| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
10. взканасасуд̇д̇ам̣
10. Vekhanasasuttaṃ
278. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко взканасо 1 бариб̣б̣ааж̇аго язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ адтааси. згаманд̇ам̣ тид̇о ко взканасо бариб̣б̣ааж̇аго бхаг̇авад̇о санд̇игз уд̣̇аанам̣ уд̣̇аанзси – ‘‘аяам̣ барамо ван̣н̣о, аяам̣ барамо ван̣н̣о’’д̇и.
278. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho vekhanaso 2 paribbājako yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ aṭṭhāsi. Ekamantaṃ ṭhito kho vekhanaso paribbājako bhagavato santike udānaṃ udānesi – ‘‘ayaṃ paramo vaṇṇo, ayaṃ paramo vaṇṇo’’ti.
‘‘гим̣ бана д̇вам̣, гажжаана, звам̣ вад̣̇зси – ‘аяам̣ барамо ван̣н̣о, аяам̣ барамо ван̣н̣о’д̇и? гад̇амо, гажжаана, со барамо ван̣н̣о’’д̇и?
‘‘Kiṃ pana tvaṃ, kaccāna, evaṃ vadesi – ‘ayaṃ paramo vaṇṇo, ayaṃ paramo vaṇṇo’ti? Katamo, kaccāna, so paramo vaṇṇo’’ti?
‘‘яасмаа, бхо г̇од̇ама, ван̣н̣аа ан̃н̃о ван̣н̣о уд̇д̇арид̇аро ваа бан̣ийд̇ад̇аро ваа над̇т̇и со барамо ван̣н̣о’’д̇и.
‘‘Yasmā, bho gotama, vaṇṇā añño vaṇṇo uttaritaro vā paṇītataro vā natthi so paramo vaṇṇo’’ti.
‘‘гад̇амо бана со, гажжаана, ван̣н̣о яасмаа ван̣н̣аа ан̃н̃о ван̣н̣о уд̇д̇арид̇аро ваа бан̣ийд̇ад̇аро ваа над̇т̇ий’’д̇и?
‘‘Katamo pana so, kaccāna, vaṇṇo yasmā vaṇṇā añño vaṇṇo uttaritaro vā paṇītataro vā natthī’’ti?
‘‘яасмаа, бхо г̇од̇ама, ван̣н̣аа ан̃н̃о ван̣н̣о уд̇д̇арид̇аро ваа бан̣ийд̇ад̇аро ваа над̇т̇и со барамо ван̣н̣о’’д̇и.
‘‘Yasmā, bho gotama, vaṇṇā añño vaṇṇo uttaritaro vā paṇītataro vā natthi so paramo vaṇṇo’’ti.
‘‘д̣̇ийгхааби ко д̇з зсаа, гажжаана, парзяяа – ‘яасмаа, бхо г̇од̇ама, ван̣н̣аа ан̃н̃о ван̣н̣о уд̇д̇арид̇аро ваа бан̣ийд̇ад̇аро ваа над̇т̇и со барамо ван̣н̣о’д̇и вад̣̇зси, д̇ан̃жа ван̣н̣ам̣ на бан̃н̃абзси. сзяяат̇ааби, гажжаана, бурисо звам̣ вад̣̇зяяа – ‘ахам̣ яаа имасмим̣ ж̇анабад̣̇з ж̇анабад̣̇агаляаан̣ий, д̇ам̣ ижчаами д̇ам̣ гаамзмий’д̇и. д̇амзнам̣ звам̣ вад̣̇зяяум̣ – ‘амбхо буриса, яам̣ д̇вам̣ ж̇анабад̣̇агаляаан̣им̣ ижчаси гаамзси, ж̇аанааси д̇ам̣ ж̇анабад̣̇агаляаан̣им̣ – кад̇д̇ияий ваа б̣раахман̣ий ваа взссий ваа суд̣̇д̣̇ий ваа’д̇и? ид̇и будто ‘но’д̇и вад̣̇зяяа. д̇амзнам̣ звам̣ вад̣̇зяяум̣ – ‘амбхо буриса, яам̣ д̇вам̣ ж̇анабад̣̇агаляаан̣им̣ ижчаси гаамзси, ж̇аанааси д̇ам̣ ж̇анабад̣̇агаляаан̣им̣ ‘звам̣наамаа звам̣г̇од̇д̇аад̇и ваад̇и…бз… д̣̇ийгхаа ваа рассаа ваа маж̇жхимаа ваа гаал̣ий ваа саамаа ваа ман̇г̇уражчавий ваад̇и… амугасмим̣ г̇аамз ваа ниг̇амз ваа наг̇арз ваа’д̇и? ид̇и будто ‘но’д̇и вад̣̇зяяа. д̇амзнам̣ звам̣ вад̣̇зяяум̣ – ‘амбхо буриса, яам̣ д̇вам̣ на ж̇аанааси на бассаси, д̇ам̣ д̇вам̣ ижчаси гаамзсий’’’д̇и? ид̇и будто ‘аамаа’д̇и вад̣̇зяяа.
