| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੩. વੇਦਿਕਾਰਕਤ੍ਥੇਰਅਪਦਾਨવਣ੍ਣਨਾ
3. Vedikārakattheraapadānavaṇṇanā
ਨਿਬ੍ਬੁਤੇ ਲੋਕਨਾਥਮ੍ਹੀਤਿਆਦਿਕਂ ਆਯਸ੍ਮਤੋ વੇਦਿਕਾਰਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਜਿਨવਰੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਿਯਦਸ੍ਸਿਸ੍ਸ ਭਗવਤੋ ਕਾਲੇ વਿਭવਸਮ੍ਪਨ੍ਨੇ ਏਕਸ੍ਮਿਂ ਕੁਲੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍વਾ ਘਰਾવਾਸਂ ਸਣ੍ਠਪੇਤ੍વਾ ਨਿਬ੍ਬੁਤੇ ਸਤ੍ਥਰਿ ਪਸਨ੍ਨੋ ਤਸ੍ਸ ਚੇਤਿਯੇ વਲਯਂ ਕਾਰੇਸਿ, ਸਤ੍ਤਹਿ ਰਤਨੇਹਿ ਪਰਿਪੂਰੇਤ੍વਾ ਮਹਾਪੂਜਂ ਕਾਰੇਸਿ। ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਅਨੇਕੇਸੁ ਜਾਤਿਸਤਸਹਸ੍ਸੇਸੁ ਪੂਜਨੀਯੋ ਮਹਦ੍ਧਨੋ ਮਹਾਭੋਗੋ ਉਭਯਸੁਖਂ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વਿਭવਸਮ੍ਪਨ੍ਨੋ ਪਬ੍ਬਜਿਤ੍વਾ વਾਯਮਨ੍ਤੋ ਨਚਿਰਸ੍ਸੇવ ਅਰਹਾ ਅਹੋਸਿ।
Nibbutelokanāthamhītiādikaṃ āyasmato vedikārakattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto piyadassissa bhagavato kāle vibhavasampanne ekasmiṃ kule nibbatto viññutaṃ patvā gharāvāsaṃ saṇṭhapetvā nibbute satthari pasanno tassa cetiye valayaṃ kāresi, sattahi ratanehi paripūretvā mahāpūjaṃ kāresi. So tena puññena devamanussesu saṃsaranto anekesu jātisatasahassesu pūjanīyo mahaddhano mahābhogo ubhayasukhaṃ anubhavitvā imasmiṃ buddhuppāde kulagehe nibbatto vibhavasampanno pabbajitvā vāyamanto nacirasseva arahā ahosi.
੧੦. ਸੋ ਏਕਦਿવਸਂ ਅਤ੍ਤਨੋ ਪੁਬ੍ਬੇ ਕਤਕੁਸਲਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਨਿਬ੍ਬੁਤੇ ਲੋਕਨਾਥਮ੍ਹੀਤਿਆਦਿਮਾਹ। ਤਂ ਹੇਟ੍ਠਾ વੁਤ੍ਤਤ੍ਥਮੇવ। ਪਿਯਦਸ੍ਸੀਨਰੁਤ੍ਤਮੇਤਿ ਪਿਯਂ ਸੋਮਨਸ੍ਸਾਕਾਰਂ ਦਸ੍ਸਨਂ ਯਸ੍ਸ ਸੋ ਪਿਯਦਸ੍ਸੀ, ਆਰੋਹਪਰਿਣਾਹਦ੍વਤ੍ਤਿਂਸਮਹਾਪੁਰਿਸਲਕ੍ਖਣਅਸੀਤਾਨੁਬ੍ਯਞ੍ਜਨਬ੍ਯਾਮਪ੍ਪਭਾਮਣ੍ਡਲੇਹਿ ਸਾਧੁ ਮਹਾਜਨਪ੍ਪਸਾਦਂ ਜਨਯਨਾਕਾਰਦਸ੍ਸਨੋਤਿ ਅਤ੍ਥੋ। ਨਰਾਨਂ ਉਤ੍ਤਮੋਤਿ ਨਰੁਤ੍ਤਮੋ, ਪਿਯਦਸ੍ਸੀ ਚ ਸੋ ਨਰੁਤ੍ਤਮੋ ਚੇਤਿ ਪਿਯਦਸ੍ਸੀਨਰੁਤ੍ਤਮੋ, ਤਸ੍ਮਿਂ ਪਿਯਦਸ੍ਸੀਨਰੁਤ੍ਤਮੇ ਨਿਬ੍ਬੁਤੇ ਧਾਤੁਗਬ੍ਭਮ੍ਹਿ ਮੁਤ੍ਤવੇਦਿਂ ਅਹਂ ਅਕਾਸਿਨ੍ਤਿ ਸਮ੍ਬਨ੍ਧੋ। ਪੁਪ੍ਫਾਧਾਰਤ੍ਥਾਯ ਪਰਿਯੋਸਾਨੇ વੇਦਿਕਾવਲਯਂ ਅਕਾਸਿਨ੍ਤਿ ਅਤ੍ਥੋ।
10. So ekadivasaṃ attano pubbe katakusalaṃ saritvā somanassajāto pubbacaritāpadānaṃ pakāsento nibbute lokanāthamhītiādimāha. Taṃ heṭṭhā vuttatthameva. Piyadassīnaruttameti piyaṃ somanassākāraṃ dassanaṃ yassa so piyadassī, ārohapariṇāhadvattiṃsamahāpurisalakkhaṇaasītānubyañjanabyāmappabhāmaṇḍalehi sādhu mahājanappasādaṃ janayanākāradassanoti attho. Narānaṃ uttamoti naruttamo, piyadassī ca so naruttamo ceti piyadassīnaruttamo, tasmiṃ piyadassīnaruttame nibbute dhātugabbhamhi muttavediṃ ahaṃ akāsinti sambandho. Pupphādhāratthāya pariyosāne vedikāvalayaṃ akāsinti attho.
੧੧. ਮਣੀਹਿ ਪਰਿવਾਰੇਤ੍વਾਤਿ ਮਣਤਿ ਜੋਤਤਿ ਪਭਾਸਤੀਤਿ ਮਣਿ, ਅਥ વਾ ਜਨਾਨਂ ਮਨਂ ਪੂਰੇਨ੍ਤੋ ਸੋਮਨਸ੍ਸਂ ਕਰੋਨ੍ਤੋ ਇਤੋ ਗਤੋ ਪવਤ੍ਤੋਤਿ ਮਣਿ, ਜਾਤਿਰਙ੍ਗਮਣਿવੇਲ਼ੁਰਿਯਮਣਿਆਦੀਹਿ ਅਨੇਕੇਹਿ ਮਣੀਹਿ ਕਤવੇਦਿਕਾવਲਯਂ ਪਰਿવਾਰੇਤ੍વਾ ਉਤ੍ਤਮਂ ਮਹਾਪੂਜਂ ਅਕਾਸਿਨ੍ਤਿ ਅਤ੍ਥੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
11.Maṇīhi parivāretvāti maṇati jotati pabhāsatīti maṇi, atha vā janānaṃ manaṃ pūrento somanassaṃ karonto ito gato pavattoti maṇi, jātiraṅgamaṇiveḷuriyamaṇiādīhi anekehi maṇīhi katavedikāvalayaṃ parivāretvā uttamaṃ mahāpūjaṃ akāsinti attho. Sesaṃ uttānatthamevāti.
વੇਦਿਕਾਰਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Vedikārakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੩. વੇਦਿਕਾਰਕਤ੍ਥੇਰਅਪਦਾਨਂ • 3. Vedikārakattheraapadānaṃ
