| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
13. г̇ахабад̇иваг̇г̇о
13. Gahapativaggo
1. взсаалийсуд̇д̇ам̣
1. Vesālīsuttaṃ
124. згам̣ самаяам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. ат̇а ко уг̇г̇о г̇ахабад̇и взсаалиго язна бхаг̇аваа д̇знубасан̇гами; убасан̇гамид̇ваа згаманд̇ам̣ нисийд̣̇и. згаманд̇ам̣ нисинно ко уг̇г̇о г̇ахабад̇и взсаалиго бхаг̇аванд̇ам̣ зд̇ад̣̇авожа – ‘‘го ну ко, бханд̇з, хзд̇у, го бажжаяо язна мид̇хзгажжз сад̇д̇аа д̣̇идтзва д̇хаммз но бариниб̣б̣ааяанд̇и? го бана, бханд̇з, хзд̇у, го бажжаяо язна мид̇хзгажжз сад̇д̇аа д̣̇идтзва д̇хаммз бариниб̣б̣ааяанд̇ий’’д̇и?
124. Ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Atha kho uggo gahapati vesāliko yena bhagavā tenupasaṅkami; upasaṅkamitvā ekamantaṃ nisīdi. Ekamantaṃ nisinno kho uggo gahapati vesāliko bhagavantaṃ etadavoca – ‘‘ko nu kho, bhante, hetu, ko paccayo yena midhekacce sattā diṭṭheva dhamme no parinibbāyanti? Ko pana, bhante, hetu, ko paccayo yena midhekacce sattā diṭṭheva dhamme parinibbāyantī’’ti?
‘‘санд̇и ко, г̇ахабад̇и, жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ан̃жз бхигку абхинанд̣̇ад̇и абхивад̣̇ад̇и аж̇жхосааяа д̇идтад̇и. д̇асса д̇ам̣ абхинанд̣̇ад̇о абхивад̣̇ад̇о аж̇жхосааяа д̇идтад̇о д̇анниссид̇ам̣ вин̃н̃аан̣ам̣ ход̇и д̇ад̣̇убаад̣̇аанам̣. саубаад̣̇аано, г̇ахабад̇и, бхигку но бариниб̣б̣ааяад̇и…бз… санд̇и ко, г̇ахабад̇и, ж̇ивхаавин̃н̃зяяаа расаа…бз… санд̇и ко, г̇ахабад̇и, мановин̃н̃зяяаа д̇хаммаа идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ан̃жз бхигку абхинанд̣̇ад̇и абхивад̣̇ад̇и аж̇жхосааяа д̇идтад̇и. д̇асса д̇ам̣ абхинанд̣̇ад̇о абхивад̣̇ад̇о аж̇жхосааяа д̇идтад̇о д̇анниссид̇ам̣ вин̃н̃аан̣ам̣ ход̇и д̇ад̣̇убаад̣̇аанам̣. саубаад̣̇аано, г̇ахабад̇и, бхигку но бариниб̣б̣ааяад̇и. аяам̣ ко, г̇ахабад̇и, хзд̇у, аяам̣ бажжаяо язна мид̇хзгажжз сад̇д̇аа д̣̇идтзва д̇хаммз но бариниб̣б̣ааяанд̇и.
‘‘Santi kho, gahapati, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu abhinandati abhivadati ajjhosāya tiṭṭhati. Tassa taṃ abhinandato abhivadato ajjhosāya tiṭṭhato tannissitaṃ viññāṇaṃ hoti tadupādānaṃ. Saupādāno, gahapati, bhikkhu no parinibbāyati…pe… santi kho, gahapati, jivhāviññeyyā rasā…pe… santi kho, gahapati, manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu abhinandati abhivadati ajjhosāya tiṭṭhati. Tassa taṃ abhinandato abhivadato ajjhosāya tiṭṭhato tannissitaṃ viññāṇaṃ hoti tadupādānaṃ. Saupādāno, gahapati, bhikkhu no parinibbāyati. Ayaṃ kho, gahapati, hetu, ayaṃ paccayo yena midhekacce sattā diṭṭheva dhamme no parinibbāyanti.
‘‘санд̇и жа ко, г̇ахабад̇и, жагкувин̃н̃зяяаа руубаа, идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ан̃жз бхигку наабхинанд̣̇ад̇и наабхивад̣̇ад̇и нааж̇жхосааяа д̇идтад̇и. д̇асса д̇ам̣ анабхинанд̣̇ад̇о анабхивад̣̇ад̇о анаж̇жхосааяа д̇идтад̇о на д̇анниссид̇ам̣ вин̃н̃аан̣ам̣ ход̇и, на д̇ад̣̇убаад̣̇аанам̣. анубаад̣̇аано, г̇ахабад̇и, бхигку бариниб̣б̣ааяад̇и…бз… санд̇и ко, г̇ахабад̇и, ж̇ивхаавин̃н̃зяяаа расаа…бз… санд̇и ко, г̇ахабад̇и, мановин̃н̃зяяаа д̇хаммаа идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ан̃жз бхигку наабхинанд̣̇ад̇и наабхивад̣̇ад̇и нааж̇жхосааяа д̇идтад̇и, д̇асса д̇ам̣ анабхинанд̣̇ад̇о анабхивад̣̇ад̇о анаж̇жхосааяа д̇идтад̇о. на д̇анниссид̇ам̣ вин̃н̃аан̣ам̣ ход̇и, на д̇ад̣̇убаад̣̇аанам̣. анубаад̣̇аано , г̇ахабад̇и, бхигку бариниб̣б̣ааяад̇и. аяам̣ ко, г̇ахабад̇и, хзд̇у аяам̣ бажжаяо язна мид̇хзгажжз сад̇д̇аа д̣̇идтзва д̇хаммз бариниб̣б̣ааяанд̇ий’’д̇и. батамам̣.
‘‘Santi ca kho, gahapati, cakkhuviññeyyā rūpā, iṭṭhā kantā manāpā piyarūpā kāmūpasaṃhitā rajanīyā. Tañce bhikkhu nābhinandati nābhivadati nājjhosāya tiṭṭhati. Tassa taṃ anabhinandato anabhivadato anajjhosāya tiṭṭhato na tannissitaṃ viññāṇaṃ hoti, na tadupādānaṃ. Anupādāno, gahapati, bhikkhu parinibbāyati…pe… santi kho, gahapati, jivhāviññeyyā rasā…pe… santi kho, gahapati, manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu nābhinandati nābhivadati nājjhosāya tiṭṭhati, tassa taṃ anabhinandato anabhivadato anajjhosāya tiṭṭhato. Na tannissitaṃ viññāṇaṃ hoti, na tadupādānaṃ. Anupādāno , gahapati, bhikkhu parinibbāyati. Ayaṃ kho, gahapati, hetu ayaṃ paccayo yena midhekacce sattā diṭṭheva dhamme parinibbāyantī’’ti. Paṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-3. взсаалийсуд̇д̇аад̣̇иван̣н̣анаа • 1-3. Vesālīsuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-3. взсаалийсуд̇д̇аад̣̇иван̣н̣анаа • 1-3. Vesālīsuttādivaṇṇanā