‘‘Dīghāpi kho te esā, kaccāna, phareyya – ‘yasmā, bho gotama, vaṇṇā añño vaṇṇo uttaritaro vā paṇītataro vā natthi so paramo vaṇṇo’ti vadesi, tañca vaṇṇaṃ na paññapesi. Seyyathāpi, kaccāna, puriso evaṃ vadeyya – ‘ahaṃ yā imasmiṃ janapade janapadakalyāṇī, taṃ icchāmi taṃ kāmemī’ti. Tamenaṃ evaṃ vadeyyuṃ – ‘ambho purisa, yaṃ tvaṃ janapadakalyāṇiṃ icchasi kāmesi, jānāsi taṃ janapadakalyāṇiṃ – khattiyī vā brāhmaṇī vā vessī vā suddī vā’ti? Iti puṭṭho ‘no’ti vadeyya. Tamenaṃ evaṃ vadeyyuṃ – ‘ambho purisa, yaṃ tvaṃ janapadakalyāṇiṃ icchasi kāmesi, jānāsi taṃ janapadakalyāṇiṃ ‘evaṃnāmā evaṃgottāti vāti…pe… dīghā vā rassā vā majjhimā vā kāḷī vā sāmā vā maṅguracchavī vāti… amukasmiṃ gāme vā nigame vā nagare vā’ti? Iti puṭṭho ‘no’ti vadeyya. Tamenaṃ evaṃ vadeyyuṃ – ‘ambho purisa, yaṃ tvaṃ na jānāsi na passasi, taṃ tvaṃ icchasi kāmesī’’’ti? Iti puṭṭho ‘āmā’ti vadeyya.
‘‘д̇ам̣ гим̣ ман̃н̃аси, гажжаана, нану звам̣ санд̇з д̇асса бурисасса аббаадихийрагад̇ам̣ бхаасид̇ам̣ самбаж̇ж̇ад̇ий’’д̇и? ‘‘ад̣̇д̇хаа ко, бхо г̇од̇ама, звам̣ санд̇з д̇асса бурисасса аббаадихийрагад̇ам̣ бхаасид̇ам̣ самбаж̇ж̇ад̇ий’’д̇и. ‘‘звамзва ко д̇вам̣, гажжаана, ‘яасмаа, бхо г̇од̇ама, ван̣н̣аа ан̃н̃о ван̣н̣о уд̇д̇арид̇аро ваа бан̣ийд̇ад̇аро ваа над̇т̇и со барамо ван̣н̣о’д̇и вад̣̇зси; д̇ан̃жа ван̣н̣ам̣ на бан̃н̃абзсий’’д̇и. ‘‘сзяяат̇ааби, бхо г̇од̇ама, ман̣и взл̣урияо субхо ж̇аад̇имаа адтам̣со субаригаммагад̇о бан̣д̣угамб̣алз нигкид̇д̇о бхаасад̇з жа д̇абад̇з жа вирожад̇и жа, звам̣ ван̣н̣о ад̇д̇аа ход̇и арог̇о барам̣ маран̣аа’’д̇и.
