| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[353] 3. взнасаакаж̇аад̇агаван̣н̣анаа
[353] 3. Venasākhajātakavaṇṇanā
наяид̣̇ам̣ нижжам̣ бхавид̇аб̣б̣анд̇и ид̣̇ам̣ сад̇т̇аа бхаг̇г̇зсу сам̣сумаараг̇ирам̣ ниссааяа бхзсагал̣ааванз вихаранд̇о б̣од̇хирааж̇агумаарам̣ аараб̣бха гат̇зси. б̣од̇хирааж̇агумааро наама уд̣̇знасса ран̃н̃о буд̇д̇о д̇асмим̣ гаалз сам̣сумаараг̇ирз васанд̇о згам̣ барияод̣̇аад̇асиббам̣ вад̣дхагим̣ баггосаабзд̇ваа ан̃н̃зхи рааж̇уухи асад̣̇исам̣ гад̇ваа гоганад̣̇ам̣ наама баасаад̣̇ам̣ гаараабзси. гаараабзд̇ваа жа бана ‘‘аяам̣ вад̣дхагий ан̃н̃ассаби ран̃н̃о зваруубам̣ баасаад̣̇ам̣ гарзяяаа’’д̇и мажчарааяанд̇о д̇асса агкийни уббаадаабзси. д̇знасса агкийнам̣ уббаадид̇абхааво бхигкусан̇гхз баагадо ж̇аад̇о. д̇асмаа бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, б̣од̇хирааж̇агумааро гира д̇ат̇ааруубасса вад̣дхагино агкийни уббаадаабзси, ахо гагкал̣о парусо саахасиго’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзса гагкал̣о парусо саахасигова. на гзвалан̃жа ид̣̇аанзва, буб̣б̣збзса кад̇д̇ияасахассаанам̣ агкийни уббаадаабзд̇ваа маарзд̇ваа д̇зсам̣ мам̣сзна б̣алигаммам̣ гаарзсий’’д̇и вад̇ваа ад̇ийд̇ам̣ аахари.
Nayidaṃ niccaṃ bhavitabbanti idaṃ satthā bhaggesu saṃsumāragiraṃ nissāya bhesakaḷāvane viharanto bodhirājakumāraṃ ārabbha kathesi. Bodhirājakumāro nāma udenassa rañño putto tasmiṃ kāle saṃsumāragire vasanto ekaṃ pariyodātasippaṃ vaḍḍhakiṃ pakkosāpetvā aññehi rājūhi asadisaṃ katvā kokanadaṃ nāma pāsādaṃ kārāpesi. Kārāpetvā ca pana ‘‘ayaṃ vaḍḍhakī aññassapi rañño evarūpaṃ pāsādaṃ kareyyā’’ti maccharāyanto tassa akkhīni uppāṭāpesi. Tenassa akkhīnaṃ uppāṭitabhāvo bhikkhusaṅghe pākaṭo jāto. Tasmā bhikkhū dhammasabhāyaṃ kathaṃ samuṭṭhāpesuṃ ‘‘āvuso, bodhirājakumāro kira tathārūpassa vaḍḍhakino akkhīni uppāṭāpesi, aho kakkhaḷo pharuso sāhasiko’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepesa kakkhaḷo pharuso sāhasikova. Na kevalañca idāneva, pubbepesa khattiyasahassānaṃ akkhīni uppāṭāpetvā māretvā tesaṃ maṃsena balikammaṃ kāresī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇аггасилааяам̣ д̣̇исаабаамогко аажарияо ахоси. ж̇амб̣уд̣̇ийбад̇алз кад̇д̇ияамаан̣аваа б̣раахман̣амаан̣аваа жа д̇ассзва санд̇игз сиббам̣ уг̇г̇ан̣хим̣су. б̣аараан̣асиран̃н̃о буд̇д̇о