| Library / Tipiṭaka / д̇ибидага • Tipiṭaka / нзд̇д̇иббагаран̣а-дийгаа • Nettippakaraṇa-ṭīkā |
8. вибхад̇д̇ихааравибхан̇г̇аван̣н̣анаа
8. Vibhattihāravibhaṅgavaṇṇanā
33. д̇хаммзсууд̇и бун̃н̃аад̣̇ид̣̇аанаад̣̇ибхзд̣̇абхиннзсу сабхаавад̇хаммзсу. д̇ад̇т̇а лаб̣бхамаанод̇и д̇зсу яат̇аавуд̇д̇зсу д̇хаммзсу лаб̣бхамаано. бхуумивибхааг̇од̇и гаамааважараад̣̇ид̣̇ассанаад̣̇ибхуумиббабхзд̣̇о. бад̣̇адтаанавибхааг̇од̇и д̇з бун̃н̃аад̣̇ид̇хаммаа язсам̣ бад̣̇адтаанам̣, д̇зсам̣ ваа яз д̇хаммаа бад̣̇адтаанам̣, д̇аб̣б̣ибхааг̇о. язсам̣ суд̇д̇аананд̇и муулабад̣̇адтаанабхууд̇аанам̣ сам̣гилзсабхааг̇ияаад̣̇ийнам̣ жад̇уннам̣ суд̇д̇аанам̣ васзна. асан̇гарававад̇т̇аанзна хи зд̇зсу суд̇д̇зсу саад̇исаяам̣ д̇хаммаа вибхад̇д̇аа наама хонд̇и. д̇знааха ‘‘висзсад̇о’’д̇и. яад̣̇и звам̣ гасмаа ваасанаабхааг̇ияаниб̣б̣зд̇хабхааг̇ияасуд̇д̇аани звзд̇т̇а г̇ахид̇аанийд̇и? наяид̣̇амзвам̣ нигкаманабарияосаанабхаавзна ид̇арзсамби г̇ахид̇ад̇д̇аа. яад̇о хи ниссадаа ваасанаабхааг̇ияаа д̇хаммаа, д̇з сам̣гилзсабхааг̇ияаа. яам̣барияосаанаа ниб̣б̣зд̇хабхааг̇ияаа д̇хаммаа, д̇з асзгкабхааг̇ияаад̇и д̣̇ваяаг̇г̇ахан̣знзва ид̇арамби д̣̇ваяам̣ г̇ахид̇амзва ход̇и. д̇знааха ‘‘имзсам̣ жад̇уннам̣ суд̇д̇аанам̣ д̣̇зсанааяаа’’д̇и. имаани жад̇д̇аари суд̇д̇аанийд̇и баал̣ияаа, вагкамаанааяа д̣̇зсанааяа ваа ид̇арад̣̇ваяасан̇г̇ахо д̣̇адтаб̣б̣о, на бадигкзбо.
33.Dhammesūti puññādidānādibhedabhinnesu sabhāvadhammesu. Tattha labbhamānoti tesu yathāvuttesu dhammesu labbhamāno. Bhūmivibhāgoti kāmāvacarādidassanādibhūmippabhedo. Padaṭṭhānavibhāgoti te puññādidhammā yesaṃ padaṭṭhānaṃ, tesaṃ vā ye dhammā padaṭṭhānaṃ, tabbibhāgo. Yesaṃ suttānanti mūlapadaṭṭhānabhūtānaṃ saṃkilesabhāgiyādīnaṃ catunnaṃ suttānaṃ vasena. Asaṅkaravavatthānena hi etesu suttesu sātisayaṃ dhammā vibhattā nāma honti. Tenāha ‘‘visesato’’ti. Yadi evaṃ kasmā vāsanābhāgiyanibbedhabhāgiyasuttāni evettha gahitānīti? Nayidamevaṃ nikkhamanapariyosānabhāvena itaresampi gahitattā. Yato hi nissaṭā vāsanābhāgiyā dhammā, te saṃkilesabhāgiyā. Yaṃpariyosānā nibbedhabhāgiyā dhammā, te asekkhabhāgiyāti dvayaggahaṇeneva itarampi dvayaṃ gahitameva hoti. Tenāha ‘‘imesaṃ catunnaṃ suttānaṃ desanāyā’’ti. Imāni cattāri suttānīti pāḷiyā, vakkhamānāya desanāya vā itaradvayasaṅgaho daṭṭhabbo, na paṭikkhepo.