‘‘Taṃ kiṃ maññasi, kaccāna, nanu evaṃ sante tassa purisassa appāṭihīrakataṃ bhāsitaṃ sampajjatī’’ti? ‘‘Addhā kho, bho gotama, evaṃ sante tassa purisassa appāṭihīrakataṃ bhāsitaṃ sampajjatī’’ti. ‘‘Evameva kho tvaṃ, kaccāna, ‘yasmā, bho gotama, vaṇṇā añño vaṇṇo uttaritaro vā paṇītataro vā natthi so paramo vaṇṇo’ti vadesi; tañca vaṇṇaṃ na paññapesī’’ti. ‘‘Seyyathāpi, bho gotama, maṇi veḷuriyo subho jātimā aṭṭhaṃso suparikammakato paṇḍukambale nikkhitto bhāsate ca tapate ca virocati ca, evaṃ vaṇṇo attā hoti arogo paraṃ maraṇā’’ti.
279. ‘‘д̇ам̣ гим̣ ман̃н̃аси, гажжаана, яо ваа ман̣и взл̣урияо субхо ж̇аад̇имаа адтам̣со субаригаммагад̇о бан̣д̣угамб̣алз нигкид̇д̇о бхаасад̇з жа д̇абад̇з жа вирожад̇и жа, яо ваа рад̇д̇анд̇хагаарад̇имисааяа гими каж̇ж̇обанаго имзсам̣ убхиннам̣ ван̣н̣аанам̣ гад̇амо ван̣н̣о абхигганд̇ад̇аро жа бан̣ийд̇ад̇аро жаа’’д̇и? ‘‘явааяам̣, бхо г̇од̇ама, рад̇д̇анд̇хагаарад̇имисааяа гими каж̇ж̇обанаго, аяам̣ имзсам̣ убхиннам̣ ван̣н̣аанам̣ абхигганд̇ад̇аро жа бан̣ийд̇ад̇аро жаа’’д̇и.
279. ‘‘Taṃ kiṃ maññasi, kaccāna, yo vā maṇi veḷuriyo subho jātimā aṭṭhaṃso suparikammakato paṇḍukambale nikkhitto bhāsate ca tapate ca virocati ca, yo vā rattandhakāratimisāya kimi khajjopanako imesaṃ ubhinnaṃ vaṇṇānaṃ katamo vaṇṇo abhikkantataro ca paṇītataro cā’’ti? ‘‘Yvāyaṃ, bho gotama, rattandhakāratimisāya kimi khajjopanako, ayaṃ imesaṃ ubhinnaṃ vaṇṇānaṃ abhikkantataro ca paṇītataro cā’’ti.
‘‘д̇ам̣ гим̣ ман̃н̃аси, гажжаана, яо ваа рад̇д̇анд̇хагаарад̇имисааяа гими каж̇ж̇обанаго, яо ваа рад̇д̇анд̇хагаарад̇имисааяа д̇злаббад̣̇ийбо, имзсам̣ убхиннам̣ ван̣н̣аанам̣ гад̇амо ван̣н̣о абхигганд̇ад̇аро жа бан̣ийд̇ад̇аро жаа’’д̇и? ‘‘явааяам̣, бхо г̇од̇ама, рад̇д̇анд̇хагаарад̇имисааяа д̇злаббад̣̇ийбо, аяам̣ имзсам̣ убхиннам̣ ван̣н̣аанам̣ абхигганд̇ад̇аро жа бан̣ийд̇ад̇аро жаа’’д̇и.
‘‘Taṃ kiṃ maññasi, kaccāna, yo vā rattandhakāratimisāya kimi khajjopanako, yo vā rattandhakāratimisāya telappadīpo, imesaṃ ubhinnaṃ vaṇṇānaṃ katamo vaṇṇo abhikkantataro ca paṇītataro cā’’ti? ‘‘Yvāyaṃ, bho gotama, rattandhakāratimisāya telappadīpo, ayaṃ imesaṃ ubhinnaṃ vaṇṇānaṃ abhikkantataro ca paṇītataro cā’’ti.
