| Library / Tipiṭaka / तिपिटक • Tipiṭaka / अपदानपाळि • Apadānapāḷi |
३. वेदिकारकत्थेरअपदानं
3. Vedikārakattheraapadānaṃ
१०.
10.
‘‘निब्बुते लोकनाथम्हि, पियदस्सीनरुत्तमे।
‘‘Nibbute lokanāthamhi, piyadassīnaruttame;
पसन्नचित्तो सुमनो, मुत्तावेदिमकासहं॥
Pasannacitto sumano, muttāvedimakāsahaṃ.
११.
11.
‘‘मणीहि परिवारेत्वा, अकासिं वेदिमुत्तमं।
‘‘Maṇīhi parivāretvā, akāsiṃ vedimuttamaṃ;
वेदिकाय महं कत्वा, तत्थ कालङ्कतो अहं॥
Vedikāya mahaṃ katvā, tattha kālaṅkato ahaṃ.
१२.
12.
‘‘यं यं योनुपपज्जामि, देवत्तं अथ मानुसं।
‘‘Yaṃ yaṃ yonupapajjāmi, devattaṃ atha mānusaṃ;
मणी धारेन्ति आकासे, पुञ्ञकम्मस्सिदं फलं॥
Maṇī dhārenti ākāse, puññakammassidaṃ phalaṃ.
१३.
13.
‘‘सोळसितो कप्पसते, मणिप्पभासनामका।
‘‘Soḷasito kappasate, maṇippabhāsanāmakā;
१४.
14.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा वेदिकारको थेरो इमा गाथायो अभासित्थाति।
Itthaṃ sudaṃ āyasmā vedikārako thero imā gāthāyo abhāsitthāti.
वेदिकारकत्थेरस्सापदानं ततियं।
Vedikārakattherassāpadānaṃ tatiyaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ३. वेदिकारकत्थेरअपदानवण्णना • 3. Vedikārakattheraapadānavaṇṇanā
