| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā |
੨. વੇਦਨਾਤ੍ਤਿਕવਣ੍ਣਨਾ
2. Vedanāttikavaṇṇanā
੧. વੇਦਨਾਰੂਪਨਿਬ੍ਬਾਨਾਨਿ ਪਨ ਤਿਕਮੁਤ੍ਤਕਾਨਿ ਪਟਿਚ੍ਚਾਦਿਨਿਯਮਂ ਪਚ੍ਚਯੁਪ੍ਪਨ੍ਨવਚਨਞ੍ਚ ਨ ਲਭਨ੍ਤਿ। ਪਟਿਚ੍ਚવਾਰਾਦੀਸੁ ਪਨ ਛਸੁ ਯਤੋ ਹੇਤੁਪਚ੍ਚਯਾਦਿਤੋ ਤਿਕਧਮ੍ਮਾਨਂ ਉਪ੍ਪਤ੍ਤਿ વੁਤ੍ਤਾ, ਤਤ੍ਥ ਯਥਾਨੁਰੂਪਤੋ ਆਰਮ੍ਮਣਾਦਿਪਚ੍ਚਯਭਾવੇਨ ਲਬ੍ਭਨ੍ਤੀਤਿ વੇਦਿਤਬ੍ਬਾਨੀਤਿ।
1. Vedanārūpanibbānāni pana tikamuttakāni paṭiccādiniyamaṃ paccayuppannavacanañca na labhanti. Paṭiccavārādīsu pana chasu yato hetupaccayādito tikadhammānaṃ uppatti vuttā, tattha yathānurūpato ārammaṇādipaccayabhāvena labbhantīti veditabbānīti.
੧੦. ਸਬ੍ਬਅਰੂਪਧਮ੍ਮਪਰਿਗ੍ਗਾਹਕਾ ਪਨ ਸਹਜਾਤਾਦਯੋ ਪਚ੍ਚਯਾਤਿ ਇਮਿਨਾ ਕੁਸਲਤ੍ਤਿਕੇਪਿ ਪਰਿਹੀਨਂ ਸਹਜਾਤਂ ਰੂਪਾਰੂਪਧਮ੍ਮਪਰਿਗ੍ਗਾਹਕਤ੍ਤਾ ਆਦਿਮ੍ਹਿ ਠਪੇਤ੍વਾ ਆਦਿਸਦ੍ਦੇਨ ਸਬ੍ਬਾਰੂਪਧਮ੍ਮਪਰਿਗ੍ਗਾਹਕવਚਨੇਨ ਚ ਪਚ੍ਚਯੁਪ੍ਪਨ੍ਨવਸੇਨ ਸਬ੍ਬਅਰੂਪਧਮ੍ਮਪਰਿਗ੍ਗਾਹਕਾਨਂ ਆਰਮ੍ਮਣਾਦੀਨਂ ਪਰਿਹਾਨਿਂ ਦਸ੍ਸੇਤੀਤਿ ਦਟ੍ਠਬ੍ਬਂ। ਤੇਨ ਕੁਸਲਤ੍ਤਿਕਪਰਿਹੀਨਾਨਂ ਸਬ੍ਬਟ੍ਠਾਨਿਕਾਨਂ ਚਤੁਨ੍ਨਂ ਸਬ੍ਬਤਿਕਾਦੀਸੁ ਪਰਿਹਾਨਿ ਦਸ੍ਸਿਤਾ ਹੋਤਿ। ਪਚ੍ਛਾਜਾਤਪਚ੍ਚਯਞ੍ਚ વਿਨਾવ ਉਪ੍ਪਤ੍ਤਿਤੋਤਿ ਏਤੇਨ ਪਨ ਪਚ੍ਛਾਜਾਤਪਚ੍ਚਯਸ੍ਸ ਅਨੁਲੋਮੇ ਪਰਿਹਾਨਿਂ, ਪਚ੍ਚਨੀਯੇ ਚ ਲਾਭਂ ਦਸ੍ਸੇਤਿ। ਸਹਜਾਤਾਦਯੋਤਿ વਾ ਸਹਜਾਤਮੂਲਕਾ ਸਹਜਾਤਨਿਬਨ੍ਧਨਾ ਪਟਿਚ੍ਚਾਦਿਂ ਫਰਨ੍ਤੇਹਿ ਸਹਜਾਤਧਮ੍ਮੇਹਿ વਿਨਾ ਪਚ੍ਚਯਾ ਅਹੋਨ੍ਤਾਤਿ વੁਤ੍ਤਂ ਹੋਤਿ। ਕਸ੍ਮਾ ਪਨ ਸਹਜਾਤਨਿਬਨ੍ਧਨਾ ਸਬ੍ਬਾਰੂਪਧਮ੍ਮਪਰਿਗ੍ਗਾਹਕਾ ਚ ਯੇ, ਤੇવ ਪਰਿਹਾਯਨ੍ਤਿ , ਨ ਪਨ ਯੋ ਸਹਜਾਤਾਨਿਬਨ੍ਧਨੋ ਸਬ੍ਬਾਰੂਪਧਮ੍ਮਪਰਿਗ੍ਗਾਹਕੋ ਚ ਨ ਹੋਤਿ, ਸੋ ਪਚ੍ਛਾਜਾਤੋਤਿ ਤਤ੍ਥ ਕਾਰਣਂ વਦਨ੍ਤੋ ‘‘ਸਹਜਾਤਾਦੀਹਿ વਿਨਾ ਅਨੁਪ੍ਪਤ੍ਤਿਤੋ ਪਚ੍ਛਾਜਾਤਪਚ੍ਚਯਞ੍ਚ વਿਨਾવ ਉਪ੍ਪਤ੍ਤਿਤੋ’’ਤਿ ਆਹ। ਤਤ੍ਥ ਸਹਜਾਤਾਦੀਹਿ વਿਨਾਤਿ ਸਹਜਾਤਨਿਬਨ੍ਧਨੇਹਿ ਸਬ੍ਬਾਰੂਪਧਮ੍ਮਪਰਿਗ੍ਗਾਹਕੇਹਿ ਚ વਿਨਾਤਿ ਅਤ੍ਥੋ। ਅਥ વਾ ਸਹਜਾਤਨਿਬਨ੍ਧਨਾਨਮੇવ ਪਰਿਹਾਨਿ, ਨ ਪਚ੍ਛਾਜਾਤਸ੍ਸ ਸਹਜਾਤਾਨਿਬਨ੍ਧਨਸ੍ਸਾਤਿ ਏਤ੍ਥੇવ ਕਾਰਣਂ વਦਨ੍ਤੋ ‘‘ਸਹਜਾਤਾਦੀਹਿ વਿਨਾ ਅਨੁਪ੍ਪਤ੍ਤਿਤੋ ਪਚ੍ਛਾਜਾਤਪਚ੍ਚਯਞ੍ਚ વਿਨਾવ ਉਪ੍ਪਤ੍ਤਿਤੋ’’ਤਿ ਆਹ। ਸਹਜਾਤਨਿਬਨ੍ਧਨਾਪਿ ਪਨ ਸਬ੍ਬਅਰੂਪਧਮ੍ਮਪਰਿਗ੍ਗਾਹਕਾਯੇવ ਪਰਿਹਾਯਨ੍ਤੀਤਿ ਦਸ੍ਸਿਤਮੇਤਨ੍ਤਿ।
