Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    10. взлаамасуд̇д̇ам̣

    10. Velāmasuttaṃ

    20. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко анаат̇абин̣д̣иго г̇ахабад̇и язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко анаат̇абин̣д̣игам̣ г̇ахабад̇им̣ бхаг̇аваа зд̇ад̣̇авожа –

    20. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho anāthapiṇḍiko gahapati yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho anāthapiṇḍikaṃ gahapatiṃ bhagavā etadavoca –

    ‘‘аби ну д̇з, г̇ахабад̇и, гулз д̣̇аанам̣ д̣̇ийяад̇ий’’д̇и? ‘‘д̣̇ийяад̇и мз, бханд̇з, гулз д̣̇аанам̣; д̇ан̃жа ко луукам̣ ган̣ааж̇агам̣ б̣ил̣ан̇г̇ад̣̇уд̇ияа’’нд̇и. ‘‘луукан̃жзби 1, г̇ахабад̇и, д̣̇аанам̣ д̣̇зд̇и бан̣ийд̇ам̣ ваа; д̇ан̃жа асаггажжам̣ д̣̇зд̇и, ажид̇д̇ийгад̇ваа 2 д̣̇зд̇и, асахад̇т̇аа д̣̇зд̇и, абавид̣̇д̇хам̣ 3 д̣̇зд̇и, анааг̇аманад̣̇идтиго д̣̇зд̇и. яад̇т̇а яад̇т̇а д̇асса д̇асса д̣̇аанасса вибааго ниб̣б̣ад̇д̇ад̇и, на ул̣аарааяа бхад̇д̇абхог̇ааяа жид̇д̇ам̣ намад̇и, на ул̣аарааяа вад̇т̇абхог̇ааяа жид̇д̇ам̣ намад̇и, на ул̣аарааяа яаанабхог̇ааяа жид̇д̇ам̣ намад̇и, на ул̣аарзсу бан̃жасу гаамаг̇ун̣зсу бхог̇ааяа жид̇д̇ам̣ намад̇и. язбисса д̇з хонд̇и буд̇д̇аад̇и ваа д̣̇аараад̇и ваа д̣̇аасаад̇и ваа бзссаад̇и ваа гаммагараад̇и ваа, д̇зби на суссуусанд̇и на сод̇ам̣ од̣̇аханд̇и на ан̃н̃аа жид̇д̇ам̣ убадтабзнд̇и. д̇ам̣ гисса хзд̇у? зван̃хзд̇ам̣ 4, г̇ахабад̇и, ход̇и асаггажжам̣ гад̇аанам̣ гаммаанам̣ вибааго’’.

    ‘‘Api nu te, gahapati, kule dānaṃ dīyatī’’ti? ‘‘Dīyati me, bhante, kule dānaṃ; tañca kho lūkhaṃ kaṇājakaṃ biḷaṅgadutiya’’nti. ‘‘Lūkhañcepi 5, gahapati, dānaṃ deti paṇītaṃ vā; tañca asakkaccaṃ deti, acittīkatvā 6 deti, asahatthā deti, apaviddhaṃ 7 deti, anāgamanadiṭṭhiko deti. Yattha yattha tassa tassa dānassa vipāko nibbattati, na uḷārāya bhattabhogāya cittaṃ namati, na uḷārāya vatthabhogāya cittaṃ namati, na uḷārāya yānabhogāya cittaṃ namati, na uḷāresu pañcasu kāmaguṇesu bhogāya cittaṃ namati. Yepissa te honti puttāti vā dārāti vā dāsāti vā pessāti vā kammakarāti vā, tepi na sussūsanti na sotaṃ odahanti na aññā cittaṃ upaṭṭhapenti. Taṃ kissa hetu? Evañhetaṃ 8, gahapati, hoti asakkaccaṃ katānaṃ kammānaṃ vipāko’’.

