| Library / Tipiṭaka / திபிடக • Tipiṭaka / நெத்திவிபா⁴வினீ • Nettivibhāvinī |
10. வேவசனஹாரஸம்பாதவிபா⁴வனா
10. Vevacanahārasampātavibhāvanā
72. யேன யேன பரிவத்தனஹாரஸம்பாதேன ஸுத்தப்பதே³ஸத்தா² பரிவத்தேதப்³பா³, ஸோ பரிவத்தனோ ஹாரஸம்பாதோதி பரிபுண்ணோ, ‘‘கதமோ வேவசனோ ஹாரஸம்பாதோ’’தி புச்சி²தப்³ப³த்தா ‘‘தத்த² கதமோ வேவசனோ ஹாரஸம்பாதோ’’திஆதி³ வுத்தங்.
72. Yena yena parivattanahārasampātena suttappadesatthā parivattetabbā, so parivattano hārasampātoti paripuṇṇo, ‘‘katamo vevacano hārasampāto’’ti pucchitabbattā ‘‘tattha katamo vevacano hārasampāto’’tiādi vuttaṃ.
‘‘கதமேஸங் ஸுத்தப்பதே³ஸத்தா²னங், ஸுத்தபதா³னங் வா கதமானி வேவசனானீ’’தி புச்சி²தப்³ப³த்தா ‘‘தஸ்மா’’திஆதி³ வுத்தங். யா ‘‘தஸ்மா…பே॰… கோ³சரோ’’தி கா³தா² வுத்தா, தாய கா³தா²ய ‘‘ரக்கி²தசித்தஸ்ஸா’’தி பதே³ன வுத்தஸ்ஸ சித்தஸ்ஸ, ‘‘ரக்கி²தசித்தஸ்ஸா’’தி எத்த² சித்தஸ்ஸ பத³ஸ்ஸ வா ‘‘சித்தங்…பே॰… விஜானிதத்த’’ந்தி யங் வசனங் வுத்தங், இத³ங் வசனங் வேவசனங், ‘‘மானஸங் ஹத³ய’’ந்திஆதி³வசனம்பி (த⁴॰ ஸ॰ 17, 63) சித்தஸ்ஸ வேவசனங். ‘‘ஸம்மாஸங்கப்பகோ³சரோ’’தி எத்த² ஸம்மாஸங்கப்பஸ்ஸ ‘‘நெக்க²ம்மஸங்கப்போ அப்³யாபாத³ஸங்கப்போ அவிஹிங்ஸாஸங்கப்போ’’தி யங் வசனங் வுத்தங், இத³ங் வசனங் வேவசனங், ‘‘தக்கோ விதக்கோ’’திஆதி³ (த⁴॰ ஸ॰ 7) வசனம்பி ஸம்மாஸங்கப்பஸ்ஸ வேவசனங். ‘‘ஸம்மாதி³ட்டி²புரெக்கா²ரோ’’தி எத்த² ஸம்மாதி³ட்டி²பத³ஸ்ஸ ‘‘ஸம்மாதி³ட்டி² நாம பஞ்ஞாஸத்த²ங் பஞ்ஞாக²க்³கோ³ பஞ்ஞாரதனங் பஞ்ஞாபதோதோ³ பஞ்ஞாபாஸாதோ³’’தி யங் வசனங் வுத்தங், இத³ங் வசனங் வேவசனங், ‘‘பஞ்ஞா பஜானநா விசயோ’’திஆதி³ (த⁴॰ ஸ॰ 16) வசனம்பி ஸம்மாதி³ட்டி²பத³ஸ்ஸ வேவசனங். ‘‘தி²னங் தி²யனா தி²யிதத்தங் சித்தஸ்ஸ, சித்தஸ்ஸ அகல்லதா அகம்மஞ்ஞதா ஓனாஹோ பரியோனாஹோ அந்தோஸங்கோசோ’’தி (த⁴॰ ஸ॰ 1162-1163) யங் வசனங் வுத்தங், இத³ங் வசனங் தி²னஸ்ஸ வேவசனங். ‘‘காயஸ்ஸ அகல்லதா அகம்மஞ்ஞதா காயாலஸியங் ஸொப்பங் ஸுபனா ஸுப்பிதத்த’’ந்தி (த⁴॰ ஸ॰ 1163) யங் வசனங் வுத்தங், இத³ங் வசனங் மித்³த⁴ஸ்ஸ வேவசனங். ‘‘பி⁴க்க²கோ பி⁴க்கூ²’’திஆதி³கங் (பாரா॰ 45; விப⁴॰ 510) யங் வசனங் வுத்தங், இத³ங் வசனங் பி⁴க்கு²பத³ஸ்ஸ வேவசனங். ‘‘து³க்³க³தி அபாயோ வினிபாதோ வட்டது³க்க²ங் ஸங்ஸாரோ’’திஆதி³கங் யங் வசனங் வுத்தங், இத³ங் வசனங் து³க்³க³திபத³ஸ்ஸ வேவசனங். இதி வேவசனானி நீஹரிதானி.