‘‘д̇ам̣ гим̣ ман̃н̃аси, гажжаана, яо ваа рад̇д̇анд̇хагаарад̇имисааяа д̇злаббад̣̇ийбо, яо ваа рад̇д̇анд̇хагаарад̇имисааяа махаааг̇г̇игканд̇хо, имзсам̣ убхиннам̣ ван̣н̣аанам̣ гад̇амо ван̣н̣о абхигганд̇ад̇аро жа бан̣ийд̇ад̇аро жаа’’д̇и? ‘‘явааяам̣, бхо г̇од̇ама, рад̇д̇анд̇хагаарад̇имисааяа махаааг̇г̇игканд̇хо, аяам̣ имзсам̣ убхиннам̣ ван̣н̣аанам̣ абхигганд̇ад̇аро жа бан̣ийд̇ад̇аро жаа’’д̇и.
‘‘Taṃ kiṃ maññasi, kaccāna, yo vā rattandhakāratimisāya telappadīpo, yo vā rattandhakāratimisāya mahāaggikkhandho, imesaṃ ubhinnaṃ vaṇṇānaṃ katamo vaṇṇo abhikkantataro ca paṇītataro cā’’ti? ‘‘Yvāyaṃ, bho gotama, rattandhakāratimisāya mahāaggikkhandho, ayaṃ imesaṃ ubhinnaṃ vaṇṇānaṃ abhikkantataro ca paṇītataro cā’’ti.
‘‘д̇ам̣ гим̣ ман̃н̃аси, гажжаана, яо ваа рад̇д̇анд̇хагаарад̇имисааяа махаааг̇г̇игканд̇хо, яаа ваа рад̇д̇ияаа бажжуусасамаяам̣ вид̣̇д̇хз виг̇ад̇авалаахагз д̣̇звз осад̇хид̇аарагаа, имзсам̣ убхиннам̣ ван̣н̣аанам̣ гад̇амо ван̣н̣о абхигганд̇ад̇аро жа бан̣ийд̇ад̇аро жаа’’д̇и? ‘‘явааяам̣, бхо г̇од̇ама, рад̇д̇ияаа бажжуусасамаяам̣ вид̣̇д̇хз виг̇ад̇авалаахагз д̣̇звз осад̇хид̇аарагаа, аяам̣ имзсам̣ убхиннам̣ ван̣н̣аанам̣ абхигганд̇ад̇аро жа бан̣ийд̇ад̇аро жаа’’д̇и. ‘‘д̇ам̣ гим̣ ман̃н̃аси, гажжаана, яаа ваа рад̇д̇ияаа бажжуусасамаяам̣ вид̣̇д̇хз виг̇ад̇авалаахагз д̣̇звз осад̇хид̇аарагаа, яо ваа д̇ад̣̇ахубосат̇з баннарасз вид̣̇д̇хз виг̇ад̇авалаахагз д̣̇звз абхид̣̇о ад̣дхарад̇д̇асамаяам̣ жанд̣̇о, имзсам̣ убхиннам̣ ван̣н̣аанам̣ гад̇амо ван̣н̣о абхигганд̇ад̇аро жа бан̣ийд̇ад̇аро жаа’’д̇и? ‘‘явааяам̣, бхо г̇од̇ама, д̇ад̣̇ахубосат̇з баннарасз вид̣̇д̇хз виг̇ад̇авалаахагз д̣̇звз абхид̣̇о ад̣дхарад̇д̇асамаяам̣ жанд̣̇о, аяам̣ имзсам̣ убхиннам̣ ван̣н̣аанам̣ абхигганд̇ад̇аро жа бан̣ийд̇ад̇аро жаа’’д̇и. ‘‘д̇ам̣ гим̣ ман̃н̃аси, гажжаана, яо ваа д̇ад̣̇ахубосат̇з баннарасз вид̣̇д̇хз виг̇ад̇авалаахагз д̣̇звз абхид̣̇о ад̣дхарад̇д̇асамаяам̣ жанд̣̇о, яо ваа вассаанам̣ бажчимз маасз сарад̣̇асамаяз вид̣̇д̇хз виг̇ад̇авалаахагз д̣̇звз абхид̣̇о маж̇жханхигасамаяам̣ суурияо, имзсам̣ убхиннам̣ ван̣н̣аанам̣ гад̇амо ван̣н̣о абхигганд̇ад̇аро жа бан̣ийд̇ад̇аро жаа’’д̇и? ‘‘явааяам̣, бхо г̇од̇ама, вассаанам̣ бажчимз маасз сарад̣̇асамаяз вид̣̇д̇хз виг̇ад̇авалаахагз д̣̇звз абхид̣̇о