д̇знзваад̇и нияамасса агад̇ад̇д̇аа, д̇ад̇о жа д̇зна д̇анниссид̇зна жа б̣рахмажаарий бхавад̇ийд̇и сид̣̇д̇хам̣ ход̇и. зва-сад̣̇д̣̇о ваа самужжаяад̇т̇о д̣̇адтаб̣б̣о. сияаа д̇асса бадигкзбод̇и д̇асса адтасамаабад̇д̇иб̣рахмажарияасса сияаа бадигкзбо. звам̣ сад̇и саавасзсаа д̣̇зсанаа сияаа.
Tenevāti niyamassa akatattā, tato ca tena tannissitena ca brahmacārī bhavatīti siddhaṃ hoti. Eva-saddo vā samuccayattho daṭṭhabbo. Siyā tassa paṭikkhepoti tassa aṭṭhasamāpattibrahmacariyassa siyā paṭikkhepo. Evaṃ sati sāvasesā desanā siyā.
д̇ад̣̇ан̇г̇аад̣̇иббахаанад̣̇ваяам̣ бад̣̇адтаанабхууд̇ам̣ ид̇ха г̇ан̣ануубаг̇ам̣ на ход̇ийд̇и ‘‘самужчзд̣̇абадиббассад̣̇д̇хиббахаанаанам̣ васзнаа’’д̇и вуд̇д̇ам̣. д̇ат̇аа хзд̇т̇а гзжи ‘‘д̇знзваа’’д̇и батанд̇и. ‘‘д̇знзва б̣рахмажариязнаад̇и батанд̇ий’’д̇и ид̣̇ам̣ ‘‘сам̣варасийлз тид̇о’’д̇и (нзд̇д̇и. 33) зд̇т̇а вуд̇д̇ам̣ баал̣ивигаббам̣ санд̇хааяа вад̣̇ад̇и. ‘‘яасмаа…бз… вагкад̇ий’’д̇и ид̣̇ам̣ бажчимабаатассзва яуд̇д̇ад̇ааяа гааран̣аважанам̣.
Tadaṅgādippahānadvayaṃ padaṭṭhānabhūtaṃ idha gaṇanūpagaṃ na hotīti ‘‘samucchedapaṭippassaddhippahānānaṃ vasenā’’ti vuttaṃ. Tathā hettha keci ‘‘tenevā’’ti paṭhanti. ‘‘Teneva brahmacariyenāti paṭhantī’’ti idaṃ ‘‘saṃvarasīle ṭhito’’ti (netti. 33) ettha vuttaṃ pāḷivikappaṃ sandhāya vadati. ‘‘Yasmā…pe… vakkhatī’’ti idaṃ pacchimapāṭhasseva yuttatāya kāraṇavacanaṃ.
гат̇ам̣ манд̇аад̇и? аниб̣б̣зд̇хасабхаавад̇д̇аа махаг̇г̇ад̇абун̃н̃аанам̣ на ниб̣б̣зд̇хабхааг̇ияасуд̇д̇зна сан̇г̇ахо, ваасанаабхааг̇ияад̇д̇аа бана ваасанаабхааг̇ияасуд̇д̇знзва сан̇г̇аход̇и. д̇ад̣̇убасан̇г̇аа хи бажчимо зва баато яуд̇д̇ад̇аро. ид̇арат̇аа саавасзсаа д̣̇зсанаа бхавзяяа. д̇знааха ‘‘на хи…бз… д̣̇зсзд̇ий’’д̇и.
Kathaṃ mantāti? Anibbedhasabhāvattā mahaggatapuññānaṃ na nibbedhabhāgiyasuttena saṅgaho, vāsanābhāgiyattā pana vāsanābhāgiyasutteneva saṅgahoti. Tadupasaṅgā hi pacchimo eva pāṭho yuttataro. Itarathā sāvasesā desanā bhaveyya. Tenāha ‘‘na hi…pe… desetī’’ti.
сам̣гилзсабхааг̇ияаасзгкабхааг̇ияаанам̣ барад̇о вагкамаанад̇д̇аа вуд̇д̇ам̣ ‘‘вагкамаанаанам̣…бз… васзнаа’’д̇и. ‘‘саб̣б̣ад̇о’’д̇и ид̣̇ам̣ буб̣б̣абараабзгкам̣. д̇асса бараабзгкад̇ааяа ‘‘саб̣б̣ад̇обхааг̇зна згаад̣̇асасу таанзсу багкибид̇ваа’’д̇и адтагат̇ааяам̣ яож̇ид̇ам̣. д̇ад̇т̇а бад̣̇аад̣̇игз вижаяахаарабад̣̇ад̇т̇з санд̇хааяа ‘‘згаад̣̇асасу таанзсуу’’д̇и вуд̇д̇ам̣. буб̣б̣абзгкад̇ааяа бана ‘‘саб̣б̣ад̇обхааг̇зна д̣̇зсанааяа палзнаа’’д̇иаад̣̇инаа яож̇зд̇аб̣б̣ам̣.