‘‘Katamesaṃ suttappadesatthānaṃ, suttapadānaṃ vā katamāni vevacanānī’’ti pucchitabbattā ‘‘tasmā’’tiādi vuttaṃ. Yā ‘‘tasmā…pe… gocaro’’ti gāthā vuttā, tāya gāthāya ‘‘rakkhitacittassā’’ti padena vuttassa cittassa, ‘‘rakkhitacittassā’’ti ettha cittassa padassa vā ‘‘cittaṃ…pe… vijānitatta’’nti yaṃ vacanaṃ vuttaṃ, idaṃ vacanaṃ vevacanaṃ, ‘‘mānasaṃ hadaya’’ntiādivacanampi (dha. sa. 17, 63) cittassa vevacanaṃ. ‘‘Sammāsaṅkappagocaro’’ti ettha sammāsaṅkappassa ‘‘nekkhammasaṅkappo abyāpādasaṅkappo avihiṃsāsaṅkappo’’ti yaṃ vacanaṃ vuttaṃ, idaṃ vacanaṃ vevacanaṃ, ‘‘takko vitakko’’tiādi (dha. sa. 7) vacanampi sammāsaṅkappassa vevacanaṃ. ‘‘Sammādiṭṭhipurekkhāro’’ti ettha sammādiṭṭhipadassa ‘‘sammādiṭṭhi nāma paññāsatthaṃ paññākhaggo paññāratanaṃ paññāpatodo paññāpāsādo’’ti yaṃ vacanaṃ vuttaṃ, idaṃ vacanaṃ vevacanaṃ, ‘‘paññā pajānanā vicayo’’tiādi (dha. sa. 16) vacanampi sammādiṭṭhipadassa vevacanaṃ. ‘‘Thinaṃ thiyanā thiyitattaṃ cittassa, cittassa akallatā akammaññatā onāho pariyonāho antosaṅkoco’’ti (dha. sa. 1162-1163) yaṃ vacanaṃ vuttaṃ, idaṃ vacanaṃ thinassa vevacanaṃ. ‘‘Kāyassa akallatā akammaññatā kāyālasiyaṃ soppaṃ supanā suppitatta’’nti (dha. sa. 1163) yaṃ vacanaṃ vuttaṃ, idaṃ vacanaṃ middhassa vevacanaṃ. ‘‘Bhikkhako bhikkhū’’tiādikaṃ (pārā. 45; vibha. 510) yaṃ vacanaṃ vuttaṃ, idaṃ vacanaṃ bhikkhupadassa vevacanaṃ. ‘‘Duggati apāyo vinipāto vaṭṭadukkhaṃ saṃsāro’’tiādikaṃ yaṃ vacanaṃ vuttaṃ, idaṃ vacanaṃ duggatipadassa vevacanaṃ. Iti vevacanāni nīharitāni.
‘‘எத்தகோவ வேவசனஹாரஸம்பாதோ பரிபுண்ணோ’’தி வத்தப்³ப³த்தா ‘‘நியுத்தோ வேவசனோ ஹாரஸம்பாதோ’’தி வுத்தங். யேன யேன ஸங்வண்ணனாவிஸேஸபூ⁴தேன வேவசனஹாரஸம்பாதேன வேவசனானி நீஹரிதானி, ஸோ ஸோ ஸங்வண்ணனாவிஸேஸபூ⁴தோ வேவசனஹாரஸம்பாதோ நியுத்தோ யதா²ஸம்ப⁴வங் நீஹரித்வா யுஜ்ஜிதப்³போ³தி அத்தோ² க³ஹிதோதி.
‘‘Ettakova vevacanahārasampāto paripuṇṇo’’ti vattabbattā ‘‘niyutto vevacano hārasampāto’’ti vuttaṃ. Yena yena saṃvaṇṇanāvisesabhūtena vevacanahārasampātena vevacanāni nīharitāni, so so saṃvaṇṇanāvisesabhūto vevacanahārasampāto niyutto yathāsambhavaṃ nīharitvā yujjitabboti attho gahitoti.
இதி வேவசனஹாரஸம்பாதே ஸத்திப³லானுரூபா ரசிதா
Iti vevacanahārasampāte sattibalānurūpā racitā
விபா⁴வனா நிட்டி²தா.
Vibhāvanā niṭṭhitā.
பண்டி³தேஹி பன…பே॰… க³ஹேதப்³போ³தி.
Paṇḍitehi pana…pe… gahetabboti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / நெத்திப்பகரணபாளி • Nettippakaraṇapāḷi / 10. வேவசனஹாரஸம்பாதோ • 10. Vevacanahārasampāto
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / நெத்திப்பகரண-அட்ட²கதா² • Nettippakaraṇa-aṭṭhakathā / 10. வேவசனஹாரஸம்பாதவண்ணனா • 10. Vevacanahārasampātavaṇṇanā
