанаагкан̣игад̇ова д̇ат̇аа ид̇арасса. д̣̇угкасамбаяуд̇д̇о д̣̇угкасамбаяуд̇д̇асса д̣̇вид̇хааби, сукасамбаяуд̇д̇асса над̇т̇и, ид̇арасса наанаагкан̣игад̇ова ад̣̇угкамасукасамбаяуд̇д̇о ад̣̇угкамасукасамбаяуд̇д̇асса д̣̇вид̇хааби, ид̇арзсам̣ наанаагкан̣игад̇од̇и звам̣ адта. бажжаяабхзд̣̇ад̇о банзд̇т̇а наанаагкан̣игаа адта, сахаж̇аад̇аа д̇ийн̣ийд̇и згаад̣̇аса гаммабажжаяаа. яат̇аа жа бурзж̇аад̇абажчааж̇аад̇аа, звам̣ виббаяуд̇д̇абажжаяобзд̇т̇а чиж̇ж̇ад̇и. аруубад̇хаммаа хи аруубад̇хаммаанам̣ виббаяуд̇д̇абажжаяо на хонд̇и. над̇т̇ивиг̇ад̇зсу сад̇д̇а ананд̇арасад̣̇исаава. звамзд̇т̇а д̇ийн̣и бан̃жа сад̇д̇а адта наваад̇и бан̃жа г̇ан̣анабарижчзд̣̇аа. д̇зсам̣ васзна бажжаяасам̣санд̣̇анз уунад̇араг̇ан̣анзна сад̣̇д̇хим̣ сам̣санд̣̇анзсу ад̇ирзган̃жа алаб̣бхамаанан̃жа абанзд̇ваа г̇ан̣анаа взд̣̇ид̇аб̣б̣аа.
Kammeaṭṭhāti sukhasampayutto sukhasampayuttassa dvidhāpi, dukkhasampayuttassa nānākkhaṇikatova tathā itarassa. Dukkhasampayutto dukkhasampayuttassa dvidhāpi, sukhasampayuttassa natthi, itarassa nānākkhaṇikatova adukkhamasukhasampayutto adukkhamasukhasampayuttassa dvidhāpi, itaresaṃ nānākkhaṇikatoti evaṃ aṭṭha. Paccayabhedato panettha nānākkhaṇikā aṭṭha, sahajātā tīṇīti ekādasa kammapaccayā. Yathā ca purejātapacchājātā, evaṃ vippayuttapaccayopettha chijjati. Arūpadhammā hi arūpadhammānaṃ vippayuttapaccayo na honti. Natthivigatesu satta anantarasadisāva. Evamettha tīṇi pañca satta aṭṭha navāti pañca gaṇanaparicchedā. Tesaṃ vasena paccayasaṃsandane ūnataragaṇanena saddhiṃ saṃsandanesu atirekañca alabbhamānañca apanetvā gaṇanā veditabbā.
63-64. хзд̇уяаа сад̣̇д̇хим̣ аарамман̣ам̣ на лаб̣бхад̇и, д̇ат̇аа ананд̇араад̣̇аяо. ад̇хибад̇ияаа д̣̇взд̇и д̣̇угкабад̣̇ам̣ табзд̇ваа сзсаани д̣̇вз. д̣̇угкасамбаяуд̇д̇о хи хзд̇у ад̇хибад̇и наама над̇т̇и, д̇асмаа со на лаб̣бхад̇ийд̇и абанийд̇о. сзсад̣̇ваязсуби зсзва наяо. ид̇и хзд̇умуулагз д̣̇взязва г̇ан̣анабарижчзд̣̇аа, д̇зсам̣ васзна ча гхаданаани вуд̇д̇аани. д̇зсу батамам̣ авибаагабхууд̇аанам̣ н̃аан̣авиббаяуд̇д̇анираад̇хибад̇ид̇хаммаанам̣ васзна вуд̇д̇ам̣, д̣̇уд̇ияам̣ д̇зсан̃н̃зва вибаагабхууд̇аанам̣, д̇ад̇ияажад̇уд̇т̇аани д̇зсан̃н̃зва н̃аан̣асамбаяуд̇д̇аанам̣, бан̃жамам̣ авибаагабхууд̇асаад̇хибад̇иамохавасзна, чадтам̣ вибаагабхууд̇асаад̇хибад̇иамохавасзна. батамам̣ ваа саб̣б̣ахзд̇увасзна, д̣̇уд̇ияам̣ саб̣б̣авибаагахзд̇увасзна, д̇ад̇ияам̣ саб̣б̣аамохахзд̇увасзна, жад̇уд̇т̇ам̣ саб̣б̣авибаагаамохахзд̇увасзна. бан̃жамам̣ саб̣б̣асаад̇хибад̇иамохавасзна, чадтам̣ саб̣б̣асаад̇хибад̇ивибаагаамохавасзна.
63-64. Hetuyā saddhiṃ ārammaṇaṃ na labbhati, tathā anantarādayo. Adhipatiyā dveti dukkhapadaṃ ṭhapetvā sesāni dve. Dukkhasampayutto hi hetu adhipati nāma natthi, tasmā so na labbhatīti apanīto. Sesadvayesupi eseva nayo. Iti hetumūlake dveyeva gaṇanaparicchedā, tesaṃ vasena cha ghaṭanāni vuttāni. Tesu paṭhamaṃ avipākabhūtānaṃ ñāṇavippayuttanirādhipatidhammānaṃ vasena vuttaṃ, dutiyaṃ tesaññeva vipākabhūtānaṃ, tatiyacatutthāni tesaññeva ñāṇasampayuttānaṃ, pañcamaṃ avipākabhūtasādhipatiamohavasena, chaṭṭhaṃ vipākabhūtasādhipatiamohavasena. Paṭhamaṃ vā sabbahetuvasena, dutiyaṃ sabbavipākahetuvasena, tatiyaṃ sabbāmohahetuvasena, catutthaṃ sabbavipākāmohahetuvasena. Pañcamaṃ sabbasādhipatiamohavasena, chaṭṭhaṃ sabbasādhipativipākāmohavasena.