б̣рахмад̣̇ад̇д̇агумааро наама д̇асса санд̇игз д̇аяо взд̣̇з уг̇г̇ан̣хи. со бана багад̇ияааби гагкал̣о парусо саахасиго ахоси. б̣од̇хисад̇д̇о ан̇г̇авиж̇ж̇аавасзна д̇асса гагкал̣апарусасаахасигабхаавам̣ н̃ад̇ваа ‘‘д̇аад̇а, д̇вам̣ гагкал̣о парусо саахасиго, парусзна наама лад̣̇д̇хам̣ иссарияам̣ ажирадтид̇игам̣ ход̇и, со иссарияз винадтз бхиннанааво вияа самуд̣̇д̣̇з бад̇идтам̣ на лабхад̇и, д̇асмаа маа зваруубо ахосий’’д̇и д̇ам̣ овад̣̇анд̇о д̣̇вз г̇аат̇аа абхааси –
Atīte bārāṇasiyaṃ brahmadatte rajjaṃ kārente bodhisatto takkasilāyaṃ disāpāmokkho ācariyo ahosi. Jambudīpatale khattiyamāṇavā brāhmaṇamāṇavā ca tasseva santike sippaṃ uggaṇhiṃsu. Bārāṇasirañño putto brahmadattakumāro nāma tassa santike tayo vede uggaṇhi. So pana pakatiyāpi kakkhaḷo pharuso sāhasiko ahosi. Bodhisatto aṅgavijjāvasena tassa kakkhaḷapharusasāhasikabhāvaṃ ñatvā ‘‘tāta, tvaṃ kakkhaḷo pharuso sāhasiko, pharusena nāma laddhaṃ issariyaṃ aciraṭṭhitikaṃ hoti, so issariye vinaṭṭhe bhinnanāvo viya samudde patiṭṭhaṃ na labhati, tasmā mā evarūpo ahosī’’ti taṃ ovadanto dve gāthā abhāsi –
14.
14.
‘‘наяид̣̇ам̣ нижжам̣ бхавид̇аб̣б̣ам̣ б̣рахмад̣̇ад̇д̇а, кзмам̣ субхигкам̣ сукад̇аа жа гааяз;
‘‘Nayidaṃ niccaṃ bhavitabbaṃ brahmadatta, khemaṃ subhikkhaṃ sukhatā ca kāye;
ад̇т̇ажжаяз маа аху самбамуул̣хо, бхиннаблаво сааг̇арассзва маж̇жхз.
Atthaccaye mā ahu sampamūḷho, bhinnaplavo sāgarasseva majjhe.
15.
15.
‘‘яаани гарод̇и бурисо, д̇аани ад̇д̇ани бассад̇и;
‘‘Yāni karoti puriso, tāni attani passati;
галяаан̣агаарий галяаан̣ам̣, баабагаарий жа баабагам̣;
Kalyāṇakārī kalyāṇaṃ, pāpakārī ca pāpakaṃ;
яаад̣̇исам̣ вабад̇з б̣ийж̇ам̣, д̇аад̣̇исам̣ харад̇з пала’’нд̇и.
Yādisaṃ vapate bījaṃ, tādisaṃ harate phala’’nti.
д̇ад̇т̇а сукад̇аа жа гааязд̇и д̇аад̇а б̣рахмад̣̇ад̇д̇а, яад̣̇зд̇ам̣ кзмам̣ ваа субхигкам̣ ваа яаа ваа зсаа сукад̇аа гааяз, ид̣̇ам̣ саб̣б̣ам̣ имзсам̣ сад̇д̇аанам̣ нижжам̣ саб̣б̣агааламзва на бхавад̇и, ид̣̇ам̣ бана анижжам̣ худ̇ваа абхаавад̇хаммам̣. ад̇т̇ажжаязд̇и со д̇вам̣ анижжад̇аавасзна иссарияз виг̇ад̇з ад̇д̇ано ад̇т̇асса ажжаяз яат̇аа наама бхиннаблаво бхиннанааво мануссо сааг̇арамаж̇жхз бад̇идтам̣ алабханд̇о самбамуул̣хо ход̇и, звам̣ маа аху самбамуул̣хо. д̇аани ад̇д̇ани бассад̇ийд̇и д̇зсам̣ гаммаанам̣ вибаагам̣ винд̣̇анд̇о д̇аани ад̇д̇ани бассад̇и наама.
