| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. взбажид̇д̇исуд̇д̇ам̣
4. Vepacittisuttaṃ
250. саавад̇т̇инид̣̇аанам̣. ‘‘бхууд̇абуб̣б̣ам̣ , бхигкавз, д̣̇зваасурасан̇г̇аамо самубаб̣яуул̣хо ахоси. ат̇а ко, бхигкавз, взбажид̇д̇и асуринд̣̇о асурз ааманд̇зси – ‘сажз, маарисаа, д̣̇зваанам̣ асурасан̇г̇аамз самубаб̣яуул̣хз асураа ж̇инзяяум̣ д̣̇зваа барааж̇инзяяум̣ 1, язна нам̣ саггам̣ д̣̇зваанаминд̣̇ам̣ ган̣табан̃жамзхи б̣анд̇ханзхи б̣анд̇хид̇ваа мама санд̇игз аанзяяаат̇а асурабура’нд̇и. саггоби ко, бхигкавз, д̣̇зваанаминд̣̇о д̣̇звз д̇аавад̇им̣сз ааманд̇зси – ‘сажз, маарисаа, д̣̇зваанам̣ асурасан̇г̇аамз самубаб̣яуул̣хз д̣̇зваа ж̇инзяяум̣ асураа барааж̇инзяяум̣, язна нам̣ взбажид̇д̇им̣ асуринд̣̇ам̣ ган̣табан̃жамзхи б̣анд̇ханзхи б̣анд̇хид̇ваа мама санд̇игз аанзяяаат̇а суд̇хаммасабха’’’нд̇и. д̇асмим̣ ко бана, бхигкавз, сан̇г̇аамз д̣̇зваа ж̇иним̣су , асураа барааж̇иним̣су 2. ат̇а ко, бхигкавз, д̣̇зваа д̇аавад̇им̣саа взбажид̇д̇им̣ асуринд̣̇ам̣ ган̣табан̃жамзхи б̣анд̇ханзхи б̣анд̇хид̇ваа саггасса д̣̇зваанаминд̣̇асса санд̇игз аанзсум̣ суд̇хаммасабхам̣. д̇ад̇ра суд̣̇ам̣, бхигкавз, взбажид̇д̇и асуринд̣̇о ган̣табан̃жамзхи б̣анд̇ханзхи б̣ад̣̇д̇хо саггам̣ д̣̇зваанаминд̣̇ам̣ суд̇хаммасабхам̣ бависанд̇ан̃жа нигкаманд̇ан̃жа асаб̣бхаахи парусаахи ваажаахи аггосад̇и барибхаасад̇и. ат̇а ко, бхигкавз, маад̇али сан̇г̇аахаго саггам̣ д̣̇зваанаминд̣̇ам̣ г̇аат̇аахи аж̇жхабхааси –
250. Sāvatthinidānaṃ. ‘‘Bhūtapubbaṃ , bhikkhave, devāsurasaṅgāmo samupabyūḷho ahosi. Atha kho, bhikkhave, vepacitti asurindo asure āmantesi – ‘sace, mārisā, devānaṃ asurasaṅgāme samupabyūḷhe asurā jineyyuṃ devā parājineyyuṃ 3, yena naṃ sakkaṃ devānamindaṃ kaṇṭhapañcamehi bandhanehi bandhitvā mama santike āneyyātha asurapura’nti. Sakkopi kho, bhikkhave, devānamindo deve tāvatiṃse āmantesi – ‘sace, mārisā, devānaṃ asurasaṅgāme samupabyūḷhe devā jineyyuṃ asurā parājineyyuṃ, yena naṃ vepacittiṃ asurindaṃ kaṇṭhapañcamehi bandhanehi bandhitvā mama santike āneyyātha sudhammasabha’’’nti. Tasmiṃ kho pana, bhikkhave, saṅgāme devā jiniṃsu , asurā parājiniṃsu 4. Atha kho, bhikkhave, devā tāvatiṃsā vepacittiṃ asurindaṃ kaṇṭhapañcamehi bandhanehi bandhitvā sakkassa devānamindassa santike ānesuṃ sudhammasabhaṃ. Tatra sudaṃ, bhikkhave, vepacitti asurindo kaṇṭhapañcamehi bandhanehi baddho sakkaṃ devānamindaṃ sudhammasabhaṃ pavisantañca nikkhamantañca asabbhāhi pharusāhi vācāhi akkosati paribhāsati. Atha kho, bhikkhave, mātali saṅgāhako sakkaṃ devānamindaṃ gāthāhi ajjhabhāsi –
‘‘бхаяаа ну магхаваа сагга, д̣̇уб̣б̣аляаа но д̇ид̇игкаси;
‘‘Bhayā nu maghavā sakka, dubbalyā no titikkhasi;
сун̣анд̇о парусам̣ ваажам̣, саммукаа взбажид̇д̇ино’’д̇и.
Suṇanto pharusaṃ vācaṃ, sammukhā vepacittino’’ti.
‘‘наахам̣ бхаяаа на д̣̇уб̣б̣аляаа, камаами взбажид̇д̇ино;
‘‘Nāhaṃ bhayā na dubbalyā, khamāmi vepacittino;
гат̇ан̃хи маад̣̇исо вин̃н̃уу, б̣аалзна бадисам̣яуж̇з’’д̇и.
Kathañhi mādiso viññū, bālena paṭisaṃyuje’’ti.
