| Library / Tipiṭaka / ਤਿਪਿਟਕ • Tipiṭaka / ਨੇਤ੍ਤਿਪ੍ਪਕਰਣ-ਅਟ੍ਠਕਥਾ • Nettippakaraṇa-aṭṭhakathā |
੮. વਿਭਤ੍ਤਿਹਾਰਸਮ੍ਪਾਤવਣ੍ਣਨਾ
8. Vibhattihārasampātavaṇṇanā
੭੦. ਕੁਸਲਪਕ੍ਖੋ ਕੁਸਲਪਕ੍ਖੇਨ ਨਿਦ੍ਦਿਸਿਤਬ੍ਬੋਤਿ ਰਕ੍ਖਿਤਚਿਤ੍ਤਸ੍ਸਾਤਿ ਸਤਿਸਂવਰੋ, ਸੋ ਛਬ੍ਬਿਧੋ ਦ੍વਾਰવਸੇਨ ਚਕ੍ਖੁਦ੍વਾਰਸਂવਰੋ ਯਾવ ਮਨੋਦ੍વਾਰਸਂવਰੋਤਿ। ਸਮ੍ਮਾਸਙ੍ਕਪ੍ਪੋ ਤਿવਿਧੋ – ਨੇਕ੍ਖਮ੍ਮਸਙ੍ਕਪ੍ਪੋ, ਅਬ੍ਯਾਪਾਦਸਙ੍ਕਪ੍ਪੋ, ਅવਿਹਿਂਸਾਸਙ੍ਕਪ੍ਪੋਤਿ। ਸਮ੍ਮਾਦਿਟ੍ਠਿ ਅਟ੍ਠવਿਧਾ ਦੁਕ੍ਖੇ ਞਾਣਂ…ਪੇ॰… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਞਾਣਨ੍ਤਿ। ਉਦਯਬ੍ਬਯਞਾਣਂ ਪਞ੍ਞਾਸવਿਧਂ ਅવਿਜ੍ਜਾਸਮੁਦਯਾ ਰੂਪਸਮੁਦਯੋ…ਪੇ॰… વਿਪਰਿਣਾਮਲਕ੍ਖਣਂ ਪਸ੍ਸਨ੍ਤੋਪਿ વਿਞ੍ਞਾਣਕ੍ਖਨ੍ਧਸ੍ਸ વਯਂ ਪਸ੍ਸਤਿ। ਥਿਨਮਿਦ੍ਧਾਭਿਭવਨਂ ਚਤੁਬ੍ਬਿਧਂ ਚਤੁਮਗ੍ਗવਸੇਨ। ਤਤ੍ਥ ਸਤਿਸਂવਰੋ ਲੋਕਿਯਲੋਕੁਤ੍ਤਰવਸੇਨ ਦੁવਿਧੋ। ਤੇਸੁ ਲੋਕਿਯੋ ਕਾਮਾવਚਰੋવ, ਲੋਕੁਤ੍ਤਰੋ ਦਸ੍ਸਨਭਾવਨਾਭੇਦਤੋ ਦੁવਿਧੋ। ਏਕਮੇਕੋ ਚੇਤ੍ਥ ਚਤੁਸਤਿਪਟ੍ਠਾਨਭੇਦਤੋ ਚਤੁਬ੍ਬਿਧੋ। ਏਸ ਨਯੋ ਸਮ੍ਮਾਸਙ੍ਕਪ੍ਪਾਦੀਸੁਪਿ।
70.Kusalapakkhokusalapakkhena niddisitabboti rakkhitacittassāti satisaṃvaro, so chabbidho dvāravasena cakkhudvārasaṃvaro yāva manodvārasaṃvaroti. Sammāsaṅkappo tividho – nekkhammasaṅkappo, abyāpādasaṅkappo, avihiṃsāsaṅkappoti. Sammādiṭṭhi aṭṭhavidhā dukkhe ñāṇaṃ…pe… idappaccayatāpaṭiccasamuppannesu dhammesu ñāṇanti. Udayabbayañāṇaṃ paññāsavidhaṃ avijjāsamudayā rūpasamudayo…pe… vipariṇāmalakkhaṇaṃ passantopi viññāṇakkhandhassa vayaṃ passati. Thinamiddhābhibhavanaṃ catubbidhaṃ catumaggavasena. Tattha satisaṃvaro lokiyalokuttaravasena duvidho. Tesu lokiyo kāmāvacarova, lokuttaro dassanabhāvanābhedato duvidho. Ekameko cettha catusatipaṭṭhānabhedato catubbidho. Esa nayo sammāsaṅkappādīsupi.