Tattha sukhatā ca kāyeti tāta brahmadatta, yadetaṃ khemaṃ vā subhikkhaṃ vā yā vā esā sukhatā kāye, idaṃ sabbaṃ imesaṃ sattānaṃ niccaṃ sabbakālameva na bhavati, idaṃ pana aniccaṃ hutvā abhāvadhammaṃ. Atthaccayeti so tvaṃ aniccatāvasena issariye vigate attano atthassa accaye yathā nāma bhinnaplavo bhinnanāvo manusso sāgaramajjhe patiṭṭhaṃ alabhanto sampamūḷho hoti, evaṃ mā ahu sampamūḷho. Tāni attani passatīti tesaṃ kammānaṃ vipākaṃ vindanto tāni attani passati nāma.
со аажарияам̣ ванд̣̇ид̇ваа б̣аараан̣асим̣ г̇анд̇ваа бид̇у сиббам̣ д̣̇ассзд̇ваа обараж̇ж̇з бад̇идтааяа бид̇у ажжаязна раж̇ж̇ам̣ баабун̣и. д̇асса бин̇г̇ияо наама бурохид̇о ахоси гагкал̣о парусо саахасиго. со яасалобхзна жинд̇зси ‘‘яам̣нуунаахам̣ иминаа ран̃н̃аа сагалаж̇амб̣уд̣̇ийбз саб̣б̣з рааж̇аано г̇аахаабзяяам̣, звамзса згарааж̇аа бхависсад̇и, ахамби згабурохид̇о бхависсаамий’’д̇и. со д̇ам̣ рааж̇аанам̣ ад̇д̇ано гат̇ам̣ г̇аахаабзси. рааж̇аа махад̇ияаа сзнааяа наг̇араа нигкамид̇ваа згасса ран̃н̃о наг̇арам̣ рунд̇хид̇ваа д̇ам̣ рааж̇аанам̣ г̇ан̣хи. зд̇знубааязна сагалаж̇амб̣уд̣̇ийбз раж̇ж̇ам̣ г̇ахзд̇ваа рааж̇асахассабаривуд̇о ‘‘д̇аггасилааяам̣ раж̇ж̇ам̣ г̇ан̣хиссаамий’’д̇и аг̇амааси. б̣од̇хисад̇д̇о наг̇арам̣ бадисан̇карид̇ваа барзхи аббад̇хам̣сияам̣ агааси.
So ācariyaṃ vanditvā bārāṇasiṃ gantvā pitu sippaṃ dassetvā oparajje patiṭṭhāya pitu accayena rajjaṃ pāpuṇi. Tassa piṅgiyo nāma purohito ahosi kakkhaḷo pharuso sāhasiko. So yasalobhena cintesi ‘‘yaṃnūnāhaṃ iminā raññā sakalajambudīpe sabbe rājāno gāhāpeyyaṃ, evamesa ekarājā bhavissati, ahampi ekapurohito bhavissāmī’’ti. So taṃ rājānaṃ attano kathaṃ gāhāpesi. Rājā mahatiyā senāya nagarā nikkhamitvā ekassa rañño nagaraṃ rundhitvā taṃ rājānaṃ gaṇhi. Etenupāyena sakalajambudīpe rajjaṃ gahetvā rājasahassaparivuto ‘‘takkasilāyaṃ rajjaṃ gaṇhissāmī’’ti agamāsi. Bodhisatto nagaraṃ paṭisaṅkharitvā parehi appadhaṃsiyaṃ akāsi.
