| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[393] 8. вигхаасаад̣̇аж̇аад̇агаван̣н̣анаа
[393] 8. Vighāsādajātakavaṇṇanā
сусукам̣ вад̇а ж̇ийванд̇ийд̇и ид̣̇ам̣ сад̇т̇аа буб̣б̣аараамз вихаранд̇о гзл̣исийлагз бхигкуу аараб̣бха гат̇зси. д̇зсу хи махаамог̇г̇аллаанад̇т̇зрзна баасаад̣̇ам̣ гамбзд̇ваа сам̣взж̇ид̇зсу д̇хаммасабхааяам̣ бхигкуу д̇зсам̣ аг̇ун̣ам̣ гат̇знд̇аа нисийд̣̇им̣су. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзд̇з гзл̣исийлагааязваа’’д̇и вад̇ваа ад̇ийд̇ам̣ аахари.
Susukhaṃ vata jīvantīti idaṃ satthā pubbārāme viharanto keḷisīlake bhikkhū ārabbha kathesi. Tesu hi mahāmoggallānattherena pāsādaṃ kampetvā saṃvejitesu dhammasabhāyaṃ bhikkhū tesaṃ aguṇaṃ kathentā nisīdiṃsu. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepete keḷisīlakāyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сагго ахоси. ат̇а ан̃н̃ад̇арасмим̣ гаасигаг̇аамз сад̇д̇а бхаад̇аро гаамзсу д̣̇осам̣ д̣̇исваа нигкамид̇ваа исибаб̣б̣аж̇ж̇ам̣ баб̣б̣аж̇ид̇ваа маж̇жхааран̃н̃з васанд̇аа яог̇з яог̇ам̣ агад̇ваа гааяад̣̇ал̣хийб̣ахулаа худ̇ваа наанаббагаарам̣ гийл̣ам̣ гийл̣анд̇аа жарим̣су. сагго д̣̇зварааж̇аа ‘‘имз сам̣взж̇зссаамий’’д̇и суго худ̇ваа д̇зсам̣ васанадтаанам̣ ааг̇анд̇ваа згасмим̣ ругкз нилийяид̇ваа д̇з сам̣взж̇знд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto sakko ahosi. Atha aññatarasmiṃ kāsikagāme satta bhātaro kāmesu dosaṃ disvā nikkhamitvā isipabbajjaṃ pabbajitvā majjhāraññe vasantā yoge yogaṃ akatvā kāyadaḷhībahulā hutvā nānappakāraṃ kīḷaṃ kīḷantā cariṃsu. Sakko devarājā ‘‘ime saṃvejessāmī’’ti suko hutvā tesaṃ vasanaṭṭhānaṃ āgantvā ekasmiṃ rukkhe nilīyitvā te saṃvejento paṭhamaṃ gāthamāha –
122.
122.
‘‘сусукам̣ вад̇а ж̇ийванд̇и, яз ж̇анаа вигхаасаад̣̇ино;
‘‘Susukhaṃ vata jīvanti, ye janā vighāsādino;
д̣̇идтзва д̇хаммз баасам̣саа, самбарааяз жа суг̇г̇ад̇ий’’д̇и.
Diṭṭheva dhamme pāsaṃsā, samparāye ca suggatī’’ti.
д̇ад̇т̇а вигхаасаад̣̇инод̇и бхуд̇д̇аад̇ирзгам̣ бхун̃ж̇анд̇з санд̇хааяааха. д̣̇идтзва д̇хаммзд̇и яз зваруубаа, д̇з д̣̇идтзва д̇хаммз баасам̣саа, самбарааяз жа д̇зсам̣ суг̇ад̇и ход̇и, саг̇г̇з уббаж̇ж̇анд̇ийд̇и ад̇хиббааязна вад̣̇ад̇и.
Tattha vighāsādinoti bhuttātirekaṃ bhuñjante sandhāyāha. Diṭṭheva dhammeti ye evarūpā, te diṭṭheva dhamme pāsaṃsā, samparāye ca tesaṃ sugati hoti, sagge uppajjantīti adhippāyena vadati.
ат̇а д̇зсу зго д̇асса важанам̣ суд̇ваа авасзсз ааманд̇зд̇ваа д̣̇уд̇ияам̣ г̇аат̇амааха –
Atha tesu eko tassa vacanaṃ sutvā avasese āmantetvā dutiyaṃ gāthamāha –
123.
123.
‘‘сугасса бхаасамаанасса, на нисаамзт̇а бан̣д̣ид̇аа;
‘‘Sukassa bhāsamānassa, na nisāmetha paṇḍitā;
ид̣̇ам̣ сун̣аат̇а сод̣̇арияаа, амхзвааяам̣ басам̣сад̇ий’’д̇и.
Idaṃ suṇātha sodariyā, amhevāyaṃ pasaṃsatī’’ti.
д̇ад̇т̇а бхаасамаанассаад̇и маанусигааяа ваажааяа бхан̣анд̇асса. на нисаамзт̇аад̇и на сун̣аат̇а. ид̣̇ам̣ сун̣аат̇аад̇и ид̣̇амасса важанам̣ сун̣аат̇а. сод̣̇арияаад̇и самаанз уд̣̇арз вуд̇т̇абхаавзна д̇з аалабанд̇о ааха.
Tattha bhāsamānassāti mānusikāya vācāya bhaṇantassa. Na nisāmethāti na suṇātha. Idaṃ suṇāthāti idamassa vacanaṃ suṇātha. Sodariyāti samāne udare vutthabhāvena te ālapanto āha.
