| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. взбажид̇д̇исуд̇д̇аван̣н̣анаа
4. Vepacittisuttavaṇṇanā
250. жад̇уд̇т̇з взбажид̇д̇ийд̇и со гира асураанам̣ саб̣б̣аж̇здтаго. язнаад̇и нибаад̇амад̇д̇ам̣ нанд̇и жа. ган̣табан̃жамзхийд̇и д̣̇вийсу хад̇т̇зсу баад̣̇зсу ган̣тз жаад̇и звам̣ бан̃жахи б̣анд̇ханзхи. д̇аани бана нал̣инасуд̇д̇ам̣ вияа маггадагасуд̇д̇ам̣ вияа жа жагкуссаабаат̇ам̣ ааг̇ажчанд̇и, ирияаабат̇ам̣ руж̇жханд̇и. д̇зхи бана жид̇д̇знзва б̣аж̇жхад̇и, жид̇д̇знзва мужжад̇и. аггосад̇ийд̇и жороси б̣аалоси муул̣хоси т̇зноси одтоси г̇он̣оси г̇ад̣̇рабхоси нзраяигоси д̇иражчаанаг̇ад̇оси, над̇т̇и д̇уяхам̣ суг̇ад̇и, д̣̇уг̇г̇ад̇иязва д̇уяхам̣ баадиган̇каад̇и имзхи д̣̇асахи аггосавад̇т̇уухи аггосад̇и. барибхаасад̇ийд̇и, ж̇арасагга, на д̇вам̣ саб̣б̣агаалам̣ ж̇иниссаси, яад̣̇аа асураанам̣ ж̇аяо бхависсад̇и, д̇ад̣̇аа д̇амби звам̣ б̣анд̇хид̇ваа асурабхаванасса д̣̇ваарз нибаж̇ж̇аабзд̇ваа бот̇аабзссаамийд̇и аад̣̇ийни вад̇ваа д̇аж̇ж̇зд̇и. сагго виж̇ид̇авиж̇аяо на д̇ам̣ манаси гарод̇и, махаабадиг̇г̇ахан̣ам̣ банасса мад̇т̇агз вид̇хунанд̇о суд̇хаммад̣̇звасабхам̣ бависад̇и жзва нигкамад̇и жа. аж̇жхабхаасийд̇и ‘‘гим̣ ну ко зса сагго имаани парусаважанаани бхаязна д̇ид̇игкад̇и, уд̣̇ааху ад̇хиваасанаканд̇ияаа саманнааг̇ад̇ад̇д̇аа’’д̇и? виймам̣санд̇о абхааси.
250. Catutthe vepacittīti so kira asurānaṃ sabbajeṭṭhako. Yenāti nipātamattaṃ nanti ca. Kaṇṭhapañcamehīti dvīsu hatthesu pādesu kaṇṭhe cāti evaṃ pañcahi bandhanehi. Tāni pana naḷinasuttaṃ viya makkaṭakasuttaṃ viya ca cakkhussāpāthaṃ āgacchanti, iriyāpathaṃ rujjhanti. Tehi pana citteneva bajjhati, citteneva muccati. Akkosatīti corosi bālosi mūḷhosi thenosi oṭṭhosi goṇosi gadrabhosi nerayikosi tiracchānagatosi, natthi tuyhaṃ sugati, duggatiyeva tuyhaṃ pāṭikaṅkhāti imehi dasahi akkosavatthūhi akkosati. Paribhāsatīti, jarasakka, na tvaṃ sabbakālaṃ jinissasi, yadā asurānaṃ jayo bhavissati, tadā tampi evaṃ bandhitvā asurabhavanassa dvāre nipajjāpetvā pothāpessāmīti ādīni vatvā tajjeti. Sakko vijitavijayo na taṃ manasi karoti, mahāpaṭiggahaṇaṃ panassa matthake vidhunanto sudhammadevasabhaṃ pavisati ceva nikkhamati ca. Ajjhabhāsīti ‘‘kiṃ nu kho esa sakko imāni pharusavacanāni bhayena titikkhati, udāhu adhivāsanakhantiyā samannāgatattā’’ti? Vīmaṃsanto abhāsi.
д̣̇уб̣б̣аляаа нод̇и д̣̇уб̣б̣алабхаавзна ну. бадисам̣яуж̇зд̇и бадисам̣яуж̇зяяа бадибпарзяяа. бабхиж̇ж̇зяяунд̇и вираж̇ж̇зяяум̣. багуж̇жхзяяунд̇иби баато. баранд̇и бажжад̇т̇игам̣. яо сад̇о убасаммад̇ийд̇и яо сад̇имаа худ̇ваа убасаммад̇и, д̇асса убасамам̣язваахам̣ б̣ааласса бадисзд̇ханам̣ ман̃н̃зд̇и ад̇т̇о. яад̣̇аа нам̣ ман̃н̃ад̇ийд̇и яасмаа д̇ам̣ ман̃н̃ад̇и. аж̇жхаарухад̇ийд̇и аж̇жход̇т̇арад̇и. г̇ова бхияяо балааяинанд̇и яат̇аа г̇ояуд̣̇д̇хз д̇аавад̣̇зва д̣̇вз г̇ааво яуж̇жханд̇з г̇ог̇ан̣о ологзнд̇о д̇идтад̇и, яад̣̇аа бана зго балааяад̇и, ат̇а нам̣ балааяанд̇ам̣ саб̣б̣о г̇ог̇ан̣о бхияяо аж̇жход̇т̇арад̇и. звам̣ д̣̇уммзд̇хо каманд̇ам̣ бхияяо аж̇жход̇т̇арад̇ийд̇и ад̇т̇о.
