| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
8. взхаасагудисигкаабад̣̇ам̣
8. Vehāsakuṭisikkhāpadaṃ
129. адтамз ажчаннад̇алад̇д̇аа убари взхаасо зд̇иссаад̇и убаривзхаасаа, саа жа саа гуди жзд̇и убаривзхаасагудийд̇и д̣̇ассзнд̇о ааха ‘‘убариажчаннад̇алааяаа’’д̇и. д̇ассаа гудияаа саруубам̣ д̣̇ассзд̇ум̣ вуд̇д̇ам̣ ‘‘д̣̇вибхуумигагудияаа ваа’’д̇иаад̣̇и. ‘‘ман̃жа’’нд̇и бад̣̇ам̣ ‘‘абхий’’д̇иубасаг̇г̇зна самб̣анд̇хид̇аб̣б̣анд̇и ааха ‘‘абхибхавид̇ваа’’д̇и. ‘‘нисийд̣̇ад̇ий’’д̇и гирияаабад̣̇зна ваа яож̇зд̇аб̣б̣од̇и ааха ‘‘бхуммад̇т̇з ваа’’д̇иаад̣̇и. зд̇анд̇и ‘‘ман̃жа’’нд̇ибад̣̇з зд̇ам̣ важанам̣ убаяог̇аважанам̣. ат̇а ваа зд̇анд̇и ‘‘ман̃жа’’нд̇ибад̣̇ам̣ убаяог̇аважанаванд̇ам̣. зд̇т̇а жа бажчимасамб̣анд̇хз абхийд̇яуубасаг̇г̇о бад̣̇аалан̇гаарамад̇д̇о бад̣̇авибхуусанамад̇д̇од̇и ааха ‘‘абхийд̇и ид̣̇ам̣ банаа’’д̇иаад̣̇и. бад̣̇асобхан̣ад̇т̇анд̇и бад̣̇асса алан̇гаарад̇т̇ам̣ вибхуусанад̇т̇ам̣ бад̣̇асса пуллид̇ад̇т̇анд̇и ад̇хиббааяо. нибад̇ид̇ваад̇и зд̇т̇а нийд̇яуубасаг̇г̇о д̇хаад̇вад̇т̇аанувад̇д̇агод̇и ааха ‘‘бад̇ид̇ваа’’д̇и. ат̇а ваа нигканд̇ад̇т̇аваажагод̇и ааха ‘‘нигкамид̇ваа ваа’’д̇и. иминаа нийд̇яуубасаг̇г̇асса д̇хаад̇вад̇т̇ависзсагад̇ам̣ д̣̇ийбзд̇и, нигканд̇о худ̇ваа бад̇ид̇ваад̇и ад̇т̇о. хийд̇и яасмаа. аан̣ийд̇и аг̇г̇акийлаа.
129. Aṭṭhame acchannatalattā upari vehāso etissāti uparivehāsā, sā ca sā kuṭi ceti uparivehāsakuṭīti dassento āha ‘‘upariacchannatalāyā’’ti. Tassā kuṭiyā sarūpaṃ dassetuṃ vuttaṃ ‘‘dvibhūmikakuṭiyā vā’’tiādi. ‘‘Mañca’’nti padaṃ ‘‘abhī’’tiupasaggena sambandhitabbanti āha ‘‘abhibhavitvā’’ti. ‘‘Nisīdatī’’ti kiriyāpadena vā yojetabboti āha ‘‘bhummatthe vā’’tiādi. Etanti ‘‘mañca’’ntipade etaṃ vacanaṃ upayogavacanaṃ. Atha vā etanti ‘‘mañca’’ntipadaṃ upayogavacanavantaṃ. Ettha ca pacchimasambandhe abhītyūpasaggo padālaṅkāramatto padavibhūsanamattoti āha ‘‘abhīti idaṃ panā’’tiādi. Padasobhaṇatthanti padassa alaṅkāratthaṃ vibhūsanatthaṃ padassa phullitatthanti adhippāyo. Nipatitvāti ettha nītyūpasaggo dhātvatthānuvattakoti āha ‘‘patitvā’’ti. Atha vā nikkhantatthavācakoti āha ‘‘nikkhamitvā vā’’ti. Iminā nītyūpasaggassa dhātvatthavisesakataṃ dīpeti, nikkhanto hutvā patitvāti attho. Hīti yasmā. Āṇīti aggakhīlā.