Saṃkilesabhāgiyaasekkhabhāgiyānaṃ parato vakkhamānattā vuttaṃ ‘‘vakkhamānānaṃ…pe… vasenā’’ti. ‘‘Sabbato’’ti idaṃ pubbaparāpekkhaṃ. Tassa parāpekkhatāya ‘‘sabbatobhāgena ekādasasu ṭhānesu pakkhipitvā’’ti aṭṭhakathāyaṃ yojitaṃ. Tattha padādike vicayahārapadatthe sandhāya ‘‘ekādasasu ṭhānesū’’ti vuttaṃ. Pubbapekkhatāya pana ‘‘sabbatobhāgena desanāya phalenā’’tiādinā yojetabbaṃ.
сам̣гилзсабхааг̇ияаанам̣ д̇ан̣хаасам̣гилзсаад̣̇инаа д̣̇зсанаанаяо взд̣̇ид̇аб̣б̣о. палам̣ абааяад̣̇угкзна мануссзсу д̣̇обхаг̇г̇иязна. асзгкабхааг̇ияаанам̣ асзгкзхи сийлагканд̇хаад̣̇ийхи д̣̇зсанаанаяо. палам̣ аг̇г̇апалзна жа анубаад̣̇исзсааяа жа ниб̣б̣аанад̇хаад̇уяаа взд̣̇ид̇аб̣б̣ам̣. ид̇арзсам̣ баал̣ияам̣ вуд̇д̇амзва. гаамарааг̇аб̣яаабаад̣̇ауд̣̇д̇хамбхааг̇ияасам̣яож̇анаг̇г̇ахан̣зна сам̣гилзсабхааг̇ияаанам̣, вирааг̇аг̇г̇ахан̣зна асзгкаг̇г̇ахан̣знзва жа асзгкабхааг̇ияаанам̣ вагкамаанад̇д̇аа вуд̇д̇ам̣ ‘‘вагкамаанаанам̣…бз… васзнаа’’д̇и. бад̣̇абад̣̇ад̇т̇авижаараяуд̇д̇инид̣̇д̇хааран̣амукзна д̇хаммавибхад̇д̇иаад̣̇ивижааро гаад̇аб̣б̣од̇и д̣̇ассзд̇ум̣ баал̣ияам̣ ‘‘вижаязна…бз… д̇аб̣б̣ааний’’д̇и вуд̇д̇анд̇и адтагат̇ааяам̣ ‘‘вижаязна…бз… д̣̇ассзд̇ий’’д̇и вуд̇д̇ам̣.
Saṃkilesabhāgiyānaṃ taṇhāsaṃkilesādinā desanānayo veditabbo. Phalaṃ apāyadukkhena manussesu dobhaggiyena. Asekkhabhāgiyānaṃ asekkhehi sīlakkhandhādīhi desanānayo. Phalaṃ aggaphalena ca anupādisesāya ca nibbānadhātuyā veditabbaṃ. Itaresaṃ pāḷiyaṃ vuttameva. Kāmarāgabyāpādauddhambhāgiyasaṃyojanaggahaṇena saṃkilesabhāgiyānaṃ, virāgaggahaṇena asekkhaggahaṇeneva ca asekkhabhāgiyānaṃ vakkhamānattā vuttaṃ ‘‘vakkhamānānaṃ…pe… vasenā’’ti. Padapadatthavicārayuttiniddhāraṇamukhena dhammavibhattiādivicāro kātabboti dassetuṃ pāḷiyaṃ ‘‘vicayena…pe… tabbānī’’ti vuttanti aṭṭhakathāyaṃ ‘‘vicayena…pe… dassetī’’ti vuttaṃ.