Dubbalyā noti dubbalabhāvena nu. Paṭisaṃyujeti paṭisaṃyujeyya paṭipphareyya. Pabhijjeyyunti virajjeyyuṃ. Pakujjheyyuntipi pāṭho. Paranti paccatthikaṃ. Yo sato upasammatīti yo satimā hutvā upasammati, tassa upasamaṃyevāhaṃ bālassa paṭisedhanaṃ maññeti attho. Yadā naṃ maññatīti yasmā taṃ maññati. Ajjhāruhatīti ajjhottharati. Gova bhiyyo palāyinanti yathā goyuddhe tāvadeva dve gāvo yujjhante gogaṇo olokento tiṭṭhati, yadā pana eko palāyati, atha naṃ palāyantaṃ sabbo gogaṇo bhiyyo ajjhottharati. Evaṃ dummedho khamantaṃ bhiyyo ajjhottharatīti attho.
сад̣̇ад̇т̇абарамаад̇и сагад̇т̇абарамаа. канд̇яаа бхияяо на виж̇ж̇ад̇ийд̇и д̇зсу сагаад̇т̇абарамзсу ад̇т̇зсу канд̇ид̇о уд̇д̇арид̇аро ан̃н̃о ад̇т̇о на виж̇ж̇ад̇и. д̇амааху барамам̣ канд̇инд̇и яо б̣алаваа д̇ид̇игкад̇и, д̇асса д̇ам̣ канд̇им̣ барамам̣ ааху. б̣аалаб̣алам̣ наама ан̃н̃аан̣аб̣алам̣. д̇ам̣ яасса б̣алам̣, аб̣аламзва д̇ам̣ б̣аланд̇и ааху гат̇знд̇ийд̇и д̣̇ийбзд̇и. д̇хаммаг̇уд̇д̇ассаад̇и д̇хаммзна рагкид̇асса, д̇хаммам̣ ваа рагканд̇асса. бадивад̇д̇аад̇и бадибпарид̇ваа вад̇д̇аа, бадибпарид̇ваа ваа б̣аалаб̣аланд̇и вад̣̇зяяааби, д̇хаммадтам̣ бана жаалзд̇ум̣ самад̇т̇о наама над̇т̇и. д̇ассзва д̇зна баабияод̇и д̇зна год̇хзна д̇ассзва буг̇г̇аласса баабам̣. гад̇арасса? яо гуд̣̇д̇хам̣ бадигуж̇жхад̇и. д̇игижчанд̇аананд̇и згаважанз б̣ахуважанам̣, д̇игижчанд̇анд̇и ад̇т̇о. ж̇анаа ман̃н̃анд̇ийд̇и зваруубам̣ ад̇д̇ано жа барасса жаад̇и убхиннам̣ ад̇т̇ам̣ д̇игижчанд̇ам̣ нибпаад̣̇знд̇ам̣ буг̇г̇алам̣ ‘‘анд̇хаб̣аало аяа’’нд̇и анд̇хаб̣аалабут̇уж̇ж̇анаава звам̣ ман̃н̃анд̇и. д̇хаммасса аговид̣̇аад̇и жад̇усажжад̇хаммз ачзгаа. ид̇хаад̇и имасмим̣ саасанз. код̇и нибаад̇амад̇д̇ам̣. жад̇уд̇т̇ам̣.
Sadatthaparamāti sakatthaparamā. Khantyā bhiyyo na vijjatīti tesu sakaatthaparamesu atthesu khantito uttaritaro añño attho na vijjati. Tamāhu paramaṃ khantinti yo balavā titikkhati, tassa taṃ khantiṃ paramaṃ āhu. Bālabalaṃ nāma aññāṇabalaṃ. Taṃ yassa balaṃ, abalameva taṃ balanti āhu kathentīti dīpeti. Dhammaguttassāti dhammena rakkhitassa, dhammaṃ vā rakkhantassa. Paṭivattāti paṭippharitvā vattā, paṭippharitvā vā bālabalanti vadeyyāpi, dhammaṭṭhaṃ pana cāletuṃ samattho nāma natthi. Tasseva tena pāpiyoti tena kodhena tasseva puggalassa pāpaṃ. Katarassa? Yo kuddhaṃ paṭikujjhati. Tikicchantānanti ekavacane bahuvacanaṃ, tikicchantanti attho. Janā maññantīti evarūpaṃ attano ca parassa cāti ubhinnaṃ atthaṃ tikicchantaṃ nipphādentaṃ puggalaṃ ‘‘andhabālo aya’’nti andhabālaputhujjanāva evaṃ maññanti. Dhammassa akovidāti catusaccadhamme achekā. Idhāti imasmiṃ sāsane. Khoti nipātamattaṃ. Catutthaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. взбажид̇д̇исуд̇д̇ам̣ • 4. Vepacittisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. взбажид̇д̇исуд̇д̇аван̣н̣анаа • 4. Vepacittisuttavaṇṇanā
