| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[103] 3. взриж̇аад̇агаван̣н̣анаа
[103] 3. Verijātakavaṇṇanā
яад̇т̇а взрий нивисад̇ийд̇и ид̣̇ам̣ сад̇т̇аа ж̇зд̇аванз вихаранд̇о анаат̇абин̣д̣игам̣ аараб̣бха гат̇зси. анаат̇абин̣д̣иго гира бхог̇аг̇аамам̣ г̇анд̇ваа ааг̇ажчанд̇о анд̇араамаг̇г̇з жорз д̣̇исваа ‘‘анд̇араамаг̇г̇з васид̇ум̣ на яуд̇д̇ам̣, саавад̇т̇имзва г̇амиссаамий’’д̇и взг̇зна г̇он̣з бааж̇зд̇ваа саавад̇т̇имзва ааг̇анд̇ваа бунад̣̇ивасз вихаарам̣ г̇ад̇о сад̇т̇у зд̇амад̇т̇ам̣ аарожзси. сад̇т̇аа ‘‘буб̣б̣зби г̇ахабад̇и бан̣д̣ид̇аа анд̇араамаг̇г̇з жорз д̣̇исваа анд̇араа авиламб̣амаанаа ад̇д̇ано васанадтаанамзва г̇амим̣суу’’д̇и вад̇ваа д̇зна яаажид̇о ад̇ийд̇ам̣ аахари.
Yattha verī nivisatīti idaṃ satthā jetavane viharanto anāthapiṇḍikaṃ ārabbha kathesi. Anāthapiṇḍiko kira bhogagāmaṃ gantvā āgacchanto antarāmagge core disvā ‘‘antarāmagge vasituṃ na yuttaṃ, sāvatthimeva gamissāmī’’ti vegena goṇe pājetvā sāvatthimeva āgantvā punadivase vihāraṃ gato satthu etamatthaṃ ārocesi. Satthā ‘‘pubbepi gahapati paṇḍitā antarāmagge core disvā antarā avilambamānā attano vasanaṭṭhānameva gamiṃsū’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о махаавибхаво сздти худ̇ваа згам̣ г̇аамагам̣ ниманд̇анам̣ бхун̃ж̇анад̇т̇ааяа г̇анд̇ваа бажжааг̇ажчанд̇о анд̇араамаг̇г̇з жорз д̣̇исваа анд̇араамаг̇г̇з авасид̇ваава взг̇зна г̇он̣з бааж̇знд̇о ад̇д̇ано г̇зхамзва ааг̇анд̇ваа наанаг̇г̇арасзхи бхун̃ж̇ид̇ваа махаасаяанз нисинно ‘‘жораанам̣ хад̇т̇ад̇о мужжид̇ваа ниб̣бхаяадтаанам̣ ад̇д̇ано г̇зхам̣ ааг̇ад̇омхий’’д̇и уд̣̇аанавасзна имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto mahāvibhavo seṭṭhi hutvā ekaṃ gāmakaṃ nimantanaṃ bhuñjanatthāya gantvā paccāgacchanto antarāmagge core disvā antarāmagge avasitvāva vegena goṇe pājento attano gehameva āgantvā nānaggarasehi bhuñjitvā mahāsayane nisinno ‘‘corānaṃ hatthato muccitvā nibbhayaṭṭhānaṃ attano gehaṃ āgatomhī’’ti udānavasena imaṃ gāthamāha –
103.
103.
‘‘яад̇т̇а взрий нивисад̇и, на васз д̇ад̇т̇а бан̣д̣ид̇о;
‘‘Yattha verī nivisati, na vase tattha paṇḍito;
згарад̇д̇ам̣ д̣̇ирад̇д̇ам̣ ваа, д̣̇угкам̣ васад̇и взрисуу’’д̇и.
Ekarattaṃ dirattaṃ vā, dukkhaṃ vasati verisū’’ti.
д̇ад̇т̇а взрийд̇и взражзд̇анаасаман̇г̇ибуг̇г̇ало. нивисад̇ийд̇и бад̇идтаад̇и. на васз д̇ад̇т̇а бан̣д̣ид̇од̇и со взрийбуг̇г̇ало яасмим̣ таанз бад̇идтид̇о худ̇ваа васад̇и, д̇ад̇т̇а бан̣д̣ид̇о бан̣д̣ижжзна саманнааг̇ад̇о на васзяяа. гим̣гааран̣аа? згарад̇д̇ам̣ д̣̇ирад̇д̇ам̣ ваа, д̣̇угкам̣ васад̇и взрисууд̇и, взрийнан̃хи анд̇арз васанд̇о згаахамби д̣̇вийхамби д̣̇угкамзва васад̇ийд̇и ад̇т̇о.
Tattha verīti veracetanāsamaṅgipuggalo. Nivisatīti patiṭṭhāti. Na vase tattha paṇḍitoti so verīpuggalo yasmiṃ ṭhāne patiṭṭhito hutvā vasati, tattha paṇḍito paṇḍiccena samannāgato na vaseyya. Kiṃkāraṇā? Ekarattaṃ dirattaṃ vā, dukkhaṃ vasati verisūti, verīnañhi antare vasanto ekāhampi dvīhampi dukkhameva vasatīti attho.
звам̣ махаасад̇д̇о уд̣̇аанам̣ уд̣̇аанзд̇ваа д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о.
Evaṃ mahāsatto udānaṃ udānetvā dānādīni puññāni katvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа ахамзва б̣аараан̣асисздти ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā ahameva bārāṇasiseṭṭhi ahosi’’nti.
взриж̇аад̇агаван̣н̣анаа д̇ад̇ияаа.
Verijātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 103. взриж̇аад̇агам̣ • 103. Verijātakaṃ