    ‘‘луукан̃жзби, г̇ахабад̇и, д̣̇аанам̣ д̣̇зд̇и бан̣ийд̇ам̣ ваа; д̇ан̃жа саггажжам̣ д̣̇зд̇и, жид̇д̇ийгад̇ваа д̣̇зд̇и, сахад̇т̇аа д̣̇зд̇и, анабавид̣̇д̇хам̣ д̣̇зд̇и, ааг̇аманад̣̇идтиго д̣̇зд̇и. яад̇т̇а яад̇т̇а д̇асса д̇асса д̣̇аанасса вибааго ниб̣б̣ад̇д̇ад̇и, ул̣аарааяа бхад̇д̇абхог̇ааяа жид̇д̇ам̣ намад̇и, ул̣аарааяа вад̇т̇абхог̇ааяа жид̇д̇ам̣ намад̇и, ул̣аарааяа яаанабхог̇ааяа жид̇д̇ам̣ намад̇и, ул̣аарзсу бан̃жасу гаамаг̇ун̣зсу бхог̇ааяа жид̇д̇ам̣ намад̇и. язбисса д̇з хонд̇и буд̇д̇аад̇и ваа д̣̇аараад̇и ваа д̣̇аасаад̇и ваа бзссаад̇и ваа гаммагараад̇и ваа, д̇зби суссуусанд̇и сод̇ам̣ од̣̇аханд̇и ан̃н̃аа жид̇д̇ам̣ убадтабзнд̇и. д̇ам̣ гисса хзд̇у? зван̃хзд̇ам̣, г̇ахабад̇и, ход̇и саггажжам̣ гад̇аанам̣ гаммаанам̣ вибааго.

    ‘‘Lūkhañcepi, gahapati, dānaṃ deti paṇītaṃ vā; tañca sakkaccaṃ deti, cittīkatvā deti, sahatthā deti, anapaviddhaṃ deti, āgamanadiṭṭhiko deti. Yattha yattha tassa tassa dānassa vipāko nibbattati, uḷārāya bhattabhogāya cittaṃ namati, uḷārāya vatthabhogāya cittaṃ namati, uḷārāya yānabhogāya cittaṃ namati, uḷāresu pañcasu kāmaguṇesu bhogāya cittaṃ namati. Yepissa te honti puttāti vā dārāti vā dāsāti vā pessāti vā kammakarāti vā, tepi sussūsanti sotaṃ odahanti aññā cittaṃ upaṭṭhapenti. Taṃ kissa hetu? Evañhetaṃ, gahapati, hoti sakkaccaṃ katānaṃ kammānaṃ vipāko.

    ‘‘бхууд̇абуб̣б̣ам̣, г̇ахабад̇и, взлаамо наама б̣раахман̣о ахоси. со зваруубам̣ д̣̇аанам̣ ад̣̇ааси махаад̣̇аанам̣. жад̇ураасийд̇и суван̣н̣абаад̇исахассаани ад̣̇ааси руубияабуураани , жад̇ураасийд̇и руубияабаад̇исахассаани ад̣̇ааси суван̣н̣абуураани, жад̇ураасийд̇и гам̣сабаад̇исахассаани ад̣̇ааси хиран̃н̃абуураани , жад̇ураасийд̇и хад̇т̇исахассаани ад̣̇ааси сован̣н̣аалан̇гаараани сован̣н̣ад̇хаж̇аани хзмаж̇аалаббадижчаннаани 9, жад̇ураасийд̇и рат̇асахассаани ад̣̇ааси сийхажаммабариваараани б̣яаг̇гхажаммабариваараани д̣̇ийбижаммабариваараани бан̣д̣угамб̣алабариваараани сован̣н̣аалан̇гаараани сован̣н̣ад̇хаж̇аани хзмаж̇аалаббадижчаннаани, жад̇ураасийд̇и д̇хзнусахассаани ад̣̇ааси д̣̇угууласанд̇ханаани 10 гам̣суубад̇хааран̣аани, жад̇ураасийд̇и ган̃н̃аасахассаани ад̣̇ааси аамуд̇д̇аман̣игун̣д̣алааяо 11, жад̇ураасийд̇и баллан̇гасахассаани ад̣̇ааси г̇онагад̇т̇ад̇аани бадигад̇т̇ад̇аани бадалигад̇т̇ад̇аани гад̣̇алимиг̇абаварабажжад̇т̇аран̣аани сауд̇д̇аражчад̣̇аани убхад̇олохид̇агуубад̇хаанаани, жад̇ураасийд̇и вад̇т̇агодисахассаани ад̣̇ааси комасукумаанам̣ госзяяасукумаанам̣ гамб̣аласукумаанам̣ габбаасигасукумаанам̣, го бана ваад̣̇о аннасса баанасса каж̇ж̇асса бхож̇ж̇асса лзяяасса бзяяасса, наж̇ж̇о ман̃н̃з виссанд̣̇анд̇и 12.

