| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[244] 4. виг̇ад̇ижчаж̇аад̇агаван̣н̣анаа
[244] 4. Vigaticchajātakavaṇṇanā
яам̣ бассад̇и на д̇ам̣ ижчад̇ийд̇и ид̣̇ам̣ сад̇т̇аа ж̇зд̇аванз вихаранд̇о згам̣ балааяигам̣ бариб̣б̣ааж̇агам̣ аараб̣бха гат̇зси. со гира сагалаж̇амб̣уд̣̇ийбз бадиваад̣̇ам̣ алабхид̇ваа саавад̇т̇им̣ ааг̇анд̇ваа ‘‘го маяаа сад̣̇д̇хим̣ ваад̣̇ам̣ гаад̇ум̣ самад̇т̇о’’д̇и бужчид̇ваа ‘‘саммаасамб̣уд̣̇д̇хо’’д̇и суд̇ваа махааж̇анабаривуд̇о ж̇зд̇аванам̣ г̇анд̇ваа бхаг̇аванд̇ам̣ жад̇убарисамаж̇жхз д̇хаммам̣ д̣̇зсзнд̇ам̣ бан̃хам̣ бужчи. ат̇асса сад̇т̇аа д̇ам̣ виссаж̇ж̇зд̇ваа ‘‘згам̣ наама ги’’нд̇и бан̃хам̣ бужчи, со д̇ам̣ гат̇зд̇ум̣ асаггонд̇о удтааяа балааяи. нисиннабарисаа ‘‘згабад̣̇знзва во, бханд̇з, бариб̣б̣ааж̇аго ниг̇г̇ахид̇о’’д̇и аахам̣су. сад̇т̇аа ‘‘наахам̣, убаасагаа, ид̣̇аанзвзд̇ам̣ згабад̣̇знзва ниг̇г̇ан̣хаами, буб̣б̣зби ниг̇г̇ан̣хим̣язваа’’д̇и вад̇ваа ад̇ийд̇ам̣ аахари.
Yaṃpassati na taṃ icchatīti idaṃ satthā jetavane viharanto ekaṃ palāyikaṃ paribbājakaṃ ārabbha kathesi. So kira sakalajambudīpe paṭivādaṃ alabhitvā sāvatthiṃ āgantvā ‘‘ko mayā saddhiṃ vādaṃ kātuṃ samattho’’ti pucchitvā ‘‘sammāsambuddho’’ti sutvā mahājanaparivuto jetavanaṃ gantvā bhagavantaṃ catuparisamajjhe dhammaṃ desentaṃ pañhaṃ pucchi. Athassa satthā taṃ vissajjetvā ‘‘ekaṃ nāma ki’’nti pañhaṃ pucchi, so taṃ kathetuṃ asakkonto uṭṭhāya palāyi. Nisinnaparisā ‘‘ekapadeneva vo, bhante, paribbājako niggahito’’ti āhaṃsu. Satthā ‘‘nāhaṃ, upāsakā, idānevetaṃ ekapadeneva niggaṇhāmi, pubbepi niggaṇhiṃyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаасирадтз б̣раахман̣агулз ниб̣б̣ад̇д̇ид̇ваа ваяаббад̇д̇о гаамз бахааяа исибаб̣б̣аж̇ж̇ам̣ баб̣б̣аж̇ид̇ваа д̣̇ийгхарад̇д̇ам̣ химаванд̇з васи. со баб̣б̣ад̇аа оруяха згам̣ ниг̇амаг̇аамам̣ ниссааяа г̇ан̇г̇аанивад̇д̇анз бан̣н̣асаалааяам̣ ваасам̣ габбзси. ат̇зго бариб̣б̣ааж̇аго сагалаж̇амб̣уд̣̇ийбз бадиваад̣̇ам̣ алабхид̇ваа д̇ам̣ ниг̇амам̣ бад̇ваа ‘‘ад̇т̇и ну ко гожи маяаа сад̣̇д̇хим̣ ваад̣̇ам̣ гаад̇ум̣ самад̇т̇о’’д̇и бужчид̇ваа ‘‘ад̇т̇ий’’д̇и б̣од̇хисад̇д̇асса аанубхаавам̣ суд̇ваа махааж̇анабаривуд̇о д̇асса васанадтаанам̣ г̇анд̇ваа бадисант̇аарам̣ гад̇ваа нисийд̣̇и. ат̇а нам̣ б̣од̇хисад̇д̇о ‘‘ван̣н̣аг̇анд̇хабарибхаавид̇ам̣ г̇ан̇г̇аабаанийяам̣ бивиссад̇ий’’д̇и бужчи. бариб̣б̣ааж̇аго ваад̣̇зна од̇т̇аранд̇о ‘‘гаа г̇ан̇г̇аа, ваалугаа г̇ан̇г̇аа, уд̣̇агам̣ г̇ан̇г̇аа, оримад̇ийрам̣ г̇ан̇г̇аа, бааримад̇ийрам̣ г̇ан̇г̇аа’’д̇и ааха. б̣од̇хисад̇д̇о ‘‘д̇вам̣ бана, бариб̣б̣ааж̇ага, табзд̇ваа уд̣̇агам̣ ваалугам̣ оримад̇ийрам̣ бааримад̇ийран̃жа гахам̣ г̇ан̇г̇ам̣ лабхиссасий’’д̇и ааха. бариб̣б̣ааж̇аго аббадибхаано худ̇ваа удтааяа балааяи. д̇асмим̣ балаад̇з б̣од̇хисад̇д̇о нисиннабарисааяа д̇хаммам̣ д̣̇зсзнд̇о имаа г̇аат̇аа авожа –
Atīte bārāṇasiyaṃ brahmadatte rajjaṃ kārente bodhisatto kāsiraṭṭhe brāhmaṇakule nibbattitvā vayappatto kāme pahāya isipabbajjaṃ pabbajitvā dīgharattaṃ himavante vasi. So pabbatā oruyha ekaṃ nigamagāmaṃ nissāya gaṅgānivattane paṇṇasālāyaṃ vāsaṃ kappesi. Atheko paribbājako sakalajambudīpe paṭivādaṃ alabhitvā taṃ nigamaṃ patvā ‘‘atthi nu kho koci mayā saddhiṃ vādaṃ kātuṃ samattho’’ti pucchitvā ‘‘atthī’’ti bodhisattassa ānubhāvaṃ sutvā mahājanaparivuto tassa vasanaṭṭhānaṃ gantvā paṭisanthāraṃ katvā nisīdi. Atha naṃ bodhisatto ‘‘vaṇṇagandhaparibhāvitaṃ gaṅgāpānīyaṃ pivissatī’’ti pucchi. Paribbājako vādena ottharanto ‘‘kā gaṅgā, vālukā gaṅgā, udakaṃ gaṅgā, orimatīraṃ gaṅgā, pārimatīraṃ gaṅgā’’ti āha. Bodhisatto ‘‘tvaṃ pana, paribbājaka, ṭhapetvā udakaṃ vālukaṃ orimatīraṃ pārimatīrañca kahaṃ gaṅgaṃ labhissasī’’ti āha. Paribbājako appaṭibhāno hutvā uṭṭhāya palāyi. Tasmiṃ palāte bodhisatto nisinnaparisāya dhammaṃ desento imā gāthā avoca –
188.
188.
‘‘яам̣ бассад̇и на д̇ам̣ ижчад̇и, яан̃жа на бассад̇и д̇ам̣ гирижчад̇и;
‘‘Yaṃ passati na taṃ icchati, yañca na passati taṃ kiricchati;
ман̃н̃аами жирам̣ жариссад̇и, на хи д̇ам̣ лажчад̇и яам̣ са ижчад̇и.
Maññāmi ciraṃ carissati, na hi taṃ lacchati yaṃ sa icchati.
189.
189.
‘‘яам̣ лабхад̇и на д̇зна д̇уссад̇и, яан̃жа бад̇т̇зд̇и лад̣̇д̇хам̣ хийл̣зд̇и;
‘‘Yaṃ labhati na tena tussati, yañca pattheti laddhaṃ hīḷeti;
ижчаа хи ананд̇аг̇ожараа, виг̇ад̇ижчаана намо гаромасз’’д̇и.
Icchā hi anantagocarā, vigaticchāna namo karomase’’ti.