ат̇а нз бадигкибанд̇о суго д̇ад̇ияам̣ г̇аат̇амааха –
Atha ne paṭikkhipanto suko tatiyaṃ gāthamāha –
124.
124.
‘‘наахам̣ д̇умхз басам̣саами, гун̣абаад̣̇аа сун̣аат̇а мз;
‘‘Nāhaṃ tumhe pasaṃsāmi, kuṇapādā suṇātha me;
ужчидтабхож̇ино д̇умхз, на д̇умхз вигхаасаад̣̇ино’’д̇и.
Ucchiṭṭhabhojino tumhe, na tumhe vighāsādino’’ti.
д̇ад̇т̇а гун̣абаад̣̇аад̇и гун̣абакаад̣̇агаад̇и д̇з аалабад̇и.
Tattha kuṇapādāti kuṇapakhādakāti te ālapati.
д̇з д̇асса важанам̣ суд̇ваа саб̣б̣зби жад̇уд̇т̇ам̣ г̇аат̇амаахам̣су –
Te tassa vacanaṃ sutvā sabbepi catutthaṃ gāthamāhaṃsu –
125.
125.
‘‘сад̇д̇авассаа баб̣б̣аж̇ид̇аа, маж̇жхааран̃н̃з сикан̣д̣ино;
‘‘Sattavassā pabbajitā, majjhāraññe sikhaṇḍino;
вигхаасзнзва яаабзнд̇аа, маяан̃жз бход̇о г̇аараяхаа;
Vighāseneva yāpentā, mayañce bhoto gārayhā;
гз ну бход̇о басам̣сияаа’’д̇и.
Ke nu bhoto pasaṃsiyā’’ti.
д̇ад̇т̇а сикан̣д̣инод̇и жуул̣ааяа саманнааг̇ад̇аа. вигхаасзнзваад̇и зд̇д̇агам̣ гаалам̣ сад̇д̇а вассаани сийхаб̣яаг̇гхавигхаасзнзва яаабзнд̇аа яад̣̇и бход̇о г̇аараяхаа, ат̇а гз ну д̇з басам̣сияаад̇и.
Tattha sikhaṇḍinoti cūḷāya samannāgatā. Vighāsenevāti ettakaṃ kālaṃ satta vassāni sīhabyagghavighāseneva yāpentā yadi bhoto gārayhā, atha ke nu te pasaṃsiyāti.
д̇з лаж̇ж̇аабзнд̇о махаасад̇д̇о бан̃жамам̣ г̇аат̇амааха –
Te lajjāpento mahāsatto pañcamaṃ gāthamāha –
126.
126.
‘‘д̇умхз сийхаанам̣ б̣яаг̇гхаанам̣, ваал̣аанан̃жаавасидтагам̣;
‘‘Tumhe sīhānaṃ byagghānaṃ, vāḷānañcāvasiṭṭhakaṃ;
ужчидтзнзва яаабзнд̇аа, ман̃н̃ивхо вигхаасаад̣̇ино’’д̇и.
Ucchiṭṭheneva yāpentā, maññivho vighāsādino’’ti.
д̇ад̇т̇а ваал̣аанан̃жаавасидтаганд̇и сзсаваал̣амиг̇аанан̃жа авасидтагам̣ ужчидтабхож̇анам̣.
Tattha vāḷānañcāvasiṭṭhakanti sesavāḷamigānañca avasiṭṭhakaṃ ucchiṭṭhabhojanaṃ.
д̇ам̣ суд̇ваа д̇аабасаа ‘‘сажз маяам̣ на вигхаасаад̣̇аа, ат̇а гз жарахи д̇з вигхаасаад̣̇аа’’д̇и? ат̇а д̇зсам̣ со д̇амад̇т̇ам̣ аажигканд̇о чадтам̣ г̇аат̇амааха –
Taṃ sutvā tāpasā ‘‘sace mayaṃ na vighāsādā, atha ke carahi te vighāsādā’’ti? Atha tesaṃ so tamatthaṃ ācikkhanto chaṭṭhaṃ gāthamāha –
127.
127.
‘‘яз б̣раахман̣асса саман̣асса, ан̃н̃асса ваа ваниб̣б̣ино;
‘‘Ye brāhmaṇassa samaṇassa, aññassa vā vanibbino;
д̣̇ад̇ваава сзсам̣ бхун̃ж̇анд̇и, д̇з ж̇анаа вигхаасаад̣̇ино’’д̇и.
Datvāva sesaṃ bhuñjanti, te janā vighāsādino’’ti.
д̇ад̇т̇а ваниб̣б̣инод̇и д̇ам̣ д̇ам̣ бхан̣д̣ам̣ яаажанагасса. звам̣ д̇з лаж̇ж̇аабзд̇ваа махаасад̇д̇о сагадтаанамзва г̇ад̇о.
Tattha vanibbinoti taṃ taṃ bhaṇḍaṃ yācanakassa. Evaṃ te lajjāpetvā mahāsatto sakaṭṭhānameva gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа сад̇д̇а бхаад̇аро имз гзл̣исийлагаа бхигкуу ахзсум̣, сагго бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā satta bhātaro ime keḷisīlakā bhikkhū ahesuṃ, sakko pana ahameva ahosi’’nti.
вигхаасаад̣̇аж̇аад̇агаван̣н̣анаа адтамаа.
Vighāsādajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 393. вигхаасаад̣̇аж̇аад̇агам̣ • 393. Vighāsādajātakaṃ