    ‘‘Bhūtapubbaṃ, gahapati, velāmo nāma brāhmaṇo ahosi. So evarūpaṃ dānaṃ adāsi mahādānaṃ. Caturāsīti suvaṇṇapātisahassāni adāsi rūpiyapūrāni , caturāsīti rūpiyapātisahassāni adāsi suvaṇṇapūrāni, caturāsīti kaṃsapātisahassāni adāsi hiraññapūrāni , caturāsīti hatthisahassāni adāsi sovaṇṇālaṅkārāni sovaṇṇadhajāni hemajālappaṭicchannāni 13, caturāsīti rathasahassāni adāsi sīhacammaparivārāni byagghacammaparivārāni dīpicammaparivārāni paṇḍukambalaparivārāni sovaṇṇālaṅkārāni sovaṇṇadhajāni hemajālappaṭicchannāni, caturāsīti dhenusahassāni adāsi dukūlasandhanāni 14 kaṃsūpadhāraṇāni, caturāsīti kaññāsahassāni adāsi āmuttamaṇikuṇḍalāyo 15, caturāsīti pallaṅkasahassāni adāsi gonakatthatāni paṭikatthatāni paṭalikatthatāni kadalimigapavarapaccattharaṇāni sauttaracchadāni ubhatolohitakūpadhānāni, caturāsīti vatthakoṭisahassāni adāsi khomasukhumānaṃ koseyyasukhumānaṃ kambalasukhumānaṃ kappāsikasukhumānaṃ, ko pana vādo annassa pānassa khajjassa bhojjassa leyyassa peyyassa, najjo maññe vissandanti 16.

    ‘‘сияаа ко бана д̇з, г̇ахабад̇и, звамасса – ‘ан̃н̃о нууна д̇зна самаязна взлаамо б̣раахман̣о ахоси, со 17 д̇ам̣ д̣̇аанам̣ ад̣̇ааси махаад̣̇аана’нд̇и. на ко банзд̇ам̣, г̇ахабад̇и, звам̣ д̣̇адтаб̣б̣ам̣. ахам̣ д̇зна самаязна взлаамо б̣раахман̣о ахосим̣. ахам̣ д̇ам̣ д̣̇аанам̣ ад̣̇аасим̣ махаад̣̇аанам̣. д̇асмим̣ ко бана, г̇ахабад̇и, д̣̇аанз на гожи д̣̇агкин̣зяяо ахоси, на д̇ам̣ гожи д̣̇агкин̣ам̣ висод̇хзд̇и.

    ‘‘Siyā kho pana te, gahapati, evamassa – ‘añño nūna tena samayena velāmo brāhmaṇo ahosi, so 18 taṃ dānaṃ adāsi mahādāna’nti. Na kho panetaṃ, gahapati, evaṃ daṭṭhabbaṃ. Ahaṃ tena samayena velāmo brāhmaṇo ahosiṃ. Ahaṃ taṃ dānaṃ adāsiṃ mahādānaṃ. Tasmiṃ kho pana, gahapati, dāne na koci dakkhiṇeyyo ahosi, na taṃ koci dakkhiṇaṃ visodheti.

    ‘‘яам̣, г̇ахабад̇и, взлаамо б̣раахман̣о д̣̇аанам̣ ад̣̇ааси махаад̣̇аанам̣, яо жзгам̣ д̣̇идтисамбаннам̣ бхож̇зяяа, ид̣̇ам̣ д̇ад̇о махабпалад̇арам̣.