10. Sabbaarūpadhammapariggāhakā pana sahajātādayo paccayāti iminā kusalattikepi parihīnaṃ sahajātaṃ rūpārūpadhammapariggāhakattā ādimhi ṭhapetvā ādisaddena sabbārūpadhammapariggāhakavacanena ca paccayuppannavasena sabbaarūpadhammapariggāhakānaṃ ārammaṇādīnaṃ parihāniṃ dassetīti daṭṭhabbaṃ. Tena kusalattikaparihīnānaṃ sabbaṭṭhānikānaṃ catunnaṃ sabbatikādīsu parihāni dassitā hoti. Pacchājātapaccayañca vināva uppattitoti etena pana pacchājātapaccayassa anulome parihāniṃ, paccanīye ca lābhaṃ dasseti. Sahajātādayoti vā sahajātamūlakā sahajātanibandhanā paṭiccādiṃ pharantehi sahajātadhammehi vinā paccayā ahontāti vuttaṃ hoti. Kasmā pana sahajātanibandhanā sabbārūpadhammapariggāhakā ca ye, teva parihāyanti , na pana yo sahajātānibandhano sabbārūpadhammapariggāhako ca na hoti, so pacchājātoti tattha kāraṇaṃ vadanto ‘‘sahajātādīhi vinā anuppattito pacchājātapaccayañca vināva uppattito’’ti āha. Tattha sahajātādīhi vināti sahajātanibandhanehi sabbārūpadhammapariggāhakehi ca vināti attho. Atha vā sahajātanibandhanānameva parihāni, na pacchājātassa sahajātānibandhanassāti ettheva kāraṇaṃ vadanto ‘‘sahajātādīhi vinā anuppattito pacchājātapaccayañca vināva uppattito’’ti āha. Sahajātanibandhanāpi pana sabbaarūpadhammapariggāhakāyeva parihāyantīti dassitametanti.