б̣аараан̣асирааж̇аа г̇ан̇г̇аанад̣̇ийд̇ийрз махад̇о ниг̇род̇харугкассса муулз саан̣им̣ баригкибаабзд̇ваа убари вид̇аанам̣ гаараабзд̇ваа саяанам̣ бан̃н̃абзд̇ваа ниваасам̣ г̇ан̣хи. со ж̇амб̣уд̣̇ийбад̇алз сахассарааж̇аано г̇ахзд̇ваа яуж̇жхамааноби д̇аггасилам̣ г̇ахзд̇ум̣ асаггонд̇о ад̇д̇ано бурохид̇ам̣ бужчи ‘‘аажарияа, маяам̣ зд̇д̇агзхи рааж̇уухи сад̣̇д̇хим̣ ааг̇анд̇вааби д̇аггасилам̣ г̇ахзд̇ум̣ на саггома, гим̣ ну ко гаад̇аб̣б̣а’’нд̇и. ‘‘махаарааж̇а, сахассарааж̇уунам̣ агкийни уббаадзд̇ваа маарзд̇ваа гужчим̣ паалзд̇ваа бан̃жамад̇хурамам̣сам̣ аад̣̇ааяа имасмим̣ ниг̇род̇хз ад̇хивад̇т̇ааяа д̣̇звад̇ааяа б̣алигаммам̣ гад̇ваа анд̇аваддийхи ругкам̣ баригкибид̇ваа лохид̇абан̃жан̇г̇улигаани гарома, звам̣ но киббамзва ж̇аяо бхависсад̇ий’’д̇и. рааж̇аа ‘‘саад̇хуу’’д̇и бадиссун̣ид̇ваа анд̇осаан̣ияам̣ махааб̣алз маллз табзд̇ваа згамзгам̣ рааж̇аанам̣ баггосаабзд̇ваа ниббийл̣анзна висан̃н̃ам̣ гаарзд̇ваа агкийни уббаадзд̇ваа маарзд̇ваа мам̣сам̣ аад̣̇ааяа гал̣звараани г̇ан̇г̇ааяам̣ баваахзд̇ваа вуд̇д̇аббагаарам̣ б̣алигаммам̣ гаарзд̇ваа б̣алибхзрим̣ аагодаабзд̇ваа яуд̣̇д̇хааяа г̇ад̇о.
Bārāṇasirājā gaṅgānadītīre mahato nigrodharukkhasssa mūle sāṇiṃ parikkhipāpetvā upari vitānaṃ kārāpetvā sayanaṃ paññapetvā nivāsaṃ gaṇhi. So jambudīpatale sahassarājāno gahetvā yujjhamānopi takkasilaṃ gahetuṃ asakkonto attano purohitaṃ pucchi ‘‘ācariya, mayaṃ ettakehi rājūhi saddhiṃ āgantvāpi takkasilaṃ gahetuṃ na sakkoma, kiṃ nu kho kātabba’’nti. ‘‘Mahārāja, sahassarājūnaṃ akkhīni uppāṭetvā māretvā kucchiṃ phāletvā pañcamadhuramaṃsaṃ ādāya imasmiṃ nigrodhe adhivatthāya devatāya balikammaṃ katvā antavaṭṭīhi rukkhaṃ parikkhipitvā lohitapañcaṅgulikāni karoma, evaṃ no khippameva jayo bhavissatī’’ti. Rājā ‘‘sādhū’’ti paṭissuṇitvā antosāṇiyaṃ mahābale malle ṭhapetvā ekamekaṃ rājānaṃ pakkosāpetvā nippīḷanena visaññaṃ kāretvā akkhīni uppāṭetvā māretvā maṃsaṃ ādāya kaḷevarāni gaṅgāyaṃ pavāhetvā vuttappakāraṃ balikammaṃ kāretvā balibheriṃ ākoṭāpetvā yuddhāya gato.
ат̇асса аддаалагад̇о зго яагко ааг̇анд̇ваа д̣̇агкин̣агким̣ уббаадзд̇ваа аг̇амааси, ат̇асса махад̇ий взд̣̇анаа уббаж̇ж̇и. со взд̣̇анааббад̇д̇о ааг̇анд̇ваа ниг̇род̇харугкамуулз бан̃н̃ад̇д̇аасанз уд̇д̇аанаго нибаж̇ж̇и. д̇асмим̣ кан̣з зго г̇иж̇жхо згам̣ д̇икин̣агодигам̣ адтим̣ г̇ахзд̇ваа ругкаг̇г̇з нисинно мам̣сам̣ каад̣̇ид̇ваа адтим̣ виссаж̇ж̇зси, адтигоди ааг̇анд̇ваа ран̃н̃о ваамагкимхи аяасуулам̣ вияа бад̇ид̇ваа агким̣ бхинд̣̇и. д̇асмим̣ кан̣з б̣од̇хисад̇д̇асса важанам̣ саллагкзси. со ‘‘амхаагам̣ аажарияо ‘имз сад̇д̇аа б̣ийж̇аануруубам̣ палам̣ вияа гаммаануруубам̣ вибаагам̣ анубхонд̇ий’д̇и гат̇знд̇о ид̣̇ам̣ д̣̇исваа гат̇зси ман̃н̃з’’д̇и вад̇ваа вилабанд̇о д̣̇вз г̇аат̇аа абхааси –
Athassa aṭṭālakato eko yakkho āgantvā dakkhiṇakkhiṃ uppāṭetvā agamāsi, athassa mahatī vedanā uppajji. So vedanāppatto āgantvā nigrodharukkhamūle paññattāsane uttānako nipajji. Tasmiṃ khaṇe eko gijjho ekaṃ tikhiṇakoṭikaṃ aṭṭhiṃ gahetvā rukkhagge nisinno maṃsaṃ khāditvā aṭṭhiṃ vissajjesi, aṭṭhikoṭi āgantvā rañño vāmakkhimhi ayasūlaṃ viya patitvā akkhiṃ bhindi. Tasmiṃ khaṇe bodhisattassa vacanaṃ sallakkhesi. So ‘‘amhākaṃ ācariyo ‘ime sattā bījānurūpaṃ phalaṃ viya kammānurūpaṃ vipākaṃ anubhontī’ti kathento idaṃ disvā kathesi maññe’’ti vatvā vilapanto dve gāthā abhāsi –
16.