д̇ад̇т̇а яам̣ бассад̇ийд̇и яам̣ уд̣̇агаад̣̇им̣ бассад̇и, д̇ам̣ г̇ан̇г̇аад̇и на ижчад̇и. яан̃жа на бассад̇ийд̇и яан̃жа уд̣̇агаад̣̇ивинимуд̇д̇ам̣ г̇ан̇г̇ам̣ на бассад̇и, д̇ам̣ гирижчад̇и. ман̃н̃аами жирам̣ жариссад̇ийд̇и ахам̣ звам̣ ман̃н̃аами – аяам̣ бариб̣б̣ааж̇аго зваруубам̣ г̇ан̇г̇ам̣ бариязсанд̇о жирам̣ жариссад̇и. яат̇аа ваа уд̣̇агаад̣̇ивинимуд̇д̇ам̣ г̇ан̇г̇ам̣, звам̣ руубаад̣̇ивинимуд̇д̇ам̣ ад̇д̇аанамби бариязсанд̇о сам̣саарз жирам̣ жариссад̇и. на хи д̇ам̣ лажчад̇ийд̇и жирам̣ жаранд̇оби яам̣ д̇ам̣ зваруубам̣ г̇ан̇г̇ам̣ ваа ад̇д̇аанам̣ ваа ижчад̇и, д̇ам̣ на лажчад̇и. яам̣ лабхад̇ийд̇и яам̣ уд̣̇агам̣ ваа руубаад̣̇им̣ ваа лабхад̇и, д̇зна на д̇уссад̇и. яан̃жа бад̇т̇зд̇и лад̣̇д̇хам̣ хийл̣зд̇ийд̇и звам̣ лад̣̇д̇хзна ад̇уссанд̇о яам̣ яам̣ самбад̇д̇им̣ бад̇т̇зд̇и, д̇ам̣ д̇ам̣ лабхид̇ваа ‘‘гим̣ зд̇ааяаа’’д̇и хийл̣зд̇и аваман̃н̃ад̇и. ижчаа хи ананд̇аг̇ожараад̇и лад̣̇д̇хам̣ хийл̣зд̇ваа ан̃н̃аман̃н̃ам̣ аарамман̣ам̣ ижчанад̇о аяам̣ ижчаа наама д̇ан̣хаа ананд̇аг̇ожараа. виг̇ад̇ижчаана намо гаромасзд̇и д̇асмаа яз виг̇ад̇ижчаа б̣уд̣̇д̇хаад̣̇аяо, д̇зсам̣ маяам̣ намаггаарам̣ гаромаад̇и.
Tattha yaṃ passatīti yaṃ udakādiṃ passati, taṃ gaṅgāti na icchati. Yañca na passatīti yañca udakādivinimuttaṃ gaṅgaṃ na passati, taṃ kiricchati. Maññāmi ciraṃ carissatīti ahaṃ evaṃ maññāmi – ayaṃ paribbājako evarūpaṃ gaṅgaṃ pariyesanto ciraṃ carissati. Yathā vā udakādivinimuttaṃ gaṅgaṃ, evaṃ rūpādivinimuttaṃ attānampi pariyesanto saṃsāre ciraṃ carissati. Na hi taṃ lacchatīti ciraṃ carantopi yaṃ taṃ evarūpaṃ gaṅgaṃ vā attānaṃ vā icchati, taṃ na lacchati. Yaṃ labhatīti yaṃ udakaṃ vā rūpādiṃ vā labhati, tena na tussati. Yañca pattheti laddhaṃ hīḷetīti evaṃ laddhena atussanto yaṃ yaṃ sampattiṃ pattheti, taṃ taṃ labhitvā ‘‘kiṃ etāyā’’ti hīḷeti avamaññati. Icchā hi anantagocarāti laddhaṃ hīḷetvā aññamaññaṃ ārammaṇaṃ icchanato ayaṃ icchā nāma taṇhā anantagocarā. Vigaticchāna namo karomaseti tasmā ye vigaticchā buddhādayo, tesaṃ mayaṃ namakkāraṃ karomāti.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа бариб̣б̣ааж̇аго зд̇арахи бариб̣б̣ааж̇аго ахоси, д̇аабасо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā paribbājako etarahi paribbājako ahosi, tāpaso pana ahameva ahosi’’nti.
виг̇ад̇ижчаж̇аад̇агаван̣н̣анаа жад̇уд̇т̇аа.
Vigaticchajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 244. виг̇ад̇ижчаж̇аад̇агам̣ • 244. Vigaticchajātakaṃ