ਅਯਂ ਪਨ વਿਸੇਸੋ – ਸਮ੍ਮਾਸਙ੍ਕਪ੍ਪੋ ਪਠਮਜ੍ਝਾਨવਸੇਨ ਰੂਪਾવਚਰੋਤਿਪਿ ਨੀਹਰਿਤਬ੍ਬੋ। ਪਦਟ੍ਠਾਨવਿਭਾਗੋ ਪਦਟ੍ਠਾਨਹਾਰਸਮ੍ਪਾਤੇ વੁਤ੍ਤਨਯੇਨ વਤ੍ਤਬ੍ਬੋ । ਅਕੁਸਲਪਕ੍ਖੇ ਅਸਂવਰੋ ਚਕ੍ਖੁਅਸਂવਰੋ…ਪੇ॰… ਕਾਯਅਸਂવਰੋ, ਚੋਪਨਕਾਯਅਸਂવਰੋ, વਾਚਾਅਸਂવਰੋ, ਮਨੋਅਸਂવਰੋਤਿ ਅਟ੍ਠવਿਧੋ। ਮਿਚ੍ਛਾਸਙ੍ਕਪ੍ਪੋ ਕਾਮવਿਤਕ੍ਕਾਦਿવਸੇਨ ਤਿવਿਧੋ। ਅਞ੍ਞਾਣਂ ‘‘ਦੁਕ੍ਖੇ ਅਞ੍ਞਾਣ’’ਨ੍ਤਿਆਦਿਨਾ ਅਟ੍ਠવਿਧਾ વਿਭਤ੍ਤਂ। ਸਮ੍ਮਾਦਿਟ੍ਠਿਪਟਿਪਕ੍ਖਤੋ ਮਿਚ੍ਛਾਦਿਟ੍ਠਿ ਦ੍વਾਸਟ੍ਠਿવਿਧੇਨ વੇਦਿਤਬ੍ਬਾ। ਥਿਨਮਿਦ੍ਧਂ ਉਪ੍ਪਤ੍ਤਿਭੂਮਿਤੋ ਪਞ੍ਚવਿਧਨ੍ਤਿ ਏવਂ ਅਕੁਸਲਪਕ੍ਖੇ વਿਭਤ੍ਤਿ વੇਦਿਤਬ੍ਬਾ।
Ayaṃ pana viseso – sammāsaṅkappo paṭhamajjhānavasena rūpāvacarotipi nīharitabbo. Padaṭṭhānavibhāgo padaṭṭhānahārasampāte vuttanayena vattabbo . Akusalapakkhe asaṃvaro cakkhuasaṃvaro…pe… kāyaasaṃvaro, copanakāyaasaṃvaro, vācāasaṃvaro, manoasaṃvaroti aṭṭhavidho. Micchāsaṅkappo kāmavitakkādivasena tividho. Aññāṇaṃ ‘‘dukkhe aññāṇa’’ntiādinā aṭṭhavidhā vibhattaṃ. Sammādiṭṭhipaṭipakkhato micchādiṭṭhi dvāsaṭṭhividhena veditabbā. Thinamiddhaṃ uppattibhūmito pañcavidhanti evaṃ akusalapakkhe vibhatti veditabbā.
વਿਭਤ੍ਤਿਹਾਰਸਮ੍ਪਾਤવਣ੍ਣਨਾ ਨਿਟ੍ਠਿਤਾ।
Vibhattihārasampātavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਨੇਤ੍ਤਿਪ੍ਪਕਰਣਪਾਲ਼ਿ • Nettippakaraṇapāḷi / ੮. વਿਭਤ੍ਤਿਹਾਰਸਮ੍ਪਾਤੋ • 8. Vibhattihārasampāto
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਖੁਦ੍ਦਕਨਿਕਾਯ (ਟੀਕਾ) • Khuddakanikāya (ṭīkā) / ਨੇਤ੍ਤਿવਿਭਾવਿਨੀ • Nettivibhāvinī / ੮. વਿਭਤ੍ਤਿਹਾਰਸਮ੍ਪਾਤવਿਭਾવਨਾ • 8. Vibhattihārasampātavibhāvanā