16.
‘‘ид̣̇ам̣ д̇ад̣̇аажарияаважо, баараасарияо яад̣̇аб̣рави;
‘‘Idaṃ tadācariyavaco, pārāsariyo yadabravi;
‘маа су д̇вам̣ агари баабам̣, яам̣ д̇вам̣ бажчаа гад̇ам̣ д̇абз’.
‘Mā su tvaṃ akari pāpaṃ, yaṃ tvaṃ pacchā kataṃ tape’.
17.
17.
‘‘аяамзва со бин̇г̇ияа взнасаако, яамхи гхаад̇аяим̣ кад̇д̇ияаанам̣ сахасссам̣;
‘‘Ayameva so piṅgiya venasākho, yamhi ghātayiṃ khattiyānaṃ sahasssaṃ;
алан̇гад̇з жанд̣̇анасаараанулид̇д̇з, д̇амзва д̣̇угкам̣ бажжааг̇ад̇ам̣ мама’’нд̇и.
Alaṅkate candanasārānulitte, tameva dukkhaṃ paccāgataṃ mama’’nti.
д̇ад̇т̇а ид̣̇ам̣ д̇ад̣̇аажарияаважод̇и ид̣̇ам̣ д̇ам̣ аажарияасса важанам̣. баараасарияод̇и д̇ам̣ г̇од̇д̇зна гид̇д̇зд̇и. бажчаа гад̇анд̇и яам̣ баабам̣ д̇аяаа гад̇ам̣, бажчаа д̇ам̣ д̇абзяяа гиламзяяа, д̇ам̣ маа гарийд̇и оваад̣̇ам̣ ад̣̇ааси, ахам̣ банасса важанам̣ на гаринд̇и. аяамзваад̇и ниг̇род̇харугкам̣ д̣̇ассзнд̇о вилабад̇и. взнасаакод̇и бад̇т̇адасаако. яамхи гхаад̇аяинд̇и яамхи ругкз кад̇д̇ияасахассам̣ маарзсим̣. алан̇гад̇з жанд̣̇анасаараанулид̇д̇зд̇и рааж̇аалан̇гаарзхи алан̇гад̇з лохид̇ажанд̣̇анасаараанулид̇д̇з д̇з кад̇д̇ияз яад̇т̇аахам̣ гхаад̇зсим̣ , аяамзва со ругко ид̣̇аани маяхам̣ гин̃жи барид̇д̇аан̣ам̣ гаад̇ум̣ на саггод̇ийд̇и д̣̇ийбзд̇и. д̇амзва д̣̇угканд̇и яам̣ маяаа барзсам̣ агкиуббааданад̣̇угкам̣ гад̇ам̣, ид̣̇ам̣ мз д̇ат̇зва бадиааг̇ад̇ам̣, ид̣̇аани но аажарияасса важанам̣ мад̇т̇агам̣ бад̇д̇анд̇и барид̣̇звад̇и.