маж̇жханхигасамаяам̣ суурияо – аяам̣ имзсам̣ убхиннам̣ ван̣н̣аанам̣ абхигганд̇ад̇аро жа бан̣ийд̇ад̇аро жаа’’д̇и. ‘‘ад̇о ко д̇з, гажжаана, б̣ахуу хи б̣ахуд̇араа д̣̇зваа яз имзсам̣ жанд̣̇имасуурияаанам̣ аабхаа наанубхонд̇и, д̇яаахам̣ баж̇аанаами. ат̇а жа банаахам̣ на вад̣̇аами – ‘яасмаа ван̣н̣аа ан̃н̃о ван̣н̣о уд̇д̇арид̇аро жа бан̣ийд̇ад̇аро жа над̇т̇ий’д̇и. ат̇а жа бана д̇вам̣, гажжаана, ‘явааяам̣ ван̣н̣о гиминаа каж̇ж̇обанагзна нихийнад̇аро жа бад̇игидтад̇аро жа со барамо ван̣н̣о’д̇и вад̣̇зси; д̇ан̃жа ван̣н̣ам̣ на бан̃н̃абзси’’.
‘‘Taṃ kiṃ maññasi, kaccāna, yo vā rattandhakāratimisāya mahāaggikkhandho, yā vā rattiyā paccūsasamayaṃ viddhe vigatavalāhake deve osadhitārakā, imesaṃ ubhinnaṃ vaṇṇānaṃ katamo vaṇṇo abhikkantataro ca paṇītataro cā’’ti? ‘‘Yvāyaṃ, bho gotama, rattiyā paccūsasamayaṃ viddhe vigatavalāhake deve osadhitārakā, ayaṃ imesaṃ ubhinnaṃ vaṇṇānaṃ abhikkantataro ca paṇītataro cā’’ti. ‘‘Taṃ kiṃ maññasi, kaccāna, yā vā rattiyā paccūsasamayaṃ viddhe vigatavalāhake deve osadhitārakā, yo vā tadahuposathe pannarase viddhe vigatavalāhake deve abhido aḍḍharattasamayaṃ cando, imesaṃ ubhinnaṃ vaṇṇānaṃ katamo vaṇṇo abhikkantataro ca paṇītataro cā’’ti? ‘‘Yvāyaṃ, bho gotama, tadahuposathe pannarase viddhe vigatavalāhake deve abhido aḍḍharattasamayaṃ cando, ayaṃ imesaṃ ubhinnaṃ vaṇṇānaṃ abhikkantataro ca paṇītataro cā’’ti. ‘‘Taṃ kiṃ maññasi, kaccāna, yo vā tadahuposathe pannarase viddhe vigatavalāhake deve abhido aḍḍharattasamayaṃ cando, yo vā vassānaṃ pacchime māse saradasamaye viddhe vigatavalāhake deve abhido majjhanhikasamayaṃ sūriyo, imesaṃ ubhinnaṃ vaṇṇānaṃ katamo vaṇṇo abhikkantataro ca paṇītataro cā’’ti? ‘‘Yvāyaṃ, bho gotama, vassānaṃ pacchime māse saradasamaye viddhe vigatavalāhake deve abhido majjhanhikasamayaṃ sūriyo – ayaṃ imesaṃ ubhinnaṃ vaṇṇānaṃ abhikkantataro ca paṇītataro cā’’ti. ‘‘Ato kho te, kaccāna, bahū hi bahutarā devā ye imesaṃ candimasūriyānaṃ ābhā nānubhonti, tyāhaṃ pajānāmi. Atha ca panāhaṃ na vadāmi – ‘yasmā vaṇṇā añño vaṇṇo uttaritaro ca paṇītataro ca natthī’ti. Atha ca pana tvaṃ, kaccāna, ‘yvāyaṃ vaṇṇo kiminā khajjopanakena nihīnataro ca patikiṭṭhataro ca so paramo vaṇṇo’ti vadesi; tañca vaṇṇaṃ na paññapesi’’.
