| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
10. взканасасуд̇д̇аван̣н̣анаа
10. Vekhanasasuttavaṇṇanā
280. саха вад̇т̇угаамзна гилзсагаамо г̇ару г̇аругаад̇аб̣б̣о зд̇ассаад̇и гаамаг̇ару. д̇зсвзва гаамзсу ниннабон̣абаб̣бхаараж̇жхаасаяод̇и гаамаад̇химуд̇д̇о. баб̣б̣аж̇ж̇аабатамаж̇жхаанаад̣̇игам̣ нзгкаммам̣ г̇ару г̇аругаад̇аб̣б̣ам̣ зд̇ассаад̇и нзгкаммаг̇ару. д̇ад̇т̇а ниннабон̣абаб̣бхаараж̇жхаасаяо нзгкаммаад̇химуд̇д̇о свааяамад̇т̇о яат̇аа згажжз г̇ахадтз лаб̣бхад̇и, звам̣ згажжз анаг̇аарзбийд̇и ааха ‘‘баб̣б̣аж̇ид̇обий’’д̇иаад̣̇и. аяам̣ бана взканасо бариб̣б̣ааж̇аго. со хи взканасад̇аабасабаб̣б̣аж̇ж̇ам̣ убаг̇анд̇ваа взканасзна иминаа д̣̇идтимаад̣̇ааяа самаад̣̇ияид̇ваа тид̇ад̇д̇аа ‘‘взканасо’’д̇и вужжад̇и. яат̇аа лого саяам̣ згаад̣̇асахи аг̇г̇ийхи аад̣̇ид̇д̇оби самаано бажжагкад̇о анубхавияамаанам̣ саалаагигам̣ аг̇г̇исанд̇аабам̣ вияа анаад̣̇игаалаануг̇ад̇асаммаагаважарасанд̇аабам̣ аад̣̇ид̇д̇ад̇ааяа на саллагкзд̇и, саммаасамб̣уд̣̇д̇хзна бана махаагарун̣аасамуссаахид̇амаанасзна ‘‘саб̣б̣ам̣, бхигкавз, аад̣̇ид̇д̇а’’нд̇и аад̣̇ид̇д̇абарияааяз (сам̣. ни. 4.28; махаава. 54) д̣̇зсияамаанз саллагкзд̇и, звам̣ аяамби анаад̣̇игаалабарибхаавид̇ам̣ ад̇д̇ааж̇жхаасаяз авадтид̇ам̣ гаамаад̇химуд̇д̇ам̣ сарасзна анубад̇хаарзнд̇о сад̇т̇аараа – ‘‘бан̃жа ко имз, гажжаана, гаамаг̇ун̣аа’’д̇иаад̣̇инаа гаамаг̇ун̣зсу гаамасукз бхаасияамаанз ‘‘гаамаад̇химуд̇д̇ам̣ вад̇а баб̣б̣аж̇ид̇асса жид̇д̇а’’нд̇и убад̇хаарзссад̇ийд̇и ааха – ‘‘имааяа гат̇ааяа гат̇ияамаанааяа ад̇д̇ано гаамаад̇химуд̇д̇ад̇ам̣ саллагкзссад̇ий’’д̇и. гаамаг̇г̇асуканд̇и гаамзд̇аб̣б̣авад̇т̇уухи аг̇г̇абхууд̇ам̣ сукам̣. саб̣б̣з хи д̇збхуумагад̇хаммаа гааманийяадтзна гаамаа, д̇з бадижжа уббаж̇ж̇анасукад̇о ниб̣б̣аанасукамзва аг̇г̇абхууд̇ам̣ сукам̣. яат̇ааха – ‘‘яаавад̇аа, бхигкавз, д̇хаммаа сан̇кад̇аа ваа асан̇кад̇аа ваа, вирааг̇о д̇зсам̣ аг̇г̇амагкааяад̇ий’’д̇и (ид̇иву. 90; а. ни. 4.34) – ‘‘ниб̣б̣аанам̣ барамам̣ сука’’нд̇и (ма. ни. 2.215, 217; д̇ха. ба. 203) жа. д̇зна вуд̇д̇ам̣ ‘‘ниб̣б̣аанам̣ ад̇хиббзд̇а’’нд̇и.