    ‘‘Yaṃ, gahapati, velāmo brāhmaṇo dānaṃ adāsi mahādānaṃ, yo cekaṃ diṭṭhisampannaṃ bhojeyya, idaṃ tato mahapphalataraṃ.

    ( ) 19 ‘‘яо жа сад̇ам̣ д̣̇идтисамбаннаанам̣ бхож̇зяяа, яо жзгам̣ сагад̣̇ааг̇аамим̣ бхож̇зяяа, ид̣̇ам̣ д̇ад̇о махабпалад̇арам̣.

    ( ) 20 ‘‘Yo ca sataṃ diṭṭhisampannānaṃ bhojeyya, yo cekaṃ sakadāgāmiṃ bhojeyya, idaṃ tato mahapphalataraṃ.

    ( ) 21 ‘‘яо жа сад̇ам̣ сагад̣̇ааг̇аамийнам̣ бхож̇зяяа, яо жзгам̣ анааг̇аамим̣ бхож̇зяяа…бз… яо жа сад̇ам̣ анааг̇аамийнам̣ бхож̇зяяа, яо жзгам̣ араханд̇ам̣ бхож̇зяяа… яо жа сад̇ам̣ араханд̇аанам̣ бхож̇зяяа, яо жзгам̣ бажжзгаб̣уд̣̇д̇хам̣ бхож̇зяяа … яо жа сад̇ам̣ бажжзгаб̣уд̣̇д̇хаанам̣ бхож̇зяяа, яо жа д̇ат̇ааг̇ад̇ам̣ араханд̇ам̣ саммаасамб̣уд̣̇д̇хам̣ бхож̇зяяа… яо жа б̣уд̣̇д̇хаббамукам̣ бхигкусан̇гхам̣ бхож̇зяяа… яо жа жаад̇уд̣̇д̣̇исам̣ сан̇гхам̣ уд̣̇д̣̇исса вихаарам̣ гаараабзяяа… яо жа басаннажид̇д̇о б̣уд̣̇д̇хан̃жа д̇хамман̃жа сан̇гхан̃жа саран̣ам̣ г̇ажчзяяа… яо жа басаннажид̇д̇о сигкаабад̣̇аани самаад̣̇иязяяа – баан̣аад̇ибаад̇аа взраман̣им̣, ад̣̇иннаад̣̇аанаа взраман̣им̣, гаамзсумижчаажаараа взраман̣им̣, мусааваад̣̇аа взраман̣им̣, сураамзраяамаж̇ж̇абамаад̣̇адтаанаа взраман̣им̣, яо жа анд̇амасо г̇анд̇хоханамад̇д̇амби 22 мзд̇д̇ажид̇д̇ам̣ бхаавзяяа, ( ) 23 ид̣̇ам̣ д̇ад̇о махабпалад̇арам̣.

    ( ) 24 ‘‘Yo ca sataṃ sakadāgāmīnaṃ bhojeyya, yo cekaṃ anāgāmiṃ bhojeyya…pe… yo ca sataṃ anāgāmīnaṃ bhojeyya, yo cekaṃ arahantaṃ bhojeyya… yo ca sataṃ arahantānaṃ bhojeyya, yo cekaṃ paccekabuddhaṃ bhojeyya … yo ca sataṃ paccekabuddhānaṃ bhojeyya, yo ca tathāgataṃ arahantaṃ sammāsambuddhaṃ bhojeyya… yo ca buddhappamukhaṃ bhikkhusaṅghaṃ bhojeyya… yo ca cātuddisaṃ saṅghaṃ uddissa vihāraṃ kārāpeyya… yo ca pasannacitto buddhañca dhammañca saṅghañca saraṇaṃ gaccheyya… yo ca pasannacitto sikkhāpadāni samādiyeyya – pāṇātipātā veramaṇiṃ, adinnādānā veramaṇiṃ, kāmesumicchācārā veramaṇiṃ, musāvādā veramaṇiṃ, surāmerayamajjapamādaṭṭhānā veramaṇiṃ, yo ca antamaso gandhohanamattampi 25 mettacittaṃ bhāveyya, ( ) 26 idaṃ tato mahapphalataraṃ.