280. ‘‘бан̃жа ко имз, гажжаана, гаамаг̇ун̣аа. гад̇амз бан̃жа? жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа, сод̇авин̃н̃зяяаа сад̣̇д̣̇аа…бз… гхаанавин̃н̃зяяаа г̇анд̇хаа… ж̇ивхаавин̃н̃зяяаа расаа… гааяавин̃н̃зяяаа подтаб̣б̣аа идтаа ганд̇аа манаабаа бияаруубаа гаамуубасам̣хид̇аа раж̇анийяаа – имз ко, гажжаана, бан̃жа гаамаг̇ун̣аа. яам̣ ко, гажжаана, имз бан̃жа гаамаг̇ун̣з бадижжа уббаж̇ж̇ад̇и сукам̣ соманассам̣ ид̣̇ам̣ вужжад̇и гаамасукам̣. ид̇и гаамзхи гаамасукам̣, гаамасукаа гаамаг̇г̇асукам̣ д̇ад̇т̇а аг̇г̇амагкааяад̇ий’’д̇и.
280. ‘‘Pañca kho ime, kaccāna, kāmaguṇā. Katame pañca? Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā, sotaviññeyyā saddā…pe… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā – ime kho, kaccāna, pañca kāmaguṇā. Yaṃ kho, kaccāna, ime pañca kāmaguṇe paṭicca uppajjati sukhaṃ somanassaṃ idaṃ vuccati kāmasukhaṃ. Iti kāmehi kāmasukhaṃ, kāmasukhā kāmaggasukhaṃ tattha aggamakkhāyatī’’ti.
звам̣ вуд̇д̇з, взканасо бариб̣б̣ааж̇аго бхаг̇аванд̇ам̣ зд̇ад̣̇авожа – ‘‘ажчарияам̣, бхо г̇од̇ама, аб̣бхуд̇ам̣, бхо г̇од̇ама! яаава субхаасид̇ам̣ жид̣̇ам̣ бход̇аа г̇од̇амзна – ‘гаамзхи гаамасукам̣, гаамасукаа гаамаг̇г̇асукам̣ д̇ад̇т̇а аг̇г̇амагкааяад̇ий’д̇и. (‘гаамзхи, бхо г̇од̇ама, гаамасукам̣, гаамасукаа гаамаг̇г̇асукам̣, д̇ад̇т̇а аг̇г̇амагкааяад̇ий’д̇и) 3 – ‘‘д̣̇уж̇ж̇аанам̣ ко зд̇ам̣, гажжаана, д̇аяаа ан̃н̃ад̣̇идтигзна ан̃н̃аканд̇игзна ан̃н̃аружигзна ан̃н̃ад̇раяог̇зна ан̃н̃ад̇раажарияагзна – гаамаа 4 ваа гаамасукам̣ ваа гаамаг̇г̇асукам̣ ваа. яз ко д̇з, гажжаана, бхигкуу араханд̇о кийн̣аасаваа вусид̇аванд̇о гад̇агаран̣ийяаа охид̇абхаараа ануббад̇д̇асад̣̇ад̇т̇аа баригкийн̣абхавасам̣яож̇анаа саммад̣̇ан̃н̃аа вимуд̇д̇аа д̇з ко зд̇ам̣ ж̇аанзяяум̣ – гаамаа ваа гаамасукам̣ ваа гаамаг̇г̇асукам̣ ваа’’д̇и.