੧੭. ਨવਿਪਾਕੇਪਿ ਏਸੇવ ਨਯੋਤਿ ਨਯਦਸ੍ਸਨਮੇવ ਕਰੋਤਿ, ਨ ਚ ਪਚ੍ਚਯਪਚ੍ਚਯੁਪ੍ਪਨ੍ਨਸਾਮਞ੍ਞਦਸ੍ਸਨਂ। ਸੁਖਾਯ ਹਿ ਅਦੁਕ੍ਖਮਸੁਖਾਯ ਚ વੇਦਨਾਯ ਸਮ੍ਪਯੁਤ੍ਤੇ ਧਮ੍ਮੇ ਪਟਿਚ੍ਚ ਤਾਹਿ વੇਦਨਾਹਿ ਸਮ੍ਪਯੁਤ੍ਤਾ ਅਹੇਤੁਕਕਿਰਿਯਧਮ੍ਮਾ વਿਚਿਕਿਚ੍ਛੁਦ੍ਧਚ੍ਚਸਹਜਾਤਮੋਹੋ ਚਾਤਿ ਅਯਞ੍ਹੇਤ੍ਥ ਨਯੋਤਿ। ਨવਿਪ੍ਪਯੁਤ੍ਤੇ ਏਕਨ੍ਤਿ ਆਰੁਪ੍ਪੇ ਆવਜ੍ਜਨવਸੇਨ વੁਤ੍ਤਨ੍ਤਿ ਇਦਂ ਆવਜ੍ਜਨਾਹੇਤੁਕਮੋਹਾਨਂ વਸੇਨ વੁਤ੍ਤਨ੍ਤਿ ਦਟ੍ਠਬ੍ਬਂ।
17. Navipākepi eseva nayoti nayadassanameva karoti, na ca paccayapaccayuppannasāmaññadassanaṃ. Sukhāya hi adukkhamasukhāya ca vedanāya sampayutte dhamme paṭicca tāhi vedanāhi sampayuttā ahetukakiriyadhammā vicikicchuddhaccasahajātamoho cāti ayañhettha nayoti. Navippayutte ekanti āruppe āvajjanavasena vuttanti idaṃ āvajjanāhetukamohānaṃ vasena vuttanti daṭṭhabbaṃ.