280. Saha vatthukāmena kilesakāmo garu garukātabbo etassāti kāmagaru. Tesveva kāmesu ninnapoṇapabbhārajjhāsayoti kāmādhimutto. Pabbajjāpaṭhamajjhānādikaṃ nekkhammaṃ garu garukātabbaṃ etassāti nekkhammagaru. Tattha ninnapoṇapabbhārajjhāsayo nekkhammādhimutto svāyamattho yathā ekacce gahaṭṭhe labbhati, evaṃ ekacce anagārepīti āha ‘‘pabbajitopī’’tiādi. Ayaṃ pana vekhanaso paribbājako. So hi vekhanasatāpasapabbajjaṃ upagantvā vekhanasena iminā diṭṭhimādāya samādiyitvā ṭhitattā ‘‘vekhanaso’’ti vuccati. Yathā loko sayaṃ ekādasahi aggīhi ādittopi samāno paccakkhato anubhaviyamānaṃ sālākikaṃ aggisantāpaṃ viya anādikālānugatasammākavacarasantāpaṃ ādittatāya na sallakkheti, sammāsambuddhena pana mahākaruṇāsamussāhitamānasena ‘‘sabbaṃ, bhikkhave, āditta’’nti ādittapariyāye (saṃ. ni. 4.28; mahāva. 54) desiyamāne sallakkheti, evaṃ ayampi anādikālaparibhāvitaṃ attaajjhāsaye avaṭṭhitaṃ kāmādhimuttaṃ sarasena anupadhārento satthārā – ‘‘pañca kho ime, kaccāna, kāmaguṇā’’tiādinā kāmaguṇesu kāmasukhe bhāsiyamāne ‘‘kāmādhimuttaṃ vata pabbajitassa citta’’nti upadhāressatīti āha – ‘‘imāya kathāya kathiyamānāya attano kāmādhimuttataṃ sallakkhessatī’’ti. Kāmaggasukhanti kāmetabbavatthūhi aggabhūtaṃ sukhaṃ. Sabbe hi tebhūmakadhammā kāmanīyaṭṭhena kāmā, te paṭicca uppajjanasukhato nibbānasukhameva aggabhūtaṃ sukhaṃ. Yathāha – ‘‘yāvatā, bhikkhave, dhammā saṅkhatā vā asaṅkhatā vā, virāgo tesaṃ aggamakkhāyatī’’ti (itivu. 90; a. ni. 4.34) – ‘‘nibbānaṃ paramaṃ sukha’’nti (ma. ni. 2.215, 217; dha. pa. 203) ca. Tena vuttaṃ ‘‘nibbānaṃ adhippeta’’nti.
281. буб̣б̣зниваасан̃аан̣алаабхино буб̣б̣анд̇ам̣ аараб̣бха вужжамаанагат̇аа анужчавигаа д̇ад̣̇ад̇т̇асса бажжагкабхаавад̇о, д̇ад̣̇абхаавад̇о взканасасса ананужчавигаад̇и ааха ‘‘яасмаа…бз… над̇т̇ий’’д̇и. анааг̇ад̇агат̇ааяа…бз… над̇т̇ийд̇и зд̇т̇ааби зсзва наяо. аарагкад̇т̇ааяаад̇и д̣̇звад̇аахи манд̇абад̣̇зхи саха тид̇аа д̇ад̇т̇а аарагкад̇т̇ааяа. авиж̇ж̇ааяаад̇и ид̣̇ам̣ лагкан̣аважанам̣, д̇ам̣муулагад̇д̇аа ваа саб̣б̣агилзсад̇хаммаанам̣ авиж̇ж̇аава г̇ахид̇аа. ж̇аананам̣ бахийнагилзсабажжавзгкан̣ан̃аан̣зна. сзсам̣ сувин̃н̃зяяамзва.
281. Pubbenivāsañāṇalābhino pubbantaṃ ārabbha vuccamānakathā anucchavikā tadatthassa paccakkhabhāvato, tadabhāvato vekhanasassa ananucchavikāti āha ‘‘yasmā…pe… natthī’’ti. Anāgatakathāya…pe… natthīti etthāpi eseva nayo. Ārakkhatthāyāti devatāhi mantapadehi saha ṭhitā tattha ārakkhatthāya. Avijjāyāti idaṃ lakkhaṇavacanaṃ, taṃmūlakattā vā sabbakilesadhammānaṃ avijjāva gahitā. Jānanaṃ pahīnakilesapaccavekkhaṇañāṇena. Sesaṃ suviññeyyameva.
взканасасуд̇д̇аван̣н̣анааяа лийнад̇т̇аббагаасанаа самад̇д̇аа.
Vekhanasasuttavaṇṇanāya līnatthappakāsanā samattā.
нидтид̇аа жа бариб̣б̣ааж̇агаваг̇г̇аван̣н̣анаа.
Niṭṭhitā ca paribbājakavaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. взканасасуд̇д̇ам̣ • 10. Vekhanasasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 10. взканасасуд̇д̇аван̣н̣анаа • 10. Vekhanasasuttavaṇṇanā