34. званд̇и ид̇и. д̇хаммзд̇и вуд̇д̇асабхааг̇ад̇хаммз. саад̇хааран̣аасаад̇хааран̣абхаавзхийд̇и сааман̃н̃ависзсзна висидтзхи. д̣̇вз д̇хаммаа саад̇хааран̣аад̇и д̣̇вз имз д̇хаммаа язхи сабхааг̇ад̇хаммаа саад̇хааран̣аа наама хонд̇и. гад̇амз д̣̇вз? наамам̣, вад̇т̇у жа. д̇ад̇т̇а наамам̣ наамабан̃н̃ад̇д̇и, д̇ам̣мукзнзва сад̣̇д̣̇ад̇о д̇ад̣̇ад̇т̇ааваг̇амо. сад̣̇д̣̇зна жа сааман̃н̃аруубзнзва д̇ат̇ааруубасса ад̇т̇асса г̇ахан̣ам̣, на висзсаруубзна, д̇асмаа сад̣̇д̣̇аважанийяаа ад̇т̇аа саад̇хааран̣аруубанаамааяад̇д̇аг̇ахан̣ийяад̇ааяа наамасаад̇хааран̣аа вуд̇д̇аа. вад̇т̇ууд̇и бавад̇д̇идтаанам̣. яад̇т̇а хи яз д̇хаммаа бавад̇д̇анд̇и, д̇зсам̣ саб̣б̣зсам̣ д̇з д̇хаммаа саад̇хааран̣аад̇и бавад̇д̇идтаанасан̇каад̇аанам̣ вад̇т̇уунам̣ саад̇хааран̣аа. яасмаа банид̣̇ам̣ д̣̇ваяам̣ д̇зсам̣ д̇хаммаанам̣ саад̇хааран̣абхаавз багад̇ибхууд̇ам̣ сабхаавабхууд̇ам̣, д̇асмаа вуд̇д̇ам̣ ‘‘д̣̇вз д̇хаммаад̇и д̣̇увз багад̇ияо’’д̇и. згасанд̇ад̇ибад̇ид̇ад̇ааяаад̇и самаанасанд̇ад̇ибавад̇д̇ияаа. д̇знааха ‘‘самаанавад̇т̇угаа’’д̇и. д̣̇ассанабахаад̇аб̣б̣аанан̃хи яат̇аа мижчад̇д̇анияад̇асад̇д̇аа бавад̇д̇идтаанам̣, звам̣ анияад̇аабийд̇и убхаяз хи д̇з самаанавад̇т̇угаа. зса наяо ид̇арзсуби. саггааяад̣̇идтивижигижчаасийлаб̣б̣ад̇абараамаасаа хи бхиннасабхааваабзд̇з д̇хаммаа д̣̇ассанзна бахаад̇аб̣б̣ад̇ам̣ наад̇ивад̇д̇анд̇ийд̇и д̇з наамасааман̃н̃ад̇ам̣ бад̇д̇аа, руубарааг̇аад̣̇аяо жа бхааванааяа бахаад̇аб̣б̣ад̇анд̇и ааха ‘‘бахаанзгадтаа наамасаад̇хааран̣аа’’д̇и. яат̇аа бана ‘‘вад̇т̇уунам̣ саад̇хааран̣аа вад̇т̇усаад̇хааран̣аа’’д̇и аяамад̇т̇о лаб̣бхад̇и, звам̣ ‘‘вад̇т̇унаа саад̇хааран̣аа вад̇т̇усаад̇хааран̣аа’’д̇и аяамби ад̇т̇о лаб̣бхад̇ийд̇и д̣̇ассзнд̇о ‘‘сахаж̇згадтаа вад̇т̇усаад̇хааран̣аа’’д̇и ааха. д̇з хи ан̃н̃аман̃н̃ам̣ пусанаад̣̇исабхаавад̇о бхиннааби яасмим̣ бавад̇д̇анд̇и, д̇зна вад̇т̇унаа саад̇хааран̣аа наама хонд̇и. зд̇т̇а жа лаб̣бхамаанамби гусалаад̣̇инаамасаад̇хааран̣ам̣ анаамасид̇ваа вад̇т̇усаад̇хааран̣аа д̇аава яож̇ид̇аад̇и взд̣̇ид̇аб̣б̣аа. бадибагкаад̣̇ийхийд̇и аад̣̇исад̣̇д̣̇зна самаанапалад̇аасахаб̣яад̇аад̣̇игз сан̇г̇ан̣хаад̇и. сзсабад̣̇зсууд̇и ‘‘бут̇уж̇ж̇анассаа’’д̇иаад̣̇иваагязсу. гат̇ам̣? д̇ад̇т̇а хи бут̇уж̇ж̇анасса, сод̇аабаннасса жа самбхавад̇о анааг̇аамино, арахад̇о жа асамбхавад̇од̇иаад̣̇инаа яож̇зд̇аб̣б̣ам̣.