੨੫-੩੭. ਅਨੁਲੋਮਪਚ੍ਚਨੀਯੇ ਯਥਾ ਕੁਸਲਤ੍ਤਿਕਂ, ਏવਂ ਗਣੇਤਬ੍ਬਨ੍ਤਿ ਹੇਤੁਮੂਲਕਾਦੀਨਂ ਨਯਾਨਂ ਏਕਮੂਲਕਦ੍વਿਮੂਲਕਾਦਿવਸੇਨ ਚ ਯੋਜੇਤ੍વਾ ਗਹੇਤਬ੍ਬਤਾਸਾਮਞ੍ਞਂ ਸਨ੍ਧਾਯ વੁਤ੍ਤਂ, ਨ ਗਣਨਸਾਮਞ੍ਞਂ। ਇਤੋ ਪਰੇਸੁਪਿ ਏવਰੂਪੇਸੁ ਏਸੇવ ਨਯੋ। ਅਹੇਤੁਕਸ੍ਸ ਪਨ ਚਿਤ੍ਤੁਪ੍ਪਾਦਸ੍ਸਾਤਿਆਦਿ ਨਹੇਤੁਮੂਲਕਂ ਸਨ੍ਧਾਯ વੁਤ੍ਤਂ, ‘‘ਅਹੇਤੁਕਸ੍ਸ ਪਨ ਚਿਤ੍ਤੁਪ੍ਪਾਦਸ੍ਸ ਮੋਹਸ੍ਸ ਚਾ’’ਤਿ ਪਨੇਤ੍ਥ વਤ੍ਤਬ੍ਬਂ। ਮੋਹਸ੍ਸ ਚਾਪਿ ਹਿ ਅਹੇਤੁਕਸ੍ਸ ਅਧਿਪਤਿਅਭਾવਤੋ ਅਧਿਪਤਿਨੋ ਨਹੇਤੁਮੂਲਕੇ ਅਨੁਲੋਮਤੋ ਅਟ੍ਠਾਨਨ੍ਤਿ। ਪਰਿવਤ੍ਤੇਤ੍વਾਪੀਤਿ ਨਹੇਤੁਪਚ੍ਚਯਾ ਨਅਧਿਪਤਿਪਚ੍ਚਯਾ ਆਰਮ੍ਮਣੇ ਤੀਣੀਤਿ ਏવਂ ਪੁਰਤੋ ਠਿਤਮ੍ਪਿ ਆਰਮ੍ਮਣਾਦਿਂ ਪਚ੍ਛਤੋ ਯੋਜੇਤ੍વਾਤਿ ਅਤ੍ਥੋ।
25-37. Anulomapaccanīye yathā kusalattikaṃ, evaṃ gaṇetabbanti hetumūlakādīnaṃ nayānaṃ ekamūlakadvimūlakādivasena ca yojetvā gahetabbatāsāmaññaṃ sandhāya vuttaṃ, na gaṇanasāmaññaṃ. Ito paresupi evarūpesu eseva nayo. Ahetukassa pana cittuppādassātiādi nahetumūlakaṃ sandhāya vuttaṃ, ‘‘ahetukassa pana cittuppādassa mohassa cā’’ti panettha vattabbaṃ. Mohassa cāpi hi ahetukassa adhipatiabhāvato adhipatino nahetumūlake anulomato aṭṭhānanti. Parivattetvāpīti nahetupaccayā naadhipatipaccayā ārammaṇe tīṇīti evaṃ purato ṭhitampi ārammaṇādiṃ pacchato yojetvāti attho.
੩੯. ਪਞ੍ਹਾવਾਰੇ ਦੋਮਨਸ੍ਸਂ ਉਪ੍ਪਜ੍ਜਤੀਤਿ ਏਤੇਨ ਤਂਸਮ੍ਪਯੁਤ੍ਤੇ ਦਸ੍ਸੇਤਿ। ਉਪਨਿਸ੍ਸਯવਿਭਙ੍ਗੇ ‘‘ਸਦ੍ਧਾਪਞ੍ਚਕੇਸੁ ਮਾਨਂ ਜਪ੍ਪੇਤਿ ਦਿਟ੍ਠਿਂ ਗਣ੍ਹਾਤੀਤਿ ਕਤ੍ਤਬ੍ਬਂ, ਅવਸੇਸੇਸੁ ਨ ਕਤ੍ਤਬ੍ਬ’’ਨ੍ਤਿ ਇਦਂ ਪਾਠਗਤਿਦਸ੍ਸਨਤ੍ਥਂ વੁਤ੍ਤਂ, ਨ ਪਨ ਰਾਗਾਦੀਹਿ ਮਾਨਦਿਟ੍ਠੀਨਂ ਅਨੁਪ੍ਪਤ੍ਤਿਤੋ। ਕੁਸਲਤ੍ਤਿਕੇਪਿ ਹਿ ਰਾਗਾਦੀਸੁ ‘‘ਮਾਨਂ ਜਪ੍ਪੇਤਿ ਦਿਟ੍ਠਿਂ ਗਣ੍ਹਾਤੀ’’ਤਿ ਪਾਲ਼ਿ ਨ વੁਤ੍ਤਾ, ‘‘ਰਾਗੋ ਦੋਸੋ ਮੋਹੋ ਮਾਨੋ ਦਿਟ੍ਠਿ ਪਤ੍ਥਨਾ ਰਾਗਸ੍ਸ ਦੋਸਸ੍ਸ ਮੋਹਸ੍ਸ ਮਾਨਸ੍ਸ ਦਿਟ੍ਠਿਯਾ ਪਤ੍ਥਨਾਯ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ’’ਤਿ (ਪਟ੍ਠਾ॰ ੧.੨.੫੩) ਪਨ ਰਾਗਾਦੀਨਂ ਮਾਨਦਿਟ੍ਠਿਉਪਨਿਸ੍ਸਯਭਾવੋ વੁਤ੍ਤੋ। ਤਥਾ ਇਧਾਪਿ ਦਟ੍ਠਬ੍ਬਨ੍ਤਿ । ‘‘ਸੁਖਾਯ વੇਦਨਾਯ ਸਮ੍ਪਯੁਤ੍ਤੇਨ ਪਨ ਚਿਤ੍ਤੇਨ ਗਾਮਘਾਤਂ ਨਿਗਮਘਾਤਂ ਕਰੋਤੀ’’ਤਿ ਸੋਮਨਸ੍ਸਸਮ੍ਪਯੁਤ੍ਤਲੋਭਸਹਗਤਚਿਤ੍ਤੇਨ ਗਾਮਨਿਗਮવਿਲੁਪ੍ਪਨਂ ਸਨ੍ਧਾਯ વੁਤ੍ਤਂ।