Evaṃ vutte, vekhanaso paribbājako bhagavantaṃ etadavoca – ‘‘acchariyaṃ, bho gotama, abbhutaṃ, bho gotama! Yāva subhāsitaṃ cidaṃ bhotā gotamena – ‘kāmehi kāmasukhaṃ, kāmasukhā kāmaggasukhaṃ tattha aggamakkhāyatī’ti. (‘Kāmehi, bho gotama, kāmasukhaṃ, kāmasukhā kāmaggasukhaṃ, tattha aggamakkhāyatī’ti) 5 – ‘‘dujjānaṃ kho etaṃ, kaccāna, tayā aññadiṭṭhikena aññakhantikena aññarucikena aññatrayogena aññatrācariyakena – kāmā 6 vā kāmasukhaṃ vā kāmaggasukhaṃ vā. Ye kho te, kaccāna, bhikkhū arahanto khīṇāsavā vusitavanto katakaraṇīyā ohitabhārā anuppattasadatthā parikkhīṇabhavasaṃyojanā sammadaññā vimuttā te kho etaṃ jāneyyuṃ – kāmā vā kāmasukhaṃ vā kāmaggasukhaṃ vā’’ti.
281. звам̣ вуд̇д̇з, взканасо бариб̣б̣ааж̇аго губид̇о анад̇д̇амано бхаг̇аванд̇ам̣язва кум̣сзнд̇о бхаг̇аванд̇ам̣язва вамбхзнд̇о бхаг̇аванд̇ам̣язва вад̣̇амаано ‘‘саман̣о 7 г̇од̇амо баабид̇о бхависсад̇ий’’д̇и бхаг̇аванд̇ам̣ зд̇ад̣̇авожа – ‘‘звамзва банид̇хзгажжз 8 саман̣аб̣раахман̣аа аж̇аананд̇аа буб̣б̣анд̇ам̣, абассанд̇аа абаранд̇ам̣ ат̇а жа бана ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаад̇и – баж̇аанаамаа’д̇и – бадиж̇аананд̇и 9. д̇зсамид̣̇ам̣ бхаасид̇ам̣ хассагам̣язва самбаж̇ж̇ад̇и, наамагам̣язва самбаж̇ж̇ад̇и, рид̇д̇агам̣язва самбаж̇ж̇ад̇и, д̇ужчагам̣язва самбаж̇ж̇ад̇ий’’д̇и. ‘‘яз ко д̇з, гажжаана, саман̣аб̣раахман̣аа аж̇аананд̇аа буб̣б̣анд̇ам̣ , абассанд̇аа абаранд̇ам̣, ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаад̇и – баж̇аанаамаа’д̇и – бадиж̇аананд̇и; д̇зсам̣ соязва 10 сахад̇хаммиго ниг̇г̇ахо ход̇и. аби жа, гажжаана, д̇идтад̇у буб̣б̣анд̇о, д̇идтад̇у абаранд̇о. зд̇у вин̃н̃уу бурисо асато амааяаавий уж̇уж̇аад̇иго, ахаманусаасаами ахам̣ д̇хаммам̣ д̣̇зсзми. яат̇аанусидтам̣ д̇ат̇аа бадибаж̇ж̇амаано 11 нажирассзва сааман̃н̃зва н̃ассад̇и саамам̣ д̣̇агкид̇и – звам̣ гира саммаа 12 б̣анд̇ханаа виббамогко ход̇и, яад̣̇ид̣̇ам̣ авиж̇ж̇аа б̣анд̇ханаа. сзяяат̇ааби, гажжаана, д̣̇ахаро гумааро манд̣̇о уд̇д̇аанасзяяаго ган̣табан̃жамзхи б̣анд̇ханзхи б̣ад̣̇д̇хо асса суд̇д̇аб̣анд̇ханзхи; д̇асса вуд̣̇д̇химанвааяа инд̣̇рияаанам̣ барибаагаманвааяа д̇аани б̣анд̇ханаани мужжзяяум̣; со могкомхийд̇и ко ж̇аанзяяа но жа б̣анд̇ханам̣ . звамзва ко, гажжаана, зд̇у вин̃н̃уу бурисо асато амааяаавий уж̇уж̇аад̇иго, ахаманусаасаами, ахам̣ д̇хаммам̣ д̣̇зсзми; яат̇аанусидтам̣ д̇ат̇аа бадибаж̇ж̇амаано нажирассзва сааман̃н̃з н̃ассад̇и , саамам̣ д̣̇агкид̇и – ‘звам̣ гира саммаа б̣анд̇ханаа виббамогко ход̇и, яад̣̇ид̣̇ам̣ авиж̇ж̇аа б̣анд̇ханаа’’’д̇и.