34.Evanti iti. Dhammeti vuttasabhāgadhamme. Sādhāraṇāsādhāraṇabhāvehīti sāmaññavisesena visiṭṭhehi. Dve dhammā sādhāraṇāti dve ime dhammā yehi sabhāgadhammā sādhāraṇā nāma honti. Katame dve? Nāmaṃ, vatthu ca. Tattha nāmaṃ nāmapaññatti, taṃmukheneva saddato tadatthāvagamo. Saddena ca sāmaññarūpeneva tathārūpassa atthassa gahaṇaṃ, na visesarūpena, tasmā saddavacanīyā atthā sādhāraṇarūpanāmāyattagahaṇīyatāya nāmasādhāraṇā vuttā. Vatthūti pavattiṭṭhānaṃ. Yattha hi ye dhammā pavattanti, tesaṃ sabbesaṃ te dhammā sādhāraṇāti pavattiṭṭhānasaṅkhātānaṃ vatthūnaṃ sādhāraṇā. Yasmā panidaṃ dvayaṃ tesaṃ dhammānaṃ sādhāraṇabhāve pakatibhūtaṃ sabhāvabhūtaṃ, tasmā vuttaṃ ‘‘dve dhammāti duve pakatiyo’’ti. Ekasantatipatitatāyāti samānasantatipavattiyā. Tenāha ‘‘samānavatthukā’’ti. Dassanapahātabbānañhi yathā micchattaniyatasattā pavattiṭṭhānaṃ, evaṃ aniyatāpīti ubhaye hi te samānavatthukā. Esa nayo itaresupi. Sakkāyadiṭṭhivicikicchāsīlabbataparāmāsā hi bhinnasabhāvāpete dhammā dassanena pahātabbataṃ nātivattantīti te nāmasāmaññataṃ pattā, rūparāgādayo ca bhāvanāya pahātabbatanti āha ‘‘pahānekaṭṭhā nāmasādhāraṇā’’ti. Yathā pana ‘‘vatthūnaṃ sādhāraṇā vatthusādhāraṇā’’ti ayamattho labbhati, evaṃ ‘‘vatthunā sādhāraṇā vatthusādhāraṇā’’ti ayampi attho labbhatīti dassento ‘‘sahajekaṭṭhā vatthusādhāraṇā’’ti āha. Te hi aññamaññaṃ phusanādisabhāvato bhinnāpi yasmiṃ pavattanti, tena vatthunā sādhāraṇā nāma honti. Ettha ca labbhamānampi kusalādināmasādhāraṇaṃ anāmasitvā vatthusādhāraṇā tāva yojitāti veditabbā. Paṭipakkhādīhīti ādisaddena samānaphalatāsahabyatādike saṅgaṇhāti. Sesapadesūti ‘‘puthujjanassā’’tiādivākyesu. Kathaṃ? Tattha hi puthujjanassa, sotāpannassa ca sambhavato anāgāmino, arahato ca asambhavatotiādinā yojetabbaṃ.
гат̇ам̣ д̇з од̇хисо г̇ахид̇аад̇и гзнаагаарзна д̇з ‘‘саад̇хааран̣аа’’д̇и вуд̇д̇ад̇хаммаа бхааг̇асо г̇ахид̇аа. ‘‘амугасса, амугасса жаа’’д̇и аяан̃хзд̇т̇а ад̇т̇о. сааман̃н̃абхууд̇аа д̇хаммаа саад̇хааран̣аа наама, звам̣ санд̇з гат̇ам̣ д̇зсам̣ мижчад̇д̇анияад̇аанияад̇аад̣̇ивасзна вибхааг̇зна бавад̇д̇идтаанад̇аа вужжад̇и, на вад̇д̇аб̣б̣анд̇и ад̇хиббааяо. ат̇а вибхааг̇зна д̇ам̣ вад̇д̇аб̣б̣ам̣, нану д̇з саад̇хааран̣аад̇и на вад̇д̇аб̣б̣амзваад̇и? звам̣ саад̇хааран̣аад̇и мижчад̇д̇анияад̇аанам̣, анияад̇аананд̇и имзсам̣ убхаязсам̣язва д̇з д̇хаммаа саад̇хааран̣аа. д̇знааха – ‘‘на саб̣б̣асад̇д̇аанам̣ саад̇хааран̣ад̇ааяа саад̇хааран̣аа’’д̇и. ‘‘яасмаа’’д̇иаад̣̇инаа д̇ад̇т̇а гааран̣амааха, д̇знзд̇ам̣ д̣̇ассзд̇и ‘‘гзжи д̇хаммаа гзсан̃жид̣̇зва д̇хаммаанам̣ саад̇хааран̣аа хонд̇и, ан̃н̃зсам̣ асаад̇хааран̣аа’’д̇и. д̇знааха ‘‘бадинияад̇ан̃хи д̇зсам̣ бавад̇д̇идтаана’’нд̇и.