39. Pañhāvāre domanassaṃ uppajjatīti etena taṃsampayutte dasseti. Upanissayavibhaṅge ‘‘saddhāpañcakesu mānaṃ jappeti diṭṭhiṃ gaṇhātīti kattabbaṃ, avasesesu na kattabba’’nti idaṃ pāṭhagatidassanatthaṃ vuttaṃ, na pana rāgādīhi mānadiṭṭhīnaṃ anuppattito. Kusalattikepi hi rāgādīsu ‘‘mānaṃ jappeti diṭṭhiṃ gaṇhātī’’ti pāḷi na vuttā, ‘‘rāgo doso moho māno diṭṭhi patthanā rāgassa dosassa mohassa mānassa diṭṭhiyā patthanāya upanissayapaccayena paccayo’’ti (paṭṭhā. 1.2.53) pana rāgādīnaṃ mānadiṭṭhiupanissayabhāvo vutto. Tathā idhāpi daṭṭhabbanti . ‘‘Sukhāya vedanāya sampayuttena pana cittena gāmaghātaṃ nigamaghātaṃ karotī’’ti somanassasampayuttalobhasahagatacittena gāmanigamaviluppanaṃ sandhāya vuttaṃ.
੬੨. ਸੁਦ੍ਧਾਨਨ੍ਤਿ ਪਚ੍ਚਯਪਚ੍ਚਯੁਪ੍ਪਨ੍ਨਪਦਾਨਂ ਅਨਞ੍ਞਤ੍ਤਂ ਦਸ੍ਸੇਤਿ। ਪੁਰੇਜਾਤਪਚ੍ਛਾਜਾਤਾ ਪਨੇਤ੍ਥ ਨ વਿਜ੍ਜਨ੍ਤਿ। ਨ ਹਿ ਪੁਰੇਜਾਤਾ ਪਚ੍ਛਾਜਾਤਾ વਾ ਅਰੂਪਧਮ੍ਮਾ ਅਰੂਪਧਮ੍ਮਾਨਂ ਪਚ੍ਚਯਾ ਹੋਨ੍ਤੀਤਿ ਏਤ੍ਥ ਪੁਰੇਜਾਤਾਤਿ ਇਮਸ੍ਮਿਂ ਤਿਕੇ વੁਚ੍ਚਮਾਨਾ ਅਧਿਕਾਰਪ੍ਪਤ੍ਤਾ ਸੁਖਾਯ વੇਦਨਾਯ ਸਮ੍ਪਯੁਤ੍ਤਾਦਯੋવ ਅਰੂਪਧਮ੍ਮਾਨਂ ਪੁਰੇਜਾਤਾ ਹੁਤ੍વਾ ਪਚ੍ਚਯਾ ਨ ਹੋਨ੍ਤਿ ਪੁਰੇਜਾਤਤ੍ਤਾਭਾવਤੋਤਿ ਅਧਿਪ੍ਪਾਯੋ, ਤਥਾ ਪਚ੍ਛਾਜਾਤਤ੍ਤਾਭਾવਤੋ ਪਚ੍ਛਾਜਾਤਾ વਾ ਹੁਤ੍વਾ ਨ ਹੋਨ੍ਤੀਤਿ।
62. Suddhānanti paccayapaccayuppannapadānaṃ anaññattaṃ dasseti. Purejātapacchājātā panettha na vijjanti.Na hi purejātā pacchājātā vā arūpadhammā arūpadhammānaṃ paccayā hontīti ettha purejātāti imasmiṃ tike vuccamānā adhikārappattā sukhāya vedanāya sampayuttādayova arūpadhammānaṃ purejātā hutvā paccayā na honti purejātattābhāvatoti adhippāyo, tathā pacchājātattābhāvato pacchājātā vā hutvā na hontīti.