281. Evaṃ vutte, vekhanaso paribbājako kupito anattamano bhagavantaṃyeva khuṃsento bhagavantaṃyeva vambhento bhagavantaṃyeva vadamāno ‘‘samaṇo 13 gotamo pāpito bhavissatī’’ti bhagavantaṃ etadavoca – ‘‘evameva panidhekacce 14 samaṇabrāhmaṇā ajānantā pubbantaṃ, apassantā aparantaṃ atha ca pana ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyāti – pajānāmā’ti – paṭijānanti 15. Tesamidaṃ bhāsitaṃ hassakaṃyeva sampajjati, nāmakaṃyeva sampajjati, rittakaṃyeva sampajjati, tucchakaṃyeva sampajjatī’’ti. ‘‘Ye kho te, kaccāna, samaṇabrāhmaṇā ajānantā pubbantaṃ , apassantā aparantaṃ, ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyāti – pajānāmā’ti – paṭijānanti; tesaṃ soyeva 16 sahadhammiko niggaho hoti. Api ca, kaccāna, tiṭṭhatu pubbanto, tiṭṭhatu aparanto. Etu viññū puriso asaṭho amāyāvī ujujātiko, ahamanusāsāmi ahaṃ dhammaṃ desemi. Yathānusiṭṭhaṃ tathā paṭipajjamāno 17 nacirasseva sāmaññeva ñassati sāmaṃ dakkhiti – evaṃ kira sammā 18 bandhanā vippamokkho hoti, yadidaṃ avijjā bandhanā. Seyyathāpi, kaccāna, daharo kumāro mando uttānaseyyako kaṇṭhapañcamehi bandhanehi baddho assa suttabandhanehi; tassa vuddhimanvāya indriyānaṃ paripākamanvāya tāni bandhanāni mucceyyuṃ; so mokkhomhīti kho jāneyya no ca bandhanaṃ . Evameva kho, kaccāna, etu viññū puriso asaṭho amāyāvī ujujātiko, ahamanusāsāmi, ahaṃ dhammaṃ desemi; yathānusiṭṭhaṃ tathā paṭipajjamāno nacirasseva sāmaññe ñassati , sāmaṃ dakkhiti – ‘evaṃ kira sammā bandhanā vippamokkho hoti, yadidaṃ avijjā bandhanā’’’ti.
звам̣ вуд̇д̇з, взканасо бариб̣б̣ааж̇аго бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
Evaṃ vutte, vekhanaso paribbājako bhagavantaṃ etadavoca – ‘‘abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
взканасасуд̇д̇ам̣ нидтид̇ам̣ д̣̇асамам̣.
Vekhanasasuttaṃ niṭṭhitaṃ dasamaṃ.
бариб̣б̣ааж̇агаваг̇г̇о нидтид̇о д̇ад̇ияо.
Paribbājakavaggo niṭṭhito tatiyo.
д̇ассуд̣̇д̣̇аанам̣ –
Tassuddānaṃ –
бун̣д̣арий-аг̇г̇исаха-гат̇инаамо, д̣̇ийгханако буна бхаарад̣̇вааж̇аг̇од̇д̇о;
Puṇḍarī-aggisaha-kathināmo, dīghanakho puna bhāradvājagotto;
санд̣̇агауд̣̇ааяимун̣д̣игабуд̇д̇о, ман̣иго д̇ат̇аагажжаано вараваг̇г̇о.
Sandakaudāyimuṇḍikaputto, maṇiko tathākaccāno varavaggo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 10. взканасасуд̇д̇аван̣н̣анаа • 10. Vekhanasasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 10. взканасасуд̇д̇аван̣н̣анаа • 10. Vekhanasasuttavaṇṇanā
