| Library / Tipiṭaka / திபிடக • Tipiṭaka / நெத்திப்பகரண-அட்ட²கதா² • Nettippakaraṇa-aṭṭhakathā |
8. விப⁴த்திஹாரஸம்பாதவண்ணனா
8. Vibhattihārasampātavaṇṇanā
70. குஸலபக்கோ² குஸலபக்கே²ன நித்³தி³ஸிதப்³போ³தி ரக்கி²தசித்தஸ்ஸாதி ஸதிஸங்வரோ, ஸோ ச²ப்³பி³தோ⁴ த்³வாரவஸேன சக்கு²த்³வாரஸங்வரோ யாவ மனொத்³வாரஸங்வரோதி. ஸம்மாஸங்கப்போ திவிதோ⁴ – நெக்க²ம்மஸங்கப்போ, அப்³யாபாத³ஸங்கப்போ, அவிஹிங்ஸாஸங்கப்போதி. ஸம்மாதி³ட்டி² அட்ட²விதா⁴ து³க்கே² ஞாணங்…பே॰… இத³ப்பச்சயதாபடிச்சஸமுப்பன்னேஸு த⁴ம்மேஸு ஞாணந்தி. உத³யப்³ப³யஞாணங் பஞ்ஞாஸவித⁴ங் அவிஜ்ஜாஸமுத³யா ரூபஸமுத³யோ…பே॰… விபரிணாமலக்க²ணங் பஸ்ஸந்தோபி விஞ்ஞாணக்க²ந்த⁴ஸ்ஸ வயங் பஸ்ஸதி. தி²னமித்³தா⁴பி⁴ப⁴வனங் சதுப்³பி³த⁴ங் சதுமக்³க³வஸேன. தத்த² ஸதிஸங்வரோ லோகியலோகுத்தரவஸேன து³விதோ⁴. தேஸு லோகியோ காமாவசரோவ, லோகுத்தரோ த³ஸ்ஸனபா⁴வனாபே⁴த³தோ து³விதோ⁴. ஏகமேகோ செத்த² சதுஸதிபட்டா²னபே⁴த³தோ சதுப்³பி³தோ⁴. ஏஸ நயோ ஸம்மாஸங்கப்பாதீ³ஸுபி.
70.Kusalapakkhokusalapakkhena niddisitabboti rakkhitacittassāti satisaṃvaro, so chabbidho dvāravasena cakkhudvārasaṃvaro yāva manodvārasaṃvaroti. Sammāsaṅkappo tividho – nekkhammasaṅkappo, abyāpādasaṅkappo, avihiṃsāsaṅkappoti. Sammādiṭṭhi aṭṭhavidhā dukkhe ñāṇaṃ…pe… idappaccayatāpaṭiccasamuppannesu dhammesu ñāṇanti. Udayabbayañāṇaṃ paññāsavidhaṃ avijjāsamudayā rūpasamudayo…pe… vipariṇāmalakkhaṇaṃ passantopi viññāṇakkhandhassa vayaṃ passati. Thinamiddhābhibhavanaṃ catubbidhaṃ catumaggavasena. Tattha satisaṃvaro lokiyalokuttaravasena duvidho. Tesu lokiyo kāmāvacarova, lokuttaro dassanabhāvanābhedato duvidho. Ekameko cettha catusatipaṭṭhānabhedato catubbidho. Esa nayo sammāsaṅkappādīsupi.
அயங் பன விஸேஸோ – ஸம்மாஸங்கப்போ பட²மஜ்ஜா²னவஸேன ரூபாவசரோதிபி நீஹரிதப்³போ³. பத³ட்டா²னவிபா⁴கோ³ பத³ட்டா²னஹாரஸம்பாதே வுத்தனயேன வத்தப்³போ³ . அகுஸலபக்கே² அஸங்வரோ சக்கு²அஸங்வரோ…பே॰… காயஅஸங்வரோ, சோபனகாயஅஸங்வரோ, வாசாஅஸங்வரோ, மனோஅஸங்வரோதி அட்ட²விதோ⁴. மிச்சா²ஸங்கப்போ காமவிதக்காதி³வஸேன திவிதோ⁴. அஞ்ஞாணங் ‘‘து³க்கே² அஞ்ஞாண’’ந்திஆதி³னா அட்ட²விதா⁴ விப⁴த்தங். ஸம்மாதி³ட்டி²படிபக்க²தோ மிச்சா²தி³ட்டி² த்³வாஸட்டி²விதே⁴ன வேதி³தப்³பா³. தி²னமித்³த⁴ங் உப்பத்திபூ⁴மிதோ பஞ்சவித⁴ந்தி ஏவங் அகுஸலபக்கே² விப⁴த்தி வேதி³தப்³பா³.
Ayaṃ pana viseso – sammāsaṅkappo paṭhamajjhānavasena rūpāvacarotipi nīharitabbo. Padaṭṭhānavibhāgo padaṭṭhānahārasampāte vuttanayena vattabbo . Akusalapakkhe asaṃvaro cakkhuasaṃvaro…pe… kāyaasaṃvaro, copanakāyaasaṃvaro, vācāasaṃvaro, manoasaṃvaroti aṭṭhavidho. Micchāsaṅkappo kāmavitakkādivasena tividho. Aññāṇaṃ ‘‘dukkhe aññāṇa’’ntiādinā aṭṭhavidhā vibhattaṃ. Sammādiṭṭhipaṭipakkhato micchādiṭṭhi dvāsaṭṭhividhena veditabbā. Thinamiddhaṃ uppattibhūmito pañcavidhanti evaṃ akusalapakkhe vibhatti veditabbā.
விப⁴த்திஹாரஸம்பாதவண்ணனா நிட்டி²தா.
Vibhattihārasampātavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / நெத்திப்பகரணபாளி • Nettippakaraṇapāḷi / 8. விப⁴த்திஹாரஸம்பாதோ • 8. Vibhattihārasampāto
டீகா • Tīkā / ஸுத்தபிடக (டீகா) • Suttapiṭaka (ṭīkā) / கு²த்³த³கனிகாய (டீகா) • Khuddakanikāya (ṭīkā) / நெத்திவிபா⁴வினீ • Nettivibhāvinī / 8. விப⁴த்திஹாரஸம்பாதவிபா⁴வனா • 8. Vibhattihārasampātavibhāvanā