੬੩-੬੪. ਸਾਧਿਪਤਿਅਮੋਹવਸੇਨਾਤਿ ਅਧਿਪਤਿਭਾવਸਹਿਤਾਮੋਹવਸੇਨਾਤਿ ਅਤ੍ਥੋ।
63-64. Sādhipatiamohavasenāti adhipatibhāvasahitāmohavasenāti attho.
੮੩-੮੭. ਨਹੇਤੁਪਚ੍ਚਯਾ…ਪੇ॰… ਨਉਪਨਿਸ੍ਸਯੇ ਅਟ੍ਠਾਤਿ ਨਹੇਤੁਪਚ੍ਚਯਾ ਨਾਰਮ੍ਮਣਪਚ੍ਚਯਾ ਨਉਪਨਿਸ੍ਸਯੇ ਅਟ੍ਠਾਤਿ ਏવਂ ਸਙ੍ਖਿਪਿਤ੍વਾ ਉਦ੍ਧਰਤਿ। ਨਾਨਾਕ੍ਖਣਿਕਕਮ੍ਮਪਚ੍ਚਯવਸੇਨ વੇਦਿਤਬ੍ਬਾਤਿ ਇਦਂ ‘‘ਦੁਕ੍ਖਾਯ વੇਦਨਾਯ ਸਮ੍ਪਯੁਤ੍ਤੋ ਸੁਖਾਯ વੇਦਨਾਯ ਸਮ੍ਪਯੁਤ੍ਤਸ੍ਸਾ’’ਤਿ ਏਤਂ વਜ੍ਜੇਤ੍વਾ ਅવਸੇਸੇਸੁ ਅਟ੍ਠਸੁਪਿ ਨਾਨਾਕ੍ਖਣਿਕਕਮ੍ਮਪਚ੍ਚਯਸਮ੍ਭવਂ ਸਨ੍ਧਾਯ વੁਤ੍ਤਂ। ਨ ਹਿ ਸਹਜਾਤਪਚ੍ਚਯੋ ਅਟ੍ਠਸੁਪਿ ਲਬ੍ਭਤਿ, ਅਥ ਖੋ ਤੀਸ੍વੇવਾਤਿ।
83-87. Nahetupaccayā…pe… naupanissaye aṭṭhāti nahetupaccayā nārammaṇapaccayā naupanissaye aṭṭhāti evaṃ saṅkhipitvā uddharati. Nānākkhaṇikakammapaccayavasena veditabbāti idaṃ ‘‘dukkhāya vedanāya sampayutto sukhāya vedanāya sampayuttassā’’ti etaṃ vajjetvā avasesesu aṭṭhasupi nānākkhaṇikakammapaccayasambhavaṃ sandhāya vuttaṃ. Na hi sahajātapaccayo aṭṭhasupi labbhati, atha kho tīsvevāti.
વੇਦਨਾਤ੍ਤਿਕવਣ੍ਣਨਾ ਨਿਟ੍ਠਿਤਾ।
Vedanāttikavaṇṇanā niṭṭhitā.
Related texts:
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੨. વੇਦਨਾਤ੍ਤਿਕવਣ੍ਣਨਾ • 2. Vedanāttikavaṇṇanā