Kathaṃ te odhiso gahitāti kenākārena te ‘‘sādhāraṇā’’ti vuttadhammā bhāgaso gahitā. ‘‘Amukassa, amukassa cā’’ti ayañhettha attho. Sāmaññabhūtā dhammā sādhāraṇā nāma, evaṃ sante kathaṃ tesaṃ micchattaniyatāniyatādivasena vibhāgena pavattiṭṭhānatā vuccati, na vattabbanti adhippāyo. Atha vibhāgena taṃ vattabbaṃ, nanu te sādhāraṇāti na vattabbamevāti? Evaṃ sādhāraṇāti micchattaniyatānaṃ, aniyatānanti imesaṃ ubhayesaṃyeva te dhammā sādhāraṇā. Tenāha – ‘‘na sabbasattānaṃ sādhāraṇatāya sādhāraṇā’’ti. ‘‘Yasmā’’tiādinā tattha kāraṇamāha, tenetaṃ dasseti ‘‘keci dhammā kesañcideva dhammānaṃ sādhāraṇā honti, aññesaṃ asādhāraṇā’’ti. Tenāha ‘‘paṭiniyatañhi tesaṃ pavattiṭṭhāna’’nti.
ид̇арат̇аад̇и анияад̇абавад̇д̇идтаанад̇ааяа саб̣б̣зсам̣ саад̇хааран̣аа, асаад̇хааран̣аа ваа сияум̣, д̇ат̇аа сад̇и. д̇ат̇аа вохаарод̇и ‘‘саад̇хааран̣аа, асаад̇хааран̣аа’’д̇и жа аяам̣ вохааро сааман̃н̃аа зва на бхавзяяа. зд̇з зва д̇хаммаад̇и ‘‘саад̇хааран̣аа’’д̇и вуд̇д̇ад̇хаммаа зва. званд̇и ‘‘мижчад̇д̇анияад̇аана’’нд̇иаад̣̇инаа вуд̇д̇аббагаарзна. нияад̇ависаяаа барижчиннаббавад̇д̇идтаанаа. ‘‘яобий’’д̇иаад̣̇и буг̇г̇алаад̇хидтаанзна вуд̇д̇ассзвад̇т̇асса баагадагаран̣ам̣. ‘‘на хий’’д̇иаад̣̇инаа анваяад̇о, б̣яад̇ирзгад̇о жа д̇амзвад̇т̇ам̣ вибхаавзд̇и. сзсзбийд̇и ‘‘бхааванаабахаад̇аб̣б̣аа’’д̇и звамаад̣̇имхиби.
Itarathāti aniyatapavattiṭṭhānatāya sabbesaṃ sādhāraṇā, asādhāraṇā vā siyuṃ, tathā sati. Tathā vohāroti ‘‘sādhāraṇā, asādhāraṇā’’ti ca ayaṃ vohāro sāmaññā eva na bhaveyya. Ete eva dhammāti ‘‘sādhāraṇā’’ti vuttadhammā eva. Evanti ‘‘micchattaniyatāna’’ntiādinā vuttappakārena. Niyatavisayā paricchinnappavattiṭṭhānā. ‘‘Yopī’’tiādi puggalādhiṭṭhānena vuttassevatthassa pākaṭakaraṇaṃ. ‘‘Na hī’’tiādinā anvayato, byatirekato ca tamevatthaṃ vibhāveti. Sesepīti ‘‘bhāvanāpahātabbā’’ti evamādimhipi.
бажжад̇д̇анияад̇од̇и баадибуг̇г̇алиго. ид̇арассаад̇и абажжад̇д̇анияад̇асса. д̇ат̇аад̇и асаад̇хааран̣абхаавзна. гожи д̇хаммо ган̃жи д̇хаммам̣ убаад̣̇ааяа саад̇хааран̣оби самаано д̇ад̣̇ан̃н̃ам̣ убаад̣̇ааяа асаад̇хааран̣оби ход̇ийд̇и ааха ‘‘саад̇хааран̣аавид̇хурад̇ааяаа’’д̇и. д̇знааха ‘‘д̇ам̣ д̇ам̣ убаад̣̇ааяаа’’д̇иаад̣̇и. д̇ат̇аа хи ‘‘д̇хаммад̇аа’’д̇и вуд̇д̇абатамамаг̇г̇адтад̇аа д̣̇ийбид̇аа, д̇аад̣̇исаанам̣ зва анзгзсам̣ арияаанам̣ васзна саад̇хааран̣аад̇и . батамассаад̇и адтамагасса. д̣̇уд̇ияассаад̇и сод̇аабаннасса. буна адтамагассаад̇и ‘‘адтамагасса, анааг̇аамисса жаа’’д̇и зд̇т̇а вуд̇д̇аадтамагасса. д̇знааха ‘‘анааг̇аамимаг̇г̇адтассаа’’д̇и. аг̇г̇апаладтад̇о бадтааяа бадиломад̇о г̇ан̣ияамаано батамамаг̇г̇адто адтамаго, маг̇г̇адтад̇ааяа, бахийяамаанагилзсад̇ааяа жа саб̣б̣зби маг̇г̇адтаа адтамагаа вияаад̇и адтамагаа, ‘‘згажид̇д̇агкан̣ад̇о уд̣̇д̇хам̣ на д̇идтад̇ийд̇и адтамаго’’д̇и абарз нируд̇д̇инаязна. ‘‘сзгкаа’’д̇и наамам̣ саад̇хааран̣анд̇и самб̣анд̇хо. ид̇арзсууд̇и ‘‘бхаб̣б̣аабхаб̣б̣аа’’д̇и вуд̇д̇зсу анариязсу. д̇знааха баал̣ияам̣ ‘‘хийнуггадтамаж̇жхимам̣ убаад̣̇ааяаа’’д̇и.