‘‘бхияяо б̣аалаа бабхиж̇ж̇зяяум̣, но жасса бадисзд̇хаго;
‘‘Bhiyyo bālā pabhijjeyyuṃ, no cassa paṭisedhako;
д̇асмаа бхусзна д̣̇ан̣д̣зна, д̇хийро б̣аалам̣ нисзд̇хаяз’’д̇и.
Tasmā bhusena daṇḍena, dhīro bālaṃ nisedhaye’’ti.
‘‘зд̇ад̣̇зва ахам̣ ман̃н̃з, б̣ааласса бадисзд̇ханам̣;
‘‘Etadeva ahaṃ maññe, bālassa paṭisedhanaṃ;
барам̣ сан̇губид̇ам̣ н̃ад̇ваа, яо сад̇о убасаммад̇ий’’д̇и.
Paraṃ saṅkupitaṃ ñatvā, yo sato upasammatī’’ti.
‘‘зд̇ад̣̇зва д̇ид̇игкааяа, важ̇ж̇ам̣ бассаами ваасава;
‘‘Etadeva titikkhāya, vajjaṃ passāmi vāsava;
яад̣̇аа нам̣ ман̃н̃ад̇и б̣аало, бхаяаа мяааяам̣ д̇ид̇игкад̇и;
Yadā naṃ maññati bālo, bhayā myāyaṃ titikkhati;
аж̇жхаарухад̇и д̣̇уммзд̇хо, г̇ова бхияяо балааяина’’нд̇и.
Ajjhāruhati dummedho, gova bhiyyo palāyina’’nti.
‘‘гаамам̣ ман̃н̃ад̇у ваа маа ваа, бхаяаа мяааяам̣ д̇ид̇игкад̇и;
‘‘Kāmaṃ maññatu vā mā vā, bhayā myāyaṃ titikkhati;
сад̣̇ад̇т̇абарамаа ад̇т̇аа, канд̇яаа бхияяо на виж̇ж̇ад̇и.
Sadatthaparamā atthā, khantyā bhiyyo na vijjati.
‘‘яо хавз б̣алаваа санд̇о, д̣̇уб̣б̣аласса д̇ид̇игкад̇и;
‘‘Yo have balavā santo, dubbalassa titikkhati;
д̇амааху барамам̣ канд̇им̣, нижжам̣ камад̇и д̣̇уб̣б̣ало.
Tamāhu paramaṃ khantiṃ, niccaṃ khamati dubbalo.
‘‘аб̣алам̣ д̇ам̣ б̣алам̣ ааху, яасса б̣аалаб̣алам̣ б̣алам̣;
‘‘Abalaṃ taṃ balaṃ āhu, yassa bālabalaṃ balaṃ;
б̣аласса д̇хаммаг̇уд̇д̇асса, бадивад̇д̇аа на виж̇ж̇ад̇и.
Balassa dhammaguttassa, paṭivattā na vijjati.
‘‘д̇ассзва д̇зна баабияо, яо гуд̣̇д̇хам̣ бадигуж̇жхад̇и;
‘‘Tasseva tena pāpiyo, yo kuddhaṃ paṭikujjhati;
гуд̣̇д̇хам̣ аббадигуж̇жханд̇о, сан̇г̇аамам̣ ж̇зд̇и д̣̇уж̇ж̇аяам̣.
Kuddhaṃ appaṭikujjhanto, saṅgāmaṃ jeti dujjayaṃ.
‘‘убхиннамад̇т̇ам̣ жарад̇и, ад̇д̇ано жа барасса жа;
‘‘Ubhinnamatthaṃ carati, attano ca parassa ca;
барам̣ сан̇губид̇ам̣ н̃ад̇ваа, яо сад̇о убасаммад̇и.
Paraṃ saṅkupitaṃ ñatvā, yo sato upasammati.
‘‘убхиннам̣ д̇игижчанд̇аанам̣, ад̇д̇ано жа барасса жа;
‘‘Ubhinnaṃ tikicchantānaṃ, attano ca parassa ca;
ж̇анаа ман̃н̃анд̇и б̣аалод̇и, яз д̇хаммасса аговид̣̇аа’’д̇и.
Janā maññanti bāloti, ye dhammassa akovidā’’ti.
‘‘со хи наама, бхигкавз, сагго д̣̇зваанаминд̣̇о сагам̣ бун̃н̃апалам̣ убаж̇ийвамаано д̣̇зваанам̣ д̇аавад̇им̣саанам̣ иссарияаад̇хибажжам̣ раж̇ж̇ам̣ гаарзнд̇о канд̇исоражжасса ван̣н̣аваад̣̇ий бхависсад̇и. ид̇ха ко д̇ам̣, бхигкавз, собхзт̇а яам̣ д̇умхз звам̣ сваагкаад̇з д̇хаммавинаяз баб̣б̣аж̇ид̇аа самаанаа камаа жа бхавзяяаат̇а сорад̇аа жаа’’д̇и.
‘‘So hi nāma, bhikkhave, sakko devānamindo sakaṃ puññaphalaṃ upajīvamāno devānaṃ tāvatiṃsānaṃ issariyādhipaccaṃ rajjaṃ kārento khantisoraccassa vaṇṇavādī bhavissati. Idha kho taṃ, bhikkhave, sobhetha yaṃ tumhe evaṃ svākkhāte dhammavinaye pabbajitā samānā khamā ca bhaveyyātha soratā cā’’ti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. взбажид̇д̇исуд̇д̇аван̣н̣анаа • 4. Vepacittisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. взбажид̇д̇исуд̇д̇аван̣н̣анаа • 4. Vepacittisuttavaṇṇanā