131. яаа гуди сийсам̣ на гхаддзд̇и, саа асийсагхаддаа наамаад̇и яож̇анаа. ‘‘бамаан̣амаж̇жхимассаа’’д̇ииминаа т̇аамамаж̇жхимам̣ нивад̇д̇зд̇и. саб̣б̣ахздтимаахийд̇и саб̣б̣зсам̣ д̣̇аб̣б̣асамбхаараанам̣ хздтаа тид̇аахи. д̇улаахийд̇и г̇зхат̇амбхаанамубари вид̇т̇ааравасзна тид̇зхи гадтависзсзхи. иминаа адтагат̇ааважанзна жа д̇улааяа саруубам̣ баагадам̣. гзжи бана д̇улааяа саруубам̣ ан̃н̃ат̇аа вад̣̇анд̇и. зд̇знаад̇и ‘‘маж̇жхимасса бурисасса асийсагхаддаа’’д̇иважанзна д̣̇ассид̇аа ход̇ийд̇и самб̣анд̇хо. хийд̇и сажжам̣. яаа гаажи гуди вужжад̇ийд̇и яож̇анаа. убарийд̇и д̣̇вибхуумигагудияам̣ бхуумид̇о убари бхуумияам̣. ажчаннад̇алаад̇и анулложад̇алаа, авид̇аанад̇алаад̇и ад̇т̇о. ид̇ха банаад̇и имасмим̣ бана сигкаабад̣̇з.
131. Yā kuṭi sīsaṃ na ghaṭṭeti, sā asīsaghaṭṭā nāmāti yojanā. ‘‘Pamāṇamajjhimassā’’tiiminā thāmamajjhimaṃ nivatteti. Sabbaheṭṭhimāhīti sabbesaṃ dabbasambhārānaṃ heṭṭhā ṭhitāhi. Tulāhīti gehathambhānamupari vitthāravasena ṭhitehi kaṭṭhavisesehi. Iminā aṭṭhakathāvacanena ca tulāya sarūpaṃ pākaṭaṃ. Keci pana tulāya sarūpaṃ aññathā vadanti. Etenāti ‘‘majjhimassa purisassa asīsaghaṭṭā’’tivacanena dassitā hotīti sambandho. Hīti saccaṃ. Yā kāci kuṭi vuccatīti yojanā. Uparīti dvibhūmikakuṭiyaṃ bhūmito upari bhūmiyaṃ. Acchannatalāti anullocatalā, avitānatalāti attho. Idha panāti imasmiṃ pana sikkhāpade.
133. хийд̇и сажжам̣, яасмаа ваа. яааяанд̇и яаа аяам̣ гуди. д̇ад̇т̇аад̇и д̇ассам̣ сийсагхаддагудияам̣. анон̣ад̇зна бхигкунаад̇и яож̇анаа. яассаад̇и гудияаа. абарибхог̇анд̇и на барибхун̃ж̇ид̇аб̣б̣ам̣, на барибхун̃ж̇анаараханд̇и ад̇т̇о. бад̇аан̣ийд̇и бад̇анасса нивааран̣аа аан̣и аг̇г̇акийлаа. саа хи ааб̣анд̇хам̣ наяад̇и бавад̇д̇зд̇ийд̇и аан̣ийд̇и вужжад̇и. яад̇т̇аад̇и яасмим̣ ман̃жабийтз . на ниббад̇анд̇ийд̇и нигканд̇о худ̇ваа на бад̇анд̇и. аахажжабаад̣̇агзд̇и ан̇г̇з ааханид̇ваа виж̇жхид̇ваа д̇ад̇т̇а бавзсид̇абаад̣̇агз. нааг̇ад̣̇анд̇агаад̣̇ийсууд̇и нааг̇асса д̣̇анд̇о вияаад̇и нааг̇ад̣̇анд̇аго, сад̣̇исад̇т̇з го, со аад̣̇и язсам̣ д̇зд̇и нааг̇ад̣̇анд̇агаад̣̇аяо, д̇зсу. аад̣̇исад̣̇д̣̇зна бхид̇д̇икийлаад̣̇аяо сан̇г̇ан̣хаад̇ийд̇и. адтамам̣.
133.Hīti saccaṃ, yasmā vā. Yāyanti yā ayaṃ kuṭi. Tatthāti tassaṃ sīsaghaṭṭakuṭiyaṃ. Anoṇatena bhikkhunāti yojanā. Yassāti kuṭiyā. Aparibhoganti na paribhuñjitabbaṃ, na paribhuñjanārahanti attho. Patāṇīti patanassa nivāraṇā āṇi aggakhīlā. Sā hi ābandhaṃ nayati pavattetīti āṇīti vuccati. Yatthāti yasmiṃ mañcapīṭhe . Na nippatantīti nikkhanto hutvā na patanti. Āhaccapādaketi aṅge āhanitvā vijjhitvā tattha pavesitapādake. Nāgadantakādīsūti nāgassa danto viyāti nāgadantako, sadisatthe ko, so ādi yesaṃ teti nāgadantakādayo, tesu. Ādisaddena bhittikhīlādayo saṅgaṇhātīti. Aṭṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. взхаасагудисигкаабад̣̇аван̣н̣анаа • 8. Vehāsakuṭisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. взхаасагудисигкаабад̣̇аван̣н̣анаа • 8. Vehāsakuṭisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. взхаасагудисигкаабад̣̇аван̣н̣анаа • 8. Vehāsakuṭisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. взхаасагудисигкаабад̣̇аван̣н̣анаа • 8. Vehāsakuṭisikkhāpadavaṇṇanā