Tattha idaṃ tadācariyavacoti idaṃ taṃ ācariyassa vacanaṃ. Pārāsariyoti taṃ gottena kitteti. Pacchā katanti yaṃ pāpaṃ tayā kataṃ, pacchā taṃ tapeyya kilameyya, taṃ mā karīti ovādaṃ adāsi, ahaṃ panassa vacanaṃ na karinti. Ayamevāti nigrodharukkhaṃ dassento vilapati. Venasākhoti patthaṭasākho. Yamhi ghātayinti yamhi rukkhe khattiyasahassaṃ māresiṃ. Alaṅkate candanasārānulitteti rājālaṅkārehi alaṅkate lohitacandanasārānulitte te khattiye yatthāhaṃ ghātesiṃ , ayameva so rukkho idāni mayhaṃ kiñci parittāṇaṃ kātuṃ na sakkotīti dīpeti. Tameva dukkhanti yaṃ mayā paresaṃ akkhiuppāṭanadukkhaṃ kataṃ, idaṃ me tatheva paṭiāgataṃ, idāni no ācariyassa vacanaṃ matthakaṃ pattanti paridevati.
со звам̣ барид̣̇звамаано аг̇г̇амахзсим̣ ануссарид̇ваа –
So evaṃ paridevamāno aggamahesiṃ anussaritvā –
18.
18.
‘‘саамаа жа ко жанд̣̇аналид̇д̇аг̇ад̇д̇аа, ладтийва собхан̃ж̇анагасса уг̇г̇ад̇аа;
‘‘Sāmā ca kho candanalittagattā, laṭṭhīva sobhañjanakassa uggatā;
ад̣̇исваа гаалам̣ гариссаами уб̣б̣арим̣, д̇ам̣ мз ид̇о д̣̇угкад̇арам̣ бхависсад̇ий’’д̇и. –
Adisvā kālaṃ karissāmi ubbariṃ, taṃ me ito dukkhataraṃ bhavissatī’’ti. –
г̇аат̇амааха –
Gāthamāha –
д̇ассад̇т̇о – мама бхарияаа суван̣н̣асаамаа уб̣б̣арий яат̇аа наама сиг̇г̇уругкасса уж̇у уг̇г̇ад̇аа саакаа манд̣̇амаалуд̇зрид̇аа гамбамаанаа собхад̇и, звам̣ ид̇т̇ивилаасам̣ гурумаанаа собхад̇и, д̇амахам̣ ид̣̇аани агкийнам̣ бхиннад̇д̇аа уб̣б̣арим̣ ад̣̇исваава гаалам̣ гариссаами, д̇ам̣ мз д̇ассаа ад̣̇ассанам̣ ид̇о маран̣ад̣̇угкад̇оби д̣̇угкад̇арам̣ бхависсад̇ийд̇и.
Tassattho – mama bhariyā suvaṇṇasāmā ubbarī yathā nāma siggurukkhassa uju uggatā sākhā mandamāluteritā kampamānā sobhati, evaṃ itthivilāsaṃ kurumānā sobhati, tamahaṃ idāni akkhīnaṃ bhinnattā ubbariṃ adisvāva kālaṃ karissāmi, taṃ me tassā adassanaṃ ito maraṇadukkhatopi dukkhataraṃ bhavissatīti.
со звам̣ вилабанд̇ова марид̇ваа нираяз ниб̣б̣ад̇д̇и. на нам̣ иссарияалуд̣̇д̇хо бурохид̇о барид̇д̇аан̣ам̣ гаад̇ум̣ сагки, на ад̇д̇ано иссарияам̣. д̇асмим̣ мад̇амад̇д̇зязва б̣алагааяо бхиж̇ж̇ид̇ваа балааяи.
So evaṃ vilapantova maritvā niraye nibbatti. Na naṃ issariyaluddho purohito parittāṇaṃ kātuṃ sakkhi, na attano issariyaṃ. Tasmiṃ matamatteyeva balakāyo bhijjitvā palāyi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа б̣аараан̣асирааж̇аа б̣од̇хирааж̇агумааро ахоси, бин̇г̇ияо д̣̇звад̣̇ад̇д̇о, д̣̇исаабаамогкаажарияо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā bārāṇasirājā bodhirājakumāro ahosi, piṅgiyo devadatto, disāpāmokkhācariyo pana ahameva ahosi’’nti.
взнасаакаж̇аад̇агаван̣н̣анаа д̇ад̇ияаа.
Venasākhajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 353. взнасаакаж̇аад̇агам̣ • 353. Venasākhajātakaṃ
