| Library / Tipiṭaka / તિપિટક • Tipiṭaka / મિલિન્દપઞ્હપાળિ • Milindapañhapāḷi |
૪. વિચ્છિકઙ્ગપઞ્હો
4. Vicchikaṅgapañho
૪. ‘‘ભન્તે નાગસેન, ‘વિચ્છિકસ્સ એકં અઙ્ગં ગહેતબ્બ’ન્તિ યં વદેસિ, કતમં તં એકં અઙ્ગં ગહેતબ્બ’’ન્તિ? ‘‘યથા, મહારાજ, વિચ્છિકો નઙ્ગુલાવુધો નઙ્ગુલં ઉસ્સાપેત્વા ચરતિ, એવમેવ ખો, મહારાજ, યોગિના યોગાવચરેન ઞાણાવુધેન ભવિતબ્બં, ઞાણં ઉસ્સાપેત્વા વિહરિતબ્બં . ઇદં, મહારાજ, વિચ્છિકસ્સ એકં અઙ્ગં ગહેતબ્બં. ભાસિતમ્પેતં, મહારાજ, થેરેન ઉપસેનેન વઙ્ગન્તપુત્તેન –
4. ‘‘Bhante nāgasena, ‘vicchikassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, vicchiko naṅgulāvudho naṅgulaṃ ussāpetvā carati, evameva kho, mahārāja, yoginā yogāvacarena ñāṇāvudhena bhavitabbaṃ, ñāṇaṃ ussāpetvā viharitabbaṃ . Idaṃ, mahārāja, vicchikassa ekaṃ aṅgaṃ gahetabbaṃ. Bhāsitampetaṃ, mahārāja, therena upasenena vaṅgantaputtena –
‘‘‘ઞાણખગ્ગં ગહેત્વાન, વિહરન્તો વિપસ્સકો;
‘‘‘Ñāṇakhaggaṃ gahetvāna, viharanto vipassako;
પરિમુચ્ચતિ સબ્બભયા, દુપ્પસહો ચ સો ભવે’’’તિ.
Parimuccati sabbabhayā, duppasaho ca so bhave’’’ti.
વિચ્છિકઙ્ગપઞ્હો ચતુત્થો.
Vicchikaṅgapañho catuttho.