66. аарамман̣амуулагз ад̇хибад̇ияаа жад̇д̇аарийд̇и аарамман̣аад̇хибад̇ивасзна сукам̣ сукасса, ад̣̇угкамасукасса, ад̣̇угкамасукам̣ ад̣̇угкамасукасса, сукассаад̇и звам̣ жад̇д̇аари. убаниссаязби аарамман̣уубаниссаяавасзна жад̇д̇ааро вуд̇д̇аа. гхаданаани банзд̇т̇а згамзва. ад̇хибад̇имуулагаад̣̇ийсуби хздтаа вуд̇д̇анаязнзва яам̣ лаб̣бхад̇и яан̃жа на лаб̣бхад̇и, д̇ам̣ саб̣б̣ам̣ саад̇хугам̣ саллагкзд̇ваа сам̣санд̣̇анагхаданаг̇ан̣анаа взд̣̇ид̇аб̣б̣аа.
66. Ārammaṇamūlake adhipatiyā cattārīti ārammaṇādhipativasena sukhaṃ sukhassa, adukkhamasukhassa, adukkhamasukhaṃ adukkhamasukhassa, sukhassāti evaṃ cattāri. Upanissayepi ārammaṇūpanissayavasena cattāro vuttā. Ghaṭanāni panettha ekameva. Adhipatimūlakādīsupi heṭṭhā vuttanayeneva yaṃ labbhati yañca na labbhati, taṃ sabbaṃ sādhukaṃ sallakkhetvā saṃsandanaghaṭanagaṇanā veditabbā.
83-87. бажжанийяамхи гусалад̇д̇игз вуд̇д̇анаязнзва ануломад̇о бажжаяз уд̣̇д̇харид̇ваа д̇ад̇т̇а лад̣̇д̇хаанам̣ ваараанам̣ васзна бажжанийяад̇о г̇ан̣анавасзна нахзд̇уяаа наваад̇и саб̣б̣абажжаязсу нава ваараа д̣̇ассид̇аа . д̇з згамуулагзгаавасаанаанам̣ наваннам̣ виссаж̇ж̇анаанам̣ васзна ‘‘сукааяа взд̣̇анааяа самбаяуд̇д̇о д̇хаммо сукааяа взд̣̇анааяа самбаяуд̇д̇асса д̇хаммасса нахзд̇убажжаязна бажжаяо, сукааяа взд̣̇анааяа самбаяуд̇д̇зна жид̇д̇зна д̣̇аанам̣ д̣̇ад̇ваа’’д̇иаад̣̇инаа наязна баал̣им̣ уд̣̇д̇харид̇ваа д̣̇ассзд̇аб̣б̣аа. бажжаяасам̣санд̣̇анз банзд̇т̇а нахзд̇убажжаяаа…бз… наубаниссаяз адтаад̇и наанаагкан̣игагаммабажжаяавасзна взд̣̇ид̇аб̣б̣аа. д̣̇уб̣б̣алагамман̃хи вибаагасса на убаниссаяо ход̇и. гзвалам̣ бана наанаагкан̣игагаммабажжаязнзва бажжаяо ход̇и. сзсамзд̇т̇а ануломабажжанийяабажжанийяаануломзсу жа д̇зсам̣ д̇зсам̣ бажжаяаанам̣ яог̇з лад̣̇д̇хавааравасзна саггаа хздтаа вуд̇д̇анаязнзва г̇ан̣зд̇ум̣, д̇асмаа на вид̇т̇аарид̇анд̇и.
83-87. Paccanīyamhi kusalattike vuttanayeneva anulomato paccaye uddharitvā tattha laddhānaṃ vārānaṃ vasena paccanīyato gaṇanavasena nahetuyā navāti sabbapaccayesu nava vārā dassitā . Te ekamūlakekāvasānānaṃ navannaṃ vissajjanānaṃ vasena ‘‘sukhāya vedanāya sampayutto dhammo sukhāya vedanāya sampayuttassa dhammassa nahetupaccayena paccayo, sukhāya vedanāya sampayuttena cittena dānaṃ datvā’’tiādinā nayena pāḷiṃ uddharitvā dassetabbā. Paccayasaṃsandane panettha nahetupaccayā…pe… naupanissaye aṭṭhāti nānākkhaṇikakammapaccayavasena veditabbā. Dubbalakammañhi vipākassa na upanissayo hoti. Kevalaṃ pana nānākkhaṇikakammapaccayeneva paccayo hoti. Sesamettha anulomapaccanīyapaccanīyānulomesu ca tesaṃ tesaṃ paccayānaṃ yoge laddhavāravasena sakkā heṭṭhā vuttanayeneva gaṇetuṃ, tasmā na vitthāritanti.
взд̣̇анаад̇д̇игаван̣н̣анаа.
Vedanāttikavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / 2. взд̣̇анаад̇д̇игам̣ • 2. Vedanāttikaṃ