Paccattaniyatoti pāṭipuggaliko. Itarassāti apaccattaniyatassa. Tathāti asādhāraṇabhāvena. Koci dhammo kañci dhammaṃ upādāya sādhāraṇopi samāno tadaññaṃ upādāya asādhāraṇopi hotīti āha ‘‘sādhāraṇāvidhuratāyā’’ti. Tenāha ‘‘taṃ taṃ upādāyā’’tiādi. Tathā hi ‘‘dhammatā’’ti vuttapaṭhamamaggaṭṭhatā dīpitā, tādisānaṃ eva anekesaṃ ariyānaṃ vasena sādhāraṇāti . Paṭhamassāti aṭṭhamakassa. Dutiyassāti sotāpannassa. Puna aṭṭhamakassāti ‘‘aṭṭhamakassa, anāgāmissa cā’’ti ettha vuttaaṭṭhamakassa. Tenāha ‘‘anāgāmimaggaṭṭhassā’’ti. Aggaphalaṭṭhato paṭṭhāya paṭilomato gaṇiyamāno paṭhamamaggaṭṭho aṭṭhamako, maggaṭṭhatāya, pahīyamānakilesatāya ca sabbepi maggaṭṭhā aṭṭhamakā viyāti aṭṭhamakā, ‘‘ekacittakkhaṇato uddhaṃ na tiṭṭhatīti aṭṭhamako’’ti apare niruttinayena. ‘‘Sekkhā’’ti nāmaṃ sādhāraṇanti sambandho. Itaresūti ‘‘bhabbābhabbā’’ti vuttesu anariyesu. Tenāha pāḷiyaṃ ‘‘hīnukkaṭṭhamajjhimaṃ upādāyā’’ti.
нияаамаавагганд̇ияаад̇и авагганд̇анияаамад̇ааяа. н̃аан̣уд̇т̇арассаад̇и н̃аан̣аад̇хигасса. д̇ат̇аавид̇хабажжаяасамааяог̇зд̇и н̃аан̣ависзсабажжаяасамавааяз. яат̇аа хи н̃аан̣аб̣алзна д̣̇анд̇хаабхин̃н̃ад̇аа на ход̇и, звам̣ бадибад̣̇аабадибанноби сукзна висосийяад̇ийд̇и. саа хи сукаабадибад̣̇аа киббаабхин̃н̃аа д̇ам̣саман̇г̇ино н̃аан̣уд̇д̇арад̇д̇аа вибассанааяа бад̣̇адтаананд̇и вуд̇д̇аа.
Niyāmāvakkantiyāti avakkantaniyāmatāya. Ñāṇuttharassāti ñāṇādhikassa. Tathāvidhapaccayasamāyogeti ñāṇavisesapaccayasamavāye. Yathā hi ñāṇabalena dandhābhiññatā na hoti, evaṃ paṭipadāpaṭipannopi sukhena visosīyatīti. Sā hi sukhāpaṭipadā khippābhiññā taṃsamaṅgino ñāṇuttarattā vipassanāya padaṭṭhānanti vuttā.
д̇хаммад̇о анабзд̇аа жинд̇аа д̇хаммажинд̇аа, яонисоманасигаарзна бавад̇д̇ид̇ад̇д̇аа д̇хаммзсу жинд̇аа, д̇хаммо ваа н̃аан̣ам̣, д̇асмаа д̇хаммаавахаа жинд̇аа д̇хаммажинд̇аа, жинд̇аамаяан̃аан̣асса хзд̇убхууд̇аа жинд̇аад̇и ад̇т̇о.
Dhammato anapetā cintā dhammacintā, yonisomanasikārena pavattitattā dhammesu cintā, dhammo vā ñāṇaṃ, tasmā dhammāvahā cintā dhammacintā, cintāmayañāṇassa hetubhūtā cintāti attho.