    ‘‘яан̃жа, г̇ахабад̇и, взлаамо б̣раахман̣о д̣̇аанам̣ ад̣̇ааси махаад̣̇аанам̣, яо жзгам̣ д̣̇идтисамбаннам̣ бхож̇зяяа… яо жа сад̇ам̣ д̣̇идтисамбаннаанам̣ бхож̇зяяа, яо жзгам̣ сагад̣̇ааг̇аамим̣ бхож̇зяяа… яо жа сад̇ам̣ сагад̣̇ааг̇аамийнам̣ бхож̇зяяа, яо жзгам̣ анааг̇аамим̣ бхож̇зяяа… яо жа сад̇ам̣ анааг̇аамийнам̣ бхож̇зяяа, яо жзгам̣ араханд̇ам̣ бхож̇зяяа… яо жа сад̇ам̣ араханд̇аанам̣ бхож̇зяяа, яо жзгам̣ бажжзгаб̣уд̣̇д̇хам̣ бхож̇зяяа… яо жа сад̇ам̣ бажжзгаб̣уд̣̇д̇хаанам̣ бхож̇зяяа, яо жа д̇ат̇ааг̇ад̇ам̣ араханд̇ам̣ саммаасамб̣уд̣̇д̇хам̣ бхож̇зяяа… яо жа б̣уд̣̇д̇хаббамукам̣ бхигкусан̇гхам̣ бхож̇зяяа, яо жа жаад̇уд̣̇д̣̇исам̣ сан̇гхам̣ уд̣̇д̣̇исса вихаарам̣ гаараабзяяа… яо жа басаннажид̇д̇о б̣уд̣̇д̇хан̃жа д̇хамман̃жа сан̇гхан̃жа саран̣ам̣ г̇ажчзяяа, яо жа басаннажид̇д̇о сигкаабад̣̇аани самаад̣̇иязяяа – баан̣аад̇ибаад̇аа взраман̣им̣… сураамзраяамаж̇ж̇абамаад̣̇адтаанаа взраман̣им̣, яо жа анд̇амасо г̇анд̇хоханамад̇д̇амби мзд̇д̇ажид̇д̇ам̣ бхаавзяяа , яо жа ажчараасан̇гхаад̇амад̇д̇амби анижжасан̃н̃ам̣ бхаавзяяа, ид̣̇ам̣ д̇ад̇о махабпалад̇ара’’нд̇и. д̣̇асамам̣.

    ‘‘Yañca, gahapati, velāmo brāhmaṇo dānaṃ adāsi mahādānaṃ, yo cekaṃ diṭṭhisampannaṃ bhojeyya… yo ca sataṃ diṭṭhisampannānaṃ bhojeyya, yo cekaṃ sakadāgāmiṃ bhojeyya… yo ca sataṃ sakadāgāmīnaṃ bhojeyya, yo cekaṃ anāgāmiṃ bhojeyya… yo ca sataṃ anāgāmīnaṃ bhojeyya, yo cekaṃ arahantaṃ bhojeyya… yo ca sataṃ arahantānaṃ bhojeyya, yo cekaṃ paccekabuddhaṃ bhojeyya… yo ca sataṃ paccekabuddhānaṃ bhojeyya, yo ca tathāgataṃ arahantaṃ sammāsambuddhaṃ bhojeyya… yo ca buddhappamukhaṃ bhikkhusaṅghaṃ bhojeyya, yo ca cātuddisaṃ saṅghaṃ uddissa vihāraṃ kārāpeyya… yo ca pasannacitto buddhañca dhammañca saṅghañca saraṇaṃ gaccheyya, yo ca pasannacitto sikkhāpadāni samādiyeyya – pāṇātipātā veramaṇiṃ… surāmerayamajjapamādaṭṭhānā veramaṇiṃ, yo ca antamaso gandhohanamattampi mettacittaṃ bhāveyya , yo ca accharāsaṅghātamattampi aniccasaññaṃ bhāveyya, idaṃ tato mahapphalatara’’nti. Dasamaṃ.

