| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၅. စက္ကဝတ္တိဝဂ္ဂော
5. Cakkavattivaggo
၁. ဝိဓာသုတ္တံ
1. Vidhāsuttaṃ
၂၂၂. သာဝတ္ထိနိဒာနံ ။ ‘‘ယေ ဟိ ကေစိ, ဘိက္ခဝေ, အတီတမဒ္ဓာနံ သမဏာ ဝာ ဗ္ရာဟ္မဏာ ဝာ တိသ္သော ဝိဓာ ပဇဟိံသု, သဗ္ဗေ တေ သတ္တန္နံ ဗောဇ္ဈင္ဂာနံ ဘာဝိတတ္တာ ဗဟုလီကတတ္တာ။ ယေ ဟိ ကေစိ, ဘိက္ခဝေ, အနာဂတမဒ္ဓာနံ သမဏာ ဝာ ဗ္ရာဟ္မဏာ ဝာ တိသ္သော ဝိဓာ ပဇဟိသ္သန္တိ, သဗ္ဗေ တေ သတ္တန္နံ ဗောဇ္ဈင္ဂာနံ ဘာဝိတတ္တာ ဗဟုလီကတတ္တာ။ ယေ ဟိ ကေစိ, ဘိက္ခဝေ, ဧတရဟိ သမဏာ ဝာ ဗ္ရာဟ္မဏာ ဝာ တိသ္သော ဝိဓာ ပဇဟန္တိ, သဗ္ဗေ တေ သတ္တန္နံ ဗောဇ္ဈင္ဂာနံ ဘာဝိတတ္တာ ဗဟုလီကတတ္တာ။ ကတမေသံ သတ္တန္နံ ဗောဇ္ဈင္ဂာနံ? သတိသမ္ဗောဇ္ဈင္ဂသ္သ။ပေ.။ ဥပေက္ခာသမ္ဗောဇ္ဈင္ဂသ္သ။ ယေ ဟိ ကေစိ, ဘိက္ခဝေ, အတီတမဒ္ဓာနံ သမဏာ ဝာ ဗ္ရာဟ္မဏာ ဝာ တိသ္သော ဝိဓာ ပဇဟိံသု။ပေ.။ ပဇဟိသ္သန္တိ။ပေ.။ ပဇဟန္တိ, သဗ္ဗေ တေ ဣမေသံယေဝ သတ္တန္နံ ဗောဇ္ဈင္ဂာနံ ဘာဝိတတ္တာ ဗဟုလီကတတ္တာ’’တိ။ ပဌမံ။
222. Sāvatthinidānaṃ . ‘‘Ye hi keci, bhikkhave, atītamaddhānaṃ samaṇā vā brāhmaṇā vā tisso vidhā pajahiṃsu, sabbe te sattannaṃ bojjhaṅgānaṃ bhāvitattā bahulīkatattā. Ye hi keci, bhikkhave, anāgatamaddhānaṃ samaṇā vā brāhmaṇā vā tisso vidhā pajahissanti, sabbe te sattannaṃ bojjhaṅgānaṃ bhāvitattā bahulīkatattā. Ye hi keci, bhikkhave, etarahi samaṇā vā brāhmaṇā vā tisso vidhā pajahanti, sabbe te sattannaṃ bojjhaṅgānaṃ bhāvitattā bahulīkatattā. Katamesaṃ sattannaṃ bojjhaṅgānaṃ? Satisambojjhaṅgassa…pe… upekkhāsambojjhaṅgassa. Ye hi keci, bhikkhave, atītamaddhānaṃ samaṇā vā brāhmaṇā vā tisso vidhā pajahiṃsu…pe… pajahissanti…pe… pajahanti, sabbe te imesaṃyeva sattannaṃ bojjhaṅgānaṃ bhāvitattā bahulīkatattā’’ti. Paṭhamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁. ဝိဓာသုတ္တဝဏ္ဏနာ • 1. Vidhāsuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁. ဝိဓာသုတ္တဝဏ္ဏနာ • 1. Vidhāsuttavaṇṇanā