баал̣ияам̣ суд̇амаяабан̃н̃ааг̇г̇ахан̣зна ‘‘яз д̇з д̇хаммаа аад̣̇игаляаан̣аа…бз… д̇ат̇ааруубаасса д̇хаммаа б̣ахуссуд̇аа хонд̇ий’’д̇иаад̣̇и (а. ни. 8.2) суд̇д̇абад̣̇асан̇г̇ахо ад̇т̇о бариг̇г̇ахид̇о, д̇ат̇аа яонисоманасигаараг̇г̇ахан̣зна ‘‘со ‘анижжа’нд̇и яонисо манаси гарод̇ий’’д̇иаад̣̇инаа вуд̇д̇о убааяаманасигааро бариг̇г̇ахид̇о. саммаад̣̇идтиг̇г̇ахан̣зна ‘‘саммаад̣̇идтим̣ бхаавзд̇и вивзганиссид̇а’’нд̇иаад̣̇инаа вуд̇д̇аа саммаад̣̇идти бариг̇г̇ахид̇аад̇и д̣̇ассзнд̇о ааха ‘‘ат̇а ко…бз… д̣̇ассзд̇у’’нд̇и. сзсанд̇и ‘‘д̇хаммасваагкаад̇ад̇аа’’д̇и звамаад̣̇и.
Pāḷiyaṃ sutamayapaññāggahaṇena ‘‘ye te dhammā ādikalyāṇā…pe… tathārūpāssa dhammā bahussutā hontī’’tiādi (a. ni. 8.2) suttapadasaṅgaho attho pariggahito, tathā yonisomanasikāraggahaṇena ‘‘so ‘anicca’nti yoniso manasi karotī’’tiādinā vutto upāyamanasikāro pariggahito. Sammādiṭṭhiggahaṇena ‘‘sammādiṭṭhiṃ bhāveti vivekanissita’’ntiādinā vuttā sammādiṭṭhi pariggahitāti dassento āha ‘‘atha kho…pe… dassetu’’nti. Sesanti ‘‘dhammasvākkhātatā’’ti evamādi.
яасса жа буб̣б̣з ад̇т̇о на сам̣ван̣н̣ид̇о, д̇ад̇т̇а галяаан̣амид̇д̇ад̇ааяа ааяад̇анаг̇ад̇о басаад̣̇о, жид̇д̇авуубасамо жа паланд̇и д̣̇ассзнд̇о ‘‘саббуриса…бз… бад̣̇адтаана’’нд̇и ааха. ад̇д̇асаммаабан̣ихид̇ад̇д̇аа баабаж̇зг̇ужчиниб̣б̣ид̣̇аад̣̇иб̣ахулова ход̇ийд̇и д̣̇ассзнд̇о ааха ‘‘ад̇т̇а…бз… бад̣̇адтаана’’нд̇и. д̇хаммо сваагкаад̇о аад̣̇ид̇о бадтааяа яаава барияосаанаа саб̣б̣асамбад̇д̇ибаарибуурихзд̇ууд̇и д̣̇ассзнд̇о ‘‘д̇хаммасваагкаад̇ад̇аа…бз… бад̣̇адтаана’’нд̇и ааха. гусаламууларобанаа хи самаабад̇д̇ибарияосаанаад̇и . сан̇гхасудтуд̇ааяа сан̇гхасса судтубхаавааяа сан̇гхасса саббад̇иссад̇ааяа ‘‘судту, бханд̇з’’д̇и важанасамбадижчанабхаавааяа. ид̇арам̣ сувин̃н̃зяяамзва.
Yassa ca pubbe attho na saṃvaṇṇito, tattha kalyāṇamittatāya āyatanagato pasādo, cittavūpasamo ca phalanti dassento ‘‘sappurisa…pe… padaṭṭhāna’’nti āha. Attasammāpaṇihitattā pāpajegucchinibbidādibahulova hotīti dassento āha ‘‘attha…pe… padaṭṭhāna’’nti. Dhammo svākkhāto ādito paṭṭhāya yāva pariyosānā sabbasampattipāripūrihetūti dassento ‘‘dhammasvākkhātatā…pe… padaṭṭhāna’’nti āha. Kusalamūlaropanā hi samāpattipariyosānāti . Saṅghasuṭṭhutāya saṅghassa suṭṭhubhāvāya saṅghassa sappatissatāya ‘‘suṭṭhu, bhante’’ti vacanasampaṭicchanabhāvāya. Itaraṃ suviññeyyameva.
вибхад̇д̇ихааравибхан̇г̇аван̣н̣анаа нидтид̇аа.
Vibhattihāravibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 8. вибхад̇д̇ихааравибхан̇г̇о • 8. Vibhattihāravibhaṅgo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 8. вибхад̇д̇ихааравибхан̇г̇аван̣н̣анаа • 8. Vibhattihāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 8. вибхад̇д̇ихааравибхан̇г̇авибхааванаа • 8. Vibhattihāravibhaṅgavibhāvanā