    сийханаад̣̇аваг̇г̇о д̣̇уд̇ияо.

    Sīhanādavaggo dutiyo.

    д̇ассуд̣̇д̣̇аанам̣ –

    Tassuddānaṃ –

    наад̣̇о саубаад̣̇исзсо жа, годтигзна самид̣̇д̇хинаа;

    Nādo saupādiseso ca, koṭṭhikena samiddhinā;

    г̇ан̣д̣асан̃н̃аа гулам̣ мзд̇д̇аа, д̣̇звад̇аа взлаамзна жаад̇и.

    Gaṇḍasaññā kulaṃ mettā, devatā velāmena cāti.




    Next: 3. сад̇д̇ааваасаваг̇г̇о • 3. Sattāvāsavaggo




    Footnotes:
    1. луукам̣ вааби (сяаа.), луукан̃жааби (га.)
    2. ажид̇д̇им̣ гад̇ваа (га.), абажид̇д̇им̣ гад̇ваа (сяаа.), ажид̇д̇игад̇ваа (бий.)
    3. абавидтам̣ (сяаа.)
    4. зван̃жзд̇ам̣ (сяаа. га.)
    5. lūkhaṃ vāpi (syā.), lūkhañcāpi (ka.)
    6. acittiṃ katvā (ka.), apacittiṃ katvā (syā.), acittikatvā (pī.)
    7. apaviṭṭhaṃ (syā.)
    8. evañcetaṃ (syā. ka.)
    9. хзмаж̇ааласан̃чаннаани (сий. бий.)
    10. д̣̇угууласанд̣̇ассанаани (сий.), д̣̇угууласан̣танаани (сяаа.), д̣̇угууласант̇анаани (бий.), д̣̇ухасанд̣̇анаани (д̣̇ий. ни. 2.263), д̣̇угууласанд̣̇анаани (д̇ад̇т̇а баатанд̇арам̣)
    11. аамуггаман̣игун̣д̣алааяо (?)
    12. виссанд̣̇ад̇и (сий. бий.)
    13. hemajālasañchannāni (sī. pī.)
    14. dukūlasandassanāni (sī.), dukūlasaṇṭhanāni (syā.), dukūlasanthanāni (pī.), duhasandanāni (dī. ni. 2.263), dukūlasandanāni (tattha pāṭhantaraṃ)
    15. āmukkamaṇikuṇḍalāyo (?)
    16. vissandati (sī. pī.)
    17. яо (?)
    18. yo (?)
    19. (яан̃жа г̇ахабад̇и взлаамо б̣раахман̣о д̣̇аанам̣ ад̣̇ааси махаад̣̇аанам̣) (сий. бий.)
    20. (yañca gahapati velāmo brāhmaṇo dānaṃ adāsi mahādānaṃ) (sī. pī.)
    21. (яан̃жа г̇ахабад̇и взлаамо б̣раахман̣о д̣̇аанам̣ ад̣̇ааси махаад̣̇аанам̣) (сий. бий.)
    22. г̇анд̇хууханамад̇д̇амби (сий.), г̇ад̣̇д̣̇ууханамад̇д̇амби (сяаа. бий.) ма. ни. 3.211
    23. (яо жа ажчараасан̇гхаад̇амад̇д̇амби анижжасан̃н̃ам̣ бхаавзяяа) (га.)
    24. (yañca gahapati velāmo brāhmaṇo dānaṃ adāsi mahādānaṃ) (sī. pī.)
    25. gandhūhanamattampi (sī.), gaddūhanamattampi (syā. pī.) ma. ni. 3.211
    26. (yo ca accharāsaṅghātamattampi aniccasaññaṃ bhāveyya) (ka.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. взлаамасуд̇д̇аван̣н̣анаа • 10. Velāmasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. взлаамасуд̇д̇аван̣н̣анаа • 10. Velāmasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact